Monday, May 10, 2010
السلام عليكم ..


قبل فتره سمعت انه افتحوا نيل سبا يديد بالافنيوز عاد اليوم مريته مع رفيجتي اللي كلت قلبي تقول وينه وينه ماكو مابطلوه اقوله كا مكتوب نو اوبن تقو نو حسبالها لا قلت لها من حنتج قمت اخربط خخ ال now خليتها no !!!






جان تقول عيل وين الباب قلتلها اكيد ع صوب (تبون الصج معاه حق صاير المكان فاضي مثل ماهو مبين بالصور والباب ع اليمين صغيرون من بعيد مو مبين)

المهم خذيت منهم البرشور وصورته لكم وهم لي عساس لي ضاع يكون موجود عندي بجهازي وبلوقي :)


الصور كبار اتوقع لي ضغطتوا عليهم بيطلعون بحجمهم الطبيعي ماصغرتهم عساس تبين الكتابه بشكل اوضح (اتمنى يتم هالشي :)

















في شغلات برا (اقصد المحلات ال2) ارخص منهم مثل المنكس بس اللي حبيته انه في سعر خاص للبوث صج فرق بسيط بس ع اقل مسوين شي :)


بروحله بالمستقبل ان شاءالله..



وكالعاده نسيت هالمعلومات :)


وهذا سايتهم (بس توها مافتحوه coming soon)
ورقمهم :22598008
وعنوانه : الافنيوز فوق 21 فورايفر (مكان الدور ال2 اللي كان تبع فورايفر سكروه وحطوا السبا بداله)..

22 comments:

شاي الضحى said...

تصدقين حتى انا ضيعت بابهم

اللافته بصوب والباب بصوب

رحت اليوم خذيت البروشور

وبنطرج تجربينه عشان اجربه ههههههه


شكرا :)

hoza3 said...

هههههههههههه من new الى no
اما انتى عليكى مواقف خطيرة
(^^)
خلاص لو جربتى انتى وشاى الضحى قوليلى اش سار معاكى واش رايك
بس البرشور شكلو نايس ومتعوب عليه

رنداالجنوبية said...

رورو الله يقطع ابليسك يازينك ياوخيتي ههههههه

شكله رائع ومميز اذا جربتيه علمينا التطورات اللي صارت معك ..

الله يعطيك العافيه موفقه.

Made n Q8 said...

هذول المفروض يحطون جائزه حق الي يدل بابهم باسرع وقت ممكن!

انا بسوي المينكس بس مابي اخليهم وايد بس يومين واشيلهم اخاف اتوهق :s

ويعطيج العافية

mazyona said...

يالله جربيه وخبرينا

Om Hrooby said...

تصدقين شفت بابهم عبالي باب دورة المياه عزج الله ...صغير ومنخش على زاوية ..بس محل شو مستحضرات تجميلية ؟؟

اسمي عندكم محلات غريبة ^^

يعطيج العافية

رورو الشخبوطه said...

هلا جايونه..

اي لانه ع صوب مايبين ..

خخ انا المره اليايه بجرب شي عندي له خصم ببطاقتي بحللها :)

والعفو ولو حياج الله..

رورو الشخبوطه said...

هلا هوزا ..

خخ من حنتها كلت قلبي وقمت اخوره خخخ..

ان شاءالله ..

عيل انا ماحبيته لانه لونه اسود :\

وحياج الله..

رورو الشخبوطه said...

هلا رندا..

ان شاءالله..

يعافيج واجمعين يارب..

حياج الله..

رورو الشخبوطه said...

هلا مدمد..

خخخخ ..

عيل مايسوى سويه عند الصالون اللي رخيص وان شاءالله ماتوهقين..

الله يعافيج يارب..

حياج الله..

رورو الشخبوطه said...

هلا مزيونه..

ان شاءالله بس مطوله راح اجربه عقب ماخلص الصالونات اللي اعرفها خخخ..

وحياج الله..

رورو الشخبوطه said...

هلا ام حروبي ..

خخخ..

لا هذا الله يسلمج نيل سبا (صالون متخصص للاظافر بديكير ومنيكير وهالسوالف :)

خخ ..

الله يعافيج يارب..

حياج الله..

Engineer A said...

يعطيج العافية على هالمعلومات ،،

وان شاءالله تحصل لي فرصة بالمستقبل وأزورهم :)

كل الود

رورو الشخبوطه said...

هلا انجو..

الله يعافيج يارب..

وان شاءالله..

حياج الله..

Mai said...

كلش مو مبين بابهم, ان شاء الله نزوره قريب.. شكراً لج عالمعلومات الحلوة :)

رورو الشخبوطه said...

هلا مي..

اي لانه ع كتر ..
ان شاءالله ..

والعفو ولو..

حياج الله..

خاتون said...

اذا جربتيه وافينا بالاخبار و اطلعينا على النتايج
بس شكل البروشور راقي *_^

Crazy Girl in aGood Way said...

شكله حلو

ناطرين التجربه منج

شكرا

رورو الشخبوطه said...

هلا خاتون ..

بجربه بس عقب شهرين او 3 اول احلل بطاقتي خخ..

وحياج الله..

رورو الشخبوطه said...

هلا كريزي..

الاغلب يبيني اجربع عيل بروح ع حسابكم خخخ..

اتغشمر بنطر اجرب اللي عندي لهم عروض عقب اجابله :)


والعفو ولو..

حياج الله..

cheese 7cake said...

يا حبج للسبا بسج احس فلوسج قاطتها على السبا واظافرج هههههههاااىى اتغشمر معاج عليج بالعافيه

رورو الشخبوطه said...

هلا جيز..

حلو انه الوحده تدلع نفسها..

والله يعافيج يارب..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads