Monday, March 29, 2010
السلام عليكم ..

من الشغلات اللي احبها الكوكيز وجربت باكثر من مكان ..


اللي اذكره والتوب فيهم :

1-كوكيز السينما امبيه ع طول اشوفه واطوفه ماخذه بس لما رحنا مع مدمد ماي نيم از خان طلبت لنا وذقته ومن يومه وانا متيمه فيه خخ..

2-النوع الوحيد اللي مصورته ..











اللي احبه انه اكثر من نكهه وحبيت اكثر شي الفول السوداني و اللي بدود البنات من اول مافتحوه جنه بحولي وودي اجربه بس ماقدرت الا باخر 2006 ببرزنيشن Zabo0o6a عنهم والاحلى انه فتحوا بالافنيوز ..

3-جربت بعد مال كاريبو اهو لو فات بس احس ماصخ شويه ..

4- وذقت من كلور مي عادي جدا .

5- ذقت مال هارديز من زمان فناسيه طعمه :\ بس كان كويس ..

6-من جمعيه الخالديه محل التشيز كيك جربت الكوكيز الحلو انه خفيف..

7- جربت نوع من مركز السلطان شريته وماذكرته الا قبل لاينتهي بشوي وكان طعمه الله يزيد النعمه :\ طبعا ماذكر اسمه بس اللي اذكره انه باكواب يكون جنه قواطي الكريم كراميل الجاهزه ..

هذا اللي اذكره ..

س:انتوا شنو احلى شي جربتوه ؟؟


36 comments:

Hadeel said...

أنا بعد أحب الكوكيز
كاريبو .. حلو .. لانه lawfat *^

خواتي يشترون نوع (أعتقد أمريكانا)
بعلبة طويلة .. حلو .. أناشبهم عليه .. لاني ما أشتريه .. ضميري يأنبني وأرده^^
وفي نوع (هم أمريكانا) لونه أزرق .. مو حلو .. يابس

ستاربكس .. حليو ..

شاي الضحى said...

عليج بالعافيه :)

كوكيز السينما لذيذ كله اطلبه

جوي قوي ما حبيته

كوكيز كاريبو لوفات اكبه لانه لوفات كله اطلبه مع كابتشينو :q

جربي تسوينه بالبيت نسيت اسم الماركه الي علبتها حمره مره سوته اختي كان وايد لذيذ

والي احب اطلبه من Cookies n cream لذيييذ

انا ما احب الي فيه فول سوداني بس اختي تحبه كله تطلبه منهم تقول لذيذ وجربته مره كان حلو بس انا افضل الي فيه كاكاو

المحل موجود ببنيد القار مكانه خايس مدعوس وعندهم خدمة توصيل وموجود بطلبات جربيه وايد حلو :)

hoza said...

ولله انتى راح تجنينينى
انا مادخل مدونتك الا فى الليل والناس نايمة
والاقى موضوع فى منتها اللذة
بالله قوليلى دحين من فين اطلعلى كوكيز الساعة 1 فى الليل (**)
آهى آهى
شكلو ماراح ادخل مدونتك الا وانا على سفرة الاكل
هههههههههههههههههههههه
وبنسبة للموضوع وفى السعودية
انا الذ كوكيز اكلتو
كان من ايكيا
والتانى من سوبرماركت الدانوب
يالله عن اذنك رايحة ادورلى شىء اكلو
هههههههههههه
(^^)
وبنسة لمدونتى مادرى امكن نفس المتصفح حقك ؟
ولله مادرى بس ان شاء لله يتصلح

Her said...

pillsbury ^-^

mazyona said...

أنا ما احب الكوكيز وايد ما أقدر أنصحج أي واحد أحلى

panadool said...

أنا أحب الكوكيز بشدة

وفى فترة نسيت عمرى كنت آكل باليوم 4 أو 5 حبات على الاقل يوميا

من كثر ما أحبة كنت أفكر أقلد مشروع مطعم شفته فى هولندا مخبز مايسوى الا كوكيز وبس ... لكن 40 نوع , وجدام الزبون يطبخونه وتشم الريحه والطعم فرش واااااااااااااااااو

بعدين كثرتة مو خوش لأنة سعراته الحرارية عالية

بالكويت بجرد كوكيز السينما مو جربة

أحلى كوكيز بالكويت بماركس سبنسر صوب قسم الاكل بالدور الثانى عندهم خوش أنواع

وييى بعدة هارديز خصوصا إذا حار


إشكثر تحبين تكتبين عن الاكل

تحياتى

3.D3aijany said...

مممم شوقتيني =)
الله يسلمج كوكيز مطعم فدركرز لذيذ خاصة مع الحليب واحنا على طول نشتري منه من سنين وهذا طعمه اللذيذ ماتغير ماشاء الله..

تقدرين تسوين انتي كوكيز بالبيت تحسين احلى وأنظف وطريقته جدا سهلة =)

may said...

رورو انتي معاي ع الخط

;)

ظنيت بروحي عندي الهوس هذا

^_^

أنا لما أسافر أي ديرة أدور عن معلبات الكوكيز في قسم الحلويات بأي سوبرماركت .. أرتس الجنطة من كل الأنواع ، ولما ارد الكويت اجربهم كل اسبوع بالزوارة واستمتعي ، كل شي من برة حلو ، تحصلين انواع خيالية ماعندنا منها ..

Made n Q8 said...

غرامي الكوكيز

انا احب كوكيز السينما وماركس سبنسر _فدركرز علمتني عليه رفيجتي _هارديز بس لما يكونون توهم مسوينه مو صارله قرن عندهم

وبس علييج بالعافية :)

ميمة السبيت said...

** جوي قوي حده حلووووووووووو انا احب الوريجنال

Sn3a said...

جربني كوكيز من نوفمبر بيكري فوق ليفنج كالرز

وطبعا لو ذايقه الكوكيز الي انا اسويه جان باول لستتج;p

chandal/danchal!! said...

كوكيز فدركرز حلو

كوكيز sub way مثل مال السينما وايد حلو

chips Ahoy

كان في محل كوكيز بجمعية النزهة اسمه Mrs. Field's

كوكيزته عجيبة بس للاسف سكروه وما اظن له فرع ثاني بالكويت!

Anonymous said...

يممممي رورو انتي عسل انااحب الكوكيز موووت .. زوجي يقول لي كرهتيني في شي اسمه كوكيز من كثر ماتاكلينه خخخخ ..

حلو كوكيز اند كريم - كون زون وعندنا بعض محلات الحلويات تفنن فيه ..

الله يعطيك العافيه يالغلاا

'3ShMrGiaH said...

هارديز بس انتي وحظج ..مرات يكون زفر:s

iguiwaman said...

وصفة حلوة ولديدة شكرا لك

AM.SA.CHANNEL said...

أنا الـــصراحة ما أحب الكوكيز واااايد .. يعني أفضل المفن و الكب كيك أكثر من الكووكيز ... ف ما أعرف

رورو الشخبوطه said...

هلا شي..

انا بالنسبه لي اهو عادي مو وااو..

اها بشوف اللي قلتي عنهم وبجربهم ان شاءالله..

مشكوره..

رورو الشخبوطه said...

هلا جايونه ..

الله يعافيج يارب..

صوح الصوح انا اللي لازم اطلبه مال السينما جوي قوي مرتين ووقفت مره كنت بطلب قالولي تو ماسو لي الحين :\

خخ بس ماتحسين انه ماصخ ؟؟

ان شاءالله مع انه افضل الجاهز :)

ضروري اجربه باقرب وقت ان شاءالله وجان زين يوصلون لدوامنا ع الاقل :\

الظاهر انا مثل زوق اختج بالحلو :)

مشكوره :)

رورو الشخبوطه said...

هلا هوزا..

سكتي حتى انا مشتهيه خخخ..

خخخ خوش فكرة :)

ايكيا عند خل اجربه بس دانوب اسم الماركة ؟ ولا الجمعية؟

خخ بالعافيه عسى حصلتي شي :)

ان شاءالله جربت بلاب توب ال2 نفس الحاله بجرب بمتصفح 2 وان شاءالله تضبط السالفه..

وحياج الله..

رورو الشخبوطه said...

هلا هير ..

ان جربه ان شاءالله..

ومرسي..

رورو الشخبوطه said...

هلا مزيونه..

مرسي..

رورو الشخبوطه said...

هلا اخوي بندول ..

مي تو بالعافيه يارب..

الله :)

في نوعيه خفيفه للرجيم ..

اي جربه للحين اهو التوب ..

بجربه ان شاءالله

خخخ لا مو وايد :\ انتوا يصادف تدشون حزة اللي احط فيها عن الاكل :)

وحياك الله..

رورو الشخبوطه said...

هلا انجو..

ماشاءالله عيل يبيله :)

بس الجاهز اريح :p

ومشكوره..

رورو الشخبوطه said...

هلا مي..

لا شكله هوس جماعي خخ..

برا الكويت صعبه بس بجرب الانواع المتوفره عندنا..

ومشكوره..

رورو الشخبوطه said...

هلا مدمد..

انا اثق بذوقج بالكوكيز :)

بجربهم ان شاءالله..

الله يعافيج يارب..

مشكوره..

رورو الشخبوطه said...

هلا ميمه..

اهو زين بس مال السينما احلى منه بووايد..

ماكو مقارنه اساس بينهم :)

ومرسي..

رورو الشخبوطه said...

هلا سنعه..

اهو اللي صوب ستي سنتر الشويخ؟؟؟

خخ السته مو بالترتيب بس ماورانا شي ذوقينا :p

وحياج الله..

رورو الشخبوطه said...

هلا جندل..

شوقتوني اجربه اكثر من وحده مدحته ..

جربته مره بس نسيت طعمه شكلي بعيد التجربه :\

ماهزا ياهزا؟؟

حسافه :\

ومشكوره..

رورو الشخبوطه said...

هلا راندا..

عيل راويه البوست خخخ ..

اسمه مقارب للي مدحنه جايونه :)

الله يعافيج يارب..

ومشكوره..

Crazy Girl in aGood Way said...

عليج بالعافيه

جوي قوي احب اللي على كندر واايد لذيذ وثقييييل

هارديز اذا حار وبوقته حلو

احلى كوكيز ذقته بلندن محل Millies Cookies

جربي تعلمي تسوينه وبدعي بالنكهات :)

رورو الشخبوطه said...

هلا غشمرجيه..

خخ مدام السالفه فيها حظ عيل بهون :p

ومشكوره..

رورو الشخبوطه said...

هلا اخوي اوتو..

العفو ولو..

حياك الله..

رورو الشخبوطه said...

هلا شانيل..

انا احب ال2 :)

ومرسوو..

رورو الشخبوطه said...

هلا كريزي..

الله يعافيج يارب..

يبيله لندن :p

ياحلات الجاهز استحرم العب بنعمة الله خخ..

وحياج الله..

خاتون said...

احلى كوكيز ضقته كان داخل ككاو من آربيا تيست
و في واحد قديم كانت امي تيبه و ما اعرف اسمه
و شكرا على تقرير الكوكيز حده نفعني
و ياحلوج و يا حلو معلوماتج *_^

رورو الشخبوطه said...

هلا خاتون..

مرسي..

والعفو ولو حياج الله..

وياحلو مرورج :)

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads