Tuesday, May 25, 2010
السلام عليكم ..
قبل جم يوم رحت جربت هالمطعم عقب ماشفته ببلوق سويره..
امبيه عيزت وانا ادوره فريت المجمع كله اخر شي صدفه لقيته بويهي :\
اهو مكانه صاد جبال المتحجبه وبيت الصابون اللبناني بالافنيوز الجزء ال2 اليديد ..
واهو مطعم ايطالي..
وهذي طاولتنا في قعده برا بعد حسافه وايد اشرح اللي داخل كلشي اسود يقمت حتى صورة اختي مابين الا ويهها خخخ..

المنيو وترا بس بالانجليزي قالت لي عقب ان شاءالله بيسونه بالعربي ..


صراحه ماعتمدت عليه طلبت عقب شرح القرسون ..
هالصوره مو واضحه وحطيتها لانه كنت اصور جان اييلي المدير يقولي انه ممنوع جان اصوره واسكر الكاميرا واقعد مكاني جني بريئة واقوله سوري بس ماراح امسحها خخ..





وماتبعت عقب صورت اكلنا..
طبعا مشروبنا ماي (ماي ايطالي:)




تبع المقبلاتز.



المقبلات ماحبيت (ايونهم ميصصين مو بس اهما اكثر من مطعم)


الباستا طعمهم كويس الا حلو اختي حبتها مع انها ماتحب صوص الابيض بس هذي ودها تاكل الصلصه بروحها من كثر ماحبتها بالعافيه اخيتي..



بيتزا مارغاريتا مع اضافات دياي ومشروم ماحبيناها :\ يعني لاعين ولا صلصة كله اقل من عادي..




بطاطس (اهما ايبونه فرش من المزرعه لي حلجك مو سوالف الجاهز ومجمد )


الفاتوره وجيكوا مو حاسبين البطاط اهي اهي برد لهم مره 2 عساس ادفع مانتبهت الا بالبيت وبقوله شفت فايده الصور :)
لانه عقب ماقالي ممنوع عادي تميت اصور اكلي خو دافعه فلوسه خخخ وصورت الفاتوره سالني ليش؟؟ للمدرسه قلت لا ارويها اصدقائي عشان ايونكم قالي صج قلت يس العاده جذي قالي اتصورين كل المطاعم قالت افكورس :)




وبس :)

32 comments:

swera said...

bel3aaafiaaa :) ana majarrabt elli kaleteh ella el fries o kan wayed 7elo! bs ghareeba galolech may9eer t9awreen coz ana sa2althom ba9awer galli 3adi y9eer! ghareeba!!!

Anonymous said...

عجبني البطاط حيل شكله يبين انه فرش، بالعافية عليكم.. وزين تسوين بأقرب وقت روحي دفعي فلوس البطاط لا يصير شي بذمتج، ناس ثانيين ممكن تقول طاف وعادي..

شاي الضحى said...

يا كره المطاعم لما يقولون لج ممنوع التصوير

انا اقولهم انتوا الخسرانين مو انا

واذكره مره المدير قالي ممنوع لا تصورين لما قلت له ليش جان يقولي صوري

قلت له بصور وبذمكم على معاملتكم الخايسه جان يخاف هههههههههههه

بس ما كتبت عنهم يولون مالت عليهم

عليكم بالعافيه

المطعم شكله يقمت

ترا حاسبين البطاط

Open Food .250

زين حطيتي عنه عشان ما اروح له

مشكوره :)

mazyona said...

عليكم بالعافية
شكله الأكل لذيذ

Anonymous said...

عليج بالعافية :)
شكل البيتزا ما تشجع كللش :( احسها ناشفة!

المعكرونية و البطاط شكلهم لذيذ.

Anonymous said...

انا اموت بالمعكرونه .. والبطاطس شكله طازج ولذيذ.. بالعافيه ع قلوبكم.. دمتي بتميز.

لمار said...

مرحبا رورو ..وحشتيني مرررررة وحلو الوك الجديد عشان تعرفين اني متابعتك :)بس أني مشغولة والله ولا أنك على البال وحياتك ..

هديــل said...

احلى شي البوتيتو :q

بالعااااافية =)

دستورنا سورنا said...

عافية

باجر بروح لهم

V I E W said...

غرامي الباستا ،

انشالله انجربه دام انه ايطالي ؛)

عليكم بالعافية ..

ميمة السبيت said...

** صباح الورد شوفي كان حده مشوقني و كل مرة اقول بجربه بس عقب اللي قلتيه احس انه عادي و مايسوى خلينا على نينو وايد احلى

فاطمــه said...

عليج بألف عافيه
خوش صور
اسم المطعم بس يشوق ;Pp
بس أحس أكله عادي

Made n Q8 said...

حبيت القعده

عاد قلت لما شفت القعده قلت خل نروحله مع البنات بس دام جذي لااع لوول

علييكم بالعافية

AlMai Port l ميناء الميّ said...

أحلى شي انه فيه اسم الموزريلا!
بالعافيه وان شاء الله نجربه

هوبتي said...

اولا من الصور باين انه مكان جميل وراقي

ثانيا الف صحه وهنا ومطرح ما يسري يمري

ثالثا ونبي هي الفاطره كانت 9 دنار بس ؟ متاكده ؟

لان لو كده انا ممكن اتشل فيها

رورو الشخبوطه said...

هلا سويره ..

الله يعافيج يارب..

ومرسي..

رورو الشخبوطه said...

هلا اخوي قلم..

الله يعافيك يارب..

اي ان شاءالله..

مشكور..

رورو الشخبوطه said...

هلا جايونه..

اي ملاغه شدعوه بصور البيت الابيض ..

خخ اي قلتيلي عنه..

الله يعافيج يارب..

اي من داخل قمته بس برا القعده اشرح وايد..

بجيك اضمن..

خخ وي ليش..

والعفو ولو..

حياج الله..

رورو الشخبوطه said...

هلا مزيونه..

الله يعافيج يارب..

مشكوره..

رورو الشخبوطه said...

هلا هوبيلس..

الله يعافيج يارب..

لا مو ناشفه بس مو ذاك الزود :\

وحياج الله..

رورو الشخبوطه said...

هلا رندا..

انا بعد..

الله يعافيج يارب..

ومشكوره..

رورو الشخبوطه said...

هلا لمار..

عاش من شافج :)

مي تو..

وموفقه يارب باشغالج..

مرسي..

رورو الشخبوطه said...

هلا هديل ..

الله يعافيج يارب..

مشكوره..

رورو الشخبوطه said...

هلا اخوي عراب..

الله يعافيك يارب..

وان شاءالله يعجبك..

رورو الشخبوطه said...

هلا سويت..

ان شاءالله..

والله يعافيج يارب..

مشكوره..

رورو الشخبوطه said...

هلا ميمه..

مساء الورد ..

جربيه يمن يعجبج ونينو عمري ماجربته عساس احكم :\

وحياج الله..

رورو الشخبوطه said...

هلا فيونه..

الله يعافيج يارب..

ومشكوره..

اهو زين مو وااو بس الباستا احلى شي فيه..

رورو الشخبوطه said...

هلا مدمد..

عكسي ماحبيت القعده اللي صورتها..

وليش؟؟

الله يعافيج يارب مشكوره..

رورو الشخبوطه said...

هلا مي..

يقولون الموزريلا فرش تيه من ايطاليا ومايندرا عن نفسي ماجربتها :\

الله يعافيج يارب..

ان شاءالله..

ومشكوره..

رورو الشخبوطه said...

هلا هوبتي..

مشكوره ..

جدامج :) بصي عليها وتاكدي..

ليه ؟؟

خاتون said...

قبل ما أقرا الموضوع قمت أطالع الصور لانهم شدوني لكن بعد ما قيمتي طيحتي من عيني يعني وين نروووح كل مطاعم الكويت مو ذاك الزود على كثرهم نبي مطعم يخلينا طول الوقت نقول وااااااااااااااااااااااو
علشان نحس بالتغير
ثانكس ألوت أشوه انج قلتي عنه لأن كل ما أشوف شي ايطالي لازم اتليقف ^_^

رورو الشخبوطه said...

هلا خاتون..

تحبين الايطالي بالنسبه لي التوب اهو الفورنو :)

هذا الباستا حلو عنده..

وع قولتهم ماكو شي كامل خخخ..

ولجم خيتو..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads