Saturday, November 6, 2010
9:38 PM
السلام عليكم ..
توه طرى على بالي هالسؤال ..
حققتوا حلم الطفولة او المراهقه ؟؟
عن نفسي كل فتره اهب بشغل لما كنت صغير كنت ابي اصير ..
(1)
اي نعم دكتوره خخ وكنت ابي تخصص اطفال يمكن عشان العب بحسبتهم بدون لا يتكلمون :\ وعقب كلمتني ديده الله يرحمه قالت لي صيري دكتوره وعالجيني طبعا حلوة اللبن ماتنرد قررت اصير دكتور عظام واعالجها :)
بس طبعا حلم تبخر وانا ببداية الثانوي العلمي يبيله مجابل وانا مالي خلق هالشي ايب بمواده امتياز عادي بس لازم ادرس عدل عكس باجي المواد تاليف وايب درجة كامله خخخ بعدين بنات العلمي دفعتي مايونسون مايسولفون بالحصص ولا يضحكون ماشاءالله حتى بالفراغ يدرسون..
وجان انا لي الحين اجاهد بربوع كلية الطب :\ ماتخرجت واي جان مت خخ اربع سنين وطلعت روحي هالدور 7 الله يعينهم ..
(2)
وبما انه تبخر الحلم لاني تشعبت ادبي قلت ابي اصير صحفيه ابوي قالي لا ابيج يابوج دختوره قلت مايصير انا ادبي قال عادي طب نبوي او اعشاب خخخخ..
(3)
وبما انه ابوي رفض الصحافه قلت مدام عندي لسان وادفع عن الاوادم بدش حقوق ولي اول سنه بالجامعه وانا افكر احاول كل ماطقت جبدي بس اشوه مادشيته جربت مادتين عندهم مو صعبين سهلين بس شدعوه ادرس كتاب امتن مني عشان امتحن سؤالين او 3 والباجي موضوعي ..
الحقيقه :
اني درست اعلام شعبة صحافة يعني الحلم ال2 تحقق نصه بس مااشتغلت بمجال الاعلام لو تحصلي فرصه اختار اكون معده بس متردده الوسط مايشجع :\ واتمنى اكون دكتوره تخصص اعلان احس مجال للابداع :)
دوركم :
شنو كانت احلامكم وهل تحققت ؟؟
Labels:
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
45 comments:
انا حلمت وانا صغير بكل شي
حلمت اصير دكتور
وبعدين اصير ضابط
وعقب قلت لا لا طيار احلى
وبعدين قلت مهندس مو شين
وعقب استقريت على التجارة والتسويق
الشي الوحيد اللي ما فكرت فيه اهو مجال القانون والحقوق
وسبحان الله بالاخير دخلت الحقوق
:)
مرات الواحد يخطط ويفكر
لكن ما يدري وين الله كاتبله
:)
ذكرتينا بأياااااام حلوة
كنت أتمنى أصير رسامة
ويصير عندي معارض
وأسافر موسكو أعرض أعمالي
:)
متأثرة بالوالد الله يرحمه
انا ما بقت مهنة بالعالم ما حلمت فيها :)
طبعاً اول حلم كان
اني اصير دكتوره اطفال بعد :))
ةشوي قلت لا اصير مدرسة افضل
ومع العمر قلت مابي ابي اصير مضيفة جويه لوول وتالي تطورت وقلت ابي اصير كابتن واصير اول كويتية تسوق طيارة ! :/
وصج قررت ادرس هندسة طيران واخذ رخصة سواقة تلطيارة وابوي كان معشمني خير بس يوم شافني من صجي قالي مالج امل!! :)
زخلت الثانوية ةاول شي بغيت اتشعب انجليزي ومساند فرنسي وادرس لغات بس مادري شلون هونت وتشعبت علوم :) وقلت يلا اصير دكتورة اسنان والا اتخصص هندسة وراثية واشتغل بالمباحث الجنائية نفس برا :) وبعدين قلت لا مابي اشوف جثث ! وقلت مالي الا الهندسة او الطب وكنت احب اكتب فقلت ليش ما ادخل اعلام واصير صحفيه؟
وانصدمت انهم قبلوني علوم بيلوجي عقب التخرج وماحبيته كلش وقررت احول حتى لو ادخل حقوق واتخصص من جديد وسبحان الله آخر شي صرت مهندسة هههههه قصة مو؟
فمادري اعتقد عشت كل احلامي بالمراهقة والطفولة وماحققت منها الا شي واحد رسمياً انا مهندسة بس اتمنى اصير اديبة بالمستقبل :)
حققت حلمي ١٠٠٪
بس المشكله كان عندي حلم واحد
يعني انا الحين بلا احلام
بوست رائع رورو
بالنسبة لي الحلم اللي تحقق
بعيالي الله يحافظهم
آنا كنت أحلم أصير دكتورة بس ما صار
بعدها صرت أحلم إني أكون مدرسة أحب طالباتي ويحبوني
وإن شاء الله قريب يتحقق هالحلم :)
البوست يونس :)
يعطيج العافية
السلام عليكم..
ههههه الصراحه هالتدوينه تحفه
...
حلم الطفوله ما أذكره خير شر :)
حلم المراهقه مستحيل يتحقق:)
كنت ابي أصير كابتن طيار
بس جلبت صحافه وهالسوالف
يمكن شوي تحقق هالحلم في المدونه والمشاركات في الجرايد والمجلات
والحمدلله
...
بس ما شاء الله عليه أبوج الصراحه
عيبتني فكرته بصير دختورة أعشاب وهاليومين الكل هاب فيه :)
.....
أن شاء الله تحققين كل إلي خاطرج فيه
في حفظ الله
kan weddi a9eeer dakhtooora walla bs makan fini shadda adress wayed :P
wal7een 7elmi elwa7eed 9ar enni atzawaj wayeeb 3yal! abi a9eeer Om :D
ما اتذكر شنو كان حلمي وانا صغير
لان من الاسباب كانت حاياتي زبالة فماكو طموح لوول
وشكرا
اممممم خوش سؤال انا كلش ما حقق حلم الطفولة انا كنت احب العلوم البحرية و الجلوجيا و طول عمري احب التخصص هذا بس لظروف خاصة غيرت التخصص الى الادبي و كملة بالشريعة بس لاني شاطرة بهالتخصص و لي طموح اكمل بتخصص مساند لتخصصي
الله يوفقني و يوفق الجميع:))
حلمي من زمااان اني اتوظف بالنفط من يوم وانا صغيره يحليلي حلمي متواضع
لاني كنت اشووف ابوي وكل اهلي بالنفط
جاري تحقيق حلمي
صباح الخير
حلمي كان اني اصير ابله ومن صجي عندي دفتر تحضير دروس ولوح وحيل اكتب فيه واشرح حق الفراغ هههههه
واشوا ان ما تحقق جان نشف ريجي من اليهال خخخخ
** شوفي انا كنت ابي اصير شرطية طووول عمري مادري ليش مع انا ادري انه ماكو شرطة حريم بس كل محد سألني اقول شرطية
شفتو يعني انا كنت اشوووف شي محد يشوفه :)
انا حلمت دكتوره
عقب مهندسة طيران
عقب جراحه خخخ
عقب فالمختبراات و لين احين اريد هالشي
و آخر شي درست ديزاين
حلم الطفولة طبيبة
وحلم المراهقة مذيعة
وحلم الشباب أديبة
بس ولا واحد فيهم تحقق :)
جود يتحقق حلم الشيخوخة لول
انا ليلحيني مراهقه
وحلمي اصير يا مهندسه يا دكتوره اسنان
ادعيييلي اصير دكتووره
وودي اصير كاتبه
وهم ودي اني اعزف اشياء قويه
ووايد اشيااء
موووفقه حبيبتي
مساء الفل حلو بوست ذكرتيني باحلامي كنت ابي اصير عالمة اثار و بعدين مدرسة و كاتبة هذا الي اذكرها الحين بس انا سعيدة اني بعمر ٢٥ صج ما تحققت احلام الطفولة بس احس اني عرفت روحي و اكتشفت نفسي من جديد
peaceful.b
للاسف لا ماتحقق لا حلم الطفوله ولا المراهقه
في طفولتي كان حلمي خيالي وغير واقعي ابدا وشيء طبيعي ما تحقق
اما في المراهقه كان حلمي ادخل قسم علم النفس بس طافني التسجيل في هذا القسم واضطريت اني اخذ غيره وانتهى هالحلم ماعاد فكرت احول له لكن اللحين كأنه بدا يراودني مره ثانيه باني اتخصص فيه في الماستر
تخصصك يارورو روعه جربي وغامري باعداد ثم تقديم ثم ممثله شرايك خخخ
السلام عليكم
أنا الله يسلمج
في الطفولة:كنت أبي أصير دكتورة ومذيعة لكن ألتزمت فلغيت الحلم
الثاني
في المراهقة:وصممت على أني أصير دكتورة أو عالمة وطبعا سواء كنت دكتورة أو عالمة بعد راح اكون كاتبة
لكن طلع قلبي رجيج ما أتحمل منظر الناس المتألمين ولا أتحمل أعور أحد فلغيت فكرة الطب بعد ما خلصت ثالثة ثانوي
رابعة ثنوي:وقررت أكون عالمة طاقة لكن مانزل التخصص بالكويت
فدخلت علوم وآخر شي اكتشفت أنه علوم ماتلبي رغباتي ولا تحقق طموحي في التغير ولا أحس أني راح احدث فرقا فاللحين وحولت تربية وباذن الله راح أصير أبلة أحياء وجيلوجيا وأنا اللي كنت ضد هالمهنة
*_^
فلم هندي ههههههههههههه
أنا مالي شغل أنتِ اللي سألتي
بس أبوج يهبل عجيب طب شعبي شكله من ربع أبوي ههههه
لا يا العصلة كتاب أمتن منج *_^
موفقة حبيبتي في مجالج ومنها للأعلى وإنشاء الله تحققين ذاتج باللي درستيه
^_^Good luck
أنا الصراحة كنت خطيرة
أول شي كنت أبا أكوون رائدة فضاء ههههههه و متخبله على هالسوالف
بعدين يوم إكتشفت إنه هالشي مستحيل قلت خلاص بستوي عالمة و بعد سايرة عند أمييه أخبرها و أقولها بدخل جامعة العلماء و أنا أتحسب إنه العالم مسمى وظيفي و هي إطالعني تقوول شو هالخبلة الميسلة عدالي ههههههههههههه
بعدين لما إكتشفت الواقع المر ههههههه
قلت خلاص صحافة شحلاة هالشغلة بعدين لما دخلت الجامعة قلت لا أبا إعلام أو فنون جميلة سبحان الله طاعي ربج يوم يباني أغير الشي
مع إني ما يخصني في القااااااانون
إستوتلي سالفة و حسيت إنه حقي إنأكل جان أقوول ليش ما أدرس قانوووون
و الحمد الله الحين أنا محامية و مرتاحة الحمد الله
ويييييييه
ببجي لوووول
أنا لما كنت بالابتدائي ما كنت أتحلم بالوظيفة ولا شي، كنت بس أقول مابي أدرس خلاص
دشيت المتوسط وتحديدا 3 متوسط وكان عندي حلمين: يا أتخصص انجليزي أو أدش هندسة كمبيوتر
دشيت الثنوي وحسيت ميولي أدبية أكثر من العلمية وبالذات للغات أكثر فقلت ماكو إلا أتخصص انجليزي
حاليا بالجامعة والحمدلله تخصصي لغويات ومساندي ترجمة وحابتهم أما من ناحية الوظيفة هذي سالفة عاد
أبي أتدرج لما أوصل دكتورة إن شاءالله بس كوظيفة ببالي حاليا أبي أصير مدرسة لطلبة المتوسط أو أشتغل مترجمة بأي مكان :)
و إن شاءالله أصير دختورة بتخصصي :p
هلا اخوي لو كويت..
اي سبحان الله وايد تصير..
مثل مايقولون الخيره فيما اختار الله..
وموفق يارب..
هلا مي..
الله يرحمه..
عاد انتي مبدعه بهالمجال ماشاءالله..
يارب تسوين معارض مو معرض 1 بس..
وموفقه يارب..
هلا انجو..
ماشاءالله ميول ادبيه و علميه تشوبها احباطات عائلية :)
وان شاءالله تكونين اديبه..
موفقه يارب..
هلا سنعه..
الحمدالله حققتيهم ..
الفال للانجازات يارب..
حياج الله..
هلا ناعمه..
مشكوره..
الله يحفظهم ويبلغج فيهم يارب..
حياج الله..
هلا امواج ..
ان شاءالله ..
وموفقه يارب..
الله يعافيج ..
مشكوره..
هلا نهار..
وعليكم السلام والرحمه..
..
خخخ مرسي...
اوه اوه طلعت زميلة ..
اي موضة العصر خخخ..
اجمعين يارب..
مشكوره..
هلا سويره..
سبحان الله مثلي خخ ماكو الا يسون دبلوم طب :p
يارب تصيرين ام وتاخذين واحد يعزج ويرزج ويعرف قدرج ومايخرب نسلج :)
وحياج الله..
هلا اخوي احمد..
وي @@
والعفو حياك الله..
هلا اميره..
ان شاءالله تكلين بهالمجال ..
امين يارب..
مشكوره..
هلا دودو..
اي قاعده اقول غريبه لانه واحنا صغار ماكنا نعرف شركة النفط..
اي سهالات ان شاءالله مدام اهلج فيه فسهل تيبين واسطة وتتوظفين..
وموفقه يارب..
هلا والله فيشه..
صباح النور..
خخ عاد هالطريقة تثبت المعلومات خخ..
اي جان زين توقف ع تنشيف الريج ..
وحياج الله..
هلا ميمه..
الشرطيه الحسناء يمديج تحققينه ولا هونتي :p
وحياج الله..
هلا دلوعه..
مافي مجال تكملين فيه ؟؟
وموفقه يارب بكل المجالات..
هلا بوك مارك..
تونا بمرحلة الشباب اولها بعد يمديج ان شاءالله تحققين حلمج..
وموفقه يارب..
شنو حلم الشيخوخه جود يعجبني واطبقه خخخ..
وحياج الله..
هلا يونيك..
اي بعدج صغيره تعبي ع نفسج اقري ودشي دورات ..
ان شاءالله يارب تحققين كل احلامج لا تخلين اي فرصه تطوفج وحاولي وجربي ..
اجمعين يارب,,
مشكوره..
peaceful هلا..
المهم تكونين مرتاحه مع نفسج بغض النظر عن تحقيق الحلم ماشاءالله راحة البال اهم شي..
موفقه يارب..
هلا مبدعه..
ان شاءالله تكملين فيه من الحين اقري وثقفي نفسج بهالمجال..
وموفقه يارب..
ان شاءالله بس اخاف اتهور واصير رقاصه خخخ..
احنا عايلة محافظة فمو اي مكان اقدر اشتغل فيه ..
وحياج الله..
هلا خاتون ..
وعليكم السلام والرحمه..
السلام عليكم
مثلي بالاول وذيعه صيوا انتي وبوك مارك وانا المعده خخخ..
حلو ماشاءالله احلام متنوعه..
موفقه يارب بهالمجال وبالكتابه بعد..
خخخ
اي شخبار اونكل يبيله يدرسني :)
خخ ضعيفه مو عصله ..
اجمعين يارب..
جزاج الله خير..
هلا شانيل..
خخخخ عادي ضريبه الامومة لازم يتحملون..
وي كان في مجال تصيرين زميلتي خخ..
وموفقه يارب ..
هلا حنان..
اي انه ماكمل هذا حلم مراهقتي وعرضت خدامتي ع اهلي انه اصير خدامه بيتنا مارضوا خخخ..
ان شاءالله يارب..
موفقه..
انا كل سنه يكون لي حلم
مره ممثله مره طياره مره مغنيه مره مذيعه مره صحفيه و وايد اشياء والله ماتطري على بالي
بس اشوه صرت قارئه صحف :p
هلا مدمد..
كلها تقريبا ميول اعلامي..
باستثناء الطياره جان زين داشين طيران بدال الاعلام خخخ..
اي مثل وزيفتي خخخ..
موفقه يارب..
ههههههه عاد انا حلمي كنت ابي اصير مضيفة وبعدين امي حبطتني جان احول الحلم قلت ابي اصير كاتبة وﻻ صحفية هم بعد تحبطت قلت بدش تربية اساسية اصير مدرسة عاد اخر شي اشتغلت ببنك والتوفيق للكل وانشاللة تحقق احﻻمهم