Sunday, October 17, 2010
9:44 PM
السلام عليكم ..
من زمان اختي ودها نجرب هالمطعم وهالخميس رحنا له ..
المقبلات ..
شوربه عدس بس الغريب انها مو بالشعيريه لا بالعيش وبنات دوام يقولون يمكن لسان العصفور عقب ماقلت لهم السالفه اليوم ..
الاطباق الرئيسية :
كباب مكس ..
برياني ربيان ..
ومعه روب ..
وخذينا مرق زياده بس طعمه مو شي استغفر الله وايد حالي ..
الفاتوره..
موجود المطعم بالافنيوز :)
رايي :
ما حبيته :\ كليت شوي وعقب جابلت البريني اطلع الربيان اعطيه اختي تاكله خخخ , مغل محل الذ منه ..
Labels:
اكل
Subscribe to:
Post Comments (Atom)
About Me
- رورو الشخبوطه
- الكويت, قسم الاعلام:), Kuwait
- بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
انستغرام المدونة (roroalk)
follow me
My Blog List
-
-
-
-
نواقيس العزلة4 years ago
-
-
عندما نسعى لتحقيق حلم5 years ago
-
-
بينكيو تكشف النقاب عن جهاز العرض TK8006 years ago
-
-
مكتبه ليويلا livraria.lello7 years ago
-
السكوت علامة الرضا7 years ago
-
مع الخيل يا شقرا7 years ago
-
عدنا إليكم من جديد7 years ago
-
سلمان الفاتح!7 years ago
-
مشتاقة8 years ago
-
Summer cooling refreshing drink recipe8 years ago
-
انت مش انت !!8 years ago
-
I'll be Back Soon راجعين قريبا8 years ago
-
-
VARIETY ON BONUS POKER ONLINE8 years ago
-
كاريكاتير مابعد أسعار النفط8 years ago
-
-
Salmon recipe9 years ago
-
Review: The Martian9 years ago
-
ضيفوني9 years ago
Ads
28 comments:
بالعكس اشاز حلو
كله اطلب جوشت فندالو وبتر جيكن وبالاو رايس او برياني
بس ولا مره جربت الي طلبتوه
عوافي
شاي الضحى
عليج بالعافية
بس انا اايد اختج
هم انا ما عجبني
بالعافيه
كليت منه مرة وحده وحرمت كله بهارات وفلفل المعدة تنبط
بالعافية إن شاءالله
وايد مدحوه بس أنا صراحة عندي مغل محل أحلى مطعم هندي.
مشكلتي .. مو ذاك الزود مع الأكل الهندي :)
عليكم بالعافية
ياختي فاتورتكم ١٨ دينار يعني ما اكلتوا شي ،،،اشاز اكله يهبل ويشلوط ولذيذ .....موغ المحل اكله دسم ،،ويجبد علي الجبد يا اختج
انا ذايقته بالعكس واايد حلو
وعليج بالعافيه ويعطيج العافيه
بالعاااافية
عاد شووقني شكله :)
مساء النور والسرور
على قلوبكم بالعافية يالغوالي
كون بخيرر
بالعكس انا واهلي حيل عاجبنا
بس كل شخص ذوقة غير عن الثاني
وصح مغل محل حلو بعد بس ماادري اذا بعرف اقارن بين الاثنين
يمكن مغل محل احلى
والي 360 ما جربتة فماادري
ثانكس ع البوست
امم اشاز مايقاييش المطعم الي نروح له
اذا انتي من عشاق المطاعم الهنديه
في مطاعم ورى مجمه المثنى اسمه زياره والي يمه وايد لذيذ لكن المكان لج عليه شويه
ولثاني بمجمع الوطنيه اسمه اسيا اند اسيا
هم حلو
بس مكانه احسن
وعليج بالعافيه
baryanehom mo thak ezood o ham el butter chicken bas jarbay el tandori latheeth malhom .. e7na enroo7 elei eb marina wagt ele yetsana3 eljaw elga3da feeh 7ilwah .. 3alikom bl3afiyah :)
هلا جايونه..
اي يمكن ع حسب الطلب ..
والله يعافيج يارب..
ومشكوره..
هلا ناعمه..
ولا انا عجبني :|
والله يعافيج يارب..
مشكوره..
هلا اخوي بوفلان
هذا الاكل الهندي :)
لازم بهارات بس جان طلبت بدون فلفل..
ويعافيك يارب..
هلا حنان..
يعافيج يارب..
اي مغل محل حلو ورخيص وموجود باكثر من مكان ويوصل بعد :)
وحياج الله..
هلا انجو..
اهو مثل اكلنا تقريبا :)
والله يعافيج يارب..
شكرا..
هلا ام الحفيز..
احنا 3 بس والاكل زاد ..
وغصب لقيت شي اطلبه خخخ..
وحياج الله..
هلا يونيك..
اي اكيد في ناس بيعجبها وناس ..
لولا اختلاف الاذواق لبارت السلع :)
ويعافيج يارب..
شكرا..
هلا هديل..
الله يعافيج يارب..
اي البنات يمدحونه جربيه يمكن يعجبج :)
وحياج الله..
هلا رندا..
الله يعافيج يارب..
مشكوره..
هلا امل..
اي اهو يعتمد ع ذوق وشنو طلبتوا..
احنا طلبنا طلع عادي..
ولكم ..
حياج الله..
هلا ريحانه..
امم شوقتيني عليهم بس مادلهم واخاف اروح مكان يديد بس انا واختي :)
بس ان شاءالله اجربهم ..
والله يعافيج يارب..
مشكوره..
اهلين دول..
حلو ان شاءالله اجربه هالطبق وفرع المارينا بعد :)
والله يعافيج يارب..
مشكوره..
صار لي سنة مقررة أروحة واللحين بعد ما ذميتيه ولاني أثق بذوقج ومجربة أقتراحاتج بالمطاعم فخلاص ما عدت متحمسة أروحه
عيل خلاص بروح بأقرب وقت مغل محل واي حده عجيب وبالذات اللي بحولي الديكور يعور القلب
سلامت بكوو=تشكرات وايدات
*_^
وعليج بستين مليونتعش ألف عافية
هلا خاتون..
مشكوره ع الثقة :)
البنات يمدحون اطباق 2 غير اللي نا مجربتها..
ان شاءالله..
وبالعافيه مقدما..
والعفوو ولو..
يعافيج يارب..
حياج الله..
البتر جكن لذيذ ادمان عليه :(
وهذا كان اول مطعم هندي اجربه وحبيته من قلب
بالعافيه ^^
هلا سويت ..
الله يعافيج يارب..
مشكوره..