Saturday, August 7, 2010
9:13 PM
السلام عليكم ..
من زمان مانزلت بوست عن البيوتي :)
رفيجتي كانت رايحه دبي قبلي بشهر تقريبا فقالتلي عن محلات ومجمعات راحت لهم منها نيفيا ..
واهو موجود بدبي مول ..
وصدفه واحنا نفتر شفته..
انا حسبالي يبع منتجات نيفيا بس طلع لا وسبا بعد (للحريم والرياايل ) عندهم مساج و للاظافر وسوالف حف للجنسين يع مو حلو ريال يحف :\ ومكياج بس للحريم طبعا والخ..
شفت منيوهم ولا اسعارهم رخيصه وانا اظافري تكسرت من سكي دبي قات خل اجرب العادي لانه ماعندي وقت..
اهو ب35 درهم و مدته 15 دقيقه ..
بس اللي صار انه طول ومادري شحسبولي زياده انا كنت مستعيله بطلع اهي تقولي اونا اوكي اوكي صلحي فطلع حسابي 52 درهم هم زين :)
اول شي اخترت صبغ وهو اول وردي شفته جدامي خمطته حسافه كنت بصوره لكم بس نسيت من اللويه ..
وهذي قنفة الانتظار..
كرسي غريب لو مو مستعيله جان جربته خخخ..
وهذا مكاني ..
وهذي علامه جنها دمل حبيتها :)
وهذا مشروبي خيرتني بين ماي وجاي وحزتها كان لساني لي الركبي من العطش فاخترت الماي طبعا لانه غير الماي مايروي ع قولة ماماتي خخخ..
وعطتني هالمجله اقراها..
وحطتلي مال الرقبه والجتوف للريلاكس ماعرف شسمه بس احبه :)
وهذي عدتي..
ولما خلصت ودوني هالصوب عساس استخدم مجفف الاظافر ..
عيب الصبغ اللي اخترته خفيف فعشان اللون يبين حطتلي اكثر من طبقه وهالشي يعني انه ماراح يجف بسرعه شغلته مرتين وماكو فايده لدرجه طلعت جان يخترب :\وماكو وقت اخليه تعدله فضبطته لما رديت الكويت..
هذا شكله عقب جم يوم لانه الصوره اللي بالصالون ماحبيته :\
اسم اللي سوت لي سنتيا ..
واللي حبيت يشغلهم دلع & اتقان و دقه يعني الشغله ترد عليها اكثر من مره ..
سايتهم هنا
وبس هذي تجربة البيوتي الوحيده بدبي..
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
32 comments:
يا كثر سوالفكم يا الحريم ما تخلصون من سوق الذهب و الخام و الحين الدور علي نيفيا !!!
محد راح يرفع سعر نيفيا غيركم :)
هع هع هع
صدقها الوالدة غير الماي ما يروي ^^
وصدقج وييع للريايل اللي يحفون ..
وحلو اللون اللي اخترتيه ^^
بالعافيه عليج ^^
تصدقين لمن رحت ما شفت هالمحل
ما عليه المره اليايه انشالله
حلو لون الصبغ عليج
تحياتي
عليج بالعافيه
واللون حده حلو
يبيله تجربه
وااااااااااو وناااااسه والله يطلع منهم وين الكويت مايسوون سواتهم ؟؟
بالعاافيه يارب
حلو تجربة ممتعه :)
تجربه حلوه مميزة
الله يعطيك العافيه ياقمر
لون الصبغ روعه
بالتوفيق
وناسه ان شاء الله اذا رحت دبي بجربه :)
ضحكني تعليق عين بغزي :))
عليج بالعافية وانا كل ما اقرا لج شي عن البيوتي اروح عقبها الصالون :)
وااو
يارريت يسوون عندنا جذي بالكويت
مكانهم واايد حلو
علييج بالعافية
وانا شفته عالطبيعه :)
مادري ليش اتذكريني بيام قبل ، أول ما أبوي يابلينا كاميرة فيديو كنت أصور اليوم كله ما أطوف الشي من كثر ما إني مو مصدق إنه أكو كاميرا و تصور
anyways sweet blog
best of luck
واووو مررة نايس
ودي اروح له
بالنسبة للون اظافرك .. ما شاء الله خوووقااقي
وناااسه وعليج بالعافيه
اللون عجيييييب
عليج بألف عاافيه
هلا اخوي عين بغزي..
نيفيا من زمان موجوده بس سوالفكم بالبيوتي اليديده انتوا اللي اذا جربتوهم بترفعون سوقهم خخخ..
حياك الله..
هلا ام حروبي..
اي والله قطع لا وشمع الجسم كله :\
عيونج الحلوه..
الله يعافيج يارب..
مشكوره..
هلا كتكوته..
ان شاءالله ..
انا صدفه حصلته بويهي..
مشكوره :)
وحياج الله..
هلا امول..
الله يعافيج يارب..
عيونج الحلوه ..
مشكوره..
هلا يونيك..
اللي اعرفه انه دبي الاستثمار عندهم وايد اقوى من عندنا..
الله يعافيج يارب..
مشكوره..
هلا ابتسامه..
اي الحمدالله لو ماضيق الوقت..
مشكوره..
هلا راند..
يس :)
الله يعافيج يارب..
مشكوره واجمعين يارب..
حياج الله..
هلا رورو..
ان شاءالله..
حياج الله..
هلا انجو..
خخ تحسين داش عرض :p
الله يعافيج يارب..
ان شاءالله عجبوج عاد؟؟
وحياج الله..
هلا مدمد..
هناك بالمجمع في 3 ملوت الاظافر هذا اللي اعرفهم يمكن في غيرهم بعد:\
اي شرح ماشاءالله لانه ابيض..
الله يعافيج يارب..
حلو مو خخ يوش بول :\
ومرسي..
هلا اخوي جاحظ..
لانه اصور كل شي ؟؟
احب هالسوالف تدري انه مره كان عندنا مشروع بالجامعه نصور مكان بادق تفاصيله فانا اطبق اللي دارسته ..
خخ..
مشكور..
وحياك الله..
هلا حنونه..
ان شاءالله..
مشكوره من ذوقج :)
وحياج الله..
هلا كريزي..
اي الحمدالله..
الله يعافيج يارب..
مشكوره..
هلا كوكو..
مرسي..
والله يعافيج يارب..
حياج الله..
أسعارهم حلوة
عليج بالعافية و يعطيج العافية :)
هلا هوبيلس..
الله يعافيج يارب.
مشكوره...
و عليكم السلام
على قولة امي القالب غالب
أنت اللي محليه الصبغ
و لونه وايد راقي و ناعم
عليج بالعافية
^_^
هلا خاتون..
بعد عمري عيونج الحلوه..
والله يعافيج يارب..
مشكوره..