Saturday, May 22, 2010
السلام عليكم ..
امس وانا افتر لفت انتباهي هالكافيه ..
اهو متخصص بالاكل العضوي اللي انتشر موخرا (معلومات عن الاكل العضوي هني و هني)..
للي ماله خلق يقرا اهو باختصار الاكل النباتي او الحيواني اللي توفر له جو طبيعي بحت من زراعه او تربيه , النباتات بتوفير له اسمدة طبيعيه والابتعاد عن الصناعيه والاشعاعات والمبيدات وطبعا مع توفير بدائل للتخلص من الحشرات عن طريق الحشرات النافعه والطيور , اما بالنسبه للحيوانات يتم تربيتها في ظروف طبيعيه بحته من تغذيه والجو و الخ..
*شعارهم :

الكافيه صغيرون هذا الجزء ال1 ..


وهذا ال2


وصورة اقرب هالرفوف تحتوي ع المنتجات عضويه مشروبات (ماي-عصير- حليب) او الاكل (تونا -صلصات - اذا ماخب ظني حلاو)



*وهذي 3 صور للجزء ال3 :


ركن السويت( الكيك )..


بنص في نفس علب الهدايا تحتوي ع المنتجات العضويه ..



واهني المعجنات (فطايس والصمون وهم في سلطات)



وحتى المواعين عضوية !!




*المنيو مكتوب ع الطوفه :
جزء المشروبات ..


جزء الاكل :



*طلبنا :
عصير برتقال ..



صمونتي تركي..


صمونة اختي حلوم..




بعد الاكل انا طلعت الخضر والبصل من صمونتي..




اختي طلعت الخضرا انواع واشكال اللي بصمونتها وتقولكم هذا بس من قطعتين ال3 كلتها عادي خخ..



*الفاتوره :

*رايي :
امم الاكل عادي او اقل انا ماحبيت الخضرا ولا اختي لانه مخلوطه بشي غريب طعمه حالي مو ذاك الزود مع الصمون جنه اكل صيني :\ بس اول مره اكل صمونه واشرب معاها عصير واقوم خفيفه بدون لا تصكني تخمه واتشرقد وتبتلش فيني اللي معاي خخخ..
اذا الله كتب ورحت له مره 2 بجرب الكيك والهوت جوكلت :)

*عنوانه :

بس اللي رحت له موجود بالري تحديد بتروفاليو :)


30 comments:

Zabo0o6a said...

بالعافية عليج
رورو حبي اتشرقد مو اتشردق :/

رورو الشخبوطه said...

هلا زبوطه..

لو بتعدلين بدلياتي ماتخلصين ..

لحظه بسال امي ايهي الاصح :)

والله يعافيج يارب..


مرسي..

Zabo0o6a said...

اي نسيت شنو كنت بقول ، في مطعم بالافنيوز اسمه بي كيو هم جذي كله اورغانيك فود وجذي ، كافيه اورغانيكا جربته مرة طلبت حلوم كان شكلها غير بس حسيت عادي مافيه زود بس مثل مايقولون مرات الاكل الصحي باصج P:

رورو الشخبوطه said...

ولكم باك زبوطه..

عيل بجربه ان شاءالله..

اهو عيبه خضرته هذا رايي اختي بالحلوم ..

وانا احب الاكل الصحي احس الذ وافيد بس مو متوفر بكل مكان..

وحياج الله..

قلم ومسّاحة said...

الواحد لما يشوف هالنوعية من الكافيهات أو المطاعم الي تقدم الأكل الصحي، يقعد يفكر طول الوقت أنا شنو هببت وكليت طول ما انا عايش! بمجرد ماشفت الصور حسيت إني قاعد آكل سموم خخخخ خاصة لما شفت صور المواعين حدي أيست.. تجربة حلوة وبالعافية وبالعكس حلو إنك تروح مكان وأنت بتاكل مقبلات وحلويات وتشرب مشروبات كلها صحية ومضمونة الجودة شنو أحسن من جذي بعد!

swera said...

ya kerh el akel el3ethwi a7essa mafe 6a3am!!!! bs ham be3afia :*

Hopeless Sight said...

كللش ما عجبني جربته مرة :(
أنا بروحي أكره الأكل العضوي أستغفر الله أحس خرطي اللي يقولون عن فوايده.

عليكم بالعافية ان شاءالله

شاي الضحى said...

شفته ذاك اليوم بتروفاليو

بس كل ما شوقني حتى كان فاضي

عليكم بالعافيه :)

أبوفلان said...

للأسف راح يخسر واكيد ماراح تستطعمينه

لأن البطن الي تعود ع الدسم ماراح يستطعم الاكل الصحي

والكويتين وين والاكل صحي وين :-)


وبالعافيه عليكم :-)

Anonymous said...

عليج بالعافيه

جربي الماي مالهم ايطالي

عجيب وايد خفيف

شريته منهم وشربته بالبيت

خلصت بطل كبير بنص يوم من غير ما احس مع اني ما احب الماي

Made n Q8 said...

بالعافييه

اي مره رحت تروفاليو وشفته,صاير بزاويه مو؟

Anonymous said...

fe6ayees ?????

كوكتيل said...

بالعافية رورو

الأكل العضوي وايد زين بس غالي حيل يعني أربع حبات تفاح تلقين سعرهم إبداع :)

بس أكيد يستاهل :)

بدال الكيماويات والخرابيط اللي يحطونها لنا :)

رنداالجنوبية said...

السلام عليكم ورحمة الله وبركاته
شلونك رورو ..

مااعتقد عدنا بالسعوديه مثل هالمكان لكن بشوف..

عليكم بالعافيه يالغاليه

على فكره اهديتك التاج السلطاني يااميره ههههه ادخلي المدونه وشوفي الموضوع

سلام

هوبتي said...

والله الكافيه شكله لطيف جدا وجديد
عجبني موت بجد ياريت يعملوا في مصر واحد زايه

رورو الشخبوطه said...

هلا اخوي قلم..

خخخ اي والله ..

الله يعافيك يارب تاكل وانت مرتاح :)

حياك الله..

رورو الشخبوطه said...

هلا سويره..

بالعكس طعمه زين انا مجربه اكثر من شغله وطعمهم زين احلى من اكل الدايت ..

والله يعافيج يارب..

مرسو..

رورو الشخبوطه said...

هلا هوبيلس..

مره مو مقياس:)

والفوايد قايلنها خبراء يعني شي مضمون ان شاءالله..

الله يعافيج يارب..

مشكوره..

رورو الشخبوطه said...

هلا جايونه..

اي حتى احنا حزتها كان فاضي بس احنا ومر شايب يستظرف يبي حب شمسي..

انا احب الاكل الصحي بروحي عسره ماكل شي فاعوض خخخ..

والله يعافيج يارب..

ومشكوره..

رورو الشخبوطه said...

هلا اخوي ابو فلان..

مايندرا عن الاقبال ..

انا ماحب الدسم وحبيت بهالاكل انه خفيف ..

خخ لافي من يحب هالسوالف..

الله يعافيك يارب..

حياك الله..

رورو الشخبوطه said...

هلا غير معروف..

الله يعافيج يارب..

زين ماشاءالله..

بجربه ليش لا :)

وحياج الله..

رورو الشخبوطه said...

هلا مدمد..

الله يعافيج يارب..

والله مادري ماذكر ماعتقد بس جنه لا من الصور :\ اهو صوب الدري:)

ومرسوو..

رورو الشخبوطه said...

هلا غير معروف..

خليتي كل الموضوع وركزتي ع هالكلمة :p

يعني فطاير ع قولة يدي الله يرحمه يارب..

وحياج الله..

رورو الشخبوطه said...

هلا كوكتيل..

الله يعافيج يارب..

لا مو كله غالي ع حسب في الغالي وفي المعقول مثل اسعار الباجي..

اي اكيد..

وحياج الله..

رورو الشخبوطه said...

هلا رندا..

وعليكم السلام والرحمه..

الحمدالله الله يسلمج يارب..

ان شاءالله تحصلين وترا في شغلات جاهزه تنباع بالجمعيات..

الله يعافيج يارب..

مشكوره ع التاج من امس احاول اعلق مالقى البوست..


وعليكم السلام..

حياج الله..

رورو الشخبوطه said...

هلا اخوي هوبتي..

اي فكرته يديده ومفيده..

ان شاءالله..

واتوقع تحصل بعض المنتجات العضويه اذا حاب بالسوبر ماركت..

وحياك الله..

Her said...

I've been there and I liked the place:) bel3afya sweety

رورو الشخبوطه said...

هلا هير..

الله يعافيج يارب..

حياج الله..

خاتون said...

مشكورة وايد وايد جنجر أختي تدور على هالمطاعم بس ما تلقى
و حركة الماعين العضوية مقتبسينها من مطعم سانرا بولوك لانه صحونها من بطاط اي قابلة للأكل
و يبيله تجريب بس وين ما ذكرتي المكان
و مغسي بكو بكو *_^

رورو الشخبوطه said...

هلا خاتون..

العفو ولو ..
ماعتقد ماعينهم قابله للاكل :\
امبلى قلت وحطيت صوره اهي اهي اللي رحت بتروفاليو بالري وفي افراع 2 باخر صوره مبينين :)

دوغيا ..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads