Friday, November 12, 2010
السلام عليكم ..

اليوم صارلي سنتين متوظفه الحمدالله قدرت بهالسنه اتقبل شغلي وكونت لي قروب حلو بالدوام بس الله يعين اللي نستلمه خخخ..

كل عام وانا بخير :)

كل عام وانا موظفه مثاليه بالتطفير خخخ ..

والله يوفقني ويارب يطورون جهة عملي للاحسن :)

*******

ندش بموضوع اليوم..

من حصادي امس في جولتي الافنيوزيه ..

مجموعة من الخواتم اهي كلها عباره عن الخاتم اللي هبوا فيه مؤخرا من رمضان تقريبا اللي يصير خاتم سيامي يجمع اكثر نت صبع مع بعض..

اللي بحطهم كل واحد لصبعين العاده اللي اشوفهم ياكونون عن اسامي او فصوص ناعمه بس هذيل اول مره اشوفهم ..

عجبني وخذيت بس لما شفت زحمه رديت مايسوى اوقف طابور ع خاتم :\

رورو فراشة ملونة :p


مورد وهذا شكله يتوسع مو مقاس واحد ..

فيونكة :)

وبنفسجي ..

اسعارهم ..

تقريبا من دينارين الاربع الى دينارين ونص ..

موجودين :

بForever 21

و ع الهامش :

اشكر الموديلز مالتي خخ ..

واهديلها اغنيتها المفزله بحسي الشجي من قمة راسي دولجة دولجة لا خخخ مرسي مرسي مرسي لانج اخـــــــــــــــــــــــــتي D:

44 comments:

هديــل said...

ما يضايقون باللبس

بس غريب شكلهم وعجبتني الفراشة لووول

يعطيج العافية :)

شاي الضحى said...

وايد هابين فيهم

اتوقع مو عمليين

شكرا على التغطيه

وليكون الموديل مالتج نفسها مالت الاسنان ههههههه

Anonymous said...

كبار وايد
لو في صغار أحلى
مشكورة :)

DoDoq8 said...

احلى شي الي على حمامه

:)

Sn3a said...

ماشاءالله حلوين
تسلمين عالبوست بمر اشوفهم

Katkoota xD said...

اشكالهم غريبة

يعطيج العافية

و الله يخليكم حق بعض يارب

رورو الشخبوطه said...

هلا هديل..

لا عادي بس طبعا مو مثل الخواتم العاديه وانا بس قايسته فما اقدر احكم عدل ..

والله يعافيج يارب..

حياج الله..

رورو الشخبوطه said...

هلا جايونه..

اي بس مو وايد لانه يلزقون صبعين يميع بس عادي انا اهم شي لساني يتحرك خخخ..

والعفو ولو..

خ تنحت يالله استوعبت لا وي تخيلي بعد تطلع اختي خخخ..

حياج الله..

رورو الشخبوطه said...

هلا حنان..

ماراح يطلع مضبوط لانه صبعين يميع لازم شي كبير يغطي ..

العفو ولو..

حياج الله..

رورو الشخبوطه said...

هلا دودو..

اي حبيته بس ماشريته من الزحمه :(

وحياج الله..

رورو الشخبوطه said...

هلا سنعه..

الله يسلمج يارب..

ان شاءالله تحصلينه ويوالمونج..

حياج الله..

رورو الشخبوطه said...

هلا كتكوته..

الله يعافيج ..

وامين الله يخليلج حبيابج يارب..
وحياج الله..

فاطمة الابراهيم said...

شوقتينيا انا واختي عالخواتم
عليج بالعافية رورو

عاد بنروح و انخمط من الخواتم بصراحة حلوة

عاد سيري عندنا بغيناج بسالفه ياوخيتي

؛)

و كل عام و انتي موظفة مثالية

:)

ChuBBy-Doll said...

اليوم اطلعت خالتي ادش تقرى بلوقج اشعلييج خخخخخخ حلوين عليج بالعافيه عجبني اللي على فيونكه شكله كيووت

Hadeel said...

حلوين .. ووايد أشوف البنات يلبسونهم على أساميهم ..

يضحكون

مرات أنسى اسم البنية فأتوهق .. أطالع خاتمها وأذكر اسمها

مهرة سالم said...

السلام عليكم..
...
مووووفقه بالشغل
...
يعبني الورد :)
...
الله يحفظلج أختج
وتوافونا بتقارير
حلوه شراتكم
..
في أمان الله

Bint ilKuwait said...

Shakilhum eshaweeeg

Abdulwahab said...

لووول احلى شي مرسييي لكونك اختييي هههه ؛ الخاتم الثاني عجيييييب ياييبه حق امي :)

خاتون said...

انا تحوشني حكة منهم أحس أنه راسي واريولي مربوطين منهم على انه في منهم اشكالهم عجيبة بس ما اقدر عليهم
تسلمين على عرض الجديد أول مرة أشوف هالاستايلات انا شفت على ستايل اسماء عوايل أو أسماء بنات
يعطيج العافيه على تغطياتج
*_^

Anonymous said...

حلوين حيييييييل
اي مكان بالفنيوز بالضبط


نونو

ناعمة الهمس said...

حلوين وايد

الجودي said...

مشكوووورة

من زمان مو رايحه السوق

عطيتيني شعور السوق

رورو الشخبوطه said...

هلا لوتس..

اي يشوقون والله يعافيج يارب..

ان شاءالله ..

الحين امركم :)


وانتي كذلك :)

شكرا جزيلا :)

رورو الشخبوطه said...

هلا دول..

صج وناسه سلمي عليها وقولي لها مشكوره ع المتابعه :*

والله يعافيج يارب..

اي كيوت :)

وحياج الله..

رورو الشخبوطه said...

هلا شي..

اي صاجه الدارج يكونون ع اسم او كلمه..

خخ زين والله لهم فايده عيل :)

وحياج الله..

رورو الشخبوطه said...

هلا نهار ..

وعليكم السلام والرحمه
...
اجمعين يارب

جزاج الله خير
...
الورد للورد
...
الله يسلمج ويحفظ لج حبيايبج
وشرات مروركم الحلو :)
مشكوره :*
..
في أمان الكريم

حياج الله..

رورو الشخبوطه said...

هلا بنوته..

اي حبيتهم ..

حياج الله..

رورو الشخبوطه said...

هلا اخوي وهابي..
خخ اهي تغنيها لي مالت الدعايه ..

حلو ماشاءالله عليها بالعافيه يارب..

والله يخليك لها وتيب لها هدايا ماديه ومعنويه وترفع راسها فووق امين..

حياك الله..

رورو الشخبوطه said...

هلا خاتون..

انا اسمع يقولون جذي بس بجربه واشوف خخخ..

اي صاجه اهو الاكثر الدارج و ع كلمات بعد..

الله يعافيج يارب..

وحياج الله..

رورو الشخبوطه said...

هلا نونو..

بمحل 21 فور افر ..

وحياج الله..

رورو الشخبوطه said...

هلا ناعمه..

حياج الله..

رورو الشخبوطه said...

هلا الجودي..

العفو ولو ..

هالايام السوق ماينطب من الزحمه..

وحياج الله..

Unique Girl said...

يووووونسوووووون

بسألج في مقاسات ولا بس صغار ؟؟

رورو الشخبوطه said...

هلا يونيك..

لا مقاسات ..

انا اصابعي مو صغار وكلهم كبره او اكبر بعد

وحياج الله..

كوكتيل said...

كل عام وإنت بألف خير يارورو :)

بهذي المناسبة وبمناسبة قرب العيد :)

الوتيــــــــــن said...

ياختي آنا دايما اتوقع الغير متوقع

شفتهم من فتره وخفت اخذهم قلت بالله اضطريت افرق اصابعي؟ كوني وايد اكون مع عيال اختي فمايندره شيصير

فا هونت

بس شكلهم كيوت ^^

نـ(المطيري)ـازكـ said...

اول شي كل عام وانتي بخير
صج هالخواتم واااااايد هابين فيهم بس ترى للكشخة اللي بـو ساعه بس لانها تغث عندي منهم ^_^

رورو الشخبوطه said...

هلا كوكتيل..

وانتي بخير يارب..

مشكوره..

رورو الشخبوطه said...

هلا الوتين ..

اح يعور :\

وحياج الله..

رورو الشخبوطه said...

هلا نازك..

اي مو مال كل يوم او مال شغل متعب بايدج :\

وانتي بخير يارب..

شكرا..

Made n Q8 said...

شكلهم غريب

انا ماحب الخواتم يدلدغوني خخخخخخ

يعطيج العافية عالتغطية

رورو الشخبوطه said...

هلا مدمد.
انا احب بس انسى البسهم وساعات اذا لبستهم افصخهم ويضيعون :(

والله يعافيج يارب..

مشكوره..

Roro said...

في كشك بـ سوق شرق يم السينما يبيع
خاتم بو اثنين على اسامي يشوق
بـ 15 دينار :)

21 Forever
يشوقون اكسسواراته و رخيص ;)

رورو الشخبوطه said...

هلا رورو..

جنه بالفيس بوك ارخص :\

اي وايد احبه :)

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads