Wednesday, January 5, 2011
السلام عليكم..

اصعب شي بالنسبه لي اشتري هديه لانه مو كلشي ابالي احصله ومو كلشي اقدر اضبطه وونادر يعجبني شي :\

ورفيجتي لي توهقت ادور شي ينحط عليها اسمها او حرفها ادري هالشي بيخلي الشغله وااو بعيونها صارلي سنين اتبع هالخطه خخخ ..

وانا احوس لقيت هالسوالف حبيتهم فلما توهقت معرفت شيب قلت ماكو الا اطلب منها ..

وطلبت حدده حده اهو مفروض اسبوعين قبل المناسبه انا طلبت قبل تقريبا 10 ايام واهي ماقصرت خلصت لي اياها ابجر بعد تقريبا بحدود الاسبوع كانت عندي ..

براويكم نماين من شغلها ..

طخم لمعاريس :)
النوع الاول :
النوع ال2 ..


وطخم فردي :

وفي بس روب :
وفي طخم فوط ..


وفي طخم لبيبي بعد حلاتهم والله ..
 طبعا انتوا تختارون اللون لفوط ولون التطريز ..

وعلى اساساه يكون التغليف ..


ماتوقعته ايالي جذي انا كنت ادري بيلي زاهب بس ماتوقعت انه بيحطون نفس الكرت عليه الظاهر يدرون انه عندي عقده من الكروت خخخ..
سايتها :link ..

رايي :

عجبني الشغل من الى يعني من مجاميعو ع قولتهم , وحبيت انه جاهز مايبله عبالة تغليف بعد , واهي وايد محترمه وانا ويد طنقرت عليها خخ بس قدرت تهديني مادري علامي هالسنه صايره طناقر :\

وحتى المندوب زين ماشاءالله مو من النوع الغثيث اللي رنه ويسكر بويهج ..

والحمدالله عجبت سوسو :)

26 comments:

Amwaj said...

يعطيج العافية خوووش سايت
وايد حبيت ملابس البيبي
وإن شاء الله بطلبهم حق بيبينا اللي ياي بالطريج :)

وعليها بالعافية سوسو *_*

شاي الضحى said...

سؤال فوطها من النوع الي يطلع شعر ويلزق بالجسم ولا لا؟

لان الروب الي عندي باط جبدي كله يطلع شعر

ووديته المصبغه ماكو فايده

اخر شي شريت لي فوطه خربوطيه تقزوره على ما القى ثانيه

شكرا

Katkoota xD said...

حلو شغلهم ماشاءالله

و هذا الصح مفروض اللي يفتحون شغل او شي

لازم يعرفون شلون يتعاملون مع الناس و يهدونهم

مو مثل هالايام تدقين بتطلبين تشوفين اللي يردون نفسية خخخ

عالعمووم يعطيج العافية حبيبتي

star said...

رورو

وناسة عاد تصدقين كنت هاليومين افكر ابي مكان يكتب الاسامي او الاحرف على الارواب

انا توني شاريه روب حمام اينن وكنت ابي اكتب اسمي عليه تهقين ترضى تسويه لي ؟؟
واذا تعرفين اماكن يسون جذيه يعني انا اودي الروب مالي وين الله يعافيج

ibnalsor said...

الاهم انها أعجبت صديقتج .. اما مسألة التفكير بالهدية واختيارها فهذا الامر اغلبنا يشترك فيه خاصة لما يكون الشخص عزيز علينا .. حيث تحتار النفس وش تقدم له .. لكن التعبير البسيط عن المشاعر والحب هو الاقرب .. بوست رائع وقلم جميل ومفردات عذبة تتابعها ولا تمل

someone said...

so nice :)

Anonymous said...

mu rathy yefta7 ma3ay :(

3ade taktebeen esm alsite ma 3alaich amr :** allink mu ga3d yefta7 ma3ay.

مرام said...

الموقع حلو

مشكوره و يعطيج العافيه

Sweet Revenge said...

والله شغلهم حلو
انا بعد ادوخ علي ما احصل هدية حلوة
مشكورة رورو
وعليها بالعافية سوسو
:)

كوكتيل said...

صباح الخير :)

حلوة الخطة :)

شفتى أسهل مني مافي :)

يسلمو سويتي فعلا حلو :)

ويعطيك العافية

رورو الشخبوطه said...

هلا امواج..

الله يعافيج يارب..

ان شاءالله ..

يعافيج..

مشكوره..

رورو الشخبوطه said...

هلا جايون ..

ولا مادري مالمستهم بس طليت بالجيس وعقب عطيته البنيه ..

ذكرتيني بروب شريته ماينشف عدل :\ جني امسح الماي بكنبل :\

والعفو ولو..

حياج الله..

رورو الشخبوطه said...

هلا كتكوته

صاجه..

اي بعضهم قطع جنه تطرين منهم ..

الله يعافيج يارب..

ومشكوره..

رورو الشخبوطه said...

هلا ستار..

والله مادري بس جربي اتصلي عليها ..

سامعه انه في محل بحولي بس وين بالضبط مادري :\

وحياج الله..

رورو الشخبوطه said...

هلا اخوي ابن السور ..


اي الحمدالله ..

صاج مسائلة متعبه بس يتلاشى التعب لما تشوف الفرحة بعيون اللي تهديه ..

مشكو اخوي ع الاطراء من ذوقك والله احرجتني

رورو الشخبوطه said...

هلا سمون ..

مرسي..

رورو الشخبوطه said...

هلا غير معرف ..

اكيد ولا يهمج..

كاهو ..

http://www.wix.com/lulualshatti/luluu

جربي وان شاءالله هالمره يضبط..

وحياج الله..

رورو الشخبوطه said...

هلا مرام..

الله يعافيج يارب..

والعفو ولو حياج الله..

رورو الشخبوطه said...

هلا سويتي..

العفو ولو..

والله يعافيج يارب..

اي صعب مو سهل انج تحصلين شي مناسب ..

وحياج الله..

رورو الشخبوطه said...

هلا سوسو..

خخ اي نتائجها عظيمه :p

لا والله صعب خخ ..

الله يسلمج ويعافيج يارب..

مرسي..

Anonymous said...

عليها بالعافية
خوش فكرة ماشاءالله

Made n Q8 said...

مشالله وايد حلو وراقي

عليها بالعافية

رورو الشخبوطه said...

هلا حنان..

يعافيج يارب..

مشكوره..

رورو الشخبوطه said...

هلا مدمد..

يعافيج يارب..

مشكوره

خاتون said...

سووووووويت

عجبني شغلهم
ومشكورة وايد ريحتينا من التفكير بالهدايا
وحلوة سالفة الاسم

أنت عجيبة
ثامز أب *_^

رورو الشخبوطه said...

هلا خاتون..

خخ مو شرط الاسم اي شي رفيجتج تحبه ركزي عليه وطلعيله افكار منه خخ..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads