Sunday, August 29, 2010
السلام عليكم ..

قبل جم يوم كنت اشوف برنامج خواطر 6 والحلقة موضوعها كان عن الاسراف بالمياه وعنوانها وضوء ولا استحمام ..

والحلقه بالنسبه لي كنت حلوه لانه شارك الجمهور معاه بالتجارب سواء كبار ولا صغار ..

هذ رابط الحلقة (هنا)..

تقريبا بالدقيقه   7,42 بيبلش يتحجى عن الجهاز ..

والحين انا بقولكم عنه ,,

هو اخراع ماليزي الهدف منه ترشيد الماء , من وجهة نظري مو بس ترشيد ماي هم اضمن للناس اللي ينسون او يسهون واهما يتيددون لانه طريقة عمل الجهاز كالتالي :


يبدا بذكر اسم الله << جهاز ناطق , وبعدين لما تبلش وضوء يبين لك وصلت لشنو يعني الحركة اليايه بتكون غسل الايد اليسار مثلا يشب الضوء جهة اليسار والخ (باختصار مبرمجة على التسلسل الوضوء )ويختم الجهاز بذكر دعاء الوضوء <اشهد ان لا اله الا الله وحده لا شريك له واشهد ان محمد عبده ورسوله اللهم اجعلني من التوابين واجعلني من المتطهرين  ..

وموبس جذي لما تخلص يشتغل باماكن معينه << الرمادي اللي تحت لتجفيف القدم واعتقد في مكان لتجفيف الايد ..

 وسعرها :

بين ثلاثة الاف واربعة الاف دولار ..

رايي :

فكرة الجهاز مثل ماقالت فوق وايد عاجبتني وسعره مناسب بس حجمه كبير ماينفع للبيت حلاته للمساجد , وحلو نفعل التكنولوجيا لخدمة الدين ..

المصادر :

1 , 2


ولما كنت اسوي بحث بقوقل عن هالجها لقيت انه في انتاج قطري لجهاز مشابه لهذا نفس الفكرة ومبين من التواريخ انه اهما اقدم والله اعلم ..

28 comments:

الوتيــــــــــن said...

شوشو احس خبه .. ولي اختربت البرمجه مايكون له فايده

بس ستل حلو لكبار السن اللي ينسون :)

أبوفلان said...

ماشاء الله جميل جدا أن نرى اختراعات جميلة من المسلمين

يعطيج العافيه

mazyona said...

هههههههههه
حلو والله الجهاز والفكره حلوه
بس الحجم كبير وما ينفع
تسلمين

~أم حرّوبي~ said...

اي والله شفت الحلقة ..وصج حلو أذكر مره وصلني ايميل عن جهاز للوضو بس في قطر
...حتى مفيد حق ترشيد استهلاك الماي

:)

Hanan said...

حلو ماشاءالله بس عيبه حجمه. يعطيج العافية :)

Unique Girl said...

واااااااااااو يننن

عجييييييب

مشكوووره

Anonymous said...

فكرة واااااايد حلوه
و صراحة احيانا يوم اتوضأ اقعد اقول شو هالحاله يعني وايد ماي

لو يسوون حق السبوح بعد خخخخ


تراني dalo.oo.3atuaeمافيني ادخل

سمو الأميرهـ ..ツ said...

ما شاء الله عليه الإعلامي أحمد الشقيري
ويجازيه كل خير
اتكلم عن موضوع الوضوء في الأجزاء السابقة من البرنامج
اللي خلاني أنتبه لكمية الماي اللي أسرفها في الوضوء
والحمدلله صرت أهون من قبل
=====

الجهاز فعلا إختراع جميل جداً
حلو لو يكون منه في الأماكن العامة
والمسايد
====

يعطييج العاافيه رورو
:)

alB6h said...

وعليكم السلام
لا خوش اختراع وخاصة ان في جهاز ناطق
يعني مايضيع, وترا همن الحجم اوكي
اللي مفكر يبني مسيد ويحطه
بكون مناسب بالعكس

يعطيج العافية

نهــــــــــار said...

السلام عليكم..
حقيقتا البرنامج السنه مميز أكثر عن العام الماضي
لأنه جدا واقعي
...
حلو الجهاز حتى في البيت في حال
خصصنا غرفه خاصه لصلاه
وطبعا في حال الجهد القليل ممكن ينوجد منه أنواع وأسعار مختلفه
..
تسلمين على الطرح الطيب
في أمان الله

maram said...

اختراع جميل ومفيد

تسلمين

Amal Kh said...

soooo nice
oo 7l8at 5wa6er i loved it
thank you for the post

رورو الشخبوطه said...

هلا الوتين..

اهو حلاته للاماكن العامه لانه حجمه كبير وبحاجه لعناية وصنايه دوريه ..

اي وايد وهم لذوي الاحتياجات الخاصه..

ولنا خخخ..

حياج الله..

رورو الشخبوطه said...

هلا اوخي بو فلان..

فعلا شي مشرف :)

والله يعافيك يارب..

مشكور..

رورو الشخبوطه said...

هلا مزيونه ..

نطري شويه وبيسون صغير منه ..

وهو حلاته للاماكن العامه ..

الله يسلمج يارب..

حياج الله..

رورو الشخبوطه said...

هلا ام حرب رب..

غير عن اللي حاطه رابطه تحت؟؟

ومشكوره..

رورو الشخبوطه said...

هلا حنان..

اهو مو مناسب للبيوت حلاته للاماكن العامه ونطري شوي بيسون منه احجام ..

والله يعافيج يارب..

شكرا..

رورو الشخبوطه said...

هلا يونيك..

العفو ولو..

حياج الله...

رورو الشخبوطه said...

هلا دلوعه...

الله لو للسبوح جذي جان دلع خخخخ..

يومين ويخترب من كثر الاستخدام..

وبالنسبه للوضوء حاولي تقتصدين بالماي..

حياج الله..

رورو الشخبوطه said...

ها سمو..

انا ماتابعته الا بالجزئين 5 وال6 ..

وصاجه وايد يقدم شغلات حلوه ويصلح سلوكيات ..

=====

والاحلى يصير منه احجام حتى يكون للكل :)
====

يعافيج يارب..

شكرا..:)

رورو الشخبوطه said...

هلا بطوطه..

اي هذا اهو مناسب للاماكن لكبيره اما البيوت لا ..

وميزه انه ناطق ..

الله يعافيج يارب..

شكرا..

رورو الشخبوطه said...

هلا نهار..

وعليكم السلام والرحمه..

عيل انا حبيت مال العام اكثر ..

مع انه السنه منوع اكثر ..

اي بهالحاله يناسب البيت ..

وصاجه مع الوقت اتوقع بيتوفر منه احجام تناسب كل مكان..

الله يسلمج يارب..

مشكوره:)

رورو الشخبوطه said...

هلا مرام ..

صاجه..

الله يسلمج يارب..

شكرا..

رورو الشخبوطه said...

هلا امل..

اي وايد حلو ماشاءالله..

ولكم سويتي..

Made n Q8 said...

حلوة الفكره بس مايمشي معاي انا لي توضيت الماي يوصل للسقف خخخخخ

رورو الشخبوطه said...

هلا مدمد..

بالعكس ينفعج لانه يعلمج ع ترشيد :)

وحياج الله..

Peba said...

اختراع اكثر من رائع ومفيد جداً

بس سعره وايد غالي للأسف !!

وتسلمين عالموضوع

رورو الشخبوطه said...

هلا اخوي ..

اهو سعره مناسب تقريبا 1000 دينار او 1000 وشي ..

واتوقع عقب فتره بينزل احجام واسعار مختلفه منه ..

والله يسلمك يارب..

حياك الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads