Monday, May 10, 2010
السلام عليكم ..
عندي فائض بوستات بس لشخبوطيات مكانه كبيره بنفسي خخ تخليني اقرق ع راحتي بمواضيع متنوعه ..
(1)
موخرا شفت هالباج باكثر من مكان ويتم بيعه بدينارين وهي حمله من بيت عبدالله وريعه راح يكون لرعاية الاطفال المريضين بامراض مستعصيه الله يشفيهم يارب ..
حصلته بكليرز المهلب وولما رحت الافنيوز اغلب المحلات موفرته ..
وفي منه 4 الوان (تركواز ,اخضر , بنفسجي , فوشي)

توقعون خذيت اي لون :)
(2)
جنطة اختي :)
وهم مره رحت كليرز بس اللي بجمعية الخالديه ولقيت هالعلبه ..


مثل ماهي مبينه من ورا شلون تسوين الجنطة..(واهي اذا ماخب ظني في منها الوان فوشيه , سودا , تركواز وبنفسجي)



كاهي قبل التركيب ..



وعقب ماسوتها ..


(3)
مكتبه كول ..

قبل لا اروح جمعيه الخالديه كنت ماره سنتر بوينت الاوقاف وشفت هالمكتبه وعجبتني تونس الوانها بس رفوفها خفاف تنفع للاوراق لو بلاستيك القوي جان خذيتها لكريماتي كل رف اخصصه شي ..
وبالنسبه لسعرها :
10.300 د.ك بعد التنزيلات :)
(4)
يامرأتي يامراتي من هي اجمل فتاة عقبي خخخ؟؟
هالمنظره شفتها هم بسنتر بوينت الاوقاف تونس كول في ع بنت وولد ..


كنت باخذهم 2 بس اختي قالت ماله داعي :(

خذيت اللي ع بنوته ..

وعجبني اسمها كول قيرل ميروور :)


(5)
وايد يقولون لي بسج اكل بسج مطاعم ..
ابشركم بختفي والحين ماقدر اكل ..
هذا ريوقي الاسبوع اللي فات عقب ماخلصت منه ..

كسرت خاطر نفسي بس الرشاقه حلوه :)

25 comments:

شاي الضحى said...

حلوه فكرة الباج ابي اخذ لي واحد

هممممم اتوقع الوردي صح؟!

ترى مادري كل واحد جم قيمته بس على اللون ههههه

هالجنطه وايد اماكن باعوها تونس حق سفر تحطين اغراضج الي على طول تحتاجينهم بالجنطه

اكيد انتي اجمل وحده

تذكرت مسرحية البنات والساحر

لما توقف عند المنظره وتقول:

"ماجني قمر على الدنيا يهل ،، اكو مثلي بهالدنيا جميله ،، وجمالي هل يوجد مثيله"

ههههههه احبها هالمسرحيه واغانيها

شرايج فيني وانا ليلحين حافظتها مع الحركات :q

والمكتبه الوانها تونس

جان يبتيلي الصمونه اكملها عنج هههههههه

:q

عليج بالعافيه انتي واختج

شكرا :)

Engineer A said...

عليج بالعافية المشتروات .. والرشاقة حلوة صج بس بدون حرمان! :)

خاتون said...

أنا اقول يمكن اخترتي الفوشي
و بالنسبة للجنطة احس قاصين عليكم راح تخرب بسرعة بس حاليا تنفع للمكياج ..المنظرة كيوت لونها حلو
..و الرجيم القاسي ترا مو زين يأثر على الذكاء و النشاط كل شي متوازن حلو..ما اتخيلج مليانه أممممـ
و ثانكس ع البوست المنوع *_^

خاتون said...

أنا اقول يمكن اخترتي الفوشي
و بالنسبة للجنطة احس قاصين عليكم راح تخرب بسرعة بس حاليا تنفع للمكياج ..المنظرة كيوت لونها حلو
..و الرجيم القاسي ترا مو زين يأثر على الذكاء و النشاط كل شي متوازن حلو..ما اتخيلج مليانه أممممـ
و ثانكس ع البوست المنوع *_^

رنداالجنوبية said...

بوست حلوو .. حبيت المكتبه والمرايه ..

اما الشنطه فضيعه .. يمكن اخترتي اللون البنفسجي ..

انا تذكرت كرتون فله يوم تقول خالتها للمرايه مين احلى انا او فله هههههههههههه

الله يوفقك ويسعدك رورو

Crazy Girl in aGood Way said...

الجنطه تشوق وايد اعجبتني

وعليكم بالعافيه باقي الشخبوطيات :)

واستمري بالتخفيف احسن من اكل المطاعم اللي يتفخ :)

شكرا

Made n Q8 said...

أكيد الفوشي :P

والجنطه كوول بس شلون ماتتبطل لما احط فيها الاغراض؟

والمنظره جان خذيتي الي على صبي لان دايما الرجل يرى المرأة بعين اجمل طي طي طبعا :P

وعلامج ياعمري اكلج صاير قليل؟ عسى ما انقردتي وحبيتي!!

Fishah said...

اي شفتهم .. بس انا شفت بس الفوشي ما شفت الالوان الثانيه .. كنت توني طالعه من الوكاله .. اشوف الرينج السبورت .. احم احم ههههههه .. فا شفته في ستاربكس اللي هناك

الجنطه شكلها غريبه .. مو متخيله هالشرايط يتحولون جنطه !

مافيها شي التوسته .. انا الحين هابه في الكورن فليكس صارلي اسبوعين .. كااافحي :>

كوكتيل said...

الباجات أنا هم شفتها وحلوة فكرتها

وأكيد خذيتي الفوشي عزيزتي :)

والمنظرة اللي على بنت أحلى وايد زين إنك ما خذيتي الثانية :)

أم الأكل فأكيد كسرتي خاطري :(

ShaymoOona said...

حلوه فكرت الباج انا شفت منها بـmothercare و حسافه ما انتبهت :( حق شنو
بس وعد ان شفتها بشتريها :)

شوقتيني على سنتر بوينت الاوقاف يبيله روحه

قواج الله

Om Hrooby said...

من صجج هذا ريوقج ...صج حياة البنات مأساة ..الله يعينج

بس عن تختفين ^^

رورو الشخبوطه said...

هلا جايونه..

اي عجبتني فكرته وصح الصوح خخ..

كلهم مثل القيمه ولنفس الهدف ..

اي صح قديمه فكرتها بس اول مره احصلها بالكويت بس اهي صغيرونه كبر كف الايد ..

بعد عمري مرسي :)

خوش عباره بحفظها خخخ..

زين ماشاءالله عيل علميني الحركات خخ ..

اي حبيت الوانها ..

ايبلج منها اذا تبين وحده صاغ سليم خخ..

الله يعافيج يارب..

العفو ولو..

حياج الله..

رورو الشخبوطه said...

هلا انجو..

الله يعافيج يارب..

شكو الحرمان !!

وحياج الله..

رورو الشخبوطه said...

هلا خاتون..

صح :)


وي قاصين علينا مره وحده خخ احنا نبيها اختي مسويتها مقلمه لقشها وهم تنفع للمكياج..

مرسي ..

منو قال اني اسوي رجيم خخخ وانا ضعيفه ..

ولكم ولو ..

حياج الله..

رورو الشخبوطه said...

هلا رندا ..

مرسي اي يشوقون كول ..

لا غلط اخترت الفوشي :)

صج حتى فله جذي حسبالي سنوايت بس اها تذكرت فله القديمه حسبالي فله اللي متحجبه خخ..

اجمعين يارب..

وحياج الله..

رورو الشخبوطه said...

هلا كريزي ..


الله يعافيج يارب..

هم ماسوي تخفيف :) مادري ليش حسبالكم اني بضعف :\


العفو ولو ..

حياكم الله..

رورو الشخبوطه said...

هلا مدمد..

صووح ..

لا ماتتبطل بس اهي صغيرونه ترا كبر كف الايد..

خخخ اخاف ع سمعتي :p شكو خخ..

لا من النيولوك خخخ وين يخلاف مافي احد كفو تحبينه :)

وحياج الله..

رورو الشخبوطه said...

هلا فيشه..

اي موجود باغلب المحلات خصوصا ملوت الشايع ..


لانه سحابات مو عاديين ..

خخ والله ماسوي رجيم :)

وحياج الله..

رورو الشخبوطه said...

هلا كوكو..

اي وايد حبيتهم ..
انتي اذا ماعرفتي لون انتحر خخخ..

اي بنوته بس يميع احلى احس ..

انتي معاصره الاحداث ..

مونت كارولو خخخ نسيت اقولها..

وحياج الله..

رورو الشخبوطه said...

هلا شيمونه..

ان شاءالله..

اي في شغلات فوق حلوه بس الهدوم لوعه :\

يقويج ..

حياج الله..

رورو الشخبوطه said...

هلا ام حروبي..

حكم القدر :\

مو رجيم ولا تخفيف اسباب صحيه جماليه :)

لا تحاتين شكلي ع وشك خخ..

وحياج الله..

cheese 7cake said...

اتوقع الوردي لأنج بنوته واذا هذيل بس شخبوطاتج شتقولين عن شيزكيكاتي هههههههههههههااااي ؛) شكثر صور وتقارير وsome thing new
بس الله يعين خليني اتفرغ وافجرهم..

رورو الشخبوطه said...

هلا جيز كيك..

صح وردي ليكون غشيتي من الردود خخ..

حطيهم قبل لايصيرون قدم :p

وحياج الله..

Hopeless Sight said...

عليكم بالعافية
احلى شي الجنطة ماشاءالله و عجبتني الدروج حق قشي .

رورو الشخبوطه said...

هلا هوبيلس..

الله يعافيج يارب..

ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads