Sunday, November 14, 2010
السلام عليكم ..

قبل فتره جايونه نزلت خبر انه في تلفون اسمه زووم نزلوه شركة المستقبل واهو مناسب لحالات معينه وخصوصا لكبار الله يحفظهم يارب..

وقبل شهرين تقريبا مدمد نزلت بوست عنه (هني)

قلت لاميمتي عنه وعجبتها فكرته كنت باخذ لها مثل ما تنت ام مدمد بس قالت تبي اللي فيه كاميرا تستاهل دلوعتي تتشرط :)

شفته بالغانم قبل جم اسبوع كنت باخذه بس قالي ماكو خلص كله اوت اوف ستوك اهي اهي بس الحمدالله خيره ..

وقبل جم يوم اذا ماخب ظني يوم الخميس لقيته بكارفور فخذيته لها ع ابو اعطيها ايه بالعيد كعيديه واليوم ماقدرت وعطيته كنت مقرره ع ابو باجر عساس تكشخ فيه بالعيد :)

اخر سالفه قبل الصور هههه توني بقت تلفونها القديم ع ابو باخذ الخط واحطه باليديد  وطفيته ورديته جان اسمعها تنادي الخدامه وي خلص شحنه طفى :\ وفبلها كل ماحطيته بمكان لقيته تحوس صوبه :\



محتوياته :

الجهاز والشاحن والسماعه وبطاريه اللي شحنت التلفون عقب ستوعبت اني ما حطيتها :\
 خذيت اللون الاسود وفي لون 2 اهو السلفر ..

 وهذا مسج عشان تشوفون الخط ..



واهني امر 2 ..

وفيه مميزات غير عن القديم :

انه ملون وفيه كاميرا  1.3 ميغا بكسل بس تصويره مو ذاك الزود ..

وفيه بلوتوث ..

ومميزاته الاساسيه :

خطه كبير و شاشته واضحة  ومثل ماقالت مدمد لي ضغطتي ع الرقم يطلع حس وحده تقول الرقم اختي انغثت منها بتقصر حسها ماقدرت بس يومين وبيروح حسها لانه امي تقعد ع التلفون خخخخخخخخخخخخ لا وتقعد وتدوره حسبالها ضايع  :\..

سعره:

بالغانم : تقريبا 45 د.ك ..

بكارفور : 38.500 د.ك ..

وبالعافيه عليج اميمتي ..

31 comments:

خاتون said...

السلام عليكم
عيد سعيد ومبارك
تقبل الله طاعتكم
عاد كلش ولا الماما
دلعها واجب
في رضاها تصير للانسان
امور عجب
والفكرة حلوة تسهل القراءة
موفقة
^_^

Hanan said...

الله يطول بعمر الوالدة وعليها بالعافية

والله ضحكتني بس الكاميرا حق شنو تبيها؟
أمي تدوره من زمان وعليه مع إنها مو كبيرة وكله أقولها اشتري تلفون عادي موديل يديد وكاميرا زينة تقول مابي ما تهمني المظاهر وأبي خط كبير وتلفون يرسل ويستقبل بس. الله يطول عمرها راسها يابس.
شكلي بقط قطيه أنا وأختي ونشتريه لا بعيد ميلادها مع عطر كلوي اليديد.

Made n Q8 said...

مشالله

عليها بالعافية تستاهل الخير كله

والله يخليها لكم ويطول بعمرها

هذا ايدد واحد

انا امي ماادري وين حذفته خخخخخخخخ

AMANI said...

عساج عالقوه والله يخليها لج وتعيشين وتجيبين لها اكثر واكثر

والله تستاهل الوالده كل شي

بس تصدقين سعره حلو والله

تستاهل جدتي روح قلبي اهديها واحد مثلة

يالله عسى اميمتج تكسره بالعافيه

أبوفلان said...

تستاهل الوادلة الله يحفظها

الجهاز من زمان كنت بشتريه للوالد بس شريتله جهاز ثاني

والظاهر برجع آخذله هذا احسن عشان مايحتاج يلبس نظراة القراءة مع كل اتصال ومسج

شكرا لج

هديــل said...

ما شاء الله
بالعافية عليها
تستاهل الوالدة :)

نـ(المطيري)ـازكـ said...

كل عام وانتي بخير وعيدج مبارك

وتستاهل الوالدة وبي يطول بعمرها ههههههه امي رحت انا وياها وريتها لها جان تقولي لا والله هذا اللي ناقص شافتني نظري ضعيف ههههههه شرشحتني ماتسوى علي ههههه

^_^

مـي said...

والله يبيله !!


وسعره حلو

مشكوووورة على الفكرة..

:)

وزين سويتي ، أحلى شي الهدية للوالدين

رورو الشخبوطه said...

هلا خاتون..

وعليكم السلام والرحمه..

ايامج سعيده..

منا ومنكم يارب..

اي صاجه :)

اي وايد اريح ابوي نغر يبي مثله :\

واجمعين يارب..

رورو الشخبوطه said...

هلا حنان..

وامهات المسلمين اجمعين ويعافيج يارب..

عشان تصور اليهال احفادها :)

اي ع قولة ابوي اهم شي تلفون تقولين فيه الو خخخ..

امين يارب مو يابس قنوعه..

ان شاءالله..

وحياج الله..

رورو الشخبوطه said...

هلا مدمد..

الله يعافيج ويسلمج ..

وامهات المسلمين اجمعين يارب..

وي حسافه انه امي تبي تحط خط ين بكل جهاز خط عشتوا خخخ..

وحياج الله..

رورو الشخبوطه said...

هلا اماني ..

امين يارب جزاج الله خير ..

اي وايد حلو ..


الله يطول بعمرها يار اكيد تستاهل..

لا قلبي بيعورني اذا تكسر خخخ..

والله يعافيج..

مشكوره..

رورو الشخبوطه said...

هلا اخوي بوفلان ..

امين الله يسلمك يارب..


اي امس جربناه وايد اريح تقريبا كل المهام بخط كبير وعجب ابوي بعد..

انصحك فيه..

والعفو ولو..

حياك الله..

رورو الشخبوطه said...

هلا هديل ..

الله يعافيج يارب..

مشكوره..

رورو الشخبوطه said...

هلا نازك..

وانتي بخير وايامج سعيده يارب..

وامهات المسلمين اجمعين يارب..

وي خخخ اهي اذا ماشاءالله نظرها زين ماتحتاجه..

والله يخليها لج يارب..

ومشكوره..

رورو الشخبوطه said...

هلا مي..

اي حلو انصحج فيه كهديه لاي احد محتاجه من اهلج..

وايد مناسب..

اي هذيل جنتنا :)

وابوي نغر يبي مثله خخخ..

وحياج الله..

ميمة السبيت said...

** ايه يستاهلون الامهات عليها بالعافية

ebtsamh said...

تستاهل الغالية

كل عام وانتي واهيا بخير وصحه وعافيه

أضحى مبارك ع الجميع :)

bu-saad said...

ما خلو

عيدج مبارك و عساج من عواده

ms.sms said...

عيدج مبارك وتقبل الله طاعتكم ,,
ويخليها ويحفظها لكم
بصراحه او مره اسمع فيه ,, شكلي بقلدج ,,
وعلى فمره ننطرج تشرفينا مره ثانيه اخييرا بعد انقطاع نزلت بوست جديد

رورو الشخبوطه said...

هلا ميمه..

ان شاءالله تيب لج جوجو :)

والله يعافيج يارب..

شكرا..

رورو الشخبوطه said...

هلا ابتسامه..

وانتي بخير وصحة وسلامه يارب..

مشكوره..

رورو الشخبوطه said...

هلا اخوي بوسعد..

ايامك سعيده يارب..

مشكور..

رورو الشخبوطه said...

ms هلا ..

ابامج سعيده ومنا ومنكم يارب..

وامهات المسلمين يارب

اي انصحج فيه :)

ولكم باك ولا يهمج بمركم ان شاءالله..

وحياج الله..

Roro said...

عليها بالعافيه
اختي عطوها اياه دوامها هديه
عطته ابوي مابغاه لوول يقول يطلع صوت الارقام يفشل :p

رورو الشخبوطه said...

هلا رورو..

اي بس يتقصر الحس واذا سايلتن تنطرم خخخ..

بس صاجه مزعج حسها..

والله يعافيج يارب..

مشكوره..

Mohamm3d said...

تستاهل حلوة اللبن الله يخليها لج ويحفظها وهالله هالله فيها

رورو الشخبوطه said...

هلا اخوي محمد..

لله يسلمك ويحفظ لك اهلك وحبايبك يارب..

اي لا توصي حريصه :)

ومشكور..

Jojıı'cнαη said...

ماشاء الله عليج
جنج تدرين ان اول امس رحنا
شفنا هالفون حق ابوي
بس الهندي قعد يتفلسف قال مافيه كاميرا ولا بلوتوث
طلعوا في نوعين

مشكووره حبيبتي

رورو الشخبوطه said...

هلا جواهر..

اي في نوعين وهذا في زياده ميموري خارجيه نسيت اقول بالبوست ..


العفو ولو..

حياج الله..

meenakon said...

عليها بالعاافية ياربي

تستاهل اميمتكم عين السيح

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads