Saturday, August 28, 2010
السلام عليكم ..

قبل جم يوم كنت احوس بالفيس بوك ولقيت  اعلان جانبي لسايت ديفيدي كويتي ومسوين عرض الفيلم بنص ..

من زمان ادور السايت اللي اطلب منه مسكر :( وماحب البسطات استحي وكومار سليحط يتشرط :\

المهم امس يت طلبيتي ..

اول شي لفت انتباهي جيسهم شغل عدل ع اسمهم ..


ولما فتحت الجيس ولا التغليف سنع مو جيس نايلون :)

هالفيلم كنت بروح له بيوم ميلادي المجيد بس عقب الدوام والسبا و المطعم والهيصه دخت واشوه ماتعنيت له لانه لغوه مدام بيلغونه من الاول لا تحطونه بالسايت :\



الافلام اللي مادحينها لي ..

p.s هذا لاختي انا شفته ..
افلام ولد كابور ..
افلام هنديه متنوعه ماي نيم از خان لاخوي واللي تحته بعد ..

افلام عجبني اسمها ..

السايت : اضغط هنا ..

رايي :

تشكيله الافلام عندهم متنوعه خصوصا الاجنبيه والباباي بعد بس حسافه ماعندهم اكو :(

شفت فيلم وكان الحمدالله زين واضح وترجمته اوكي ..

22 comments:

فـ(المطيري)ـدكـ said...

عليج بالعافية

عاد تدرين قبل فترة كنت ادش السايت ماله بس كان مسكر

دام الوظيفة مطولة باحذلي جم فلـم ..

انا احب الافلام الهندية ^_^

قواج الله

Hanan said...

يعطيج العافية على السايت
عاد ميتة أشوف أفلام يديدة و بالذات رعب
لا حظت إنج تحبين تشوفين أفلام رومنسية... صح؟

Anonymous said...

اهم شي الصبغ
ياامعوده بسج الناس رمضان عالاقل خفي شويه مابقى شي عالعشر الاواخر انا يوم قريت بوستج عن لزقات الاظافر الي مادري شلون صايره وكتبتي انج بتجربينهم عقب رمضان قلت زييييييييين الحمدلله
الله يهديج ان شاءالله
شهر رمضان شهر العباده كلها شهر ترا حاولو تستغلونه
اتمنى ماتزعلين بس حبيت انصحج
انا وايد اغار عالدين
ادري بتقولين ان المره عندها عذر انها ما تصوم بس هم انتي جذي تسوين فتنه حق الي حاوليج وتاخذين ذنوبهم
مشكوره

swera said...

yummmaaaaa Shahid Kapoor ethbaaa7niii akthar b3d! amooot 3aleh o film Vivah ehabbel becheeet bachii! chance Pe Dance ewaaannes! aflama kelhm 7elweeen!

nawya akteb 3nna post bs b3d rmothan le2anni babadde3 lol

hv fun :*

قلم ومسّاحة said...

فيلم 205
من كثر ما اهو بايخ ودج تحذفينه من الشباك اذا شفتيه تذكري كلامي لان حيل حيل حيل تافه

عاد أنا من جم يوم طلبت من موقع ثاني اسمه dvd q8
ومسوين عرض الفليم بنص

ROro Mania said...

عليج بالعافيه

انا وحده ما قمت اطلب افلام من السايتات
الله يعافي النت
انزلهم واضحين و مترجمين و خالصين و افتك :p

بس ساعات اطلب حق اختي اذا تبي فلم معين ولا حق عيال اختي :p

مشاكس said...

الاخت من بمباي :) شكثر افلام هندية طالبه

شكرا على السايت

تقبلي مروري الاول

الوتيــــــــــن said...

شخباري فلم بي اس آيلوف يو .. كلمره اشوفه ما امل هالفلم اينن

والله خوش سايت .. يسلمو حبيبتي :*

هديــل said...

خوووش سايت

بالعافية عليج الافلام

بطلب منه
بس يطولون على ما يوصلون ؟

يعني جم يوم !

رورو الشخبوطه said...

هلا فدك..

الله يعافيج يارب..

صج انا توني اعرفه ..

خخ انا هابه فيهم هالايام ..

والله يقويج ..

مشكوره..

رورو الشخبوطه said...

هلا حنان..

الله يعافيج يارب..

لا مو وايد اشوفهم اذا مدحوهم لي احب الكوميديا اكثر وعموما انوع ..

وحياج الله..

رورو الشخبوطه said...

@@

عسى ماشر منو ياب طاري الصبغ الموضوع عن سايت ديفيدي ..

عفوا بس انتي ولا انت شكو ؟؟ هذا امور شخصيه ياريت ماتدخلون فيها ..

يهدي الجميع يارب..

الحمدالله مو محتاجين احد يعلمنا وما له داعي نستعرض ع ابو احنا دينين الدين بين العبد وربه اهو اللي بيحاسبنه غير بيصير رياء ..


لا ماراح اقول هالحجي وين قاعدين ترا البلوق مو مكان بناتي بحت في صبيان عيب هالحجي ..

وشنو فتنه نقوا الفاظكم شايفتني قاعده بكبريه اللون خفيف وعاكس وقاعده بيتنا حره احط اللي ابيه ..

واي ترا هذي مو نصيحه لانه النصيحه الافضل تكون بالسر مو اشكره جذي ..


العفو ..

رورو الشخبوطه said...

هلا سويره .

خخخ اخييييييييييييه..

انا احب افلامه شفت 3 للحين 2 مدبلجين وهذا اللي صار مدرس لا بالهندي وكل ما بروحه له السينما مااحصل وقت سنع :(

ان شاءالله انا كنت ناويه بعد بس لما اشوف كل افلام ..

وناسه لو نزلتيه بفصل عليه بس كتبي بالعربي خخخ اريح بالقراءه :)

مشكوره..

رورو الشخبوطه said...

هلا اخوي قلم..

وي هالدرجه :\

هذا السايت اللي كنت اطلب منه اول ومسكر زين ردوه اشوه :)

مشكور..

رورو الشخبوطه said...

هلا رورو..

الله يعافيج يارب..

عباله التنزيل انا ساعات اشوفهم اون لاين بس مانزل :\

وحياج الله..

رورو الشخبوطه said...

هلا اخوي مشاكس..

خخ لا من نيودلهي ..

اي هابه فيه هالايام افلامهم حلوه ..

وحياك الله..

رورو الشخبوطه said...

هلا الوتين..

خخ انا شفته هذا لاختي..

واخييه ع الفيلم..

والله يسلمج يارب..

مشكوره..

رورو الشخبوطه said...

هلا هديل..

لا مو وايد تقريبا يومين ..

او اقل بعد..

والله يعافيج يارب..

مشكوره..

Made n Q8 said...

يسلمووو

حسافه عرضهم بس برمضان

رورو الشخبوطه said...

هلا مدمد..

الله يسلمج يارب..

طلبيهم الحين لعقب رمضان ..

ومشكوره..

Peba said...

موقع حلو وايد

بس السلبيه الي فيه انه لازم يكون اكثر من الـ 5 دنانير عشان يوصل

والجهراء اكثر من 10 دنانير

ما الومهم هذه سياستهم عشان الربح ومحد يتلاعب في الطلبات

رورو الشخبوطه said...

هلا اخوي..

كانوا ضايفين شغله الظاهر لغوها الحين انه اذا تبيت تطلب بحدود الدينارين تدفع فلوس للتوصيل..

وصاج 10 وايد :)

وحياك الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads