Thursday, May 6, 2010
السلام عليكم ..
اليوم رحت المهلب :)
ابي اشوف كشك معين رفيجتي قالت لي عنه وهم اتغدى عقب اسوي جوله مكوكيه بحولي :)
تغديت هون ..
مو اول مره اجرب هالكافيه ..
المنيو..


الحلو فيهم انه تشكيلتهم متنوعه وفي صفحه خاصه للرجيم..





المقبلات مع زبده .. احلى شي انا لاهيه اكتب خخخ..



تبولة اختي تقول زينه (انا ماكل خضرا سوا ماذقتها)..

ملفوف ماعجبها هم انا ماكله فما ذقته..





شوربة عدس ذقتها حلوه ..


الحين طلبي شوربة الدياي زينه ..

وطبقي ال2 خذيته تيك اوي اسمه دجاج ع طريقة جدتي اسمه خطير :p
معتفس مع انه ماجسته بالمطعم بس مالومهم الحر قاتل ومع قيادة سايقنا السدوحيه زين لحقت عليها :\
يبيله يزيدون الجبن :)


الظاهر المطعم تبع ريتز لانه الفاتوره و الجيس كلهم مكتوب عليهم ريتز ..
الفاتوره صورتها بناء ع طلب اونكل بوفلان كلى قلبي خخخ ..


وبس مرسي :)



24 comments:

كوكتيل said...

رورو

كنت بقول لك إن شكله تبع ريتز لأن عندهم هذا الطبق وهذا شكله أنا ماكلته من ريتز حلو والله :)

عليكم بالعافية يارب :)

Crazy Girl in aGood Way said...

عليكم بالعافيه

الجيرمني كيك واايد حلوة عندهم

مرة ثانيه ان شالله جربيها واذكريني :)

شكرًا

شاي الضحى said...

عليكم بالعافيه

شوقني منيو الرجيم :q


شكرا :)

Anonymous said...

على قلوبكم بالعافيه يارب

تسلم يدينك اللي تجيب كل زين

دمتي بسرور

DoDoq8 said...

بالعافيه ترا

دجاج ع طريقة جدتي

اهو يصير جذي ذايقته بريتز الشاميه اذكر قلت حق اختي كانت طالبته يمكن اسمه جذي لان اليدات مايقدرون ياكلون شي ياابس

Fishah said...

بالعافيه عليكم :)

الكشك اكيد اللي تحت مال الشموع والشورات جيل .. توني ماخذه منهم ملح على برتقال وياسمين حق البانيو ههههههه

يسلموو خيتوو .. تصوير الفاتوره حلو :)

le Koweit said...

مادري ليش شكله ما عجبني :/

ما تاكلين الخضرة ؟
لووول جنج واحد من الشباب
ماسكين عليه هالسالفة
الحين قرر يسوي برنامج
يبي يعدل علاقته مع الخضرة P:
<< الضغاط مرات ينفع لووول

بالعااافية

SCRIBBLE ..♥ said...

صباح الخيرات

بين فترة والثانيه احب امر على مدونتج ممتعه جدا صحيح يمكن اول مره احط تعليق بس متابعه لج ..


يعطيج العافيه على التدوينات الممتعه والمفيده لنا ^^ ..

دمتِ بخيــر ..

رورو الشخبوطه said...

هلا كوكتيل..

ريتز ماذكر اذا جربته او لا !!

اي يونس احب هالخلط بيطه بس المره اللي فاتت كان الذ يمكن لانه كليته واهو حار :)

الله يعافيج يارب..

مشكوره..

رورو الشخبوطه said...

هلا كريزي..

صج عيل بجربها لانه اساس احب الجيرمن كيك :)

ان شاءالله..

والله يعافيج يارب..

والعفو ولو..

حياج الله..

رورو الشخبوطه said...

هلا جايونه..

الله يعافيج يارب..

اي فكرته حلوه :)

والعفو ولو حياج الله..

رورو الشخبوطه said...

هلا رندا ..

الله يعافيج ويسلمج يارب..

مشكوره :)

وحياج الله..

رورو الشخبوطه said...

هلا دودو..

الله يعافيج يارب..

اهو الظاهر تبعهم ..

عيل انا فهمته انه اكله من تراثهم خخخ ..

وحياج الله..

رورو الشخبوطه said...

هلا فيشه..

الله يعافيج يارب..

لا مو اهو صورته وبحطه بالبوست الياي اليوم ان شاءالله وماعندي بانيو بجرب بانيوكم خخخ ..

الله يسلمج يارب..

مشكوره :)

وحياج الله..

رورو الشخبوطه said...

هلا اخوي حقوقي..

اي شكل اكله مو ذاك الزود خصوصا الطبق الاخير بس طعمهم زين وشوربه العدس حلوه :)

خخ اي ورفيجك ليكون اخوي :p

عموما ماكل وايد سوالف مو بس خضرا انا عسره بالاكل ..

خخ انا ماينفع معاي هالشي اساس مو من صالحكم اكل خضرا بصير فيلم :\

الله يعافيك يارب..

مشكور..

رورو الشخبوطه said...

هلا SCRIBBLE ..♥


مساء السرور..

حياج الله ع طول :)

الله يعافيج يارب مشكوره :)

Sami said...

اجرمتوا بالدياي :)

مطرح ما يسري يمري

رورو الشخبوطه said...

هلا اخوي سامي ..

ليش ؟؟

خخ ..

مشكور..

خاتون said...

شكلج ما تنصحين فيه *_^
و شكله ما اعجبج غير الشوربة *_^
تشكرات على التغطية ^_^

رورو الشخبوطه said...

هلا خاتون..

بالعكس اهو زين الشوربه كانت عجيبه..

الباجي ماذقته ..

وطبق يدتي هم حبيته امس تعشيت فيه واهلي بعد واليوم تغديته خخخ..


والبنات يمدحون الكيك..

العفو ولو ..

حياج الله..

Made n Q8 said...

رورو ترى الخضره مفيده للبشره والاظافر كثري منها :P

وعلييكم بالعافية

رورو الشخبوطه said...

هلا مدمد..

ماقدر انا ودي بس الهوا ضدي :p

رحمة بالمجتمع ماكلهم لانه بسوي فيلم خخ..

ماكو الا اسويهم ماسك :)

الله يعافيج يارب..

مشكوره..

cheese 7cake said...

ما شاء الله دايما تغريني بالاكل وانا على طول اطبق :)

عليكم بالعافيه

رورو الشخبوطه said...

هلا جيز..

وان شاءالله يعجبج :)


الله يعافيج يارب..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads