Monday, April 5, 2010
السلام عليكم ..
اليوم اول مابطل باب الطلعه من الدوام طق مطر وناسه ..
احنا الطريج طويل وهالمره مطر فلازم نمر بشوارع حلوه جنه استغفرالله ناقصنا , هالشارع او بالاحرى دوار توه يديد اعتقد سوه باخر سنه لي بالجامعه ب2008 تقريبا وشنو ماحبه زحمه الصبح و غيله بايام المطر مكانه غلط والمفروض مدام يديد يكون الشارع زين مو جذي :\ بس المفروض غير الواقع..
اخليكم مع الصور ..
اهني وهقه في سياره طبعت وصاحبها يدزها كسر خاطري وعليه لو جوتي مو خام وماستحي جان نزلت اعاونه :\


اهني اوضح..

يبيله سياره برمائيه ..




واهني اخر صوره والحمدالله عديناه بدون خساير ..




نبي حل مو كافي طريج طويل وزحمه !!
كانت معكم من ارض الحدث ..
رووووووووورو :)

40 comments:

ساره النومس said...

انتي بالكويت ؟؟؟

متأكدة ؟؟؟

ما6ق عندنا @@

شاي الضحى said...

حسافه كان فيضان الا شوي

ماميتا said...

ماشاءالله الله يجعلها امطار خير وبركه ويعم بنفعها ارجاء بلاد المسلمين

may said...

اولللله

ما توقعت جذي المطر..

انا كنت بالبيت لما طق المطر..

وحسيت بصوته قوي .. بس لاهية مع شوي وما شفته..

بس والله مو بعيده يصير..

AM.SA.CHANNEL said...

ما شـــــــاء الله هذا صب اليوووم عندكم .. نحنا بعد نبا رشة لو شوية ...

الله يجلعلها أمطار خير إنشاء الله ..

Anonymous said...

ماشاء الله .. الله يعطيكم خيرها ويكفيكم شرها..

الله يعطيك العافيه رورو ع التغطية الحلوه

بالتوفيق

Amwaj said...

إي والله يا رورو صج وناسة طق المطر مع طلعتي من الجامعة

الله يعطينه خيره يارب

تحياتي :)

Her said...

lma yanna mu6ar :s bs 3'bar:(

بو ذياب said...

زين ماغرقتي يمعوده ..
المره اليايه يوم تطلعين لبسي طفاحيات

Just A Bunch said...

و يقولون ليش ماحب المطر!!!

اهوا لو مايتكود و يغرقنا (سمعوا يالمسئولين) جان يمكن حبيته...

بس هم المطر خير و بركة ، بس اهم شي مايحوشني ...

Made n Q8 said...

مشالله هذا متى!! انا ويني لوول

الله يجعلها امطار خيير

ميمة السبيت said...

** مشالله تبارك الرحمن احنه طق عندنا مطر بس مو لهالدرجة ..

ShaymoOona said...

احلو المطر و الله :)
ياربي لا تحرمنا من غيثك

ebtsamh said...

نغرق بشبر ماي :)

الله المستعان بس ..

رورو الشخبوطه said...

هلا طموحه..

نعم خخخ اكيد بالكويت ..

والله والله :p

اهو اللي شفته من 2 وشي لي ال3 والحجي تقريبا باغلب مناطق الكويت اللي مريتها من نص الكويت لي اخرها :)

بس تختلف شدته من مكان لي ال2 ..

وحياج الله..

رورو الشخبوطه said...

هلا جايونه..

اي والله مع اهمالهم يصير فيضان..

وحياج الله..

رورو الشخبوطه said...

هلا ماميتا..

امين يارب..

مشكوره..

رورو الشخبوطه said...

هلا مي..

ماشاءالله..

الصور اكبر دليل بس مو ع كثرته ع الاهمال اللي خلاه يتكود..

وحياج الله..

رورو الشخبوطه said...

هلا شانيل..

الله يزقكم يارب :)


امين يارب..

حياج الله..

رورو الشخبوطه said...

هلا راند..

امين يارب ومشكوره..

والله يعافيج واجمعين يارب..

حياج الله..

رورو الشخبوطه said...

هلا امواج..

وناسه في وحده عاشت الاجواء معاي :)

امين يارب..

حياج الله..

رورو الشخبوطه said...

هلا هير..

احنا الصبح كان غبار والظهر صار مطر ..

وهالحج ع المناطق اللي مريتها تقريبا نص الكويت :)

وحياج الله..

رورو الشخبوطه said...

هلا اخوي بوذياب..

ويع عاد مو خوش غرقه تصير بلبس سيارتنا بعد :)

وحياك الله..

رورو الشخبوطه said...

هلا جست..

انا احبه بس ماحب المشاكل اللي تصير منه ..

اي بالضبط هذا القصد من البوست اهو المطر حلو بس شوارعنا تكرهنا فيه ..

عيل نقطتين ونغرق :\

صاجه :)

حياج الله..

رورو الشخبوطه said...

هلا مدمد..

من ال2 وشي لي ال3 اتوقع حزتها كنتي بيتكم من جذي ماانتبهتي ..

امين يارب..

حياج الله..

daloo3a said...

صايره مراسله صحفيه

يلاا مبروك عليكم الرحمه ^^

رورو الشخبوطه said...

هلا ميمه..

صح اهو من مكان لي 2 كان يفرق ويمكن شواركم احسن من هالمكان :)

وحياج الله..

رورو الشخبوطه said...

هلا شيمونه..

امين يارب..

وحياج الله..

رورو الشخبوطه said...

هلا ابتسامه..

من الاهمال للاسف..

وحياج الله..

رورو الشخبوطه said...

هلا دلوعه..

لا مراسله بلوقيه خخخ..

الفال لكم ان شاءالله..

وحياج الله..

بس هاديري بالج ع شيبتي لا يغرق خخخ..

Om Hrooby said...

وااااااي تولهت على المطر وناااسه ..بس صدقج كلنا بالهوا سوا من فترة نزل مطر عندنا ..الدوار ما كنا نشوفه ..يعني اللي مايعرف الطريج ..الله معاه ..يباله فورويل ..ولا على قولتج سيارة برمائية ..استثمار ناجح ^_*

رورو الشخبوطه said...

هلا ام حروبي..

الله يرزقكم باقرب وقت يارب..

الظاهر سوء تخطيط ع ابو مناخنا جاف فمو مهيئين شوارعنا لهالسوالف :\

خخخ وحلاتها منحه من الحكومه ..

وحياج الله..

Anonymous said...

ماشاء الله تبارك الله..

عندنا كل ماتلبدت الغيوم..

جانا غبار.. أظن تسمونة في الكويت طوز

ويالله الحياة حلوة


اطيب تحية

رورو الشخبوطه said...

هلا اخوي عناي..

اي بس عيب سوء الاهمال :\

واحنا الصبح كان غبار والظهر مطر ..

والله يرزقكم قريب يارب..

حياك الله..

Anonymous said...

امبيه توني أدري انه طاق مطر !

رورو الشخبوطه said...

هلا حنون..

يمكن حزتها كنتي بالبيت ..

او ماطق عندكم..

حياج الله..

Crazy Girl in aGood Way said...

ماعندنا بالكويت حساب مثل هاليوم للاسف :)

شكرا على نقل الحدث :)

رورو الشخبوطه said...

هلا كريزي..

اي للاسف..

مادري هالمناقصات ع شنو تكون !!

العفو ولو..

حياج الله..

خاتون said...

لووووووووووووول
مساكين شكلكم رجعتوا ناقعين
يللا حلوة المغامرات و الأكشن
*_^

رورو الشخبوطه said...

هلا خاتون..

لا الحمدالله..

طلعنا ناشفين خخ..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads