Saturday, November 13, 2010
السلام عليكم ..

اليوم بحل واجبين :

الاول :

س١ : من أرسل لك الدعوة ؟


س٢ : ما هي الموقع المفضلة لديك و تزورها باستمرار ؟ ضع رابطها و ما تستفيده منها

تقريبا مثل اجابة كتكوته ..

احب بلوقي وامر البلوقات ال2 اغلبها موجوده بلستتي ..

Google << معشوقي الابدي كل شي ابيه تقريبا احصله فيها ..

Youtube << هم وايد مفيد ..

Hotmail ال << احب اجيك ع ايميلي الشخصي ..

س٣: حول الواجب الى 5 مدونين ؟

وايد خمسه خخخ..

مادري اذا حالينه من قبل  ولا لا..

مدمد , جايونه , اللوتس , خاتون , حنان , النهار ودلوعه جنه صاروا اكثر خخ ..
الثاني :

من اللوتس
-اعترف انه ردة فعلي غير متوقعه وحتى انا استغرب منه ..

-اعترف اني جافه بمشاعري وماعبر عنها وتضررت من هالشي بس خيره ان شاءالله..

-اعترف اني احب اجرب كل شي اكل وكريمات و الخ ومعاشي مخلص عليها تقريبا وصلت مرحلة انه اذا عجبني شي اخذ لونين منه ع الاقل :\..

-اعترف انه اذا الشخص ما قدملي الشغله مااحب اخذها :\

-اعترف انه امنيتي بالحياة انه الله يكبر حظي :) لانه اذا صار حظي حلو كلشي بيصير عندي و يكبر حظ مدمد بعد وعليه مثل حالتي ..

-اعترف انه ماابي اكمل الـ 24 سنة لانه مااحب رقم اربعه احسه استغفرالله فقر علي :\

-اعترف انه ماكون مخططه لشنو بقول وعقب مااتحجى استوعب خخ ساعات احس اللي قلته عادي بس اشوف ويوه اللي حولي خطر لايموتون :\

-اعترف انه شي بسيط حيل ياثر فيني سلبا او ايجاب وتراكم هالشغلات تخليني احدد علاقتي باللي حولي ..

وبس :)

22 comments:

Question mark said...

مية مية كرسي الاعتراف لوووووووول,عيدج مبارك مقدما

BookMark said...

اعترافات حلوة ;)

وانا مثلج تقريبا بالاعتراف قبل الأخير،
مرات أقول شي وأخرب كل شي ;p

Amwaj said...

يااااااااارب يكبر حظج وحظ مدمد وحظي معاكم :)

يعطيج العافية :)

Hanan said...

زين عرفنا عنج
عشان نتحاشى شغلات ههههههه
يا عسى حظي وحظج وحظ مدمد يكبر إن شاءالله

أحمد الحيدر said...

خوش :)

عيدكم مبارك

mese said...

صباح الخير..
المواقع المفضلة تقريبا متشابهين..

أما كرسي الإعتراف حلوو ..
إستانست بالتعرف عليج أكثر..
والله يوسع عليج من فضلة يارب, ويفتح لج أبواب الخير ويحبب فيج خلقه أكثر وأكثر..

ولا تخافين من 24 تراها حلوه إسمعي مني :)

لج من كل الود والإحترام خيتي..

Made n Q8 said...

آمييييين يارب العالمين

ولاتخافين من 24 سنه الحمدالله دام اني عديتها على خير ان شاء الله بتعدينها على خير !

الحين بس تبيني احل السؤال الاول؟

oyoon al maha said...

والله اول مرة اشارك في مدونتج

بس شدني حيل اسمج الكريم

موفقة

أم أبوهـــا said...

حلووو عجبني كرسي الاعتراف .. :)

رورو الشخبوطه said...

هلا احوي مارك..

خخ ..

ايامك سعيده يارب..

مشكور..

رورو الشخبوطه said...

هلا بوك..

لا انا احس مهما اخوره عادي مرده بينقال خخخ..

وحياج الله..

رورو الشخبوطه said...

هلا امواج..

امين ويشفيج يارب..

الله يعافيج يارب..

شكرا..

رورو الشخبوطه said...

هلا حنان..

خخ حسستنيني اني متوحشة :)

واجمعين يارب..

مشكوره..

رورو الشخبوطه said...

هلا اخوي احمد..

ايامك سعيده يارب..

مشكور..

رورو الشخبوطه said...

هلا ميوسه..

من زمان عنج عاش من شافج..

اي صاجه اهي الاشهر عالمي تقريبا..

واجمعين يارب..

جزاج الله خير..

يارب تكون زينه :)

مشكوره:*

رورو الشخبوطه said...

هلا مدمد..

امين..

يارب تكون حلوه بعد الله كريم..

ع راحتج افضل ال2 بس اذا ماتقدرين بس الاول وترا معطتج واجب قبل جنه ماحليته:)

ومشكوره..

رورو الشخبوطه said...

هلا عيون..

حياج الله وان شاءالله ماتكون اخر مره :)

حلو ولا :)

واجمعين يارب..

مشكوره..

رورو الشخبوطه said...

هلا ام ابوها..

حليه عيل :)

بوهقج :)

وحياج الله..

خاتون said...

اقول يا حلوج بس طيوبة و
so opene mind
يظهر صرتي "شوبكوهوليك"ههه
وعسى ربي يعدل حظج وحظ مدمد
دنيا وآخرة
موفقة *_^

AMANI said...

ودي اقولج شغله بس اخاف تقولين هذي من وين طالعتلي هههه

يا ماما شوفي 24 سنه هذا ما في منه خوف بالعكس حلاته الواحد يكبر ويشوف سنه جديده في حياته ويتعلم فيها شي جديد لا تخافين ولا تحاتين

ونظرة التشاؤم هذي لازم تقولين لها باي باي تدرين ليش

لان الحظ مجرد مسطلح ابتكره احد الاشخاص اللي ما عنده سالفه و خلى الاوادم اللي ما تتعب ولا تتابع شي تندب و تتذمر من حظها العاثر

تبين الشي روحي اخذيه بيدج لو تشوفين مليون شخص جدامج يقولج لأ قولي انا داخل نفسي مقتنعه فيه و ابيه

تبين حياتج تتغير وتصير اسعد غيري نظرتج لنفسج لما تطالعين المنظره قولي انا سعيده بكل شي ولو ما صار لي هالشي كان راح يصيرلي مكروه او شي انا ما احب انحط فيه

دايما خلي نظرتج ايجابيه حتى لو كان الموقف سلبي

وبصراحه ضحكتني باقي اعترافاتج يعني حسيت جني قاعده ويا صديقاتي و نتحلطم على كل شي

تقبلي تحياتي و حشر انفي

اماني

رورو الشخبوطه said...

هلا خاتون ..

مرسي ..

منو هذي "شوبكوهوليك"؟


اجمعين يارب..

جزاج الله خير..

رورو الشخبوطه said...

هلا اماني ..

اول شي ولكم باك وعاش من شافج..

لا قولي عادي خخ قلبي قوي ..

الله كريم ..

ترا اتفائل ساعات بس استغفرالله مايضبط :\ والشي اللي مافكر فيه يتم :\

عيل انا اؤمن كل شخص له حظ بشي والمحظوظ اللي يكون بتاع كلوه خخ..

انا ماقاعده ابجي ع الاطلال بالعكس احاول اقتنص الفرص بس ماتضبط ومؤمنه انه خيره لي وانه الله بيرزقني شي احسن ..

اي الحمدالله بس لي طالعة نفسي بالمنظره اقول وي خشمي علامه صار جذب اوف المسام واي هالنفره متى طلعت خخخ..

اي خيره بيكون..

حلو يعني الاعترافات من القلب للقلب :)

لا وي حياج الله ..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads