Friday, March 26, 2010
اتفقنا قبل يومين الفير (رورو الشخبوطه + شاي الضحى)

ان نطلع مع بعض وكان شي مو مخطط له كلش

وامس كان الموعد وطلعنه

فاختارنا المارينا المهم قعدنا نحوس ندور مطعم اخر شي رحنا

كلور مي ماين

اول ما دشينه خلونه نختار لنا شغله نلونها

وهذا جزء من المجموعة


شاي الضحى اختارت حصالة على فيول


رورو اختارت بوكس على زنوبه


وعقب رحنه نختار الألوان


وقبل لا نلون خلونه نغسل ايدنه بصابون زايدينه ماي :q


وعطانا التعليمات

أول شي نمسحها بالأسفنجه

عقب نلون وإذا بنغمج اللون او نفتحه ... إلخ


طبعا لعبنه بالألوان كل دقيقة نقوم نحط ألوان يديده فوق بعض عفسنا الدنيا

وسألنا إذا نبي نشرب شي

رورو اطلبت ماي


وشاي الضحى اطلبت كابتشينو


وتمينا نلون ونلون ورورو خلصت وملت

جان تساعد
شاي وتلون فيول شوي بعدها ملت وخلته واقعدت تحوس

وراحت تصور بالكاميرتين (
رورو + شاي)

وشاي الضحى لازالت تلون


عقب تقريبا ساعه وشي طلبنا المنيو

لما شافته
رورو انصدمت لأن ماكو أكل


بس كيك وهالسوالف

وهذا جزء من الأكل عندهم


رورو اطلبت مافن مع آيس كريم


وشاي الضحى اطلبت آيس كريم


ورورو خذت كوكيز تيك اوي


خلصنه تحفنه وليلحين باقي عندنه ألوان وايد

جان تقترح
شاي الضحى انه نشخبط فيهم على مفرش الطاولة!

وهذا إلي صار


أما ابداعاتها كانت كالآتي:

هذي مالت
رورو الشخبوطة عقب لمسات شاي الضحى


وهذا فيول شاي الضحى


والنتيجه تبين بعد اسبوع لما نستلمهم


وبس طلعنه قبل لا نلون على الطوف ويقضبونا الباب!


الحمدلله استانسنه وايد

وكنه أول مره نشوف بعض


لقراءة الموضوع الآخر

اضغط هـنـا

30 comments:

hoza said...

من جد شكلكوم انبسطو دووووووم يارب
ولله حمستينى اروح مكان زى كده
موضوعك كان جنــــــــــااان

Her said...

wanasa your box and elephant turned out very nice:) we went there once and painted on a plate it was so much fun!

daloo3a said...

حد يلبس زنوبه لون لون ...

لازم بتزوج عليج من التعنقييش اللي تعنقشينه P:

هههههههههه

حلو شكله المكان و الاحلى فيه انكم تلونون =)

mazyona said...

وناااااااااااااااسه
خلاص يوم برجع بطلع معاكم

لمار said...

يم يمي الايسكريم يشهي وعليك انتي وشاي الضحى بالعافيه بس انتوا من قبل صديقات ؟ولا تعارفتوا هنا؟يالله انشالله لما اروح للكويت اشوفك :)

شاي الضحى said...

احلى شي ان كنه وااايد ماخذين راحتنه بالمطعم هههههههه

كنت امشي حافيه جني قاعده بالبيت :q

الحين زعفرانه تحن علي لما شافت البوست تبيني اوديها لما ترد عشان تلون

وعلينه بالعافيه :)

F6o6a Al-b6a said...

ان شاء الله مو ثنتينكم تنزلون نفس البوست بالضبط

صرتو نفس شسمونهم

و زنوبتج ذكرتني بـ نانسي القصيم الله يرحمها ="(

بس لو خليتيها ابيض و ازرق

Fishah said...

شحلو الوان الزنوبه .. يشوق التلوين .. خوووش طلعه عليكم بالعافيه :)

انزين مافي شي على سمج؟ ههههههه

وان شاءالله نشوف صور طلعات يايه :)

مشكوره

ebtsamh said...

ما اجمل التواصل :)

Anonymous said...

وااااو

خووش طلعه صراحه وعليكم بالعافيه وعساها دووم هالجمعه يارب :)

Anonymous said...

المرة الثانية انا معاكم ان شاءالله p;
لا تنسين صورهم عقب ما يخلصون :)

رورو الشخبوطه said...

هلا هوزا ..

اي الحمدالله واجمعين يارب مشكوره..

مرسي..

مرورك الجنان حياج الله..

رورو الشخبوطه said...

هلا هير..

مرسي..

اي حده وناسه و تغيير عن الكافهيات والمطاعم العاديه..

حياج الله..

رورو الشخبوطه said...

هلا مزيونه..

الله يردج بالسلامه يارب..

وحياج الله..

رورو الشخبوطه said...

هلا دلوعه..

خخخ ياربي 2010 ستايل رورو ستايل :)

خخ..

اي والله حلو وناسه ..

حياج الله..

رورو الشخبوطه said...

هلا لمار..

الله يعافيج يارب..

عرفتها من النت بس لما شفتها حسيت اعرفها من زمان ..

وحياج الله..

رورو الشخبوطه said...

هلا جايونه..

اي خخخ جنه حاجزينه خصوصي لنا ..

الله يردها بالسلامه وحلو مادام تحب ترسم ..

الله يعافينا يارب :)

وحياج الله...

رورو الشخبوطه said...

اهلا اختاه..

لا وي بسم الله علينا اهو شغل مشترك بكل شي بس التنزيل جايونه ماقصرت سوت لي كوبي :)

خخخ الله يرحمها يارب..

ماطرا ع بالي :\

وحياج الله..

رورو الشخبوطه said...

هلا فشه..

عاش من شافج :)

مرسي الله يعافيج يارب..

امبلى انا جني شفت ع دلافين واتوقع في غيرهم ..

ان شاءالله :)

العفو ولو ..

حياج الله..

رورو الشخبوطه said...

هلا ابتسامه..

جدا جدا وخصوصا مع ناس تحبينها :)

حياج الله..

رورو الشخبوطه said...

هلا بنت جابر..

الله يعافيج يارب..

وامين ..

حياج الله..

رورو الشخبوطه said...

هلا حنان..

ان شاءالله..

وحياج الله..

Anonymous said...

ياسلام عليكم والله شئ حلو الله يوفقكم ويسعدكم جاري البحث بمدينتي مثل هاالمكان المسلي

الله يعطيك العافيه.

Made n Q8 said...

وناااسه عليكم بالعافية

ذكرتيني في الي سويته كوب ..عند رفيجتي صارله قرن وكل مره تقولي بييبلج ياه ولي يومج ماشفته :S

فاطمة الابراهيم said...

الله وناسه هذا وين بالظبط بمرينا ؟
أبي أروح ..
عاد أنا أموت بهالسوالف وانا و بنت أختي

والله يخليكم لبعض رورو و شاي الضحى :*

:

ملحوظة صغيرونه

في البعض يسمي الله يعزكم هالنعال " زنوبه "
أذكر دكتور التاريخ قالنا إن المعادين لدين الاسلام كانوا يستهدفون تحقرين من شأن و منزلة آل البيت " رضي الله عنهم " ..
اظن فهموت يقصدون منو بهالتسمية " استغفر الله العظيم "

والله انا كنت مثلكم ماعرف بس من حزتها بطلت أقول هالاسم


:)

رورو الشخبوطه said...

هلا رندا..

اجمعين يارب..

وان شاءالله تلقين :)

الله يعافيج يارب..

وحياج الله..

رورو الشخبوطه said...

هلا مدمد..

الله يعافيج يارب..

خخخ روحي اخذي منها :p

وحياج الله..

رورو الشخبوطه said...

هلا لوتس..

يس بالمارينا صوب مارينا كرست ..


امين يارب..

مشكوره ع الملاحظة بس سبق وحده ذكرتها لي لما جيكت ع الفتاوي طلع انه عادي وهالشي خزعبلات مو صج وحسافه دورة الفتوة ومو محصلتها :\

وعموما دينا يسر مو عسر و مكرمه السيده زينب عن هالاشياء..

وحياج الله..

خاتون said...

بس ترى جد انتوا مبدعين ما اتخيل اني ابدع جذي وناسة
يا حلات الطلعات الصباحية المرحة
عقبال ما نشوف لوحاتك بمتحف اللوفر
*_^

رورو الشخبوطه said...

هلا خاتون..

لا تقدرين تسوين احسن منا ان شاءالله..

اي والله تونس :)

خخخ لا انا فاشله بالرسم بس احب الكتابه اكثر والقرقه ينفع اقرق ع روسهم :p


وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads