Wednesday, November 17, 2010

السلام عليكم ..

قبل جم يوم كنت اتصفح وحده من الجرايد الاعلانية اعتقد الصدى وشفت هالاعلان ..

ومن قبل كنت قاريه عن هالنفيش في بلوق ليزي ديز (هني) ومتشوقه اذوقه ..


الاعلان مو واضح وايد بس مثل التفاصيل مذكوره (هني) بسايتهم ..

المهم 2 يوم اتصلت عليه وقالي انه اقدر اطلب كرتون او نص كرتون ..

-الكرتون في 50 حبه وسعره ب7ونص والتوصيل ببلاش ..

-اما النص كرتون 25 حبه وب3.750 د.ك والتوصيل ب750 فلس ..

وانتوا تختارون التشكيل مثل ماتبون ..

حصيلتي :

نص كرتون (25 = 15 كراميل +10 كاكاو)

ماحب الجوز هند من جذي ماخذيت من النوع ال3 ..
 الكارميل



الكاكاو..
 وهني سويته مكس :)

رايي :

حبيت الكاكاو اكثر << رايي وراي بنت عمي , ماحبيت الكارميل وايد اهو عادي ومال السينما وايد الذ منه واختي الصغيره الوحيده اللي حبته , انا ع ابو امي تحب النفيش بعد طلع ماتحب الا المالح :\

والحلو فيه انه فريش وطبيعي وبدون الوان صناعية :)

وخدمتهم وايد حلو سواء اللي ياخذ الطلب او المندوب ماشاءالله :)

34 comments:

she is me said...

عليكم بالعافية
وأنا قاعد أقرا البوست قاعد أقول: إن
شاء الله عجبهم إن شاءالله عجبهم

لأن 25 حبة وايد .. شتسوون فيهم بعدين

بس أشوا عجبكم^^

عني أنا ما آكل الا المالح مو دايما .. على الشهوة


وعيدج مبارك يا الشخبوطة

Unique Girl said...

شككككله عجييييييييييييب حده

يعطيج العافيه

نهــــــــــار said...

السلام عليكم..
بالعافيه عليكم
الصراحه بالكراميل بالذات نادرا ما ألاقي نوعيه لذيذه
..
في أمان الله

رورو الشخبوطه said...

هلا شي..

الله يعافيج يارب..

اي نوزعهم ع اليهال خخخ..

اي انا بعد مو ادمانه بس اشتهيت اذوقه..

وايامج سعيده يارب..

مشكوره..

رورو الشخبوطه said...

هلا يونيك..

تبين مايغلا عليج :)

الله يعافيج يارب ..

مشكوره..

رورو الشخبوطه said...

هلا نهار..

وعليكم السلام والرحمه..

الله يعافيج..

احنا بالسينما حلو ..

هذا ماجربتيه انتاج الامارات؟؟

حياج الله..

نهــــــــــار said...

ههههههه
تصدقين اول مره اشوفه
بالسوق ترس من إنتاج الصين
ودول أجنبيه ماقط شفت إنتاج الإمارات
الظاهر خاص بالتصدير
الله كريم

رورو الشخبوطه said...

ولكم باك نهار..

خخ الظاهر اهو يديد بعد ماانتشر..

مكتوب انه صنع في الامارات ..

من بوبيولار بوبكورن

العين وحاطين الرقم وصندوق البريد ..

http://www.popular-popcorn.com/

وسايتهم بس مافي شي غير صفحه مثل مال الكويت :\

بس احنا في تفاصيل..

وهذا رقمهم يمكن احد يبيه :)

037228116

وجيكت طلع يديد :)

نـ(المطيري)ـازكـ said...

عليكم بالعاااااافية

ما ادري ذقت الكراميل اللي بالسينما ما عجبني ذاك الزود عرفت اني ما احب غير المالح .. بس بخاطري اجرب اللي بالجيز واااااايد البنات يمدحونة اللي ايبونة من دبي ..

هني ع قلوبكم ^_^

Katkoota xD said...

بالعافية

عاد الكاكاو شكله يشوق

q8-lawyer said...

عواااافي

انا أحب بوب كورن الكراميل

استمتع وانا آكله :))

رورو الشخبوطه said...

هلا نازك..

الله يعافيج يارب..

عيل انتي مثل امي..

اي حى انا ودي اذوق اللي بالجبن وشفته بدبي بس ماخذيته :\

حسافه :(

والله يهنيج ويسلمج يارب..

مشكوره..

رورو الشخبوطه said...

هلا لوير..

الله يعافيج يارب..

اي يونس :)

وحياج الله..

رورو الشخبوطه said...

هلا كتكوته..

الله يعافيج يارب..

اي الكاكاو بالنسبه لي الذ من الكاراميل :)

ومرسي..

bananaQ8 said...

اخيييه :) يبيلاااااا اخورها اليوم واكل اللي بخاطري
عيدج مبارك :)

هديــل said...

بالعافية
شكله الكاكاو حلو

بس ادري لو شريناه بيظل طايح :/

Abdulwahab Alhajji said...

الللللله شكله حلو , بالعافية , اكيد باطلب انشالله انا عشقي الكاكاو و يحطونه بالنفيش بعد ههههه

رورو الشخبوطه said...

هلا اخوي بنانه..

الله يعينك ليش رجيم دائم..

خله تخفيف مع رياضه ولا تحط بخاطرك شي :)

ايامك سعيده..

مشكوره..

رورو الشخبوطه said...

هلا هديل..

لمازا مايحبون هالسوالف ؟؟

والله يعافيج يارب..

اذا بخاطرج جربيه من الكافيه اللي قالت عن ستار :)

وحياج الله..

رورو الشخبوطه said...

هلا اخوي وهابي..

اي قاعده اكله الحين حياك :p

الله يعافيك يارب..

اي عجيب الكاكاو..

بس اول جرب واحد بالكافيه اذا عجبك اشتر كميه احسن ..

ولو تحب الكاراميل جان دزيتلك من ملوتي :)

وحياك الله..

خاتون said...

Thankx on the info

عليج بستين ألف عافية

*_^

طموحة مملوحة said...

خوووووش دعاية :)

عيددج مبارك قلبووووو

~ فجر ~ said...

عليكم بالعافيه :)
احلى شي النفيش المالج :p

Mohamm3d said...

شكله حلو بس صناعة ويين اي دوله ؟

وبالعافيه عليكم م م م م م م م ( يعني صدى ) لوووول

رورو الشخبوطه said...

هلا خاتون..

ولكم اخيتي..

والله يعافيج يارب..

مرسي..

رورو الشخبوطه said...

هلا طموحه..

الله يعافيج يارب..

خخ مو دعايه عرض تجربه بس تهقين انفع اسوي دعايه ؟؟

وحياج الله..

رورو الشخبوطه said...

هلا فجر ..

الله يعافيج يارب..

بالنسبه لي لا بالنسبه لامي اي :p


وحياج الله..

رورو الشخبوطه said...

هلا اخوي محمد..

الامارات..

الله يعافيك يارب خخخ ..

مشكور..

Made n Q8 said...

عليكم بالعافية

حسافه مافي مالح

Hanan said...

عليكم بالعافية
شوقتيني أجربه

رورو الشخبوطه said...

هلا مدمد..

المالح متوفر بكل مكان..

انا ودي اجرب اللي بالجبن ..

والله يعافيج يارب..

مشكوره..

رورو الشخبوطه said...

هلا حنان..

الله يعافيج يارب..
حلاته تجربين واحد عقب تطلبين ..

وحياج الله..

ChuBBy-Doll said...

جربته كانو يايبيلنا اياه بعيد ميلاد بنت رفيجتي ماعجبني وايد وترى جني شايفته بمركز سلطان سوق شرق

رورو الشخبوطه said...

هلا دول..

اي اهو مو ذاك الزود بس الكاكو زين :)

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads