Sunday, November 21, 2010
السلام عليكم ...

قبل جم يوم مريت الجمعيه وحصلت حلويات الوطن عندهم هالسله فيها 7 ملات << جمع مله كل مله فيها نوع حلو ..

خذيتها لاميمتي ..

وفي غيرها 2 اصغر وحده جنه فيها 5 ملات وال2 3 ملات ..



بيض القطا << اول مره اعرف اسمه  بس ذايقته من قبل , لما سمعت اسمها حسبالي يقول بيض القطوة خخخ ..

سمسمية ..

غريبه فستق..

غريبا اصيله :)

رهش ..

غريبه بالكاكاو..

معمول ..

شكل المله واهي مسكره ..
سعره ب7 ونص ..


رايي فيه :

وايد حبيت الفكره مو يددة بس حلوه و انه حاطين بعض الانواع بنفس قرطاس الكب كيك وايد احسن وانظف ..

وبما انه البوست عن الحلو وتحديد القديم ذاك اليوم بالدوام كنا نسولف شنو عندنا حلو الكويتي البحت ؟؟ وتوني سالت امي واختي بعد..

غير اللي فوق (الغريبه, الرهش, السمسمية , المعمول) عندنا الدرابيل و الزلابيا << صار فيها اختلاف انا وامي نقول اي احي تقول لا :\

شنو بعد ؟؟

هذا اللي اذكره ..

وفيه الكلييا << الكليجا اهي كويتيه ؟؟ احنا يدتي(ام ابوي) الله يرحمها يارب  اتيبها لنا من القصيم ..

واذا في ردود من برا الكويت شاركونا باسامي وشرح بسيط لحلوكم التقليدي :)

38 comments:

le Koweit said...

شكلهم حلو الصراحة

الكليجة اعتقد مو كويتية
قصيمية او شي جذي

واتوقع ما بقى حلو كويتي غير اللي قلتيه
ماشالله عدديتهم كلهم :P

شاي الضحى said...

بلاليط

عصيده

صب القفشه

اللقيمات

الخبيصه

تمريه او بثيث

قرص عقيلي مادري اذا قديم او لا

يوامع مثل السمبوسه داخلها دارسين ويوز

جبدة الفرس

حلوى

هذا الي اعرفه وسالت امي عن جم نوع


وعليها بالعافيه خالتي

maram said...

فكرتها حلوه

عليها بالعافيه يارب

AM.SA.CHANNEL said...

الله شكله حــــــلــــــو وااااااايد
مرة ولد عمتيه يابلنا مثل هالرهش اللي في الصور بس مب نفس هالمحل، و كان ساير الكويت و أنا أصلا ماأداني شي إسمه رهش بس من كلت هذا و ما تخبلت على الرهش
بس عيبني والله .. هذا مايسوي توصيل حق برع الكويت ههه جان يسوي زين
بس إن شاء الله أنا يايه الكويت شهر 12 شكلي بمر صوبه

============

أما عنا نحنا ما عنا نفسكم قرص عقيلي و هالسوالف

اللي أعرفه بلاليط
عصيدة
بثيثة
خبيصة
القيمات
و الحلوى
أممم ما أذكر بعد شي ثاني
========
و على طاري الهنتين تراها 2 صح هههه

noynoy said...

وايد حلو شكلهم
في بعد صب بالقفشه و اللقيمات
العصيده
البلاليط
الخبيصه
قرص العقيلي

noynoy said...

وايد حلو شكلهم
في بعد صب بالقفشه و اللقيمات
العصيده
البلاليط
الخبيصه
قرص العقيلي

ebtsamh said...

عجيب شكله

من اي جمعية مآخذته ؟

ويسلمووو

star said...

انا احب درابيل البيت مالت الوطن وكيك القرص عقيلي بس اهمه بمحل الوطن يسمونه كيك السفينه ليش ما ادري ؟؟

وعليها بالعافية اميمتج


^_^

ابو عبدالملك said...

حجيه
أنتي بس تبلعين

ابو عبدالملك said...

بنت بس تفكر ببطنها

Bint ilKuwait said...

Hehe 3awafii;**

ناعمة الهمس said...

عليها بالعافية

Roro said...

بلاليط
زلابيه
رهض
غريبه
مفروكه (خبز و تمر)
تمريه
عصيده
صب القفشه
لقيمات

عليها بالعافيه الوالده :)

cotton candy said...

ابي :(
شوقتوني
ماعندهم توصيل للخبر
<<لا اكيد تمزحين
اذا ماعندهم وصلي لي شخبوطه اعتبريها نغصه كنه نفسي احد يتنغصلي هع
عليكم بالعافيه ياقميله

صبر يقولي فيه مشكله موب راضي يدز ردي شدعوه كل هذا عشان قلت ابي
دازته دازته الله لايعوقني بشر

ميمة السبيت said...

** عليكم بالعافية اذا تحبين الحلو القديم او تبين نودينه حق احد روحي محل " هيل و زعفران " وايد لذيذ و عندهم تغليف و انواع حلوة

Sweet Revenge said...

كل عام وانت بخير شخبوطة وتقبل الله صالح اعمالكم
تستاهل الوالدة
خوش نقصة
بالعافية

رورو الشخبوطه said...

هلا اخوي لو كويت..

مرسي..

اي اهي قصيميه بس توقعت هم بالكويت كانت وجوده..

لا طلع في غيرهم وايد جيك ع الردو الباجي..

وحياك الله..

رورو الشخبوطه said...

هلا جايونه..

صح كنا قايلين عصيده وبلاليط وقرص عقيلي ..

بس نسيت ا اكتبهم ..

اليوامع توني اعرف اسمهم بس احبهم اسميهم سمبوسه خخ..

ومشكوره ع المعلومات..

الله يعافيج يارب..

رورو الشخبوطه said...

هلا مرام ..

الله يعافيج يارب..

مشكوره..

رورو الشخبوطه said...

هلا شانيل..

مادري والله اذا يوصل او لا ..

ان شاءالله واهو موجود باغلب الجمعيات وهذا رقمه :

24842588<< رقم الاوفيس

اما التوصيل : 66770662


اي تقريبا مثلنا ..

اي بسم الله علي لهجات خخخخ..

وحياج الله..

رورو الشخبوطه said...

هلا نوني..

مشكوره ع الاضافه :)

رورو الشخبوطه said...

هلا ابتسامه..

باغلب فروعه موجوده..

اتصلي ع ارقامه اضمن وشوفي الاقرب لج ..

24842588<< رقم الاوفيس

اما التوصيل : 66770662

الله يسلمج يارب..

مشكوره..

رورو الشخبوطه said...

هلا ستار..

اي هذا الكيك اظاهر اللي امي تقول عنه :\

اي والله ليش يسمونه كيك خل يسمونه كب كيك كويتي خخخ..

والله يعافيج يارب..

مشكوره..

رورو الشخبوطه said...

انت ماتعرف تتحجى !!

بس ماعليك شره ارهاب ومخك مغسول ..

الحمدالله والشكر ..

رورو الشخبوطه said...

هلا بنوته..

الله يعافيج يارب..

مرسي..

رورو الشخبوطه said...

هلا ناعمه..

الله يعافيج يارب..

مشكوره..

رورو الشخبوطه said...

هلا رورو..

مشكوره ع الاضافه..

والله يعافيج يارب..

رورو الشخبوطه said...

هلا كوتون كندي..

خخ بلوقي مايبي يخسرني

جربي ارقامهم:

24842588<< رقم الاوفيس

اما التوصيل : 66770662

وان شاءالله يوصلون ..

وحياج الله..

رورو الشخبوطه said...

هلا ميمه..

الله يعافيج يارب..

ان شاءالله اجربه..

مشكوره..

رورو الشخبوطه said...

هلا سويت..

وانتي بخير ومنا ومنكم صالح الاعمال يارب..

والله يعافيج ..

مشكوره..

~ فجر ~ said...

شكلهم حلو ويشهي :)
والله يخلي لج امج ويطول بعمرها يارب

Hanan said...

عليج بالعافية
صراحة توني أدري إن الغريبة كويتية؟
الكليجة معروف إنها سعودية.

رورو الشخبوطه said...

هلا فجر..

امين والله يخليلج اميمتج وحبايبج يارب..

جزاج الله خير :*

رورو الشخبوطه said...

هلا حنان..

اي كويتيه اصيله خخ..

مادري احنا نياده والكليجة عندنا ع طول فمادري اذا تبع موطنا الام او الكويت :)

والله يعافيج يارب..

مشكوره..

Made n Q8 said...

الوطن سوالفهم تشوق اذكر اختي يابت لنا منه مره

علييكم بالعافية

والله يخليلكم الوالده

رورو الشخبوطه said...

هلا مدمد..

الله يعافيج يارب..

امين ويخليلج اميمتج وحبايبج يارب..

مشكوره..

خاتون said...

السلام عليكم
هذا عمتي تحطه لنا بالعيد
شغلهم حلو وخفيف
*_^ يسلموا و عليكم بستين ألف مليون عافية
^_^

رورو الشخبوطه said...

هلا خاتون..

وعليكم السلام والرحمه..

اول شي حسبالي تقولين امي عمتج خخخ..

والله يسلمج و يعافيج يارب..

ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads