Tuesday, December 7, 2010
السلام عليكم ..

كل عام وانتوا بخير بمناسبه العام الهجري ويارب تكون سنة خير علينا :)

مو قلت لكم حبيت هالفكره :)

للي اول مره يدش بلوقي او يشوف هالسلسله هذي الاجزاء القديمه منها ..

 (ج1 , ج 2 , ج3 ,ج4)


هالمره جهاز مو انا اللي استخدمته لا يدي الله يرحمه يارب ..

رادو يدي :P





لما دشيت الجامعه الدكتور كان يشرح وياب طاري هالرايود انا حسبالي بس يدي يحبه ويحطه ع قنفته المفضله ويلزقه باذنه لما بيسمع منه شي طلع عادة شيابنا (الله يطول بعمر الحي منهم ويرحم الميت منهم يارب )
وهم استغربته انه لي الحين موجود وينباع حسبالي انقرض انا حصلته بكارفور وهذا سعره :
وامي تقول موجود بالمباركيه بعد..
اتوقع لي رحت المباركيه بسوي مليون جزء لسلسله خخخخ..
مر عليكم ؟؟

p,sاللي عنده اضافه لهلسلسة ياريت يدز لي اياها ايميل :)

40 comments:

le Koweit said...

لووول
نفس رادو الوالد الله يحفظه
للحين يسمع فيه الاخبار
:)

نهــــــــــار said...

السلام عليكم
كل عام وأنتِ بخير وإلى الله أقرب..
عندنا النسخه الجديمه من هالراديو
بس حجمه أكبر

peaceful-space said...

ذكرتيني برادو يدي الله يرحمه و جنه للحين موجود عن الوالد :)

Bint ilKuwait said...

Wentay ib khair;****

LOOOOOOOOOOOOOL ilradio eshaweg!!:P

شاي الضحى said...

هذا مشهور عند الشياب يحطونه عند المخده وينامون

في واحد مسكين مو صاحي اسمه مفيد مشهور بالكويت يحط هالرادو باذونه ويركض بالشارع

cheese 7cake said...

اااي شخباااااااااااري نفسه طبق الاصل عند يدتي تحطه بالمطبخ و تشغله وتبسط على الارض وترتب خضرتهااا ما ادري شنو :السر في حبهم حق هالرادووD

وكل عام وانتي بخير وان شاء الله تكون سنه حلوه على الجميع ...

Amwaj said...

شخبااااري رورو
بس ترا يدتي للحين عندها واحد
وما تعترف بالتلفزيون
عندها هذا الراديو أحلى

AMANI said...

هالرادو شكله تحفه قيمه عند كل الشياب

اكيد مر علينا جدتي الله يحفظها ويخليها لي اللحين تستعمله

واخذت هالعاده منها وشريت لي رادو اتطمش على اخبار العالم بنص الليالي او لما اكون بالبيت

لوول شكلي عجوز وانا مادري

بس اول مره اسمع انه هالرادو ما انقرض بروح اشتريلي واحد مثله خصوصا انه يذكرني بجدتي لما تنسدح فتره الظهر وتتسمع له وتغفي عليه ههههههه

والله سالفه الاجزاء والذكريات القديمه ممتازه حبيتها حيل منج

ChuBBy-Doll said...

thakartene ebyadi allah yer7omah .. 3ad tadreen yaditi le al7een 3ndaha wa7ed bas matesta5dimah o yaweeel ele ejesah

مجرد أمنيـــــات said...

هالراديو هذا من الانتيكات الأثرية بس من النوع الي ماينقرض:)

الله يستر من باجي السلسة الي بتحطينها:)

Mrs. Purple said...

شخبوطه اليوم انا وانتي عندنا توارد خواطر انا بعد اليوم كاتبه بوست عن زمان اول ،،، وعن الرادو احيد يدتي الله يرحمها عندها منه يعني لاحقه انا عليه بس ما شفته ينباع عندنا للاسف

Sami said...

تذكرت ايام الغزو

انا said...

شلون ما مر علينا واحنا للحين نتوارثه

من يدي الله يحفظه لبوي ان شاء الله بستلمه من وراهم كتذكار مو اسمع له :)

Sweet Revenge said...

الله يارورو
صح مثل يدي الله يرحمة كان عنده هالرادو ولازم يلقونه علي الاذن ما ادري ليش
الله يرحمهم

~أم حرّوبي~ said...

ويييييييييي ذكرتيني بايام رادو ابوي ..لازم قبل لاينام يحط قناة الاخبار ويرقد والرادو صوب راسه ..

^^

صفحات مُلطخّة بحروفي said...

ويــه قدييييييييم ..
ليحينه عند يدتي ^^

رورو الشخبوطه said...

هلا اخوي لو كويت..

صج ماشاءالله الله يخليله لك يارب..

توقعته شباب :\ يعني بالربعينات ..

وحياك الله..

رورو الشخبوطه said...

هلا نهار..

وعليكم السلام والرحمه..

وانتي بخير واجمعين يارب..

صج في نسخ ..

انا مامر علي الا هذا اذا ماخنتني ذكرتي :\

وحياج الله..

رورو الشخبوطه said...

هلا بيس..

الله يرحمه..

اي ذكرى حرام ينقط..

وحياج الله..

رورو الشخبوطه said...

هلا بنوته ..

مرسي :*

عيل يبيلج واحد خخخ..

وحياج الله..

رورو الشخبوطه said...

هلا جايونه..

نا يدي كن يستخدمه بالصاله ماذكر اذ يحط يم حتى واهو نايم..

وعليه وين اهله عنه :\

الله يعينه..

وحياج الله..

رورو الشخبوطه said...

هلا جيز..

الظاهر اهو المتوفر بعدين حجمه صغير ومايحتاج كهربا ..

وانتي بخير وامين يارب..

مشكوره..

رورو الشخبوطه said...

هلا امواج..

اهو موجود بس اللي يستخدمه عندنا الله يرحمه يارب..

وحياج الله..

رورو الشخبوطه said...

هلا اماني..

بالعكس حق السدحه الراديو احسن من التلفزيون خخخ..

والله يخليلج يدتج يارب..

مشكوره ع لاطراء حتى انا حابتها :)

وحياج الله

رورو الشخبوطه said...

هلا دول..

الله يرحمه يارب..

والل يخلي يدتج الظاهر ما الحب فما ترضى احد يجيسه ويخربه :)

وحياج الله..

رورو الشخبوطه said...

هلا مجرد..

تهقين ماينقرض؟؟

خخ اذا عندج ساعديني :)

وحيااج لله..

رورو الشخبوطه said...

هلا بربل..

خخ نا صارلي فتره احوس بذكرياتي
..

جيكي بكارفور اتوقع تحصلينه ..

وحياج الله..

رورو الشخبوطه said...

هلا اخوي سامي..

ايام تنذكر وماتنعاد يارب..

عاد صامد ؟؟

وحياك الله..

رورو الشخبوطه said...

هلا اخوي انا ..

الله يحفظهم يارب..

ي خشه يسوى انتيك :)

وحياك الله..

رورو الشخبوطه said...

هلا سويتي..

الله يرحمه يارب..

الظاهر موروث شعبي ..

وحياج الله..

رورو الشخبوطه said...

هلا ام حروبي..

الله يحفظه يارب..

موجود ولا اخترب؟؟

وحياج الله..

رورو الشخبوطه said...

هلا صفحات ..

اي قديم ..

وحياج الله..

Hanan said...

يا قدمه والله
حاليا ما أتذكر شي والله

رورو الشخبوطه said...

هلا حنون..

اثري خخخ..

وحياج الله..

Anonymous said...

made n kuwait

هذا موجود في بيتنا خخخخ

والله بعد سعره مو هين عبالي ينباع بربع دينار

رورو الشخبوطه said...

هلا مدمد..

حافظي عليه..

خخ بس ماركته زينه ومعاه كفر خخخخ..

وحياج الله..

Roro said...

امي عندها نفسخ لول

رورو الشخبوطه said...

هلا رورو..

يعني لي الحين مستخدم ..

عيل من عذرهم يبيعونه خخخ..

وحياج الله..

خاتون said...

أييييييييييييييه هالرادي ذكريات
كنت كله أشوف خالي الكبير لمن يزور
حزة العصاري يلزقه باذنه وأسمع وياه اخبار جهينه
ويدي طبعا عنده منه جم واحد
وفي في بيتنا واحد شرينا لهم ههههه
وجنه بسوق المباركية ارخص
وطبعا

رورو الشخبوطه said...

هلا خاتون..

اخبار جهينه جنه مار علي :\

وماشاءالله ويد لج ذكريات معاه..

ي اتوقع بالمباركيه ارخص..

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads