Sunday, December 26, 2010
مادري الخبر صج او اشاعه بس اللي اذكر انه مار علي !!

والخبر اهو انه اذا ماجددت بطاقتك المدنيه وحولتها لي ذكيه خلال هالسنه يعني حدك هالاسبوع راح تغرم ..

شكثر الغرامة مادري ؟!؟

بس خليكم بالسيف سايد وسووها ..

ان امس صورت الله يهداهم كان عندي صوره حلو واحبها ومن كثر ماهي عاجبتني واول مره يصير هالشي طلعت عليها مليون نسخة اللي من كثرهم انمحت ملامحي صار ويهي وخلفية الصوره واحد خخخ ..

الصوره اليديد مو عاجبتني كلش :(

لها شروط مالها داعي خلفيه زرقا - تسكر حلجك شدعوه بصور وانا اقهقه خخ-لازم ويهك سيده واي جنه بدش التجنيد :\ ..

وكل بصوب وشرط انه يظهر الشخص منفرد بالصور بصوب !

يعني معقوله في احد بيدز صوره جماعيه للبطاقه المدنيه خخخ..

مادري ليش لما اختي قالت لي هالشرط تذكرت مسلسل ام البنات ..


عموما للفائدة سايتهم فيه كل المعلومات المهمه وهم فيه تعرفون شنو الاوراق للي ناقصتكم عشان تسون البطاقه (اضغط هنا)

14 comments:

AMANI said...

خلفيه زرقه بالعكس حلوه قولي الحمدالله ما قالو بيضا نفس ما قالونا في اخر مره غيرنا جوازاتنا السعوديه

وهم هالاشاعه سمعتها وامي سوت بطاقتها اعتقد ! وقالتلها رفيجتها لازم عائلتج كلها تغير ولما قدمنا اوراقنا رفضوها
لان التغير الان بس للكويتين والسنه القادمه بتكون للخليجين و الوافدين

بس اللحين كل هالشروط اللي حطوها مفروض بعد يحطون شروط اهم منها واهيا التزام البنات بعدم وضع العدسات والمكياج الاوفر لانه بطايق البنات هوااااايل

Bint ilKuwait said...

loooooooooooooooooooooooooooool mashkora 7abeebtii ma ga9artay 3ala hal ma3lomaa;***

ya3nio shal loyaaa:S malnaaa khilg :((

ميمة السبيت said...

* واي اكره شي عندي اني اصور ويع لو 100 لقطة ماتلقين ولا وحدة سنعة

Made n Q8 said...

وااي عاد انا ويهي بالصوره ماادري ليش يطلع عوي اصلا احس ملامحي بكبرها تتغير!

انا ما جددتها للحين بقول حق امي بشوف

شاي الضحى said...

عندي صورتي مالت الفيزا بحطها مالي خلق اصور

بهالشروط تشوفين الصور جنه مجرمين

مو ناقص الا يكتبون فوق الصوره

WANTED

وتحت الصوره رقم المجرم هههههه

candy cotton said...

الحمدلله انا سويتها
وصورتي وايد حلوه بالبطاقه اليديده
وثانكيو وايد
على المعلومات

رورو الشخبوطه said...

هلا اماني ..

ليش يقيدونا بلون معين حس ماله داعي :\

@@ حسبالي عيل الكويتيه وتحديد الخليجين منهم مثلنا يعاملون بكل شي :\

اللي اعرفه او بالاحرى سمعت فيه انه مايصير عدسات ..

حياج الله..

رورو الشخبوطه said...

هلا بنوته..

خخخ العفو ولو..

تحسين ماعندهم شغل قالوا يلله نغير البطايق خخ ..

وحياج الله..

رورو الشخبوطه said...

هلا ميمه..

حاسه فيج مريت بهالشي قبل جم يوم :(

اللي ياست وقلت لها عادي اي وحده كلهم مو شي خخخ..

وحياج الله..

رورو الشخبوطه said...

هلا مدمد..

جدديها وافتكي..

كلنا بالصور نطلع غير يمكن لانه ندقق باشكالن وننصدم خخخ..

وحياج الله..

رورو الشخبوطه said...

هلا جايونه..

انا حسبالي غيرتيها لما تزوجتي ..

اي مبيه انا كنت بصير حوله من كثر ما صبع المصوره تهزه جدام ويهي ..

زين لحقت وخذت لقطه ولا جان غشيت من الدوخه خخخ..

خخخخخخ ابوي يقول جنكم ريا وسكينه !

وحياج الله..

رورو الشخبوطه said...

هلا كاتون..

زين ماشاءالله..

ولكم :)

PebaBlog.com said...

اي والله هم انا سامع انه غرامة

رورو الشخبوطه said...

هلا اخوي بيبا..

لحين يبين اذا في صج غرامه ولا اشاعات..

وحياك الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads