Friday, May 7, 2010
السلام عليكم :)
هذا الكشك اللي رحت المهلب عشانه خاص بالاظافر بس انصدمت انا توقعته يرسمون ع اظافري مو منتجات اشتريها :(
اغلب منتجاتهم متعلقه بالطباعه ع اظافر عباره عن ست في شريحة معدنيه تحتوي ع اكثر من رسمه وصبغ اظافر وطباعه ونفس الشفره لتضبيط الرسمه (يختلف عدد الاصباغ وشرايح المعدنيه حسب حجم الست وسعره).
هذا طريقتة استخدامه :


وهذا من سايتهم بشكل اوضح من الصورة (هني)..




وهذي بعض الصور للمنتجات المتوفره بالكشك مثل ماتشوفون مو بس للاظافر في للويه (لزقات رؤؤس السودا للخشم - ومفراكة للويه ..الخ)..


ومبيني اصباغ الاظافر وكريستال للاظافر وست للفرنش نيل ارت والغرشه اللي ع طرف اهي اسيتون اذا ماخب ظني..



الصوب ال2 مبين ست كبير و ع طرف في صغير وفي قلوسات بعد شوفوهم هني بالسايت اوضح بس لما سالتها عن سعرهم اول نوع معروض قالت ب4 بالسايت مكتوب 3ونص الظاهر زادوا اسعارهم ..




*مشترياتنا منهم :

مفراكة الويه حسب ماهو مكتوب بالسايت (تستخدم فــي ازالة الماكياج من الوجه و ايضا تستخدم للسنفرة و التدليك )



استيكرز لاظافري ..


صبغ اظافر اختي تبي هاللون (والحين قاعده تجربه وتقول طلع خفيف نقل مباشر من موقع الحدث خخ انغمت من ريحته :\)

غريبه ماخذيت ملوت الطباعه خخ لانه عندي مثلهم ماخذتهم من معرض ارض المعارض مساعه جيكت طلع منهم انا حسبالي شركة غير لانه مالقيت مثل مالي عندهم الظاهر غيروا العلب (بس بالسايت محطوط)..

مثل الصورة بالضبط بس اللون ال3 مو ازرق بهالدرجه لا اغمج قريب من اللون الاسود..
وهذيل الشرايح اللي اخترناهم انا واختي ..










جربتهم بعيد ميلادي وكانوا حلوين كتغير صورتهم ماطلعوا واضحين واظافري بالصوره طالعين وايد طوال :\
لمشاهدة باقي الاشكال (اضغط هنا)..
*وين تحصلونهم :(اماكن تواجدهم):
حاليا بالمهلب وكويت ماجيك ..
ويشاركون بمعارض ارض المعارض بمشرف ..
واذا مالكم خلق تتعنون يوصلون لكم الطلب للبيت (هني الطريقة والتفاصيل)..

24 comments:

Q8-Butterfly said...

عاد اخر شي افكر اعتني فيه اظافري بس مرات اتشوووق اسويهم فيهم اشياء كيوت جذي ,, ثاانكس عالتدوينة النايس

شاي الضحى said...

انا شريت العلبه من ارض المعارض

استخدمته مره وحده وما اطلعوا مضبوطين :(

جربت على زعفرانه عفست اظافرها هههههههههه

بعدين رحت لهم يعلموني وتعلمت بس لما رديت سويت حق نفسي عفست الدنيا

عاد كنت ناويه اطلب منهم بالنت لان في اشكال وايد احلى بس الحين هونت ما اعرف لهم

المفروض يسوون لهم صالون ويرسمون على الاظافر


مشكوره :)

-mate said...

وجهة نظري كـ شاب.. أجد هذه الطلاءات أمور مرعبة تجعلني كما أجزم أنها تجعل الكثير من الشباب غيري يكشون من هذه الأصابع الغريبة.. وبالتالي إذا مأذينك مجموعة من الشباب يُنصح بوضع شوية من هذه الطلاءات الغريبة حتى تكشينهم مثل الذبان

خاتون said...

اما الطبعات اللي اخترتوهم شي شي
عليكم بالعافية يونسون و بالذات اتوقع المراهقات اينون عليهم و احنا نستانس نغير و نحاول نعيش المراهقة الضائعة
شكله احسن شي عندهم الطبعات بس اكثر شي عجبني اللي عليهم animals كانوا سو كيوت
و بما انه الصبغ خفيف و ريحته مش و لا بد فيعني نشيله من اللسته
ثانكس*_^

Anonymous said...

روعه رورو ياعسل انا احب كثير

اعتني بااظافري وانتي دووم تفيدني بمواضيعك .. الله يعطيك العافيه

بس ماادري فيه بالسعوديه مثل هذول

سلام.

Fate said...

There is a stamping service at candlelight spa. You should try it :)

www.facebook.com/candlelightspa

Anonymous said...

wanasa yshawgooon o ana wa7da ma7b ete3enni ymkn a6leb mnhom ewa9looli <-- kaslana adre :P

3aleeech bel3afiaaa :)

Her said...

hatha nafs el booth ely kan bel marena gabel fatra shareat menhum el stamps 7adhum cute:) 7abeat their products galatly ma7alhum fi q8 magic thag 5elgy bs zean ena mawjooden bel muhalab:)thank you sweety

رورو الشخبوطه said...

هلا كويت بترفلاي..

انا هالفتره هابه نن فيه ولا قبل عادي..

ولكم :)

وحياج الله..

رورو الشخبوطه said...

هلا جايونه..

خخ اي اهي موسهله بس اختي تعرف لها تعالي خل تسويلج :)

انتي الظفر صغيرون احس اصعب ..

في نيل بار يسون رسومات وطبعات للاظافراذا ماخب ظني اللي بجاليري 2000 وكاندل لايت سبا بس للحين ماجربتهم ..


العفو ولو ..

حياج الله..

رورو الشخبوطه said...

هلا اخوي mate...

مرعبه اذا كانت دفشه واوفر بس اذا بسيطه بتعطي لوك حلو :)

وبالنسبه للعلل لو نرش عليهم فليت مايروحون :(

وحياك الله..

رورو الشخبوطه said...

هلا خاتون..

انا ماحس عشت حياتي فالحين عوض زين صحصحت مبجر خخخ..

الله يعافيج يارب وفي الورد وهالسوالف تناسب اغلب الاعمار ..

الطبعات هو اساس محلهم حتى اسمهم konad stamping nail art

امم انا احب اصابغ الهنود وهم كليرز ساعات تبقين الوان حلوه وموخفاف ..

ولكم ..

حياج الله..

رورو الشخبوطه said...

هلا رندا..

مرسي مثلي عيل :)
الله يعافيج يارب..
جربي تدزين لهم ايميل ساليهم اذا متوفرين بالسعوديه واذا لا ساليهم اذا في مجاليوصلون لج..

حياج الرحمن..

رورو الشخبوطه said...

هلا fate...

اي صح وحتى كانوا مسوين عرض ع هالشغله بس حسافه الخميس كان اخر يوم..

هالمحل ناويه اروح له باقرب وقت ان شاءالله..

مشكوره..

رورو الشخبوطه said...

هلا كريزي..

لا عادي بس ميزة لما تروحين لهم يعلمونج الطريقه بشكل مباشر :)

الله يعافيج يارب..

وحياج الله..

رورو الشخبوطه said...

هلا هير ..

الظاهر كل فتره يغيرون مكان الكشك..

وهم تحصلينهم بارض المعارض و يرخصون لج ..

حياج الله..

Anonymous said...

يعطيج العافية على البوست الممتع:)
تدرين عاد بنت خالتي كانت رايحة الامارات قبل سنة و تدوره دواره و شرت المجموعه اللي سعرها ما يقارب 24 دينار . بقولها اليوم ان شاءالله عن اماكنهم.

Made n Q8 said...

حلويين

هذوله شنو توهم مبطلين؟

يبيلي روحه للمهلب لوول في اشياء ماادري عنها والله

خل اتمقل بسايتهم باجر الصبح الحين عيوني مغمضه :S

وعلييج بالعافية

رورو الشخبوطه said...

هلا هوبيلس..

الله يعافيج يارب..

مرسي :)

اشوه فدت احد بهالبوست :)

وحياج الله..

رورو الشخبوطه said...

هلا مدمد..

انا دريت عنهم من فتره تقريبا بيصير لهم شهر ..

حلويين
وع حجي البنات الظاهر كل فتره يكونون بمجمع..

اي ماتوقعته جذي :)

ان شاءالله يعجبج ..

وااذا مالحقتي عليهم بالمهلب تحصلينهم بالمعرض ان شاءالله..

الله يعافيج يارب ..

مشكوره..

Om Hrooby said...

شي عندنا هالكشك بصحارى مول
ويبيعونه بعد فبوكسات على احجام البوكس الكبير اللي في كل الوان المنكير وكل شرايح الصور بحوالي 800 درهم واللي بشريحيتين صغار و3 الوان ب150 اذا ما خاب ظني

بس حلوين ^^

رورو الشخبوطه said...

هلا ام حروبي..

طلع كشك خليجي :)

احنا الظاهر كل فتره يغيرون مكانه ..

واللي ب150 مثل مالي بس انا 4 شرايح..

اي وايد للتغير..

وحياج الله..

Crazy Girl in aGood Way said...

يونس هالكشك

عليج بالعافيه المشريات واعجبتني المفراكه

والصبغ الاصفر

شكرا

رورو الشخبوطه said...

هلا كريزي..

الله يعافيج ومايغلون عليج ..

والعفو ولو..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads