Thursday, October 21, 2010
السلام عليكم ..

هذا 2 كتاب خلصته من المعرض ..

واهو يعتبر اول رواية للزميل المدون احمد الحيدر..


وكانت الروايه مكتوب بالفصحى والعاميه , السرد بالفصحى اما الحوارات فكانت بالعامية ..

اما نوعها فهو قصة اجتماعية عاطفية ..

ركز الكاتب فيها ع العلاقات الاجتماعية والعاطفيه (الحب بين الزوجين , الابوة , الامومة و الصداقةو الانفصال و التضحية)..

طغت المشاعر فيها ع الاحداث ..

الحب والتضحية تمثل بعلاقة يوسف وسارة , وام راكان وابو راكان ..

الابوة بين يوسف وبنته شهودة ..

الصداقة بين يوسف وابو راكان , وردة وام الخير << نكات لاهم الشخصيات :)

الانفصال بين ام روونه و زوجها ..

رايي :

مثل ماقالت المشاعر طغت ع الاحداث , الاحداث بسيطه جدااا ..

انصدمت من النهاية توقعت البطلة ماتت << يعني مابي اقول منو اهي عساس ماحرقها عليكم خخخ..

واسمتعت بالحورات خصوصا اللي تجمع يوسف وبنته و البنات الصغار روونه و شهوودة ..

بس عموما زينه وخفيفه :)

اما سعرها :

2.500 د.ك..

موجوده حاليا بمعرض الكتاب بدار النشر بلاتينوم ..


14 comments:

~أم حرّوبي~ said...

ماشالله وايد مدونين طلعوا كتب ...شكلها قصة لها مغزى وحلوه :)

شاي الضحى said...

يعني تنصحيني اقراها؟

newly_wed said...

عندج فكرة متى آخر يوم للمعرض؟

رورو الشخبوطه said...

هلا ام حروبي..

اي ماشاءالله ..

الفال لج بتبدعين :)

امم اهي بسيطه :)

وحياج الله..

رورو الشخبوطه said...

هلا جايونه..

اهي خفيفه يعني مو قصه قصه لا عاديه ..

و ع راحتج بس انا احبيت خنفروش اكثر :)

وحياج الله..

رورو الشخبوطه said...

هلا newly..

اي بيكون ان شاءالله 23-10

يوم السبت ان شاءالله..

وحياج الله..

ebtsamh said...

كاتب منمق احمد

متأكده روايتة جميلة

حتى قبل لا اقراها

اختيار موفق

خاتون said...

شكرين بصراحة على
جهودج ومواكبت الحدث
موفقه وبانتظار دايما بوستاتج
المميزة والمنوعة
^_^

هديــل said...

حسافة ما اشتريتها

يعطيج العافية :)

رورو الشخبوطه said...

هلا ابتسامه..

انا حبيته بالادب الساخر اكثر :)

وشكرا..

رورو الشخبوطه said...

هلا خاتون..

واجمعين يارب..

مشكوره ع المتابعه :)

رورو الشخبوطه said...

هلا هديل ..

الله يعافيج يارب..

يمديج تشترينها عقب ان شاءالله..

وحياج الله..

Jojıı'cнαη said...

امم
بصراحة انا قراءتها
وحسيت اني خلصتها بدون مغزى ولا هدف
ولا معلومة ولا استفدت شيء
وحتى انها مو مكتوبة بالفصحى
لو كانت بالفصحى لكنت استفدت بعض المفردات او التعبيرات اللتي استخدمها
ولكن للاسف ,
ولولا اختلاف الاذواق لبارت السلع

لك ودي ,

رورو الشخبوطه said...

Jojıı'cнαη هلا ..

حتى انا ماعجبتني ..

اسمتعت فيها اي ببعض الحورات وحددتها بالبوست..

بس نهايتها صدمه ومافيها احداث ..

حبيته بالادب الساخر اكثر ..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads