Tuesday, April 13, 2010
السلام عليكم..
من فتره منزلين اعلانات عن بيتزا يديده نزلت وانا احب اجرب ..
بالويك اند يالله قدرت اجربه ..
اخترت العرض الوسط اللي فيه فطايس الببروني واليبتزا وسط وبطاط ودجز و2 بيبيسي..
ذقتها زينه مو وااو ماراح اكرر التجربه :\
والبتزا اساسا انا احب البيبروني بس كنا طالبين العادييه وكالعاده ماستمتعت فيه لاني ماحب البصل ولا الفلفل الاخضرا والبتزا صغيره وايد كلها اطراف :\


ماحبيتها ياحلات العاديه وايد الذ من هذي :\

24 comments:

AM.SA.CHANNEL said...

شخبوطة و إنتي ما تعرفين تسوووين دعايا للأكل إلا هالوقت هههههههه و الله مب ناقصين يوع هالوقت ..

بس شفت دعاية هالبيتزا، لكن ما تشجعت أجربها ما أحب هالتخبيص، حلاتها خفيفة البيتزا ..

لمار said...

هلا والله بالغالية رورو ...اشتاقتلك العافية وانا والله والله مشتاقتلك وتراني كل يوم اشيك على البلوق بس مااعلق:)وسبحان الله كنت ابي اسوي اليوم بيتزاء عشان تعرفين القلوب عند بعضهاههههههه و بالعافيةياقلبي عليك.

Made n Q8 said...

عليكم بالعافية

الاسبوع الي طاف شفت الاعلان وكنه بنطلب فطاير الببروني عشا جان تقول اختي عفيه لا تطلبينها تلقين هذا الزايد من عيينه البيتزا حاطين فيها ببروني وسموها وجبه خخخخ

Mohammed said...

غلطاااانه يارورو من صجج تجربين هالسوالف

بيتزا هت لاتجربين الاشياء الجديده اللي ينزلونها لان قاموا يخربطون بالاكل

خليج على السلطات والبيتزا العاديه

وجربي ساندويش سوبريم مالتهم حلوه

وسلطة البطاط والجيز كيك مالهم حلو وخليه يحط لج اكسترا صوص لووووول


جني قرقت بزياده

ShaymoOona said...

بالعافيه على قلبج :)
عجيييب شكلهاا

شاي الضحى said...

لوووول

كله اشوفهم اعلانهم واضحك حده ما يشجع

خاصة البيتزا شكلها مو حلو

بيتزا هت بس راحت عليه

ووايد اكلهم ثقيل وفيه دهن


عليكم بالعافيه :)

Abdulwahab said...

البيتزا حلاتها مدورة و عادية ,, من يحطون فيها فناتق تخترب!!! صح كلامج العادية وايد احلى :) مشكورة :)

Om Hrooby said...

بيتزا هت صاير بايخ ..البيتزا مالتهم صايره وايد سميكه ومالها طعم ..صارلنا فترة مودرينه ..في مطعم ثاني للبيتزا عجيب مادري اذا عندكم اسمه بابا جونز
البيتزا المكسيكية مالتهم عجيبة

بالعافية على قلبج ^^
سلملم~

سمو الأميرهـ ..ツ said...

مرحبا رورو ...
اممم جربتها ..
فعلا مو مثل ما كنت متوقعه ..
طعمها عادي ...
------

:)
تحياتي

رورو الشخبوطه said...

هلا شانيل..

خخخخ لا ذمتها وانا ماصحصح الا بهالوقت :\

اي وايد احلى الخفيفه..

حياج الله..

رورو الشخبوطه said...

اهلين لمار..

الله يعافيج..

اها حسبالي ماكنتي تشبكين..

خخ انا كليتها بالويك اند وقت البلعه :)

والله يعافيج يارب..

حياج الله..

رورو الشخبوطه said...

هلا مد مد..

الله يعافيج يارب..

خخخخخخخخخ اي والله يجوز ..

وحياج الله..

رورو الشخبوطه said...

هلا اخوي محمد..

ماتوب :\

كلما اجرب شي يديد عندهم يطلع مو ذاك الزود :\

اي سلطاتهم زينه بس مو كلها انا احب الخضرا العاديه اما مايونيز لا ماحبها ..

والصمونه جربتها حلوه ..

اما الكيك لا جربت الككاو وكرهت عمري بجرب الجيز كيك ان شاءالله وسلطة البطاط اذا مهروس اوكي اذا صلب ماحب..

ولا عادي اخذ راحتك..

حياك الله..

رورو الشخبوطه said...

هلا شيمونه..

اشوه احد شوقته الصوره غيري خخخ..

ويعافيج يارب..

حياج الله..

رورو الشخبوطه said...

هلا جايونه..

انا شوقتني خخخ ..

انا احب التردشنال مادري شلون تنكتب بس قطعوها..

وماعرف بيتزا غيرها يوصلون للبيت ..

الله يعافيج يارب..

حياج الله..

رورو الشخبوطه said...

هلا وهابي..

اي لانه يهتمون بس بالشكل وينسون الشي الاهم الطعم ..

العفو ولو..

حياك الله..

رورو الشخبوطه said...

هلا ام حروبي..

اي عندنا هالمطعم بس مايوصل منطقتنا مره كنت بجربه طلبته بالدوام وكان زين مو واو بس رفيجتي حبته..

الله يعافيج يارب..

حياج الله..

رورو الشخبوطه said...

اهلين سمو..

اي اكيد معاي مايصير اكل وماعطي بنوتي :)

وبالعافيه يارب..

حياج الله..

Unknown said...

وااي شخبوطة بيتزا هت اللي يزيد النعمة تدرين صارلي يمكمن عشر سنين ماكل منهم احس بيتزتهم زفرة :\

رورو الشخبوطه said...

هلا زبوطه..

عيل انا كل منهم اذا بالبيت لانه ماكو بديل :(

ديومنيز بيتزا ماحبيته وماعرف اذا في مطاعم 2 توصل..

وحياج الله..

Anonymous said...

أنا ما تعحبني عروض بيتزا هت كللش:(
عالعموم عليج بالعافية:)

رورو الشخبوطه said...

هلا هوب..

انا تعجبني عروضهم التوفيريه :)

والله يعافيج يارب..

مرسوو..

cheese cake said...

جربت البيتزا اللي اطرافها جبن ولحم مووووشي الله يزيد النعمه....

رورو الشخبوطه said...

هلا جيز ..

اي احلى شي عندهم العاديين مو مال تفنتق :\

ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads