Tuesday, November 23, 2010
السلام عليكم ..

من زمان مانزلت تجربة بيوتيه :)

قبل شهرين نزلت لكم بوست عن مشترياتي من بيوتي بار (هني )

كان من ضمنها هالكريم :

HANDS THAT LIE SPF15


الوصف منقول من السايت :
إنّ البروتين السكريّ أنتركتيسين Antarcticineوخلاصة اللانابلو Lanablue المستخرجان من المحيط القطبيّ الجنوبيّ، يحافظان على صحّة اليدَين وشبابهما ونعومتهما ويحميانهما من الجفاف. ويقي هذا المستحضر اليدَين الحسّاستَين من الضغوط اليوميّة والظروف البيئيّة القصوى. يحول دون أن تكتسب البشرة لوناً غير متناسقٍ ويخّفف حدّة عدم التناسق بفضل تركيبته الغنيّة بالسوس وحمض الكوجيك ومركّب "روفي ديكولور" ROVI Decolour. كما يرطّب زيت الزيتون اليدَين الخشنتَين والجافّتَين فيحبس الرطوبة فيهما للمحافظة على نعومتهما وترطيبهما. دواعي الاستعمال: يحمي البشرة من الأشعّة ما فوق البنفسجيّة "أ" و"ب" وما دون الحمراء ومن التضرّر والحروق الناتجة عن الشمس ويمنع ظهور النمش ولون البشرة غير المتناسق. يضمن وقايةً عاليةً من أشعّة الشمس ويحدّ من الاسمرار ويؤمّن للبشرة حماية من الحروق التي تسبّبها الشمس أكثر بخمس عشرة مرّة من الحماية الطبيعيّة. إرشادات الاستعمال: يلائم الكبار والأطفال الذين يبلغون أكثر من ستّة أشهر من العمر. يوضع بكميّات متساوية قبل التعرّض للشمس بثلاثين دقيقة وتعاد الكرّة بعد السباحة أو التعرّق المفرط أو تجفيف اليدَين بالمنشفة.

وااو وصفه حسسني انه ايدي بتصير تينن ..
 
بس رايي فيه عقب استخدام تقريبا شهر وشي وبشكل شبه يومي مرتين الصبح والظهر , النتيجة عاديه من ناحية انه بيحمي من الشمس ويمنع ظهور الوان غير متناسقه<< انا شريته ع ابو في حماية :\ , اما من ناحية الترطيب زوين , مجربه قبل  كريمات 2 ارخص ومده قصيره والنتيجة وايد احسن ..
 
سعره :
 
ب5.700 د.ك
 
موجود هني
 
دوركم شنو احسن كريم ايد استخدمتوه ؟؟

22 comments:

Sn3a said...

احب كريمات فازلين ملوت الايد حق الاستعمال اليومي
اما حق الطلعات فانا غالبا اشتري ست العطر والكريم ماله احب ريحه العطر بايدي

و هم استخدم st.ives

bokeh of magic * said...

انا استعمل كريم اسمه لونا كانو ايبونلي ياه من مصر بس رفيجتي تقول انها شافته بجمعية رميثيه
انا عندي انه حده توب يهبل من اول مره يخلي ايدج ناااعمه وتهبل
انصحج فيه وايد حلو

ChuBBy-Doll said...

انا بعد استخدم لونا عجيب وهم اخمط من كل مكان والطخ بايدي بس لونا عجيب لانه كله جلسرين

شاي الضحى said...

انا استخدم كريم بالرمان والسفرجل

شريته من البحرين

حده عجيب وريحته حلوه وينعم الايد

تحسفت ما شريت منه وايد

وفي من بودي شوب بس عيبهم يمللون بسرعه ووايد ثقال وبعضهم يدبقون

واليوم شريت من باث اند بودي ووركس كريم لليد هم على رمان

لوووول انا ادمان رمان بالاكل والكريمات

ليلحين ما جربته بس شكله زين وريحته زينه

Bint ilKuwait said...

hmmmmmmm ana anawi3 ma 3indi shay mu3ayan bes astakhdim wa7ed umbaaih nisait shisma wel thani min nath & bodyworks

Zabo0o6a said...

ماكو على كريم لونا اللي من مصر سواء حق الريل ولا الأيد تلاقينه بمركز سلطان وجمعية القادسية :)

Sweet Revenge said...

انا الحين عندي كريم سيبا ميد زوين
بس سمعت عن كريم
Neutrogena Norwegian Formula Age Shield Hand Cream SPF 30

يقولون هذا فايز بجائزه احسن كريم للايد

Made n Q8 said...

انا واايد جربت كريمات للايد

بس اخر شي اكتشفت ان العيب من ايدي لانها جافه حييل ومالقيت الكريم الي يقايشها

ويعطيج العافية

رورو الشخبوطه said...

هلا سنعه..

اختي عندها مال الفازلين بس مانستخدمه برا البيت ..

يقولون الفازلين يسمر اذا طلعتي وانتي حاطته بالشمس !

وعندي واحد معطر بصور لكم ان شاءالله..

ومشكوره..

رورو الشخبوطه said...

هلا ماجيك..

انا جربته لريولي وكان زين..

والحين متوفر باغلب الجمعيات ..

بجربه لايدي ان شاءالله..

مشكوره..

رورو الشخبوطه said...

هلا دول ..

شوقتوني اجربه ان شاءالله..

ومشكوره..

رورو الشخبوطه said...

هلا جايونه..

مال البحرن شنو ماركته..؟؟

يمكن متوفر بالكويت..

وباث اند بودي بجرب ان شاءالله..

ومشكوره..

رورو الشخبوطه said...

هلا بنوته..

يبيله باث اند بودي وركس ..

ومشكوره..

رورو الشخبوطه said...

هلا زبوطة..

مجربته لقاعة ريلي حلو بجربه لايدي ان شاءالله..

واهو متوفر باغلب الجمعيات ترا :)

ومشكوره..

رورو الشخبوطه said...

هلا سويت..

عاد ماحب نتروجينا بس بشوفه ان شاءالله اهو وسيبا ميد ..

ومشكوره..

رورو الشخبوطه said...

هلا مدمد..

جربتي لونا ؟؟

انا اعاني من ريولي :(

والله يعافيج يارب..

شكرا..

Unique Girl said...

انا استخدم جونسن الصغيرووون

ينن عجييييييب يرطب الإيد بشكل عجيييب

Unique Girl said...

انا استخدم جونسن الصغيرووون

ينن عجييييييب يرطب الإيد بشكل عجيييب

Unique Girl said...

انا استخدم جونسن الصغيرووون

ينن عجييييييب يرطب الإيد بشكل عجيييب

رورو الشخبوطه said...

هلا يونيك..

بجربه ان شاءالله..

عقب ماخلص اللي عندي..

مشكوره..

خاتون said...

..فازلين..
بعدين
..ايفان..
..سيبا ميد..
^_^

رورو الشخبوطه said...

هلا خاتون..

جربت فازلين وبجرب الباجي ان شاءالله..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads