Tuesday, December 28, 2010
السلام عليكم ..

نكمل سلسلة تذكرونه؟!؟ 

وهذي الاجزاء القديمة ..

(ج1 , ج 2 , ج3 ,ج4 ,ج5 , ج6)

اليوم بتكلم عن شغله كنت احبها ايام الطفوله يعني بالتسعينات , وكنت لما احطها ماقدر اتكلم او اكل اخاف تروح خخخخخخخخخ ..

اكيد عرفتوها الحمره ..

طبعا ايامنا ماكو قلوس بس في حمره كانت مشهوره ..

هذي اهي ..


الحمره السحريه ..

اهي للحين موجوده وتنباع بالحواي وجنه بوميه ماشفتها بس سمعت عنها ..

بس اللي استخدمتها كانت غير مغطتها شفافه ..

واتوقع سموها السحريه لانه لونها اخضر بس لما تنحط ع شفايف يصير لونها وردي او اقرب للفوشي الخايس اذا ماخانتني ذاكرتي خخخ..

وميزتها انها ماتروح خو ايامنا ماكو ميك اب وتر بروف (مكياج ضد الماي) ولا في المكياج الدائم (التاتو)شدعوه لو في امي بتخليني اسويه او استخدمه خخ..

واقصد بانها ماتروح انها تم حتى لو تمسحين بوزج بزوليه خخخ اتم موجوده ..

تعرفونها؟؟جربتوها ؟؟

20 comments:

ناعمة الهمس said...

امبيه شخباري
لالالالالالالالالالالا

انت رجعتيني قري ورا ورا ورا

يعطيج العافية رورو

شاي الضحى said...

اعرف الحمرا بس ما اذكرها وانا صغيره

ما كنت صوب الميك اب وليلحين نفس الشي

بس قبل اذكر ابوق الحمره والكحل والون ويهي وويه زعفرانه فيهم هههههه

ميغـآآن فؤكس بس كؤويتيـه =p said...

شخخخخخخخخخخخخخخخبآآري !!


ؤؤآآي رديتيني سبعتش آلف سنـه ورآ ههههههآآي =P

لحييين مآآنقررضت خخخ ;)

ؤيآبتهآ آختي قبل سسنـه ههههههه

يعطيج آلعآفيه

Hanan said...

أحسها مو قديمة لأن ليلحين في ناس يستخدمونها وماأظن تنقرض لأن وايد يحبونها :)

~أم حرّوبي~ said...

هيه هذي للحين تنباع خواتي ذاك اليوم شارينها ومستانسين عليها يقولون اونه قبل ما يخلونهم يحطون حمره فيشترون هذا يقصون عليهم اونهم شكله لعب يهال بس يطلع حمرة ولونه فوشي خايس عقولتج :)

Unique Girl said...

لوووووووووووول اي اي اي اذكر ذيك المره رفيجتي شاريتها من لبنان بس لما حطتها صار لونها فوشي حلو خخخخ

Made n Q8 said...

اي جربتها
الله وكيلج تخلي البراطم طوابيق من الجفاف
ماحبيتها

رورو الشخبوطه said...

هلا ناعمه..

يعني جربتيها:)

والله يعافيج يارب..

مشكوره..

رورو الشخبوطه said...

هلا جايونه..

حتى انا مو ذاك الزود مع المكياج بس بالمناسبات ..

خخخ وعليه ع زعفرانه كانت حل تجارب..

رورو الشخبوطه said...

هلا ميغان ..

خخخخخخخخخخخ ..

اي سمعت انها موجوده بس

لو شنو مشتريها احس متروسه مواد ضاره :\

الله يعافيج يارب

شكرا..

رورو الشخبوطه said...

هلا حنان..

امبلى داثره مو بس قديمه خخخ..

مادري شلون يستخدمونها احس متروسه مواد ضاره ولونها خيس :\

رورو الشخبوطه said...

هلا ام حروبي..

طلعت عالميه خخخ وصح شكلها جنها لعبه ..

رورو الشخبوطه said...

هلا يونيك..

اظاهر طوروها خخخ..

رورو الشخبوطه said...

هلا مدمد..

ويع بعد تنشفهم ان لونهم مو عاجبني واحسها متروسه مواد ضاره مادري شلون يستخدمونها لي الحين :\

Mrs. Purple said...

من اشوف هالروج اذكر سوق الشارجه لانه اول ما شفته كانت المدرسه مودتنا الشارجه رحله للسوق وشفته هناك وبنت مدرسه فلسطينيه اشترته نحن كان ممنوع نحط روج هذيج الايام فخلاص ارتبط بالشارجه عندي
بوستج حلو احب الذكريات

كله وآحد said...

يا حلييييل
ايه اكيد اعرفها لكن حبيتها يوم اني كبرت خخخخ
اقصد يوم اني بزر ماكنت اعطيها اهتمام
امال الحين ادورها دواره خخخ

ايه جربتها و انا كبيره ايذا مو بايام الطفوله خخ

عوافي حبيبتي

رورو الشخبوطه said...

هلا بربل..

وناسه الرحلات :)

ولاحلى مرورج..

مشكوره سويتي..

رورو الشخبوطه said...

هلا كله واحد..

عيل عكسي حبيتها وانا صغيره اما الحين لا ماحبها :\

والله يعافيج يارب..

مشكوره..

lil.D said...

ههههههههههه
اذكرها .. حسبي الله ونعم الوكيل
بنت لما كنت فالابتدائيه يابتها
وعندنا حفله موسيقيه
وامي حليلها حاطتلي روج وانمسح فالمدرسه
قامت البنت قالت لي ان ها يايبتنه من البيت ما يخوز
والله جني اشوف المنظر جدام عيوني
وانا فالمدرسه احك بووووزي عند المغاسل واللون ما رااااااح
ههههههههههههههه

ع قولتج لو بزوليه ما يروووح!

رورو الشخبوطه said...

هلا ليل..

خخخخ خوش موقف..

يعني ماحبيتها ..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads