Thursday, May 26, 2011
1:16 PM
اليوم بقولكم عن الاماكن اللي سويت فيها اظافري :واكتشفت انه ماجربت وايد اماكن :\ بالكويت مجربه 8 ومصورتهم برا بس جربت 1 وفي اعتقد غيرهم 2 بس ماصورتهم لانه من زمان :\
الخدمة :
حلوه , وحده دلع , ويعطونكم ادواتكم اللي استخدموها لكم اهم مو كلهم بس اهم شغلات مثل المبرد والعصاة و الفرشة , ولاني كنت مختارة الفرنش قلت لي انتي لج عندنا تصبغ اظافر تقدرين تسوينه خلال اسبوع , وعندهم منيو ضيافه ..
واصباغ اظافرهم مجموعه كبيره ماشاءالله عدي وخربطي حزتها انحولت مادري اختاري شنو خخخخ..
النتيجة :
ماجربت الا المنيكير وجلستين لايتينغ لايدي والفرنش وحبيت النتيجة مضبوطة :) وناويه اجربه مره 2 ان شاءالله ..
المعاملة :
زينه ..
السعر:
مو رخيص بس مناسب لخدمتهم ..
المكان :
حلو , واللي يميزه انه بين كرسي والثاني فاصل صج قصير بس على اقل في شوية خصوصية ..
العنوان :
مدينة الكويت –ش السور –برج جاسم ..
الخدمة :
عاديه , لا دلع ولا بطيخ , بس باجي السائل الوردي واكون مسوي اظافري بصالون بوطقة :\
النتيجة :
عاديه مو ذاك الزود ..
المعاملة :
اللي بالرسبشن تغث ودايخة توهقج , اما اللي سوالي اظافري زوينين حبيت اللي سوت لي ايدي اكثر ..
السعر:
غاااااااااااااااالي ع غير سنع , عندهم نظام كريه اللي اهو مو كل ترتمنت يشمل منيكير للاظافر مثل التبيض ب10 والاظافر ب5 اذا ايد جنه و6 اذا ريل وطبعا الترتمينت الريل يصير 12 تقريبا :\ مو بس جذي ماصبغوا اظافري
المكان :
موحلو :\ والصور اكبر دليل بس اهي قالت لي انه ناوين يسوين نيل بار ومادري اذا سوو او لا :\
العنوان :
حولي –مجمع المهلب الدور الاخير
التفاصيل (هني)
نيل ستيشن ..
الخدمة :
زينه , عندهم ضيافه بسيطه , شغلهم حلو بس تصبغ الاظافر مو بروفشنال :\ بس للامانه الحلو فيهم لما اخترب عدلوا لي اياه في مكان قالولي انتي اللي خربتيه مايصير :\ \<< عقب اقولكم منو !
واللي حبيت فيه من متابعتي له بالفيس بوك انه يحاولون يطورون خدماتهم ,,
النتيجة :
عجيبه وخاصة البديكير , كنت مختاره منيكير وبديكير برافيين مع جلسة معالجة جفاف الريل حزتها كانت بدينار بس..
المعاملة :
وايد زينه كلهم وصاحبة السبا تيين ماشاءالله حليوه ..
السعر:
تقريبا ارخص سبا جربته , بس قبل فتره مدمد دزتلي ايميل ببرشورهم اليديد اسعارهم تغيرت :\
المكان :
حلو والوانه تشوق
العنوان :
السالميه –شارع بغداد ..
ام اند ام ..
الخدمة :
زينه فتحولي السبا مخصوص عشاني
بس مجموعة اصباغ الاظافر شوووويه :\
النتيجة :
زوينه , كتريتمنت مو ذاك الزود بس الاظافر حلوين
المعاملة :
عادية , مااذكر انه عطوني شي كضيافه ..
السعر:
غالي بالنسبه لخدمتهم البسيطة , وحتى السليبر عندهم بفلوس خخخ..
المكان :
شرح
العنوان :
السالميه شارع بغداد
التفاصيل (هني)
بيوتي شيك..
الخدمة :
زينه , بس وايد حككت بذمة لضمير لدرجة جرحتني :\
النتيجة :
زينه مو ووااوو ...
المعاملة :
عجييييييييييييييييييييييييييبه واحلى ضيافه عندهم ..
السعر:
زوين بس عيبه مايشمل صبغ الاظافر :\
المكان :
صغيرونه لانه مو سبا متخصص بالاظافر . فحاطين له ركن صغير ..
العنوان :
الشعب البحري ..
التفاصيل (هني)
24 كي
الخدمة :
زينه , بس واااايد لويه ..
النتيجة :
هم زينه ..
المعاملة :
عاديه والضيافه بفلوس :\ مادري يمكن لانه قفت فاوتشر :\
السعر:
اغلى سبا جربته ..
المكان :
كديكور ماحبيته , بس احلى شي انه بالافينيوز
العنوان :
مثل ماقلت الافنيوز – فوق 21 فور ايفر..
التفاصيل (هني)
الخدمة :
زفت , لويه و قرقه , وكل وحده تحش بالثانيه كلش جو مو مريح ..
النتيجة :
الايد زينه , الريول لا ..
المعاملة :
مثل الخدمة :\ ماحبيته و لا ضيافه ولا عماة عين واخترب صبغي عقب ماتاكدت انه نشف لاني كنت بنزل بنطروني تخيلوا تشلع جنه اسلامي جان تيليي اللي سوت ايدي وخطر لا تطقني :\ انا حسبالي بتعدله :\ قالت لي هذي غلطتج ودفعي دينارين عشان نصبغهم لج مره 2 اهني استنزلت عليها وصبغتهم لي ببلاش خخ..
السعر:
غالي بالنسبه انه لانتيجة سنعه ولا معامله طلعوها من جبدي عاد كنت هديه
المكان :
شرح , بس كرسيهم حده مو مريح ,وهم الحلو فيه انه بالافينيوز..
العنوان :
الافنيوز فيز تو ..
نيل لاونج ..
الخدمة :
الستاف عجيب .., بس هم اصباغ اظافرهم شويه ..
النتيجة :
زينه
المعاملة :
راقيه بس عيبهم انه المساج ع المزاج نسيت اذكرهم يسون لي اياه ..
السعر:
زين .. >> قفت فاوتشر..
المكان :
زين وهدوء ..
العنوان :
مجمع الصالحية
الخلاصة عقب هالجم تجربة ماافضل اسوي اظافري الا بمكان متخصص فيهم وايد اضبط , وخاطري اجرب نيل بوليش :)
شنو احسن مكان سويتوا فيه اظافركم..؟؟
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
16 comments:
Nail Polish, Jabriya ;)
مشكورة رورو على الموضوع انا كنت ادور مكان اسوي فيه مانكير بس محتارة وين يه موضوعك بالوقت المناسب
لوووول ما نخلص من قرقه الاظافر بالواتس اب وتويتر نيي حق البلوق
اكملج سالفتي هني ههههه
بابل جربته وتحسفت اول شي بالغصب لقيت موعد كله زحمممممممه
وثاني شي زحمه والمكان صغير وايد واذا بتمرين ما تقدرين
والمكان مو هادي ومو مريح ولا دلع ولا شي
واخر شي النتيجه تبجي :( اظافري يضحكون تخيلي ظفر طويييييل وظفر قصيييييير وايد قاصتهم مدورين والايد الثانيه مربع ويييييييع صج غثتني وقلت توبه اجربه قطع
وجك بوم انتي خالصه
وجربت مي تايم نيل سبا الي بالافنيوز مرتين كانت التجربه زينه والمره الثانيه هوت ستون كنت وقتها يالله امشي اعري وريلي تعورني عقب المساج الي سوته لي قمت امشي صج كان عجيب
والي ما احبه فيه انه مكانه بالافنيوز زحمه وكل شي بنات يدشون بس يصبغون فصار لويه مو نفس قبل
ومن اول ما فتح ليلي اند دي قمت على طول اروح له صح القنفات مو وايد مريحين
بس الستاف يهبلون وكلهم زينين ويسوون لج الي تبينه وما تطلعين الا وانتي راضيه وكله اصبغ عندهم
واذا اخترب وانا عندهم يردون يضبطونه لي ووااااايد دقيقين واذا ما عجبني الصبغ ترد تغيره لي عادي
بس جنه هذيله الي جربتهم وصارلي جم شهر كله ليلي اند دي ما اغيره
ماشاء الله عليج رورو تبردين القلب
احب الشرح المفصل
ودي اجرب بابل سبا ماجربته
ان شاء الله في القريب العاجل
واتفق معاج المتخصصين احسن من الصالون العادي
جربي نيل ات راح تحبينه
واكو بعد نيلتيني الي بالسرة
مشكورة على الموظوع أشاركج في الراي تقريباً، ظروري تجربين صالون نيليشس في جمعية قرطبة، هذا الفيسبوك مالهم، ( http://www.facebook.com/pages/Nailicious-Nail-Spa/153551029517 ) الديكور مو زود بس الخدمة عجيبة!
ببلز و بس :)
شكرا على عرض التجربة
انا وايد احب اهتم باظافري بعد
جربت مي تايم ..
ويع ويع وااايد ما عجبني نفس ملاحظظاتج بالضبط !
22.24k
صراحة اللي عندهم اسمها جينا ..
طيعيني روحي مرة ثانية و طلبيها بالاسم .. احلى صبة لاظافري اهيا تسويهم و تنظف الجلد الزايد عدل عدل لدرجة اروحلهم مرة اهيا تسويلي و عقبها شهرين مااروح اما اروح نيل بوليش او ان بار يعيدولي على نفس الصبة و يقصرونهم بس
ان بار السالمية
يايبين جم وحدة يديدة مااعرفهم ..
بس الستاف ككل حبوبين .. و عندج وحدة اسمها دارلين وايد احب شغلها وااايد و سعرهم زين و مرات يضيفون مرات لا مادري الظاهر حسب الخدمة اللي تطلبينها
نايل بوليش
وااااااااااايد حلو على انه صغير و ملموم بس وايد عجبني و سعره وايد زين .. يعني المنيكير و البديكير العادي اقل من 10 اتوقع 9 دنانير ميبي ..بس حلو و ضيافة بلاش بعد هههههه بس عيبه الصغير المواعيد يعني مو دايما تحصلين بس يسوى
نيل ستايشن
همن نفس ملاحظاتج حلو زين .. و ممكن تروحين بدون موعد و احب سوالف الكرستال اللي يحطونها ع الاظافر و اللولو و جذي وايد فناتق عندهم
و بس سلامتج :$
nail it 7awally plaza
ليدي بس..
بجربه ان شاءالله..
ليزي ..
العفو ولو ..
حياج الله..
جايونه,,
خخ اي خخ..
وايد عليه ضغط ماشاءلله..
وصح صغير ..
انا لما رحت له مرتين صخه ودلع ماقارنت بغيره اهو لتوب توني ضفت نقطة كلشي ايي لي عندج ..
مخدة الجتف والخ ..
وي انا عيل طووولت حتى لايتنق ماخلصت بسرعه :\
اهو عيب كل سبا شغلهم مزاج يو زين و10 لا :\
وماكلمتيها ؟؟
هو حلاته بالافنيوز نه مكان مااستاحش منه اروح له بروحي عادي ..
بحط ليلي دي بلستتي واجربه ان شاءالله..
ومرسي جايونه ..
سويت..
حتى انا احب التفاصيل :)
ان شاءالله تجربينه ويعجبج ..
ان شاءالله بجربهم :)
مشكوره..
منول..
ان شاءالله بجربه..
والعفو ولو..
حياج الله..
نزهاويه..
بالنسبه لي اهو احسن اللي جربتهم ..
بيرلا..
وناسه ردج مثري :)
العفو ولو ..
وانتي بعد تسلمين ع الرد :)
اي نيل ستيشن مميز بفناتقه..
وشوقتيني ع نيل بوليش..
ان بار اهو اللي بجاليري 2000 ؟؟
ومرسي..
النوري..
بحطه بلستتي :)