Wednesday, October 27, 2010
السلام عليكم ..

ماشاءالله جرايدنا بالكويت وايد وحده تسكر وتبطل 2 بدالها !!

من كثرهم ماندري شنقرا بس الاغلب يركز ع جرايد معينه اهما الاساسيين القدم ..



اليوم كنا ناقش شنو مميزات كل جريده وشنو اللي يشد القراء لها تكلمنا عن اشهر 2 ..


الوطن ..

ميزتها ماشاءالله بكثرة الاعلانات , وبفتره تقريب ب2006 كانت تهتم بالملاحق كنت احبهم وخاصة مال يوم الاثنين كان اسمه الجيل الجديد ومختص بالجامعه والتطبيقي ومواهب الشباب بس الحين دمجوها بالجريدة الاساسية..

الراي ..

ميزتها بجرائتها , وتركز ع الجرايم والمشاكل وتعرض التفاصيل وساعات بالصور بعد ..
ولاحظت انه تعرض صور المجرمين بدون لا تغطي ويهم عكس باجي الجرايد !!
هم الاعلانات في صور مو ذاك الزود !

الانباء ..

اذكرها اول ايام عزها كان معاها ملاحق وكانت تنباع 150 فلس اغلى من الباجي وكنا نشتريها عادي ..

صج فرق بسيط بس في بدائل ..


القبس ..

احسها جريدة مثقفين و دكتورنا يقول انها مخصصه للمريشين وتهتم بالاقتصاد ..

اول كنت احب فكرة كل شهر يطرشون كتاب للمشتركين مادري اذا لي الحين معتمدين هالشي او لا ..

السياسه ..

امم مو حيل معها ماذكر قريتها لا قبل او الحين :\

والباجي كلهم يدد ..


دوركم الحين :

 شنو جرايدكم المفضله وليش؟؟

36 comments:

أميرة عربية said...

أولا جريدة الجريدة
ثانيا : جريدة الوطن
ثالثا جريدة القبس

ناعمة الهمس said...

جريدة الوطن

جريدة القبس

وفعلا الانباء كانت اقوى جريدة قبل الغزو

le Koweit said...

1- جريدة الجريدة
2- جريدة عالم اليوم

والجرايد القديمة ما قمت اقراها
بس اللي مازالوا محتفظين بالمصداقية
اهم الأنباء والراي

شاي الضحى said...

الوطن

بس حاليا ولا شي

واذا ابي اقرا عن شي ابطل الوطن اونلاين

Anonymous said...

جريدة القبس وجريدة الجريدة للاحترافية الصحفية

maram said...

الافضل بالنسبه لي جريدة الجريده

بعدين الراي

القبس

الوطن جيده بس لها شطحات

Anonymous said...

الوطن

الانباء

daloo3a said...

الاتحاد

خخخخ

داشه عرض فالسالفه ><

3.D3aijany said...

على الرغم من انها اكثر الجرايد محبة للفتنة ومانشيتاتها قوية ومالها داعي احيانا إلا انها من أفضل الجرايد بالنسبة لي كونها تغطي كل شي بالديرة وتبرز الشباب وكتاباتهم ومقالاتهم بشكل جيد جدا وهي جريدة الوطن
اما بالنسبة للراي فأنا اشوفها ثقيلة طينة وأوراقها وايد كعدد مادري ليش !
الأنباء جريدتي الخفيفة عالقلب وبسرعة اخلصها أما القبس احسها نفس الراي

Made n Q8 said...

انا كرهت الجرايد والصحافه بكبرها :P

احب اقرا الوطن والانباء

Amwaj said...

جريدة الوطن

لأني متعودة عليها وما أعرف أقرا غيرها

Bint ilKuwait said...

Ana ma ashof iljaraid bes lema a7ad egoli ena fe shay special aw mawtho3 ena lazim ashofa 7a6ena biljarayed, i watch it. o etkon min ay jareda 3adi.
Bes akther shay ashofa Al-Watan newspaper

منغث منكم said...

ديرة صغيرونه وتناقضات جرايدها ماتكفي قارة

رورو الشخبوطه said...

هلا اميره ..

لجريده احس مقاربه للقبس ..

مادري ليش ؟؟

وشكرا..

رورو الشخبوطه said...

هلا ناعمه..

انا ما لاحقت عليها قبل الغزو كنت توني منولده خخ بس هم عقب الازمه كانت قويه ..

وحياج الله..

رورو الشخبوطه said...

هلا اخوي لو كويت..

مثل ماقلت لاميره..

احس الجريده مقاربه للقبس ..

انا اقراهم كلهم مجبوره :(

وحياك الله..

رورو الشخبوطه said...

هلا جايونه..

انا اول كنت ع مزاج اقرا الحين مجبوره :\

وحياج الله..

رورو الشخبوطه said...

هلا غير معرف 1 ..

اي احسهم ال2 مثل بعض..

وشكرا ع الرد..

رورو الشخبوطه said...

هلا مرام..

اي احسها مو حياديه ساعات :\

وحياج الله..

رورو الشخبوطه said...

هلا غير معرف 2 ..

شكرا ع الرد..

رورو الشخبوطه said...

هلا دلوعه..

لا شدعوه حياج الله..

كنت بخليه عام بس ماعرف من جرايدكم الا الاتحاد وكنت اقراه قبل بالنت :)

مو اهي تبعها مجلة ماجد :)

رورو الشخبوطه said...

هلا 3 ..

صاجه بخصوص الوطن وعندهم كاديميه لتدريب الشباب ..

بخصوص الراي صاجه ثقيله :\

القبس هم مو هينه بس ارتب من الراي ..

الانباء خف منهم بس من زمان ماقريتها..

وحياج الله..

رورو الشخبوطه said...

هلا مدمد..

اي حتى انا..

مع انه المفروض نحبهم تخصصنا :\

وحياج الله..

رورو الشخبوطه said...

هلا بنت الكويت..

انا كنت جذي بس بحكم شغلي قمت اقرا ع طول :\

اهي هي..

وحياج الله..

رورو الشخبوطه said...

هلا امواج..

شكرا ع الرد..

رورو الشخبوطه said...

هلا اخوي منغث..

ماكو رادع لو في جان مشوا ع السراط لمستقيم :\

وحياك الله..

خاتون said...

الوطن
لأنها دايما أب ديت
وفيها أبداع
وإرضاء لمختلف الآراء
وشغلهم قوي
*_^

Hanan whatever said...

الوطن
الراي
وبس
و أفضل الوطن

Summer said...

al watan
al qabas

the best :D

ROro Mania said...

انا احب القبس

الوطن احب اشوفها لان كلها اعلانات و عروض :p
ولا انا اشك بمصداقيتهم !!

الانباء
زوينه اخوي مشترك فيها و اقراها ساعات

ebtsamh said...

الحمدالله بالبيت عندنا كل الجرايد

تقريبا ..

احب القبس وايد

وعلى فكرا اهما للحين يدزون الكتاب

كل شهر :)

رورو الشخبوطه said...

هلا خاتون..

مرسي ع الرد..

رورو الشخبوطه said...

هلا حنان..

شكرا..

رورو الشخبوطه said...

هلا سمر..

ثانكس..

رورو الشخبوطه said...

هلا رورو..

مثلي احب الوطن عشان الاعلانات خخخ..

ومشكوره..

رورو الشخبوطه said...

هلا ابتسامه..

احنا بالدوام تينا كل الجرايد ..

صج حلو ماشاءالله شكلي باشترك فيها :)

ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads