Thursday, October 28, 2010
السلام عليكم ..

عندي استئذان من الدوام وبيخلص الشهر وما خذيته :\ خخخ انا اهم شي عندي الاستئذانات ..

المهم اليوم رحت مع اختي نتغدا ونتسوق..

المنيو..


شوربة عدس زينه ..


ملفوف لاختي ماعجبها اذا كلت وحده زين :\ طبعا انا ماذقته لاني مااحبه..

تبولة اختي تقول زين بس ناقصها ملح وليمون ..

هم ماذقتها لاني مااكل بقدونس ..

الخبز ماعبر اللقطة عجيبه ماشاءالله تف تف تف خخخ ..
 فته بالحمص ماعجبتني :\ ولا عجبت اختي :\


طبقي كباب باللبن .. زين ..

الحساب:)
وبالعافيه علينا :)

عنوانه :

موجود بالافنيوز فوق جبال نافورة ..

42 comments:

BookMark said...

لوول من صجج لاتخلينه حقهم الاستئذان
;p
عندج الأحد لحق ماتلحق

وعليكم بالعافية :)

Katkoota xD said...

بالعافية يارب

ايي اخذي استئذاناتج

طلعي استانسي خخخ

تحياتي

Engineer A said...

بالعافية

أنا بعد ما احب اطوف استئذان :)

شاي الضحى said...

بالعافيه

بس مو خوش دعايه للمطعم كل شي مو حلو هههههه

اعجبتني لقطه الخبز خاصة الخبزه المقرومه ههههههه

star said...

طلعنا كلنا ما نطوف الاستئذانات

عليكم بالعافية

اي حتى انا جربته مره

خبزهم عجييييييييب بسكوته مو خبزه احنا طحنا فيه اكثر من الاكل

كرم رحت له في لبنان و دبي وتوني مجربته بالكويت

:)

أميرة عربية said...

بالعافية بس شكله ما عجبج

أميرة عربية said...

انا اليوم استذنت بس رحت اسوي جلسة مساج

BeNT JaBeR said...

عواااافي عليكم

مرام said...

بالعاااافيه يارب

Hanan whatever said...

زين تسوين
عليكم بالعافية
صراحة مو خوش دعاية للكافيه:p

نهــــــــــار said...

السلام عليكم...
بالعافيه عليكم
وتعالي قربي شوي تف تف تف عليج
ماشاء الله الصوره وايد حلوه
..
في حفظ الله

Amwaj said...

هني وعااااافية :)

ذهب صافي said...

لوووووووول الظاهر الكل ما يطوف الاستئذان
بس انا اكثر استئذاناتي على شغلات مهمه
عليكم بالعافيه :)

منغث منكم said...
This comment has been removed by the author.
~أم حرّوبي~ said...

هههههههه رورو احس ماعيبكم شي منه خخخخخ

بالعافيه ..بس الخبر شكله يشهي ذكرني بايام الشتا :)

ROro Mania said...

حده لذيذ كرم

انا احب فتتهم
و صفايح اللحم مع اللبن عجيييب
و حمصهم بعد حلو :)

ri7ana said...

شكل الغلاف مال المنيو من برى حلو
واشكره الورق عنب معلب :(
عموما عليج بالعافيه

maram said...

هني وعااااافية :)

noor said...

بالعافية

رورو الشخبوطه said...

هلا بوك..

لا ان شاءالله ماخلي لهم خخخ..

والله يعافيج يارب..

مشكوره..

رورو الشخبوطه said...

هلا كتكوته..

الله يعافيج يارب..

اي ان شاءالله خخخ..

بس مادري وين اروح بدورلي وحده تخاويني ..

ومشكوره..

رورو الشخبوطه said...

هلا انجو..

الله يعافيج يارب..

اي بعد من حقنا خخخ..

وحياج الله..

رورو الشخبوطه said...

هلا جايونه..

الله يعافيج يارب..

مو دعايه خخ تجربه..

لا الكباب قلت زين وهم التبوله اختي قالت زينه..

وخبزهم حلو..

اي خخ كليناه عقب صورته ..

وحياج الله..

رورو الشخبوطه said...

هلا ستار..

اي خخ احب الاستذان ومدام شي من حقي مش هحتنازل عنه ابدا مهما يكون خخخ..

الله يعافيج يارب..

اي خبزهم عجيب ماشاءالله..

وكلهم مثل المستوى؟؟

وحياج الله..

رورو الشخبوطه said...

هلا اميره..

زين مو وااو في وايد مطاعم احلى منه..

فيلا فيروز مثلا :)

وحياج الله..

رورو الشخبوطه said...

ولكم باك اميره..

يوم الخميس الاغلب يستاذن..

ان ودي اسوي اظافري بس مالي خلق :\

وحياج الله..

رورو الشخبوطه said...

هلا بنت جابر...

الله يعافيج يارب..

مشكوره..

رورو الشخبوطه said...

هلا مرام...

الله يعافيج يارب..

مشكوره..

رورو الشخبوطه said...

هلا حنان..

الله يعافيج يارب..

مشكوره..

بس مو دعايه الدعايه بفلوس خخ هذي تجربه شخصيه..

رورو الشخبوطه said...

هلا نهار..

وعليكم السلام والرحمه..

والله يعافيج يارب..

صج خخ قصدج الخبز اذا اهي انا اللي مصورته واستانست عليها :)

ومرسي..

حياج الله..

رورو الشخبوطه said...

هلا امواج..


الله يعافيج ويهنيج يارب..

مشكوره..

رورو الشخبوطه said...

هلا ذهب ..

اي مدم حقنا ما نخليه خخخ..

الله يعافيج يارب..

مشكوره..

رورو الشخبوطه said...

هلا اخوي منغث ..

ليش حذفت ردك ؟؟

هذا اهو :)

"اشوا الطبق الأخير اعجبج!!! على بالي طالبين وطالعون الأكل بس

بالعافية :) "


اي والخبز عجبني بس نسيت اقول ..
وهم الشوربة زينه..

وليش نطلب ونطالعه ؟؟

نتصفح المنيو ونطلع اوفرلنا خخخ..

ولله يعافيك يارب..

رورو الشخبوطه said...

هلا ام حروبي..

امبلى الشوربة والكباب زينين..

والخبز بعد لزيز :)

والله يعافيج يارب..

شكرا..

رورو الشخبوطه said...

هلا رورو..

من اللي قلتي مجربت الا فتتهم ..

بس اي شي في لبن احسه حلو :)

وحياج الله..

رورو الشخبوطه said...

هلا ريحانه..

اي حلوو ..

سالت اختي تقول لا المعلبات احلى هذا ناقصه ليمون او دبس الرمان :\


الله يعافيج يارب..

مشكوره..

رورو الشخبوطه said...

هلا مرام ..

الله يعافيج ويهنيج يارب..

مشكوره

رورو الشخبوطه said...

هلا نور..

الله يعافيج يارب..

مشكوره

her said...

bel3afya..ana jarabta w wayed 3ajabny bs 6alabna ashya2 thanya like 3arayes w 6awoo8 w ba6a6a 7arra it was very nice

رورو الشخبوطه said...

هلا هير ..

الله يعافيج يارب..

وبالعافيه عليج بعد :)

ومشكوره..

Made n Q8 said...

لول حتى انا يوم الخميس كان عندي اخر خروجيه خذيتها ماخليتها

علييكم بالعافية

رورو الشخبوطه said...

هلا مدمد..

انا توني اليوم خذيتها اشوه ..

والله يعافيج يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads