Monday, December 20, 2010
السلام عليكم ..

الاسبوع اللي فات عرفت هالكتاب من برنامج تو الليل تحديدا فقرة العبدالجليل ..

اللي كنت لاهيه بلاب توب اسمع شوي من الفقره واكمل اقرا وحوس بالنت بس لما حطوا مقابلته شلت كنبلي وخليت لاب توبي وجابلت التلفزيون :)

واليوم قابلوه بالمارينا اف ام ولو بيقابلون بعد بسمع او اشوف بدون ملل لانه وايد احب هالموضوع ..


واهو متعلق بالموسوعه اللي اصدرها الباحث خالد الرشيد وفيها بحث وجمع وشرح العديد من الكلمات الكويتيه القديمه اللي اندثرت او مازالت متداوله بينا ..

بين معناها ومتى استخدمها واصلها << حسب اللي فهمته لانه لي لحين ماشريته.

امثلة :

الفرق بين لهجة اهل شرق وهل جبله ؟

شرق يقولون كرفايه اما جبله سرير << وامثله غيرها وايد..

زتات و نفنوف و ترجيه << اصل هالكلمات تركي ..

بطيخة معناه حسب ماذكر واقول الكرفايه الكبير وسموها بطيخة الفيلجاوين لانه كانوا طرق الفراش (بس فراش  اظاهر ماكانت متوفره الكرافي) فكان واحد عراقي اعتقد سواله كرفايه واسمه مادري شنو بطيخ فسموها عليه :) << هذا اللي اذكره طبعا قد يكون الخطا وارد :)

وفي وايد معلومات عن متى نقلب حرف (الجيم) الى (الياء)..

اتوقع وايد بتكون قرأته ممتعه ومفيده خصوصا وانه الحلو فيه ان اهو مو مجرد كتاب مقروء لا مزود بقرص مدمج (سي دي) يحتوي على الكلمات وطريقة نطقها بشكل صحيح هذ اذا ماخب ظني :)

سعر الكتاب :

12 د.ك ..

متوفر في :

مكتبة العجيري بس حاليا بصدد توفير  طبعه يديده ..

سايت الكتاب (هنا)

من جانب اخر في بلوق بنفس الفكره واهو متخصص باللهجة الكويته اسمه حجي (اضغط هنا) هم مفيد بهالمجال ويعتمدون على العديد من المصادر اللي وثقت هالمواضيع :)


ملحوظة :البوست مجهود شخصي فالخطا وارد خصوصا انه معتمد على ذاكرتي قصيرة المدى ..
مصدر الصوره (هنا)

23 comments:

مزاجي said...

يوم عن يوم تزيدين تألق

ابن السور said...

شكرا على هذه المعلومات
وشكر اكثر على توفير سايت حجي وسايت الكتاب

Amwaj said...

حمستيني أشتريه
أحب الكتب اللي من هذا النوع

يعطيج العافية :)

شاي الضحى said...

عندي الكتاب من زمان

قريته يونس

بس مو نفس الكلام الي بالمقابله والي قلتيه

يعني مثل الموسوعه من حرف الالف الى الياء

وكل كلمه شنو معناها

حلو يكون عندج لانه بالنهايه موسوعه

sa5er said...

خوش كتاب والله ..
المؤلف عجبني والله ذاك اليوم !

candy cotton said...

امس سمعت اللقاء مع الكاتب على الماريناوانتي حمستني زياده اني اشتريه بس والله في كلمات للحين ننطقها وما اندثرت
ومشكوووره وايد على المعلومات

كوكتيل said...

صباح الخير :)

فعلا كلامه ممتع لأن الموضوع ممتع

شفت المقابلة مالت الوطن وكانو من فترة منزيلين إعلانات الكتاب في الجرائد فكرة الكتاب حلوة :)

يسلمو:)

Anonymous said...

والله ماجنه بالكويت الا اهل شرق وجبله

رورو الشخبوطه said...

هلا اخوي مزاجي..

مشكور ع الاطراء..

ومن ذوقك ..

رورو الشخبوطه said...

هلا اخوي ابن السور..

العفو ولو..

حياك الله..

رورو الشخبوطه said...

هلا امواج..

انا بعد..

والله يعافيج يارب..

ومشكوره..

رورو الشخبوطه said...

هلا جايونه..

يعني بمثابة المعجم؟؟


توقعت مثل اللي قله بالمقابله بيطلع احلى ..

رورو الشخبوطه said...

هلا اخوي الساخر..

خخ ماينعرف جدك من غشمرتك ,,

عموما المؤلف لقاءه ممتع بس عبدالجليل ماعطاه مجال يتكلم..

وحياك الله..

رورو الشخبوطه said...

هلا شعر بنات..

اي مو كلها اندثرت في بعضها موجود..

والعفو ولو..

حياج الله..

رورو الشخبوطه said...

هلا كوكتيل..

اي بس ماعطوه مجال بالوطن ..

الله يسلمج..

حياج الله..

رورو الشخبوطه said...

هلا غير معرف..

ليش ركزتي ع هالنقطه بس؟؟

عموما يمكن الكتاب اغلبه عن هالمنطقتين..

بس في وايد كتب غيره مخصص بلهجات الكويت ال2..

واتوقع الباحث ركز ع هالشي لانه ابن احد هالمنطقتين ..

وحياج الله..

lil.D said...

احب هالكتب :)

رورو الشخبوطه said...

هلا ليلي..

اي اتوقع لانج تحبين السفر :)

فتحبين هالسوالف..

خاتون said...

زين هذا حق اختي جنجر لأنه لسانها حده عوي بالكويتي حدها انجليزي وهالأيام تحاول تبحث عن جذورها الكويتية
فراح ادعيلج اذا تعدل السانها وحتى لو ما تعدل بدعيلج خخخخ تستاهلين
يسلمو حبيبتي ^_^

رورو الشخبوطه said...

هلا خاتون..

خخ ان شاءالله يفيدها..

والله يسلمج يارب..

مرسي..

Made n Q8 said...

وين السوريه عنه كااااااك

رورو الشخبوطه said...

هلا مدمد..

خخ تقولج يايبلها واحد ..

بس لهجة اصله يعني محدد خخخ..

ابن السور said...

فيما اعلم ان هناك فارق بين لهجة اهل المرقاب وجبله .. حيث ان اهل جبله وبعضا من اهل شرق يتكلمون بذات لهجة اهل جبله
فمثلا اهل المرقاب يقولون ليش بينما اهل جبله يقولون شحقه
واهل المرقاب يقولون مالي خلق واهل جبله يقولون مالي مقاقه
واهل المرقاب يقولون مفوحش
واهل جبله يقولون مفوشح
اما عن كرفايه
فبعض اهل المناطق ينطقها
كرفاجه

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads