Sunday, October 3, 2010
السلام عليكم ..

ماكو احلى من تصبغ الاظافر خخخ اليوم مابقى صبغ ماحطيته بجنطتي ع ابو احطه بالدوام اخر شي لهيت وماحطيت :\
فعوضت بالبيت بالصبغ الاسلامي وقبل كنت حاطه بوست عنه بس من شركة 2 (هني)

وتعريف بسيط للصبغ الاسلامي للي مايعرفونه هو الصبغ اللي يمكن ازالته باي وقت بدون استخدم الاسيتون وازالته تكون بكل سهولة كازالة الملصقات واذا استصعب الامر يمكن استخدام الماء << شرايكم بالفصحى :)


(1)

المجموعة الاولى :

الالوان البناتية :)


ترتيبهم مثل الشي ..

من اليمين لي اليسار :

الوردي رقمه 14 ..

البرتقالي الغامج رقمه 16 ..

البرتقالي الفاتح رقمه 08 ..

الاحمر رقمه 07 ..<< لونه ماجنه احمر جنه ادعم او عنابي حبيت الاحمر الاسلامي القديم اكثر ..

(2)

المجموعة ال2 :

الغوامج ..


هم من اليمين جعلنا الله من اصحاب اليمين قولوا امين :)

الازرق رقمه 21 ..

الاخضر 19..

البنفسجي 22 .. << ع الظفر يبين اغمج :\


وين حصلتهم ؟؟

بدبي بالسوق الصيني ..

بجم ؟؟

بدون مكاسر ب5 درهم ..

رايي فيهم :

حبيتهم الوان اكثر شي الوردي من المجموعه الاولى واول مره اشتري برتقالي بس هم زين احلى من اللي بالي , الازرق هم عجبني والاخضر زين والبنفسجي لو افتح احسن بس يترقع :)

 لحظة ماخلص البوست :p

هذا صبغ بعد اسلامي بس اكتشفت هالشي اختي واحنا بالبيت ..

ونبهتي ع شغله انه ريحة الصبغ الاسلامي غير عن ريحة الصبغ العادي ..


حصلناه في بو اميه ..

رايي فيه:

ماحبيته :\ اللي فوق والقدم احلى منه ..

27 comments:

ماميتا said...

حلوه الالوان تشوق ... انا احب الالوان الكلاسيكيه الاحمر ودرجاته

هديــل said...

احس الوانه ع الاظفر غير عن العلبة :)

بالعافية

زينب علي حبيب said...

اريد منهم :P

malak said...

حلوييين


شوقتيني احط :)

Unique Girl said...

الوردي الي بأول صوره عجييييييييييييييييييييب يينننننن حده

تسلمين ويعطيج العافيه

امي شاريتلي كرتون اصبغ اسلاميه ما حبيتهم يتقشرون بسرررررعه مايمديني احطه الى انشال بس اذا ماتبينه يروح حطي صبغ شفاف بعدها حطيه راح يثبت

~أم حرّوبي~ said...

حلوين اول مجموعتين ..الوانهم قوية بالنسبة للاسلامي ..ماتحصلين لون حلو ..
وي انا رحت الصيني اللاسبوع اللي طاف يباله المره اليايه :)
بس اخر لون احسه مايل عالكحلي اكثر عن البنفسجي !!
الاصفر شفاف موشي
حتى لمعة الاسلامي تكون غير عن الصبغ العادي
:)

Anonymous said...

يهبلون ماشاءالله
عجبوني الازرق والاحمر الغامج اللي على اليسار أكثر.

Amal Kh said...

شكله نايس بس شلون ريحته غير احلى ولا لا لول ؟
مشكوره ع البوست وشكله خوش صبغ مريح بالازاله
والفصحى عجيبه لا احسدج عليها لول
ثانكس مره ثانيه
والله يعطيج العافيه

Engineer A said...

عليج بالعافية

يشوقون :)

~ فجر ~ said...

حلوين عليج بالعافيه :)
انا عجبني الاخضر والازرق يشوقون

Unknown said...

حلوة الفكرة بس الالوان احسها باهتة

Unknown said...

حلوة الفكرة بس الالوان احسها باهتة

Made n Q8 said...

علييج بالعافية

حلوة الوان المجموعة الأولى وحتى الثانية حلوة

وصح الصبغ الاسلامي له ريحه خاصه

رورو الشخبوطه said...

هلا ماميتا..

ي الوان الكلاسكيه اهي الاحلى بس التغيير حلو ..

مشكوره..

رورو الشخبوطه said...

هلا هديل..

تقريبا اغلبهم بالصج اغمج من الغرشه..

والله يعافيج يارب..

رورو الشخبوطه said...

هلا قطره..

مايغلون عليج ..

حياج..

رورو الشخبوطه said...

هلا ملاك..

مدي ايدج خل اصبغ ظافرج خخ..

وحياج الله..

رورو الشخبوطه said...

هلا يونيك..

اي يونس لونه..

عاد يغثني لما بوخره عله :\

الله يسامج ويعافيج يارب..

مشكوره ..

وبجرب الطريقه ان شاءالله..

رورو الشخبوطه said...

هلا ام حروبي..

حتى اللي حطيتهم قبل زينين كاللون ..

ومادري شفيه البنفسجي كل ماشتري واحد يطلع غامج :\

الاصفر شكله خربان :\

اي لمعته احلى :)

ومشكوره..

رورو الشخبوطه said...

هلا حنون..

عيل عكسي خخخ..

وحياج الله..

رورو الشخبوطه said...

هلا امل..

الصبغ الاسلامي ريحته اخف ..

العفو ولو خخ احسه لعين اذا بوخره مايروح واذا ابيه يتقشر ..

خخ اي ذكرتي الله :P

ولكم والله يعافيج يارب...

حياج الله..

رورو الشخبوطه said...

هلا انجو..

الله يعافيج يارب..

شكرا..

رورو الشخبوطه said...

هلا فجر..

الله يعافيج يارب..

مشكوره..

رورو الشخبوطه said...

هلا اميره..

لا يالصج الوان زينه..

وحياج الله..

رورو الشخبوطه said...

هلا مدمد ..

الله يعافيج يارب..

شكرا..

خاتون said...

الوانهم فرايحية كلهم عجبوني حتى الاصفر
بس على قولت يدتي الغالب آلب
يعني انت اللي محلية الصبغ *_^

موفقة حبيبتي

رورو الشخبوطه said...

هلا خاتون..

بعد عمري مرسي :)

اجمعين يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads