Monday, March 1, 2010
8:40 PM
السلام ..
اليوم طلعت مع Made n Q8 واختي ..
اول شي تغدينا كنا نبي بو حصان بس كان متروس قالوا لنا نطروا 22 دقيقه ماكان في مجال ورانا فيلم فدشينا الفورنو ..
اول شي تغدينا كنا نبي بو حصان بس كان متروس قالوا لنا نطروا 22 دقيقه ماكان في مجال ورانا فيلم فدشينا الفورنو ..
طبقي ..
طبق مدمد .. حركات ;)
طبق اختي..
وعقب رحنا فيلم ..
ماشاءالله الصالة فل مالقيت مكان الا جدام اول سطرة :\<< اليوم لانه عطله فالتذكره ب3 مو دينار ونص
قصته باختصار :
شخص يعاني من التوحد يسافر الى امريكا وهناك يتعرف على امراه من نفس جنسيته لكن ديانتها مختلفه فيحبها ويتزوجها ومالبث ان تعرضت امريكا للارهاب وهجمات 11\ سبتمبر و تتبعات الامر على المسلمين ومدى الاضرار التي نالتهم جراء هذا الامر .
اكثر شي عجبني فيه انه له هدف ورسالة :
_لما الام قالت له مافي فرق بين الاديان المختلفة الانسان اما يكون صالح او طالح .
-انه الدين الاسلامي دين سماحة وبينها الفيلم من خلال مساعدته و مشاركتة للمسيح وغيرهم بشعائرهم او محنهم .
-انه لايمكن لانسان ان يتخلى عن هويته من خلال عودة مرت اخوه للبس الحجاب .
- انه الاصرار والعزيمة وبذل الاسباب والتوكل على الله اسهل درب للحصول على ماتريد.
- عباره شدتني بما معناه الاسلام دين حب مو دين عنف .
تعلمت جم كلمه هنديه : محبتي = حب
خدافس = مع السلامة << انا حسبالي كلمة فارسية
بس وانسان معناهم بالهندي مثل العربي .
*تعلمت انه فئة التوحد يمكن تربيته وتشكيله مثل ما يرغب الوالدين :
-وبالدعم والتشجيع ستكون فئة مبدعة .
-لهم مخاوف مثل كره لون الاصفر والازعاج والصراخ ومن الحركات لايحبذون اللمس.
*لقطتين ماحبيتهم فيه الا بالليلة عرسهم واللي لما كانت بالمطبخ احس ماله داعي قطع :\
____________________________________
عقب طلعنا فاقترحت مدمد انه نحلي..
وكنا نحوس ندور مكان جان نشوف هالوحة :
وهذي جم لقطة منها صورة مني والباجي تصوير اخيتي مرسي خيتو..
عقب قررنا نحلي بقولدن ستون ..
هذا مالي ومال اختي نفس الطلب بس اهي بدون كريمه اسمه شطوله ويضحك كنت حافظته ونسيته :\
الطبق عباره عن برد ككاو وقطع براوني ع صوب وفوقهم كريم وصولص ككاو وعليهم اعتقد لوز ..
طلب مدمد ..
هم مدمد ماقصرت صورت جم شغله معانا مرسي ..عموما الطلعه كانت ممتعه بس في مناقصات وملاغة صبيان ..
بختام الموزوع :
سين سوال علامهم الصبيان يرزون ويهم ويعلقون ع سوالفنا ترا عيب << اتحجى عن ناس شفناهم اليوم بالسوق الله يهديهم يارب ..
سين سوال علامهم الصبيان يرزون ويهم ويعلقون ع سوالفنا ترا عيب << اتحجى عن ناس شفناهم اليوم بالسوق الله يهديهم يارب ..
المصيبه مو صغار كبار بنص العشرينات وفوق ..
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
28 comments:
الله عليج .. اكل شهي يم يم يممممممم مطاعمكم غير شكل ^_^
اهم شي علامة النصر مالت مد مد ههههههه
تسلمين على البوست الروعة ..
عليج بالعافية حياتي :)
الله حدي مستانسة..حسيت اني وياكم يالله انتظرك باكر بس لومافية مانع تصورين لنا اي موضة دارجة عندكم بالكويت حق الشعر او اللبس او الاظافر او او اي شي ادري مصختها حبيبتي يالله تسلمين بعد عمري.
صدتج اليوم بالافنيوز ;) دزيتلج مسج بس الظاهر وصلج متأخر
حدي ميتة ودي اشوووف الفلم احس وايد حلوو!
هلا اخوي عبدالله..
اي مافي اكثر منها خخخ..
اي خوش حركة خخ..
الله يسلمك يارب..
وحياك الله..
هلا كوكتيل..
الله يعافيج يارب..
حياج الله..
هلا لمار..
دوم مستانسه ان شاءالله..
الاظافر حطيت المينيكس = لزقات بالوان معدنيه او نقشات مثل التايغر حطيت عنهم بوست قبل فتره..
وامس بعد حطيت عن الاصباغ المطفيه او قلتر هم هذيل دارجين الحين ..
الشعر للحين موبالي شي بس بشوف ان شاءالله..
اللبس منوع كل وحده وستايلها بس الوان الفاقعه للحين موجوده ..
الملافع دارج الحين القطن ..
عطيني جم يوم بحاول ايب لج اخر الموضات الدراجة ..
الله يسلمج يارب..
وحياج الله..
هلا زبوطة..
حسافه توني اشوف المسج..
انا تلفوني ماشوفه الا حزة النوم ومو كل يوم بس بالدوامات و اذا باتصل او ادز مسج لاحد..
تعالي فرقت عليج ؟؟
متنت!
اي يونس يسوى تشوفينه..
وحياج الله..
وي قميضة يلا ميخالف اليايات اكثر ان شاالله !
اي انترستي شوي بس انتي كنتي عصلة فعادي حلو عليج بكل الاحوال ;)
انا كل ماسلمت على احد من ايام الجامعة ماعرفوني :\
ولكم باك زبوطة..
اي ان شاءالله..
مرسي شكله يبيله رجيم :\
وي لا بعرفج ان شاءالله فهل يخفى القمر :)
وحياج خيتو..
لا بدون ريجيم اسمالله عليج غزالة ;)
ماشاء الله
شكله فله ووناسه
عليكم بالعافيه
لا لا لا لا..
خخ مو متعوده ع هالحجي ..
الحين انجلط..
مرسوو من ذوقج ..
هلا مبدعه..
اي وايد الحمدالله..
الله يعافيج يارب..
مشكوره..
ههههههه موضوع روعه والله وناسه ومتعه اجدها بين سطورك الله يعطيك العافيه
سلامي لأختك ..
لوول تذكرت الي صار
بس صج استانسنا الله يديم علينا
وبعض الشباب الله يهديهم مايصدقون يشوفون جميلات الا وقاموا يبدعون ياربي.. يعني شنسوي بجمالنا الباهر خخخخ!!
hope u did enjoy ur time
فيلم خان من الافلام الجميلة
هلا رندا ..
خخ حياج الله والله يعافيج يارب ..
يوصل ان شاءالله ..
الله يسلمج ..
ومشكوره..
هلا اخوي عين بغزي..
حياك الله..
هلا مدمد..
امين يارب..
خخخ مادري نتنقب حرام نبهرهم ونستاثم فيه :p
وحياج الله خيتو..
هلا اخوي بطالي..
اي الحمدالله..
مشكور ..
هلا اخوي شارم..
اي صح مو مثل الافلام الهنديه المعروفه..
او الافلام ال2 اللي تستهزء بعقلية المشاهد..
حياك الله..
عساها مداخيل العافية حبيبتي
و بالنسبة لقصة الفلم حدها حلوة
و عسى ايامج كلها مسرة و سعادة
للأسف من الفضاوة و الجيل صاير في سفاهة أنتي الكبيرةسامحيهم هههههه
*_^
هلا خاتون..
الله يعافيج يارب..
اي صح حبيتها وشاروخان مضبط الدور ..
اجمعين يارب..
خخخ اي الشكو لله ماكو الا ندعيلهم ..
وحياج الله..
خوش طلعه والله عساها جمعه دايمه يارب..
بالنسبه للفلم انا هم عجبتني القصه اول مره اشوف فلم هندي بهالجديه,,,بس زوجته مرات تبط الجبد صراحه خصوصا اخر شي لمن ترد له عقب شنو!!
تحياتي لج
هلا كويتيه..
امين يارب مشكوره..
يمكن لانها وعت انه يحبها وبعد كانت مصدومة بموت ولدها..
وحياج الله..