Tuesday, October 19, 2010
السلام عليكم ..

اليوم كنت ادور صابون سائل وحصلت هالمنتج من ديتول وعجبتني فكرته وبالنسبه لي اول مره اشوفه ..



اسمه بدون لمس جهاز غسل اليدين ..

وفي 3 انواع للصابون :

1- بالخيار ..

2-بالشاي الاخضر والزنجبيل..




3- الاصلي (ماحصلت صورته بقوقل)..

واذا خلص الصابون مو لازم تشترون جهاز يديد بس تاخذون الصابون ينباع بروحه ..




والعلبه تحتوي :

ع الجهاز , والصابون و4 بطاريات ..


طريقة استخدامه :

والحلو فيه انه تقدرين تتحكمين فيه من ورا تقدرين تسكرين بحيث انه اليهال مايلعبون فيه مثلا :)


وحبيت انه ع العلبه محطوط هالستيكرز تشمون ريحة الصابون قبل لا تشترونه ..
تجربتي :

توني جربته انا واختي ع ابو الصابون يطيح ع ايدي اول ما مليت و خرتها جان ينزل ع ايد اختي خخخخ ..

اهو مكتوب من داخل انه قد تحتاج الى تحريك يدك تحت الفوهة عدة مرات قبل ان يبدا بالضخ الاول مره ..

والحلو انه مكتوب كل شي ع العلبة وفي رسومات توضيحة في تعليمات مذكره برا وفي داخل العلبه (طريقة التركيب , كيفية الاستخدام , المشكل اللي ممكن تواجهنا , طريقة تنظيف الجهاز.. الخ )

وين حصلته ؟؟

لولو هايبر , اسواق القرين ..

سعره ؟؟

3.750 د.ك ..

رايي فيه :

حبيته من اول نظره :)

انظف , واستخدامه سهل وينفع للحمامات وانتو بكرامه اللي كل من يدشها مثل حمام الصاله والضيوف او الديوانيه وهم لغرفة المريض مستشفى  ..

 فيديو توضيحي (هني)

السايت (هني)
هم فيه فيديو...

fb :link

30 comments:

Unique Girl said...

شكلللهم حددده يشووق

يعطيج العافيه

Amal Kh said...

شكله حلو
ونظيف

يعطيج العافيه

star said...

خووووش فكره بشتريه حق اختي تحب كل منتجات ديتول

ثانكس رورو

^_^

رنداالجنوبيه said...

حلو ونظافة لايعلى عليها

وبالعافية على اياديكم خخخخ

ان شاء الله اشتريه قريبا

كوني بخير

ri7ana said...

عليج بالعافيه
بس اعتقد ينفع حق الدوامات والمدرسات الاماكن الي فيها ايادي وايد لول

ناعمة الهمس said...

حلو حلو

حق اللي فيهم وسواس زايد

و هم حلو للكل

أبوفلان said...

يعطيج العافيه الرصاحه خوش منتج وخوش بوست رورو

شكلي باجر بروح آخذلي واحد بدال الحوسه الي عند المغسلة

بس الصابون نوعه يروح بسرعه ولا كانه صابون مواعين يبيلك ربع ساعه تفرك عشان يروح ؟

مـي said...

ياحلوج يارورو
وياحلو سوالفج

:)

صباح الورد

Amwaj said...

حلوة فكرته ومنتجات ديتول وايد حلوة

يعطيج العافية :)

هديــل said...

فكرته حلوة

بالعافية

ROro Mania said...

يبيله
بس المو حلو بصابون ديتول ان ينشف الاييد

أميرة عربية said...

صراااااااااحة عجيب عاد انا اموت بهالسوالف

مرام said...

عاجبتني فكرته

يعطيج العافيه

خاتون said...

هذا فعلا خوش منتج
حده يستاهل الواحد يشتريه

ميغسي بوكوو
كرينا
^_^

رورو الشخبوطه said...

هلا يونيك ..

يعافيج يارب..

شكرا..

رورو الشخبوطه said...

هلا اموله..

اي وايد ماشاءالله..

ويعافيج يارب..

شكرا..

رورو الشخبوطه said...

هلا ستار..

بالعافيه عليها مقدما :)

ولكم :)

رورو الشخبوطه said...

هلا رندا..

الله يعافيج يارب خخخ..

ان شاءلله..

ومشكوره..

رورو الشخبوطه said...

هلا ريحانه..

اي وايد مفيد للاماكن العامه ..

ويعافيج يارب..

مشكوره..

رورو الشخبوطه said...

هلا ناعمه ..

اي صاجه :)

وحياج الله..

رورو الشخبوطه said...

هلا اخوي بوفلان..

يعافيك يارب..

ان شاءالله..

لا نوعا ما بسرعه يروح بس احس ينشف الايد شويه :\

بس انا اغسل ايدي بذمه وضمير :)

بس اهم ارحم من غيره :)

وحياك الله..

رورو الشخبوطه said...

هلا مي..

مساء النور ..

:)

مرسي..

رورو الشخبوطه said...

هلا اموج ..

الله يعافيج يارب..

شككرا..

رورو الشخبوطه said...

هلا هديل..

الله يعافيج يارب..

مشكوره..

رورو الشخبوطه said...

هلا رورو..

اي ينشفها شويه..

وبينا الشتا يبيلنا ترطيب دايما :\

وحياج الله..

رورو الشخبوطه said...

هلا اميره..

اي يشوق..

وحياج الله..

رورو الشخبوطه said...

هلا مرام..

الله يعافيج يارب..

مشكوره..

رورو الشخبوطه said...

هلا خاتون..

اي انا من شفته خمطته وشوقت خالتي وشرت لها واحد خخخ..

دوغيا سويتي..

حياج الله..

lil.D said...

شكله حلو :(
بس لو دوف بشتريه
خلاص استويت ماحب الديتول يقطع ايديني :)

شكرا شخبوطه!

رورو الشخبوطه said...

هلا ليل..

في حل وحيد انه تشترينه وتفرغين اللي بالغرشه وتغسلينها عدل وتحطين الصابون اللي تبينه :)

والعفو ولو..

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads