Saturday, September 11, 2010
9:39 PM
السلام عليكم ..
اليوم رحت مركز سلطان شرق << احب الجمعيات خخخ..
المهم وسمعت انه منزلين منتجات بيزلين ..
اول كانوا منزلين بس ست للعمره والحج وكنت شاريه الصغيره بجربه واذكر من الشغلات اللي موجوده فيه صابونه 2 يوم مالقيتها ضايعه :\ مادري منو حاذفها .. ماتهنيت فيها بروحها صغيره كبر المحايه :(
والشامبو ضرب شعري شوط كشتي وصلت الخفجي :\ وايد ينشف الشعر بس مره جربته وماعدتها خخخ..
هالمره نزلوا جزء من لاين التفتيح ..
(سيروم-كريم التفتيح دار مدار العين -الصابونه المفتحه للجسم - صابونه للويه-غسول للويه)
وفي شغلات حسافه مو موجوده مثل ديودرنت و السنفره :(
وهذا اللي شريت مهم لانه بطلب كريمات من النت :)
سعرها : دينارين ..
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
Ads
30 comments:
يعني فيه شغلاات حلوه
انزين يمدحونه الشعر المتكهرب
خخخخخخخخخخ
اسولف وياج
و كل عام وانتي بخير متأخره شوي ^^
السموحه
يعطيج العافية =)
ووبالعافية :)
السلام عليكم..
كل عام وأنتِ بخير رورو
..
بيزيلين
مرطب الشفايف يمدحونه إلي بالعسل
جربته وطلع لا باس
..
بالعافيه عليج..
..
في حفظ الله
تتهنين فيهم ياحلوة :)
قولي النتيجة
سوالفكم مليقه يالحريم
افتر بالجمعيات علشان كريم و صابون
متى تتعلمون من الجنس الجميل و هو بالتاكيد الذكر
انيق و جميل من غير اضافات
بس البوست حلو علشان لا تزعلين :) اي و صج كل عام و انتي بخير
عليج بالعافيه مس شامبووه
نسيت ماقلت لج
عيدج مبارك
تقبلي مروري أختي الكريمة
كل عام و أنتم بخير
عيدك مبارك وتقبل الله طاعتج رورو
وعليج بالعافية
اذكر اني شريت منهم من السعودية بس العلبة في نفسها من ماركة ثانية موجودة في الصيدليات
:))
مدحو لي كريم الاساس من بيزلين يقولون طبيعي ويناسب البشره الحساسه
اخذته بس ما ناسبني
هلا دلوعه..
ماجربت شي منه هذا اول شغله اخذها بس يمدحونه :)
خخخخخخ اي كول بس ماقدر الف الملفع :p
وانتي بخير يارب..
لا وي سويتي بس وين عيدتي :)
ومشكوره..
هلا هدوله..
الله يعافيج يارب اس تربيع :)
شكرا..
هلا نهار..
وعليكم السلام والرحمه..
وأنتِ بخير يارب
..
عاد اعاني من براتمي وايد جافه :(
واشتري واكود ع الفاضي ماله شفت اول بس هالمره مانتبهت عليه..
..
الله يعافيج يارب..
..
مشكوره..
هلا ميس.
ان شاءالله..
مشكوره :)
هلا اميره..
ان شاءالله ..
بس بشتري السنفره والكريم بعد :)
وحياج الله..
هلا اخوي مشاكس ..
خخخ والله متعه احلى من سوالفكم :)
اي ماشاءالله ودي اقول مصيبه بس هم في صبيان زقرت ويهتمون بعمرهم وفي دعله يناشبون حريمهم وخواتهم خخخ..
وانت بخير يارب..
مشكور..
هلا ريحانه..
الله يعافيج يارب..
وايامج سعيده:)
مشكوره ..
هلا اخوي علي..
حياك الله..
وانت بخير يارب..
مشكور..
هلا ستار..
ايامج سعيده ومنا ومنج صالح الاعمال يارب..
من زمان عنج :)
يعافيج ..
بشوفها ان شاءالله احب هالخرابيط :)
ومشكوره..
هلا مبدعه..
بعد عندهم مكياج وناسه توني ادري..
عاد انا بشرتي دعله :\
ومشكوره ع عرض تجربتج..
زوغه بسم الله عليج
ياليت لو تسوين لنا top10
يعنى احسن كريم
احسن تقشير احسن الخ الخ
لان كل مره تحطين شئ اقول بروح اشترية القاج منزله بسم الله عليج شئ ثانى واحتار شنوا احسن
تحياتي
يعطيج العافية
خرعتيني من الشامبو! بس حق شنو كان؟ أنا استعملت التونر وكان صج روعة للتساقط و وايد نفعني
منتجات هالشركة حلوة ورخيصة.
مشكورة:)
وناسه يابوا
انا اخر مرة لما رحت ماكانت موجوده
ان شاء الله بروح اتمقل
عليج بالعافية
هلا مركبنا ..
مرسي..
ماعندي توب تن كل اللي استخدمتهم هبه ليما يخلصون اخليهم واغلبهم عاديين مالقيت شي وااو ..
واللي احبهم واستمريت فيهم قطعوهم :(
بس اول باول بحط عن الشغلات اللي جربتها وبحاول اقارنها باللي قبلها..
وناويه انزل عن ملوت السبا ..
حياج الله..
هلا حنان ...
الله يعافيج يارب..
اللي موجود بست العمره والحج مافيه ريحة و اهو ماناسبني ينشف الشعر ..
صج عاد يبيلي بقرع من التساقط :(
من وين تاخذينها ؟..
والعفو ولو..
حياج الله..
هلا مدمد..
ان شاءالله..
والله يعافيج يارب..
مشكوره..
السلام عليكم ورحمة الله بركاته
عليج بالعافية وغن شاء الله تتهنين فيها
وتبلغينا بالنتايج
*_^
هلا خاتون..
وعليكم السلام ورحمة الله وبركاته..
الله يعافيج يارب..
ان شاءالله بقولكم بس لما اكمل باجي الست ..
ويارب يفيد..
ومشكوره..