Sunday, August 1, 2010
السلام عليكم ..

واحنا نحوس بالسوق الصيني لفت انتباه اخيتي هالكشك واهو لصاج والكريب ..

طاعوه ماشاءالله شزينها فطامي :)

وهالمشروع حسب ماهو مكتوب ع اللفته انه مشروع شبابي مدعوم من مؤسسة محمد بن راشد ..



قائمة (المنيو باللي متوفر)

هذي لقطة من اعداد طلبنا ونسيت اصور الباجي :\

طلبي : كريب كرافت ...

طلب اخيتي صاج حلو ..

كريب بالشوكلاه لاخيتي الصغيره..

طلب بنت عمي ومرت اخوي :) << ماذقته ..
اللي ضحكني احنا طلبنا وعقب مرت اخوي طلبت عاد لما ذاقته عجبها تقول ليش مايسون عندنا مثله امبلى يسون << اهي ردت ع نفسها  .>> بالقهوة الشعيبه ..

خخخخخخخخخ قلت لها هذاك خبز رقاق ..

اهي ماكانت موجوده لما سميت الكريب خبز رقاق فرنسي :p

*رايي فيه:

باختصار لذيذ ماشاءالله :) انا جربت ال3 انواع الاولى وجربت صاج وكريب كلهم حلوين اشتهيته الحين :(

44 comments:

Anonymous said...

بالعافيه ^^

تراني dalo.oo.3atuae
متعاااايزه ادخل خخخخخ

Unique Girl said...

woooooooooow

شكله رووووعه يهبل عليج بألف بألف بألف عااافيه

~أم حرّوبي~ said...

فطاااير فطامي احلى اختيااار حق الريوووق
تدرين بجامعتنا شي احبه حق الريوق خفيف وسريع اخذ منه زعتر باللبنة

عليج بالعافية ..

هديــل said...

بالعآآفية عليج

صج شكله حلو وخفيف

وشهوني كلهم :×

alB6h said...

وعليكم السلام

شكله يشهي وجبة خفيفة وسريعة
بالعافية عليكم

قلم ومسّاحة said...

بالعافية يارب
ماحب هالنوعية من الفطاير
بس دام عجبج ف بالعافية مرة ثانية..ضحكتني مرت اخوت سألت وردت على نفسها لول

نهــــــــــار said...

السلام عليكم...
بالعافيه عليكم...
صحيح هو من ظمن مشروع محمد بن راشد
لدعم مشاريع الشباب
في الدوله
....
دمتم بخير

Amwaj said...

شكله لذيذ

شهيتيني فيه رورو

عليكم بالعافية :)

الوتيــــــــــن said...

هني وعافية

انزين آنا اشتهيته الحين شلون .. كتبيلنا شي ممكن يكون بالكويت ترى ببجي

تردين بالسلامة وتكتبين لنا تقارير :*

ROro Mania said...

شكله يشوق
شقته العام لما كنت رايحه السق الصيني بس كنت عيزانه و مالي خلق اصف بالدور :p

يقول الجويهل اني مزدوج said...

سجليني من متابعينج

:)


http://j86m.blogspot.com/

Engineer A said...

ماشاءالله شكله حلو عليكم بالعافية :)

Made n Q8 said...

اووو فطاير ماماتي :D

علييكم بالعافية

اقصوصه said...

الله فتحتي نفسي

احب خبز الصاج وايد

حلو السوق الصيني صح؟

ابا اخذ ليتات لغرفتي

نصحوني اروح هناك :)

TaZmaNiA said...

شكله صك على فطاير شويخ :) بالعافيه

Katkoota xD said...

وناااسه

أكييد حلو لانه على اسمي

jk jk :P

بالعافية عليكم

حساافة لمن رحت العام ما خذيت منه مادري لييش

ما عليه المرة الياية

تحياتي

Hopeless Sight said...

بالعافية إن شاءالله

خاتون said...
This comment has been removed by the author.
خاتون said...

سوري حذفت التعليق لانه كان رونق سايد مال هلو كيتي *_^

خاتون said...

عليكم ألف و ستين عافية
مطرح مايسري يمري
هني و عافية
فعلا يا ليت يسون عندنا فرع لأنه هالسوالف تونس حق جاي الضحى


*_^موفقة

رورو الشخبوطه said...

هلا دلوعه..

الله يعافيج يارب..

خخ ..

مرسي..

رورو الشخبوطه said...

هلا يونيك..

الله يعافيج يارب..

مشكوره..

رورو الشخبوطه said...

هلا ام حروبي..

اي يونس كسناك..

عندكم مثله وناسه ماشاءالله..

انا بيي جامعتكم اكل وارد خخخ..

الله يعافيج يارب..

مشكوره..

رورو الشخبوطه said...

هلا هدوله..

الله يعافيج وشهوة العافيه يارب..

اذا لقيت مثله عندنا اقولكم ان شاءالله..

مشكوره..

رورو الشخبوطه said...

هلا بطوطه..

اي صاجه..

والله يعافيج يارب..

مشكوره..

رورو الشخبوطه said...

هلا اخوي قلم ..

الله يعافيك يارب..

انا احب المعجنات بمختلف انواعه وهذا الحلو فيه انه خفيف..

وحياك الله..

رورو الشخبوطه said...

هلا نهار..

وعليكم السلام والرحمه..

والله يعافيج يارب..

اف عليج عند رورو الخبر اليقين خخخ..

ومشكوره..

رورو الشخبوطه said...

هلا امواج..

وطعمه الذ :)

الله يعافيج يارب..

مشكوره..

رورو الشخبوطه said...

هلا الوتين..

الله يعافيج يارب..

تبين كريب شوكلاه جربت مثله بمطعم البلد اما الباجي لا :)

الله يسلمج انا رديت من اسبوع ..

ومشكوره..

رورو الشخبوطه said...

هلا رورو..

احنا اشوه ماكان زحمه ..

ومرسو..

رورو الشخبوطه said...

هلا اني مزدوج :)

حياج الله..

رورو الشخبوطه said...

هلا انجو..

الله يعافيج يارب..

مشكوره..

رورو الشخبوطه said...

هلا مدمد..

الله يخليها لج..

والله يعافيج يارب..

مرسوو..

رورو الشخبوطه said...

هلا اقصوصه..

وبالمره جربي الصاج :)

والله ماثبت ع اثاث وسوالف الديكور كنت افتر عند الهدوم الكسسورات والمكياج وكانوا يشوقون:)

مشكوره..

رورو الشخبوطه said...

هلا اخوي تازمانيا..

ماعمري جربت مال الشويخ هالدرجه حلو اكثر من مره سمعت عنه ببلوقي لما احط عن فطاير..

والله يعافيك يارب..

مشكور..

رورو الشخبوطه said...

هلا كتكوته..

حتى ع اسم وحده منا بس مو انا :)

ان شاءالله..

والله يعافيج يارب..

مشكوره..

رورو الشخبوطه said...

هلا هوبيلس..

الله يعافيج يارب..

مشكوره..

رورو الشخبوطه said...

هلا خاتون..

لا وي عادي اخذي راحتج :)


والله يعافيج يارب..

مشكوره..

واجمعين يارب..

Amal Kh said...

عوافي
ماشاء الله شكله يبيله روحه

كوكتيل said...

شكله حلو

عليكم بالعافية يارب

وأسمه حلو يونس :)

رورو الشخبوطه said...

هلا امل..

الله يعافيج يارب..

وان شاءالله..

مشكوره..

رورو الشخبوطه said...

هلا كوكتيل..

اي اسمه اللي شدني وطعمه حلو..

الله يعافيج يارب..

مشكوره..

essa said...

شخبوطة كويتية ... اهلين شخبارج
انا عيسى صاحب فطاير فطامي :) مشكورة وااااااااايد على الدعاية و الكلام الحلو :) وناااسة كان تقريرج خلاص اكلج مجاني طوووول العمر :)اي اقتراح او استفسار
es11175@hotmail.com
ون شاء الله نفتح فروع في الكويت

essa said...

وبعد حبيت اشكر كل من شارك في التعليق و قال كلام حلو عن فطاير فطامي :) مشكورين والله يعطيكم العافية ,,,,
عيسى الفلاسي ,,, راعي فطاير فطامي
ادخلوا اليوتيوب و اكتبوا بس ( فطاير فطامي ) بتشوفين كل شي عن فطاير فطامي

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads