Monday, March 1, 2010
السلام ..
اليوم طلعت مع Made n Q8 واختي ..
اول شي تغدينا كنا نبي بو حصان بس كان متروس قالوا لنا نطروا 22 دقيقه ماكان في مجال ورانا فيلم فدشينا الفورنو ..
طبقي ..
طبق مدمد ..
حركات ;)

طبق اختي..


وعقب رحنا فيلم ..



ماشاءالله الصالة فل مالقيت مكان الا جدام اول سطرة :\<< اليوم لانه عطله فالتذكره ب3 مو دينار ونص

قصته باختصار :

شخص يعاني من التوحد يسافر الى امريكا وهناك يتعرف على امراه من نفس جنسيته لكن ديانتها مختلفه فيحبها ويتزوجها ومالبث ان تعرضت امريكا للارهاب وهجمات 11\ سبتمبر و تتبعات الامر على المسلمين ومدى الاضرار التي نالتهم جراء هذا الامر .


اكثر شي عجبني فيه انه له هدف ورسالة :

_لما الام قالت له مافي فرق بين الاديان المختلفة الانسان اما يكون صالح او طالح .

-انه الدين الاسلامي دين سماحة وبينها الفيلم من خلال مساعدته و مشاركتة للمسيح وغيرهم بشعائرهم او محنهم .
-انه لايمكن لانسان ان يتخلى عن هويته من خلال عودة مرت اخوه للبس الحجاب .
- انه الاصرار والعزيمة وبذل الاسباب والتوكل على الله اسهل درب للحصول على ماتريد.
- عباره شدتني بما معناه الاسلام دين حب مو دين عنف .

تعلمت جم كلمه هنديه : محبتي = حب
خدافس = مع السلامة << انا حسبالي كلمة فارسية
بس وانسان معناهم بالهندي مثل العربي .

*تعلمت انه فئة التوحد يمكن تربيته وتشكيله مثل ما يرغب الوالدين :

-وبالدعم والتشجيع ستكون فئة مبدعة .
-لهم مخاوف مثل كره لون الاصفر والازعاج والصراخ ومن الحركات لايحبذون اللمس.

*لقطتين ماحبيتهم فيه الا بالليلة عرسهم واللي لما كانت بالمطبخ احس ماله داعي قطع :\


____________________________________

عقب طلعنا فاقترحت مدمد انه نحلي..

وكنا نحوس ندور مكان جان نشوف هالوحة :





وهذي جم لقطة منها صورة مني والباجي تصوير اخيتي مرسي خيتو..











عقب قررنا نحلي بقولدن ستون ..
هذا مالي ومال اختي نفس الطلب بس اهي بدون كريمه اسمه شطوله ويضحك كنت حافظته ونسيته :\
الطبق عباره عن برد ككاو وقطع براوني ع صوب وفوقهم كريم وصولص ككاو وعليهم اعتقد لوز ..
طلب مدمد ..

هم مدمد ماقصرت صورت جم شغله معانا مرسي ..
عموما الطلعه كانت ممتعه بس في مناقصات وملاغة صبيان ..
بختام الموزوع :
سين سوال علامهم الصبيان يرزون ويهم ويعلقون ع سوالفنا ترا عيب << اتحجى عن ناس شفناهم اليوم بالسوق الله يهديهم يارب ..
المصيبه مو صغار كبار بنص العشرينات وفوق ..

28 comments:

بدون تعليق said...

الله عليج .. اكل شهي يم يم يممممممم مطاعمكم غير شكل ^_^

اهم شي علامة النصر مالت مد مد ههههههه

تسلمين على البوست الروعة ..

كوكتيل said...

عليج بالعافية حياتي :)

لمار said...

الله حدي مستانسة..حسيت اني وياكم يالله انتظرك باكر بس لومافية مانع تصورين لنا اي موضة دارجة عندكم بالكويت حق الشعر او اللبس او الاظافر او او اي شي ادري مصختها حبيبتي يالله تسلمين بعد عمري.

Unknown said...

صدتج اليوم بالافنيوز ;) دزيتلج مسج بس الظاهر وصلج متأخر
حدي ميتة ودي اشوووف الفلم احس وايد حلوو!

رورو الشخبوطه said...

هلا اخوي عبدالله..

اي مافي اكثر منها خخخ..

اي خوش حركة خخ..

الله يسلمك يارب..

وحياك الله..

رورو الشخبوطه said...

هلا كوكتيل..

الله يعافيج يارب..

حياج الله..

رورو الشخبوطه said...

هلا لمار..

دوم مستانسه ان شاءالله..

الاظافر حطيت المينيكس = لزقات بالوان معدنيه او نقشات مثل التايغر حطيت عنهم بوست قبل فتره..

وامس بعد حطيت عن الاصباغ المطفيه او قلتر هم هذيل دارجين الحين ..

الشعر للحين موبالي شي بس بشوف ان شاءالله..

اللبس منوع كل وحده وستايلها بس الوان الفاقعه للحين موجوده ..

الملافع دارج الحين القطن ..

عطيني جم يوم بحاول ايب لج اخر الموضات الدراجة ..

الله يسلمج يارب..

وحياج الله..

رورو الشخبوطه said...

هلا زبوطة..

حسافه توني اشوف المسج..

انا تلفوني ماشوفه الا حزة النوم ومو كل يوم بس بالدوامات و اذا باتصل او ادز مسج لاحد..

تعالي فرقت عليج ؟؟

متنت!

اي يونس يسوى تشوفينه..

وحياج الله..

Unknown said...

وي قميضة يلا ميخالف اليايات اكثر ان شاالله !
اي انترستي شوي بس انتي كنتي عصلة فعادي حلو عليج بكل الاحوال ;)
انا كل ماسلمت على احد من ايام الجامعة ماعرفوني :\

رورو الشخبوطه said...

ولكم باك زبوطة..

اي ان شاءالله..

مرسي شكله يبيله رجيم :\

وي لا بعرفج ان شاءالله فهل يخفى القمر :)

وحياج خيتو..

Unknown said...

لا بدون ريجيم اسمالله عليج غزالة ;)

خدمات البحث العلمي said...

ماشاء الله
شكله فله ووناسه
عليكم بالعافيه

رورو الشخبوطه said...

لا لا لا لا..

خخ مو متعوده ع هالحجي ..

الحين انجلط..

مرسوو من ذوقج ..

رورو الشخبوطه said...

هلا مبدعه..

اي وايد الحمدالله..

الله يعافيج يارب..

مشكوره..

Anonymous said...

ههههههه موضوع روعه والله وناسه ومتعه اجدها بين سطورك الله يعطيك العافيه

سلامي لأختك ..

Made n Q8 said...

لوول تذكرت الي صار

بس صج استانسنا الله يديم علينا

وبعض الشباب الله يهديهم مايصدقون يشوفون جميلات الا وقاموا يبدعون ياربي.. يعني شنسوي بجمالنا الباهر خخخخ!!

ba6alah said...

hope u did enjoy ur time

-_- said...

فيلم خان من الافلام الجميلة

رورو الشخبوطه said...

هلا رندا ..

خخ حياج الله والله يعافيج يارب ..

يوصل ان شاءالله ..

الله يسلمج ..

ومشكوره..

رورو الشخبوطه said...

هلا اخوي عين بغزي..

حياك الله..

رورو الشخبوطه said...

هلا مدمد..


امين يارب..

خخخ مادري نتنقب حرام نبهرهم ونستاثم فيه :p

وحياج الله خيتو..

رورو الشخبوطه said...

هلا اخوي بطالي..

اي الحمدالله..

مشكور ..

رورو الشخبوطه said...

هلا اخوي شارم..

اي صح مو مثل الافلام الهنديه المعروفه..

او الافلام ال2 اللي تستهزء بعقلية المشاهد..

حياك الله..

خاتون said...

عساها مداخيل العافية حبيبتي
و بالنسبة لقصة الفلم حدها حلوة
و عسى ايامج كلها مسرة و سعادة
للأسف من الفضاوة و الجيل صاير في سفاهة أنتي الكبيرةسامحيهم هههههه
*_^

لمار said...
This comment has been removed by the author.
رورو الشخبوطه said...

هلا خاتون..

الله يعافيج يارب..

اي صح حبيتها وشاروخان مضبط الدور ..

اجمعين يارب..

خخخ اي الشكو لله ماكو الا ندعيلهم ..

وحياج الله..

Anonymous said...

خوش طلعه والله عساها جمعه دايمه يارب..

بالنسبه للفلم انا هم عجبتني القصه اول مره اشوف فلم هندي بهالجديه,,,بس زوجته مرات تبط الجبد صراحه خصوصا اخر شي لمن ترد له عقب شنو!!

تحياتي لج

رورو الشخبوطه said...

هلا كويتيه..

امين يارب مشكوره..

يمكن لانها وعت انه يحبها وبعد كانت مصدومة بموت ولدها..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads