Saturday, August 7, 2010
السلام عليكم ..

من زمان مانزلت بوست عن البيوتي :)

رفيجتي كانت رايحه دبي قبلي بشهر تقريبا فقالتلي عن محلات ومجمعات راحت لهم منها نيفيا ..
واهو موجود بدبي مول ..

وصدفه واحنا نفتر شفته..




انا حسبالي يبع منتجات نيفيا بس طلع لا وسبا بعد (للحريم والرياايل ) عندهم مساج و للاظافر وسوالف حف للجنسين يع مو حلو ريال يحف :\ ومكياج بس للحريم طبعا والخ..


 


شفت منيوهم ولا اسعارهم رخيصه وانا اظافري تكسرت من سكي دبي قات خل اجرب العادي لانه ماعندي وقت..

اهو ب35 درهم و مدته 15 دقيقه ..

بس اللي صار انه طول ومادري شحسبولي زياده انا كنت مستعيله بطلع اهي تقولي اونا اوكي اوكي صلحي فطلع حسابي 52 درهم   هم زين :)

اول شي اخترت صبغ وهو اول وردي شفته جدامي خمطته حسافه كنت بصوره لكم بس نسيت من اللويه ..


وهذي قنفة الانتظار..
كرسي غريب  لو مو مستعيله جان جربته خخخ..

وهذا مكاني ..

وهذي علامه جنها دمل حبيتها :)

وهذا مشروبي خيرتني بين ماي وجاي وحزتها كان لساني لي الركبي من العطش فاخترت الماي طبعا لانه غير الماي مايروي ع قولة ماماتي خخخ..
وعطتني هالمجله اقراها..
وحطتلي مال الرقبه والجتوف للريلاكس ماعرف شسمه بس احبه :)

وهذي عدتي..

ولما خلصت ودوني هالصوب عساس استخدم مجفف الاظافر ..

عيب الصبغ اللي اخترته خفيف فعشان اللون يبين حطتلي اكثر من طبقه وهالشي يعني انه ماراح يجف بسرعه شغلته مرتين وماكو فايده لدرجه طلعت جان يخترب :\وماكو وقت اخليه تعدله فضبطته لما رديت الكويت..


هذا شكله عقب جم يوم لانه الصوره اللي بالصالون ماحبيته :\
اسم اللي سوت لي سنتيا ..

واللي حبيت يشغلهم دلع  & اتقان و دقه يعني الشغله ترد عليها اكثر من مره ..

سايتهم هنا

وبس هذي تجربة البيوتي الوحيده بدبي..

32 comments:

عين بغزي said...

يا كثر سوالفكم يا الحريم ما تخلصون من سوق الذهب و الخام و الحين الدور علي نيفيا !!!

محد راح يرفع سعر نيفيا غيركم :)

هع هع هع

~أم حرّوبي~ said...

صدقها الوالدة غير الماي ما يروي ^^
وصدقج وييع للريايل اللي يحفون ..
وحلو اللون اللي اخترتيه ^^
بالعافيه عليج ^^

Katkoota xD said...

تصدقين لمن رحت ما شفت هالمحل

ما عليه المره اليايه انشالله

حلو لون الصبغ عليج

تحياتي

Amal Kh said...

عليج بالعافيه
واللون حده حلو
يبيله تجربه

Unique Girl said...

وااااااااااو وناااااسه والله يطلع منهم وين الكويت مايسوون سواتهم ؟؟

بالعاافيه يارب

ebtsamh said...

حلو تجربة ممتعه :)

رنداالجنوبيه said...

تجربه حلوه مميزة
الله يعطيك العافيه ياقمر
لون الصبغ روعه
بالتوفيق

ROro Mania said...

وناسه ان شاء الله اذا رحت دبي بجربه :)

Engineer A said...

ضحكني تعليق عين بغزي :))

عليج بالعافية وانا كل ما اقرا لج شي عن البيوتي اروح عقبها الصالون :)

Made n Q8 said...

وااو

يارريت يسوون عندنا جذي بالكويت

مكانهم واايد حلو

علييج بالعافية

وانا شفته عالطبيعه :)

الجاحظ said...

مادري ليش اتذكريني بيام قبل ، أول ما أبوي يابلينا كاميرة فيديو كنت أصور اليوم كله ما أطوف الشي من كثر ما إني مو مصدق إنه أكو كاميرا و تصور

anyways sweet blog
best of luck

нαииυиɪε said...

واووو مررة نايس

ودي اروح له

بالنسبة للون اظافرك .. ما شاء الله خوووقااقي

Crazy Girl in aGood Way said...

وناااسه وعليج بالعافيه

koko said...

اللون عجيييييب
عليج بألف عاافيه

رورو الشخبوطه said...

هلا اخوي عين بغزي..

نيفيا من زمان موجوده بس سوالفكم بالبيوتي اليديده انتوا اللي اذا جربتوهم بترفعون سوقهم خخخ..

حياك الله..

رورو الشخبوطه said...

هلا ام حروبي..

اي والله قطع لا وشمع الجسم كله :\

عيونج الحلوه..

الله يعافيج يارب..

مشكوره..

رورو الشخبوطه said...

هلا كتكوته..

ان شاءالله ..

انا صدفه حصلته بويهي..

مشكوره :)

وحياج الله..

رورو الشخبوطه said...

هلا امول..

الله يعافيج يارب..

عيونج الحلوه ..

مشكوره..

رورو الشخبوطه said...

هلا يونيك..

اللي اعرفه انه دبي الاستثمار عندهم وايد اقوى من عندنا..

الله يعافيج يارب..

مشكوره..

رورو الشخبوطه said...

هلا ابتسامه..

اي الحمدالله لو ماضيق الوقت..

مشكوره..

رورو الشخبوطه said...

هلا راند..

يس :)

الله يعافيج يارب..

مشكوره واجمعين يارب..

حياج الله..

رورو الشخبوطه said...

هلا رورو..

ان شاءالله..

حياج الله..

رورو الشخبوطه said...

هلا انجو..

خخ تحسين داش عرض :p

الله يعافيج يارب..

ان شاءالله عجبوج عاد؟؟

وحياج الله..

رورو الشخبوطه said...

هلا مدمد..

هناك بالمجمع في 3 ملوت الاظافر هذا اللي اعرفهم يمكن في غيرهم بعد:\

اي شرح ماشاءالله لانه ابيض..

الله يعافيج يارب..

حلو مو خخ يوش بول :\

ومرسي..

رورو الشخبوطه said...

هلا اخوي جاحظ..

لانه اصور كل شي ؟؟

احب هالسوالف تدري انه مره كان عندنا مشروع بالجامعه نصور مكان بادق تفاصيله فانا اطبق اللي دارسته ..

خخ..

مشكور..

وحياك الله..

رورو الشخبوطه said...

هلا حنونه..

ان شاءالله..

مشكوره من ذوقج :)

وحياج الله..

رورو الشخبوطه said...

هلا كريزي..

اي الحمدالله..

الله يعافيج يارب..

مشكوره..

رورو الشخبوطه said...

هلا كوكو..

مرسي..

والله يعافيج يارب..

حياج الله..

Hopeless Sight said...

أسعارهم حلوة
عليج بالعافية و يعطيج العافية :)

رورو الشخبوطه said...

هلا هوبيلس..

الله يعافيج يارب.

مشكوره...

خاتون said...

و عليكم السلام
على قولة امي القالب غالب
أنت اللي محليه الصبغ
و لونه وايد راقي و ناعم
عليج بالعافية
^_^

رورو الشخبوطه said...

هلا خاتون..

بعد عمري عيونج الحلوه..

والله يعافيج يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads