Saturday, March 13, 2010
السلام عليكم ..
من زمان ماطلعت :\
فاليوم رحت مع اخيتي ب360 كنت ابي سينما ومطعم ومحل اكسسورات ..
الفيلم كان اليس في بلاد العجائب ..
تذكرون اغتيتها قبل ..
اليس يافتاة بعمر الزهور
تطير احلامها كالطيور
الخ الخ
رحته بناء ع مدح اغلب المدونين ومنهم رفيجتي خخخ..
الفيلم بالنسبه لي عادي جدا اللي محليه انه 3d ولا القصة جنه اشوف باباي من ايامنا :\ مادري شفيهم ديزني رادين ع البابايات القدم الحين اليس وقبلها الاميره والضفدع وقبلهم Happily Never After بس الاخير مغيرين بالقصة شويه ..
وعقب رحنا تغدينا let's burgerهم شفت كاتبين عنه بكذا بلوق ,,
المنيو ..

طلبنا تويستر انصدما انه هذا اهو حسبالي مثل مال فرايديز..

طلبي برغر بيتزا انا توقعت انه بيتزا عاديه وحاطين عليها قطع همبرغر مثل الببروني !!


طبق اختي ..



المطعم اقل من العادي ويمكن لانه اختياراتنا غير موفقه ..

28 comments:

نمووول said...

يم يم شهيتيني مع اني توني ماكل

زين تقولين الفلم عادي ؟!
يعني نودي الياهال ولا نوديهم العاب احسن ؟

شكراً

رورو الشخبوطه said...

هلا اخوي نمول..

شهوة العافيه ..

اي بس الباجي عجبهم (المدونين)

تبي تودي اليهال ودهم الاثنين بدينار ونص ويخب عقب ودهم الالعاب :)

العفو ولو..

وحياك الله..

بو ذياب said...

بالعافية بنيتنا ..
الفلم عجبني وايد والحلو فيه الاميرات الخوات وجوني ديب .. كركتراتهم مو طبيعية ..

mazyona said...

هلا رورو
أنا ماعجبني الفيلم أحسه كلش عادي ومال يهال
تسلمين

panadool said...

عاد الفلم صج يمدحونه وايد


وبالعافيه على الغدا

HάķöØnã✿რätatã said...

مسآآآج الله بالخيـــر

حلو تغيير جو .. امممم انا ماشفته
>> خيبه من زمااان ماشفت شي حلوو
~_~

خخخخخ

بالعافيـــة .. حلو التغيير وإن كان ساعات لا يعجبنا .. (( الحياة تجارب خخخخ ))

رورو .. ربي يوفقج .. وعسى أيامج كلها حلوة ^_^

لمار said...

حبيبتي رورو عليكي بالعافية والله يديم عليكي الوناسة .

أبوفلان said...

عليكم بألف عافيه

أشوف بعض الشباب مادحينه ببلوقاتهم

بس اختلاف الأذواق واجب

شكرا

شاي الضحى said...

لووووووووووول


ما شفتج :q

وناسه نفس اليوم رحنه

رورو جنه صرنه منهم الي كل ماتدشين بلوق تلقين نفس البوست او الموضوع ههههههههههههه

بالعااااافيه

انا عجبني حبيته اكثر من جوني روكتس لان هذاك وااايد ثقيل ويغث

والفلم ليلحين ما رحت له امس كنت بحجز بس رفيجاتي قالوا نطرينه

شكلي بكشت فيهم ههههههه


مشكوره :>

عين بغزي said...

شجعتيني ادش الفلم مع انه عمري عود بس احب كرتون الطفولة

Made n Q8 said...

علييكم بالعافية

عاد رفيجتي ذيك المره تقول راحتله وعادي يعني

ba6alah said...

lazem ajareb el ma63am

Anonymous said...

الله يعطيك العافيه رورو ماشاء الله فالينها انتي واختك هههههههه سلامي لها وللوالده

انتظر جديدك الممتع المتميز

خاتون said...

أفا عاد بس صور الأكل عجيبة آخرتها
ما يعرفون يطبخون
خلاص بدز لهم خدامتنا انجي تتعلم منهم الدكور و يتعلمون منها الطبخ لووووووول
يسلمو رورو و شكرا على موافاتنا بالاحداث خارج اسوار القلق الدراسي
لمن اشوف بلوقج كله أقول رزق الله ايام زمان أيام ما كنا عايشين زي البشر الباأية
يللا هانت ما بقى شي و نتخرج
سي يو ليتر سويت هارت ^_^

صمت البوح said...

^_^ وردينا حق أليس

هالدزني خلصوا افكارهم ماشي يديد

عادي باجر تشوفين رسوم سالي بس 3d

لوووووول..بس مبين من الصوره كان حلو

يمي يمي ..اكلهم يشهي بس البرقر غريب لووول


وبالعافيه عليكم

وثلموو ع البوست اللذيذ

رورو الشخبوطه said...

هلا اخوي بوذياب..

الله يعافيك يارب..

جوني ديب اهو صانع اقبعات ؟؟ اذا اي حبيته يونس ..

وحياك الله..

رورو الشخبوطه said...

هلا والله مزيونه..

اهو عادي كقصه بس الشغل بالمؤاثرات ..

والله يسلمج يارب..

وحياج الله..

رورو الشخبوطه said...

هلا اخوي بندول ..

اي صاج يمدحونه..

والله يعافيك يارب..

مشكور..

رورو الشخبوطه said...

هلا هكونا ..

مساء النور ..
خخ اي مليت من القعده ..

الله يعافيج يارب اي صاجه مره تصيب و10 تخيب :p

والله يسلمج واجمعين يارب..

ومشكوره..

رورو الشخبوطه said...

هلا لمار ..

خخخ قريت سالفه التجنيد خخ لا مافتح نفسي اساسا ماتعيشت ليلته وعقب توهقت بهالاكل طاح بجبدي لانه اختيار غير موفق..

والله يعافيج واجمعين يارب..

مشكوره..

رورو الشخبوطه said...

هلا اخوي بوفلان ..

الله يعافيك يارب..

اي حتى انا ..

مو بس جذي هم اختلاف الطلبات تاثر :\

العفو ولو..

حياك الله..

رورو الشخبوطه said...

هلا جايونه..

اي حسافه خخ..


خخخ لا وي بسم الله علينا احنا صادف بعدين الصور غير والاسلوب غير مو كوبي بيست نفس الحجي والصور :\

الله يعافيج يارب..

جوني ماجربته او مجربته من زمان وناسيه :\

خخخ ان شاءالله تروحون له ويعجبكم ..


العفو ولو..

حياج الله..

رورو الشخبوطه said...

هلا عين..

الباباي مو لليهال بس ..

اللي يمنا كانوا اجانب كبار ..

وحياك الله..

رورو الشخبوطه said...

هلا مدمد..

الله يعافيج يارب..

اي مافي زود..

وحياج الله..

رورو الشخبوطه said...

هلا اخوي بطاله..

ان شاءالله ..

وحياك الله..

رورو الشخبوطه said...

هلا راند..

خخخ ترا ماكو مانطلع وايد :\

والله يعافيج و يسلمج يارب ..

مشكوره ع الاطراء ومن ذوقج :)

رورو الشخبوطه said...

هلا خاتون ..

خخخخ ساعات يكون شكله وااو والطعم عادي والعكس ..
خخخ وخل تتنقصلي ...

الله يسلمج يارب ..

هانت الله يوفقج ويسهل عليج يارب ..

ان شاءالله وحياج الله..

رورو الشخبوطه said...

هلا صمت ..

اي مادري شفيهم وتوني ادري انه اليس تبع ديزني ..

وصح التصوير كان زين ..

ماتوقعته جذي لو ادري انه جذي ماطلبته واختي لما قريت بالمنيو قعدت تعيب عليه خخخ..


الله يعافيج ويسلمج يارب..

مشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads