Thursday, March 4, 2010
السلام..
اليوم رحت مع رفيجتي كوكتيل لدسكفري مول ماشاءالله يشوق كنا نبي شوقر اند سبايس ولما سكر احنا وصلنا للمجمع ع 11 الا ربع لما سالنا السيكورتي متى يبطل قال العادة اهو 10 ونص مفتوح :\ ع حظنا مابطل خخخ..
والقينا نظرة عليه مافي شي يسوى لريوق قلت لها خل ندور مطعم او كافيه نتريق فيه طبعا شفنا جم مطعم وباجي الوقت كله نطالع العاب خخ عقب قلت لها ماشفنا المطاعم !! بس ماننلام العابهم تونس لو انا اقصيره جان ركبتهم ع الاقل احس اني العب :\
المهم استقرينا ع كوفي بين واخترنا هالطبق اسمه brek O day زدنا عليه جبن ..
ومعاه تختارون جاي او قهوة انا ماحبهم قلت ابي جاي اخضر قالت في بس مو مع الريوق :\
يابت لي الجاي كوبه كبير حسيت اني اشرب بجدر حساء السنافر :\ ماحبيته ورحت طلبت شرابي المفضل الماي ..
حبيت الريوق( المربى والزبده ماكليته ولا الشي الخابط اللي يمهم جنه اجار الاجانب ..)

****************************************************
عقب شفت انه العامل الحجي مال شوقر اند سبايس وصل ,واذا حابين تشوفونه المحل بتفاصيله جايونه منزله بوست عنه "NOW in Discovery Mall
وهذي حصيلتي:)
براوني نوعين كراميل اللي ع اليسار وال2 نسيت اسمها بس عليها فليك ..(ماذقتهم)

وميكس كب كيك بس ذقت وحده من valvet cup-cake وحبيتها لي الحين اهي احلى وحده جربتها من هالنوع ..
وامي بعد جربتها وحبتها ..


هذا اعتقد اسمه كرسبي رايس خذيته لانه مكينته خربانه وماعنده خرده :\ وانا اكتب البوست ولد اختي كته ع القاع اهي اهي ..
عاد معطته اكثر من وحده اح هفني ع راسي الظاهر يدري انه احش فيه :\ بعد شوي بادبه ان شاءالله..
حبيته بس حلاته تيب الحارج :)




ورفيجتي خذت جيز كيك وبراوني ..

وسلامتكم ..
بس بطمنكم باجر بوست مو عن الاكل بوست حزين اخييييييييييييييييييييه..

24 comments:

صمت البوح said...

يمي يمي شهيتينا

ليتني كنت وياكم *_^

بالعافيه عليكم ^_^

mazyona said...

بالعافية
شكله حلو

panadool said...

الحمد لله بوست باجر مو عن الاكل !!!!

الحمد لله



عزيزتى شخبوطه بسج من الاكل مع انه أغلب اللى تحطينه لذييذ وجهد مشكور عليه بس عندى اقتراح مره أكل ومطعم ومره مشروع ريجيم أو تخفيف

مع تحياتى الحاره لك ولمدونتك الغراء

Unknown said...

بالعافية ، انا وايد احب شوجر اند سبايس عندهم جيرمن كب كيكس وايد لذيذة و شي اسمه سويتي كب كيكس بعد حلوة بس ثقيلة شوي وجربت امس طلبت منهم كيكة الاسكا بس لازم تطلبينها قبل فترة اذا تحبين الايسكريم راح تعجبج :)

ebtsamh said...

عوافي .. الأهم وناستج ..

Made n Q8 said...

ناايس

عليكم بالعافية

لوول الحين الي يتابع بلوقج عباله ماتدخلين من الباب :d

ترى والله ضعيفه لا يغركم الاكل الي تحطه :)

Anonymous said...

عوافي على قلبك ياالغلاا

موفقه بإذن الله

بو ذياب said...

كوفي بين احلى كافية عندي
ولازم تروحين مناك وتطلبين (جيمنيشا غرين تي )
واذا تبين خوش ريوق طلبي (موسين) ..
واحسن فرع عندهم اللي يدام قصر السيف ..
بالعافية بنيتنا

ba6alah said...

bel 3afya i will try it one day

رورو الشخبوطه said...

هلا صموته..

شهوة العافيه يارب..

المرات اليايه ان شاءالله :)

الله يعافيج ..

مشكوره..

رورو الشخبوطه said...

هلا مزيونه..

الله يعافيج يارب ..

مشكوره..

رورو الشخبوطه said...

هلا اخوي بندول ..

خخخ دورك اليوم تتحلطم :)
وترا حتى مال امس ماكان اكل احاول كثر ماقدر انوع مره اكل مره كتاب ومره بناتي و مرات مناسبات ..

وترا ع فكرة انا مو اكيله نص اللي احطه مااكله و نوعي احب الاكل اللي شروكة ..

حياك الله..

رورو الشخبوطه said...

هلا زبوطة ..

الله يعافيج يارب..

اهي اهي ذكرتيني انا كنت ابي الميكس اللفي فيه جيرمن وماثبت انه عاني نوع 2 الا الحين لما قريت ردج :\

ومشكوره ع ذكر تجاربج معاهم اذا الله كتب ورحت مره 2 بجربهم ان شاءالله ..

وحياج الله..

رورو الشخبوطه said...

هلا ابتسامه ..

الله يعافيج يارب..

اي الحمدالله وناسه..

مشكوره..

رورو الشخبوطه said...

هلا مدمد..

الله يعافيج يارب..

خخ وي بسم الله علي :)

اي لانه مو كله لي و اللي لي ماكله كله :\

وحياج الله :)

رورو الشخبوطه said...

هلا رندا..

الله يعافيج يارب..

واجمعين..

مشكوره..

رورو الشخبوطه said...

هلا اخوي بوذياب..

ان شاءالله بجربهم ..

والله يعافيك يارب..

مشكور..

رورو الشخبوطه said...

هلا اخوي بطالي..

الله يعافيك يارب..

وان شاءالله يعجبك..

حياك الله..

خاتون said...

أنا جربت أتريق بكذا كافيه بس ما عجبني شي و بالذات اللي يبط جبدي لمن يحطون لنا بيض عادي بدون اضافات يعني شنو ما عندنا بالبيت
فأبي رايج بمكان أكله حلو أنا أثق بذوقج لأني مجربة أختياراتج
و شكراً عسل و إذا تبين مكان عنده كوكيز لذيذ و جيز كيك فروحي مجمع الكوت و دخلي له من صوب مركز سلطان جنج رايحة للمطاعم تشوفين محل أسمه جيز كيك على يسارج شغلهم حلو *_^ أحلى من شوقر أند سبايس ^_^
و هني و عافية على قلبج

رورو الشخبوطه said...

هلا خاتون ..

خخ يكون بارينا ..

مشكوره..

ككافيه ماجربت الا هذا وستاربوكس يس مو وايد لانه كنت مقاطعته فتره و كاريبو اخذ من صمون او كروسان وهالسوالف ..

اذا تبين مطاعم جربت فرايديز بوفيه متنوع بس ريوق امريكي بس حسافه لغوه ..

هم مركز السلطان رحت لهم جم مره بس خبري فيه من سنه وشي وهم بوفيه ومتنوع وكبير ..

جربت بيانو بيانو بالخالديه منيو الريوق متنوع عندهم يعني تقريبا 5 او 4 انواع بس اكلهم راهي وعادي يعني بيض عيون ونقانق ع صوب شغلات تقدرين تسوينها بيتكم ..

و عندج لونوتر بوفيه بس ماحبيته وايد ..

واتر لمون جربته بعد بس اكله هم مثل بيانو ..

وايكيا نسيت شنو فيه بالضبط بس الحلو فيه اكله زين ورخيص ..

اللي صج ودي اجربه الصنوبر ..

العفو ولو حياج الله..

خاطري اروح الكوت بس بعيد علي :( بس ان شاءالله لي مريته اجربه مرسي ..

الله يهنيج ويعافيج يارب..

كوكتيل said...

كانت طلعة حلوة

فكينا فيها نحس سنة كاملة

عين ماصلت على النبي :)

عليك بالعافية يارب

وكلا ولا سمسومي

حلاله يسوي اللى يبيه :)

رورو الشخبوطه said...

هلا كوكتيل..

اي الحمدالله..

خخ اي واخيرا :)

اي اعوز بالله :p

الله يعافيج يارب وانتي بعد بالعافيه عليج ..

خخخخ لا بس مايمد ايده هزئني هيبتي تمرمطت اهي اهي اهون عليكي ..

وحياج الله..

Anonymous said...

عليج بالعافية :)
الله صج شيشتيني :p

رورو الشخبوطه said...

هلا حنان..

الله يعافيج يارب..

وترا عاديين مو حلوين ..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads