Tuesday, August 17, 2010
السلام عليكم ..

قبل رمضان بيوم رحت مع رفيجتي صالون رشنا عشان نحط نقشه ..

وصلنا له 10 وشي توقعنا مابطل بعده لما دشينا انصدمنا قبلنا 11 تقريبا ماشاءالله دفعنا ورحنا تريقنا وردينا ولا الصالون مفول وكلهم يبون نقشه ..





لا ودورنا طاف خخ ومع الحوسه حكرنا وحده ونقشتنا ..

 
 
رايي :
 
زينه بس كنت ابيها انعم , وماشاءالله طولت يالله راحت تمت تقريبا اسبوع ..
وسعرها مناسب انا اخترت السودا ب3 الايد رفيجتي اختارت العاديه الحمرا بدينارين ..
 
 
عنوانه :
 
بالشعب البحري اجبال مطعم ريوق وفيلا فيروز ..
 

35 comments:

سمو الأميرهـ ..ツ said...

حلووووة نقشة الحنا ماشاء الله

تصدقين إحنا بعد عندنا صالون إسمه رشنا
لووول

شكله مشهور

وأحلى حنا من عندهم


:)

Katkoota xD said...

حلو ماشالله

بسوي على فراشة تهقين يضبطونه ؟؟

تحياتي

~ فجر ~ said...

شكلها حلوه ما شاء الله
حتاكل من ايدك حته
؛)

Unique Girl said...

شكلها حلوه على الإيد والفراشه شكلها حدها كيوووت

عليج بألف عافيه

alB6h said...

وعليكم السلام
ماشاء الله حلوه ع ايديج
بس جنا طولت اسبوع وااايد
مو حلو ع الايد لما تبي تروح


يعطيج العافية

Princess Sara said...

شغلهم حلو و مرتب
عليج بالعافيه :)

أختي السنه اللي طافت حنت فوق روسنا و وديناها يونسون و زحمة حيل بس ضحكوني اللي حاطين بريلهم و تحتهم مراوح أحس عباااله :p

مشكووره عالبوست

koko said...

النقشة عجبتني حلووه
تتهنين فيها
مشكلتي متعقده من الحنه ماحبها
بس شكلها شوقني
عليج بالعااافيه
:)

daloo3a said...

حتى انتوا عندكم رشنا
هع

ليش ما تنقشين وااااايد في ايدج كله جيه تنقشين شويه

احلى واااايد

Sweet Revenge said...

روعة هالصالون
انا رحت مرة الصبح كان فيه بس ثنتين حيل استانست والنقشة كانت وايد حلوة

~أم حرّوبي~ said...

مو جنه نقشتي عندها قبل رورو ؟؟
ولا صالون ثاني !!
صدقج الحنا السودا تكون خفيفه احلى

تصدقين صالون جامعتنا يضبطون الحنا السودا عدل ^^

خاتون said...

بس وايد ارحم من اللي عند رنيم و سمكها و لونها اهو الصح
و عليج بالعافية
^_^

AM.SA.CHANNEL said...

ههههههههههههههه لا ما أصدق و الله يوك قريت رشنا قلت لا مستحيل رشنا في الكويت و يوم دخلت و شفت الكتابة كيف ظحكت ههههههه و الله خطيرة رشنا عندها فرع في الكويت ..

بس زين و الله دينارين مب هني قاصه علينا أنا أصلن ما أدااانيها أحس قاصه علينا هني عكس الباقيات و لا هي صالونها أحسن عن الباقيات .
بس مشكلة فرعها في دبي مب شي عكس اللي في العين يمدحونها
بس سوري على الظحكة لكن ما توقعت إن إلها فرع ثاني

AM.SA.CHANNEL said...

أم حروبي
هي صح و الله صالون جامعة الشارقة حلو و أنا شايفه بنات متحنيات عندهم و حلووو ناااااعم

قلب طفله said...

ما شاء الله حلوه و بعد لو
انعم تطلع احلى :)

يبي له رشنا حق خواتي الصغار
قبل القرقيعان ^_^

she is me said...

ماشاء الله .. وايد حلو على إيدج
وايد أحب النقش الأسود .. شكله حلو وبدون ريحة ..وإذا خف لونه تفركينه حيل بالماي الحار ويطلع ..أحلى من الأحمر .. ريحته اففف .. ويطول على ما يصبغ .. واذا خف لونه يصير باااااايخ .. وما يطلع بالماي الحار..
عاد تصدقين
خاطري خاطري .. أسوي نقش
بس كل ما أقول .. محد يشجعني

وكل مناسبة أو عيد يقولون لي الياي أو الياية
ما أدري متى راح ايي هالياي

علي محمد رحيل said...

كل العام وانتم بخير
وتقبل الله منكم صيامكم
واعاده الله عليكم بالخير والبركة

Made n Q8 said...

نايس مشالله

رورو الشخبوطه said...

هلا سمو..

مشكوره.

اي اهو مثله مالكم سالت الرسبشن :)

رورو الشخبوطه said...

هلا كتكوته..

انا اللي مسويتها فراشه ..

وحياج الله..

رورو الشخبوطه said...

هلا فجر..

مرسي :)

رورو الشخبوطه said...

هلا يونيك..

الله يعافيج يارب..

مشكوره..

رورو الشخبوطه said...

هلا بطوطه ..

اي تقريبا اسبوع او 6 ايام وبلشت تتقشر بس الغريب الحين راحت بس جنه مطبوعه ع الخفيف يعني اقدر ارسمها بكحله خخخ..

الله يعافيج يارب..

مشكوره..

رورو الشخبوطه said...

هلا سارونه..

الله يعافيج يارب..

انا حطولي بنكه اح صلخة ايدي هواها حار ع ابو تنشف اسرع :\


واتوقع زحمه بالمواسم العيد ورمضان حتى مايطلعون للبيت..
العفو ولو ..

حياج الله..

رورو الشخبوطه said...

هلا كوكو..

مشكوره..

انا بعد ماحب الحنه وخصوصا الحمرا ..

بس احب النقشه السودا جنها تاتو :)

الله يعافيج يارب..

رورو الشخبوطه said...

هلا دلوعه..

انا عندي هذي وايد خخخ احبها انعم ..


وحياج الله..

رورو الشخبوطه said...

هلا سويت..

انا رحت الصبح بس لانه موسم كان زحمه ماشاءالله انا توقعته مو مبطل ..

وحياج الله..

رورو الشخبوطه said...

هلا ام حرب رب..

لا صالون 2 ..

اي وايد ..

جامعتكم فيها ماستر؟؟

بيي ادرس عندكم وناسه ماشاءالله مطاعم حلوه وصالون شغل عدل :)

وحياج الله..

رورو الشخبوطه said...

هلا خاتون..

اي اهما متخصصين بالنقشه وهم سعره مناسب..

الله يعافيج يارب..

مشكوره..

رورو الشخبوطه said...

هلا شانيل..

ولا وازيدج من الشعر بيت يقولج في اصلي وفي تقليده خخخ..

وجنه موجود بالبحرين بعد ..

دينارين الحمرا والناعم ظهر الايد بس اذا ويه وظهر اغلى ..

خخ ليش سوري اخذي راحتج سويتي

لا تشوقوني ع هالجامعه شكلي بدرس فيها مدام صالونهم حلو خخخ..

وحياج الله..

رورو الشخبوطه said...

هلا طفله..

اي صح انا كان ودي انعم ..

عاد معلقين نقشات تونس للبنوتات الصغار ..

وحياج الله..

رورو الشخبوطه said...

هلا شي..

مشكوره وشكلج خبره ماشاءالله ..

ومثلي ماحب الحمرا شكلها ملوت كبار بايخ ..

هذيل يطلعون للبيت بس بالمواسم مثل رمضان وعيد لا ما يطلعون ولازم تسوين ب30 :\

وفي وايد خدمة منازل ينقشون بس الصراحه ماجربت ..

لي جربت اقولكم عنها ان شاءالله..

وحياج الله.

رورو الشخبوطه said...

هلا اخوي علي..

وانت بخير يارب..

اجمعين يار..

ان شاءالله..

مشكور..

رورو الشخبوطه said...

هلا مدمد..

مرسي :)

Hanan said...

بالعافية رورو
ماشاءالله حلو، تدرين عاد آخر مرة حطيت نقشة كنت بالمتوسط، حدي عتيجة. شكلي بحط للعيد إن شاءالله.
بس بقول لج شي بخصوص هالصالون، قبل 3 سنين تقريبا كنت أنا و أمي رايحة و في وحدة عربية تشتغل هناك بس مادري شنو جنسيتها و مادري شنو شغلتها بس تشتغل بالصالون، قالت لأمي ديري بالج تشربين أي شي يعطونج! أمي كش جسمها تقول خفت يعني معقولة يحطون سحر أو شي يخليج تيين لهم؟ الله أعلم و صراحة اللي يشتغلون فيه ويهم مو مريح هالبنغاليات أحسهم مشفح

رورو الشخبوطه said...

هلا حنونه..

الله يعافيج يارب..

انا توني هابه فيهم :)

وي يما اشوه ماعطونا شي اساسا مافي مجال من الزحمه ماشالله..

ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads