Tuesday, October 26, 2010
السلام عليكم ..

كلش ماكنت مخططه اني انزل بوستين عن الكتب ورا بعض كنت بحط شي 2 بس مالي خلق خخخ..

اليوم بلشت وخلصت هالكتاب ..


نوعه : ادب ساخر

سنة الإصدار :2010

عدد الصفحات :100

 

السعر: 2.500د.ك


تعليقي..

يعد هذا الكتاب الجزء ال2 لكتاب خنفروش التي تم اصداره العام الماضي(نبذه عنه هنا) , وهو عباره عن مجموعة من المقالات  الواقعية الهادفه باسلوب شبابي وباطار ساخر ..
 
تم من خلالها عرض العديد من القضايا :
-كالواسطة ..
-تعميم الاحكام ..
-نظرتنا لنفس المشكله تختلف حسب اثرها علينا وموقعنا فيها ..
-سياسة بعض الجهات بحل المشكلات بعد تفقمها ورغم معرفتهم بامرها منذ بدايتها :\
 
وبعض القيم :
 
-مثل الافكار الجديده والمبتكره دائما ماتحظى بفرصتها للنجاح والتميز ..
-الوفاء ..
- الاستعباط :p
اكثر مقال حبيته عن اغاي جعفر ..
 
رايي :
 
-كتاب خفيف وممتع وهادف واقعي باستثناء قصة بناته خخخ الله يحفظهم عندهم قصيدهم اسمها اجوع عليكم واهو بعدهم ماكملوا السنه ماشاءالله :)
 
-استمتعت بقرائته ماكان ودي يخلص بسرعه ..
 
- بالنسبة لي اشوف انه الاخ احمد الحيدر متميز بالادب الساخر اكثر من الرواية لكن مو مقياس للمقارنه لانه الادب الساخر مو مجال يديد عليه لا صارله سنين يكتب فيه ماشاءالله اما الرواية تعتبر تجربة اولى ..
 
وبنفس الوقت احس عندنا نقص بالكتب الساخره الكويتيه او الخليجة ,مو؟؟
 
اغلب اللي قريتهم لكتاب مصريين زينين كانوا بس ماحبيتهم وايد لانه احس موجهين للمصرين اكثر اغلبهم مكتوب بالمصري و عن مصر ..

22 comments:

Katkoota xD said...

عاد تصدقين شفت الكتاب

قلت باخذه و بسأل عن الجزء الاول

بس لمن ييت احاسب و جذي راح عن بالي و نسيته

لما وصلت البيت اقول جنه في كتاب ناقص

ما عليه بعدين اروح المكتبة و اخذ الجزئين

اهم شي انج استمتعتي بقرائته

و فعلا عندنا نقص بكتاب الادب الساخر

يعطيج العافية

Unknown said...

roro شوقتيني عل الكتاب

ناعمة الهمس said...

انا احب الادب الساخرو احب اكثر

باللغة العربية الفصحى

بصراحة لما رحت المعرض و قريت نبذه عنه الكتاب اعلاه ما شدني نفس البقية

Anonymous said...

يعطيج العافية على النبذة :)
بشوف الكتب اللي أبيها وأروح مكتبات حولي إن شاالله لأن ما قدرت أروح للمعرض

Engineer A said...

في كتاب من نوع الأدب الساخر لمدون خليجي اسمه قويريات

أعتقد حق محمد القويري اذا ماني غلطانه :)

Sami said...

اسلوبه رائع هاالانسان

كوكتيل said...

صباح الخير :)

أنا عجبتني التجربة الأوله له كانت موفقة :)

وأتوقع الثانية أحلى بعد :)

شكرا رورو :)

ebtsamh said...

عندي هالكتاب

على فكره احب ذوقج بالكتب منتوع

ناطره يوصله الدور :)

شكرا ع الملخص

mazyona said...

شكله حلو
تسلمين

Bint ilKuwait said...

loooooooool eee 9a7 ehma wayed! wana aslan ma agra iljareda ela etha a7ad gali ena fe shay lazim ashofa o ekon mi ay jaraida mu no3 mu7adad..bes 3imoman i think the most interesting 1 Al-Watan ;)

Unique Girl said...

ينننن الكتاب

واايد حلو خصوصاً ان احمد الحيدر مبدع بطريقه السرد هذي

لوووول شوفي تعليق وائل الرداد لما كتب انه عرف كلمه lool من soso ترى هذي انا مو مصدقه اسمي طالع بكتاب لووول وناسه

رورو الشخبوطه said...

هلا كتكوته..

ان شاءالله بس جربي اقري جزء اذ ولمج اشتري ال2 احسن ..

او اذا مو اي وقت تقدرين تطلعين اقري بمدونته واذا اعجبج اشتريهم 2 ..

اي الحمدالله..

اي للاسف فينا فقر ضحك خخ..

ويعافيج يارب..

مشكوره..

رورو الشخبوطه said...

هلا اميره..

اذا حبيتي بوستاته او مقالاته بافاق بيعجبج الكتاب يونس ومفيد..

حياج الله..

رورو الشخبوطه said...

هلا ناعمه..

اي احلى بالفصحى وحلو انه يغير مزاجنا المتعكر خخخ..

اذا قصدج النبذه الخلفية انا ماكتبتها لانها ماتضيف شي للكتاب وهي ظلمته ..

وحياج الله..

رورو الشخبوطه said...

هلا حنان ..

الله يعافيج يارب..

ان شاءالله احب مكتبة العجيري مثل اسعار المعرض واغلب الاصدارات متوفره فيها ..

وحياج الله..

رورو الشخبوطه said...

هلا انجو..

بشوفه بقوقل ان شاءلله..

مشكوره..

رورو الشخبوطه said...

هلا اخوي سامي..

اي ماشاءالله..

حياك الله..

رورو الشخبوطه said...

هلا كوكتيل..

بالنسبه لي ل2 احلى وان شاءالله تعجبج..

حياج الله

رورو الشخبوطه said...

هلا ابتسامه..

ماشاءالله مكتبتج عامره الله يهنيج..

مرسي احب التنوع عساس ماامل :)

والعفو ولو..

حياج الله..

رورو الشخبوطه said...

هلا مزيونه..

اي حلو :)

والله يسلمج يارب..

شكرا..

رورو الشخبوطه said...

هلا بنوته..

خخ ارد عليج بالبوست اللي بعده..

وحياج الله..

رورو الشخبوطه said...

هلا يونيك..

طلعتي مشهوره خخخ..

ان شاءالله يصير عندج كتاب باسمج :)

وحياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads