Monday, October 11, 2010
السلام عليكم ..



الطريج طويل وزحمه ويغث وملل :\

بما اني مااسوق ولله الحمدالله فاكون لاهيه باحلام اليقظه او ماخذه غفوة او واقف قلبي من سيارة كانت بتدعمنا او احنا بندعمها:\ او لاهية اقرا :)

ومن باب التسليه وكسر الهدوء اشغل الراديو  لانه العاده اكون بروحي..

المهم بالروحة اسمع تباشير الصبح وساعات يخورونها ويصيرون تخاريع الصباح لانه يختارون مواضيع مادري شلون صايره ماحب سالفة الترهيب حسبالهم لي قالوا جذي بنتدين مايدرون انه بنتصروع واحتمال ننجلط خخخ ..

واستانس لم يستضيفون شيخ او دكتور ويكون موضوعه حلو استفيد منه والعاده نسولف عن البرنامج بالدوام  وخاصة لما يقولون الغاز..

واحب انشودتهم :)

اما بالرده اسمع الواحة واحب مذيعهم احس جنه ابونا :)

وعقب يحطون برنامج 2 الشباب في هدى الحبيب شي جذي ماحبيت مواضيعهم :\ اشوه انه سايقنا مايفهم ولا الموضيع قويه..

عقب الاذن وانا لي الحين صامده بالطريج خخخخ..

ومره غيرت حطيت محطة الاناشيد استغفرلله طلعت مكس مره اناشيد ومره غاني واللي ترقص يعني زين مني مارادح بالسياره واناشيدهم اغلبهم فيها معازف :\ مافرقت عن الاغاني انا مو دينه لا عاديه بس مو وايد احب الاغاني خصوصا بالسياره تصدعني ..

دوركم انتوا شتسمعون ؟؟

40 comments:

le Koweit said...

اممممم
والله يختلف على حسب المزاج

يعني مرة اشتري سيديات طارق السويديان
السيرة النبوية وسيرة الصحابة وجذي
واسمعها حلوه تقزر الوقت
بس المشكلة انها مردها تخلص
واذا خلصت مالي الا الراديو

الراديو غالبا ممل واحيانا قليلة يكون حلو

بس صارلي اسبوع مزاجي الصبح عبدالحليم
صاير رومانسي :P

بس اذا كان دوامي مبجر الصبح اسمع فيروز
المرينا اف ام وكويت اف ام
عالصبح وخصوصا بالشتا جو ثااااني

سمو الأميرهـ ..ツ said...

مرحبآآآ رورو
اششحآآلج
؟؟
m!ss yOu much
=======
امممم
عندي ألبومات أناشيد
أسمعهم ..بس المشكلة أنا بسرعة أمل فأكره الألبومات
وأحيانا إذا كان دوامي مبجر
وأكون في السيارة مع يهال العايلة
فأظطر أحيانا أسمع طيور الجنة
معاهم
بس حليلهم ما يتشرطون
دايما مسطلين ويالله يالله يبطلون عيونهم

==
:)

AM.SA.CHANNEL said...

أنا الصبــــــح و أنا سايرة الدوام أحب أسمعلي برنامج و بالذات الصبح ما أداني أسمع لا أغاني و لا أناشيد
و كنت قبل إدمان أسمع البث المباشر على نور دبي يعني اللي عنده مشكلة ويا أي دائرة حكومية أو خاصة أو مب عايبنه شي يتصل و يشتكي، بس عقب لاعت جبدي قله يتذمرون و مزاجي يخترب من الصبح
فالحين أسمع إذاعة الشارجة تعيبني على الصبح و بالذات هالبرنامج يتناقشوون يوميا موضوع معين وأندمج لين ما أوصل المحكمة وودي ما أنزل من السيارة أبا أسمع

و ساعات ألحق على برنامج يحطونه بعد ما أطلع من المحكمة أو البلدية واايد حلو ما إكتشفته إلى من فتره يعلمج كيف تيمعين بيزاتج و كيف تصرفين و كيف تعلمين عيالج
وبعد أسمع برنامج عن المدارس حلو كله مشاكل ههههههههه

أما بالنسبة للردة البيت طبعا يا أسمعلي برنامج أو أكون ماخذه سيدي برنامج أسمعه أو إني أحط نشيدة العفاسي اليديدة عجيبة مالت فزاع أو أحط سيدي ألحان بس ماخذتنه من تركيا أو إني ما أسمع شي و أرمس بالتلفوون

بس والله الزحمة فيها فواايد و الله يخلي الراديوو هههههههه

BookMark said...

أسمع بي بي سي العربية أو الانجليزية
عندهم برامج حلوة غير الأخبار
والانجليزية برامجهم أحلى
منها نستمتع ومنها نقوي اللغة ;)

3.D3aijany said...

BBC (Arabia) ;p
ana w7da maqraa jrayed Fa el.BBC takfee ;)

ناعمة الهمس said...

شوفي انا بهمس لج
الصبح تباشير الصباح بعدين اقلب ع المارينا
علشان قصة الاطفال
يعجبني فؤاد بوشهري لما يتكلم عن انماط الشخصية
و شلون نتعامل معاهم

بالردة
ما كو غيرها الدوانية بس اذا حسيت ان حوارهم عادي الصك الراديو بكبره

ومشكورة يا شخبوطتي

Engineer A said...

اول كنت اسمع تباشير الصباح

حالياً ليش اطلع شوي متأخر فغالباً ما اسمع شي :) ما يمديني دوامي يم بيتنا يعني كلش ما يمدي!!

بالردة يا اما اشغل سي دي قرآن طريقته تحفيظ للجزء ال30 من القرآن الكريم واقعد احفظ معاه ومع اليهال :) وساعات لا اليهال يطلبون احط لهم سي دي اغاني تعليمية silly songs

والا اغاني ديزني وهذي حالتنا

وقبل ايام اول كنت اسمع برنامج الديوانية واحيانا اسمع الواحة

:)

أحمد محمدي said...

ذكرتيني باغنية اطفال كل ما اتذكرها اكره الحياة اكثر من كرهي لها

صباح الخير يا يمه
صباح الحب والاشواق

انا يا يما .. نظفت فراشي
جنة ادغيشم يغنيها
شي مرعب

cutemum said...

هلا شخبوطه يشرفني زياارة مدوونتج
احنا في الاماارات اذاعتنا غير عنكم
قبل كنت اسمع الخط المبااشر مشااكل النااس ويحلوونها طبعاا يعرض الظهر
بس مع سيطرة اعياالي دووم اغااني اليهاال مااخذة الحيز الاكبر
دووم انااشيد طيوور الجنه ولا باارني هههع

بس طبعا لاغني عن القران في السيااارة

ميمة السبيت said...

** 99.7 :)

Anonymous said...

اسمع نـــــوال!

Sn3a said...

انا اسمع دعاء الصباح للامام علي
اصلا احس يومي ناقص ان ماسمعته

Unique Girl said...

طريج المدرسه اسمع هواش اختي لوول

بس بالطلعات انا ايبلهم سيدي ونسمعه

الله يعييينج رورو ويوفقج

عين بغزي said...

انا اسمع اذاعة البي بي سي عربية

و مرات اذا زهقت من الاخبار افتر على الاذاعات لما اطيح على موضوع او اغنية تعجبني

Amal Kh said...

انا عن نفسي ما اروح الدوام بعدي بالثنوي
بس بالطريج من مدرستي لي مدرسة اختي وخاصه بالهده يكون زحمه فيكون معاي كتاب اتسلى فيه قصه روايه اي شي ممكن اكون ما خلصته بعد
يعطيج الف عافيه

خدمات البحث العلمي said...

انا غالبا أقرا واحيانا استرخي واحيانا افتح الراديو على برنامج "بك اصبحنا"

خدمات البحث العلمي said...

بس فيني شوي فضول
غريبه ماتسوقين؟؟

رورو الشخبوطه said...

هلا اخوي حقوقي ..

اي حلو هالسوالف..

وصاج اغلب البرامج بايخه..

خخ تحب الظاهر :p

كنت اول اسمعها بالبيت واغني معها بعد :)

وحياك الله..

ri7ana said...

غالبا اسولف مع ابوي
وساعات اسمع البي بي سي هذا الصباح
واذا ابوي معصب والاوضاع مو خوش والنفوس شينه مالنا الا القران
بالرده عاده ارد ويا رفيجاتي فنسولف شنو كنا نسوي وماسوينا
واذا بروحي العب بتلفوني فنادر ما ابطل الرادوو
جربي تريحين مخجج وفكري

رورو الشخبوطه said...

هلا سمو..

الحمدالله الله يسلمج ..

انا اكثر سويتي..

خخ ماينلامون ريحين المدرسة ..

ومشكوره..

رورو الشخبوطه said...

هلا شانيل..

حلو ماشاءالله شغلات متنوعه وحطاتكم شكلها اكثر منا ..

عجبني شلون تيمعين فلوسج خخ..

ومشكوره..

رورو الشخبوطه said...

هلا بوك مارك..

بدور ترددهم وبسمعهم ان شاءالله..

مشكوره..

رورو الشخبوطه said...

هلا 3 ..

انا مجبوره اقرا جرايد خخخ..

ومشكوره..

رورو الشخبوطه said...

هلا ناعمه..

فؤاد بو شهري بالمارينا؟؟

شكل برنامج حلو..

والعفو ولو..

حياج الله..

رورو الشخبوطه said...

هلا انجو..

حلو ماشاءالله ..

حلاته البيت يم الدوام :)

الله يهنيج..

رورو الشخبوطه said...

هلا اخوي احمد..

مو دغيشم اللي يغنيها..

وبالعكس تونس ..

انا مااحب صبحج الله بالخير ياكويت ..

وحياك الله..

رورو الشخبوطه said...

اهلين كيوت مام..

حيج الله انا اكثر سويتي ..

اي ماشاءالله محطاتكم اكثر..

والله يحفظهم يارب ..

اي القران غير بركة وراحة للنفس..

مشكوره..

رورو الشخبوطه said...

هلا ميمه..

هذي كويت اف ام ؟؟

ومشكوره..

رورو الشخبوطه said...

هلا غير معرف..

كل يوم !

رورو الشخبوطه said...

هلا سنعه..

حلو ماشاءالله..

ومشكوره..

رورو الشخبوطه said...

هلا يونيك ..

خخ الله يخليج اختج يارب..

اجمعين ..

مشكوره..

رورو الشخبوطه said...

هلا اخوي عين..

وايد يمدحون بي بي سي..

شكلي بسمعها بس اذا اخبار بس لا مابيها :)

ومشكور..

رورو الشخبوطه said...

هلا اموله..

بعدج صغيرونه الله يحفظج..

بس زين تسوين انا لما اقرا ماحس بالطريج ..

ويعافيج يارب..

مشكوره..

رورو الشخبوطه said...

هلا مبدعه..

اسم البرنامج حلو ديني صح؟؟

ومشكوره..

رورو الشخبوطه said...

ولكم باك مبدعه..

ليش غريبه ؟؟

رورو الشخبوطه said...

هلا ريحانه..

اي اغلب وقتي افكر :\

بس لاحظت احلى شي القرايه بالطريج..

وترا شريت وصلة فيفا :)

وحياج الله..

sa5er said...

انا غريب الاطوااار ..

خاتون said...

نفس اللي تسمعينه وإذا طلعنا باللي نحط على دغيشم
وصالي سنة ونص أو سنتين وانا غالبا أقفل الراديو ولا أسمح لأحد يفتحه وبالذات لمن اكون راده من الجامعة او متجهه لها
صار عندي ارتباط سلبي بين التعب و ازعاج المحاضرات و الراديو

^_^تشاو ^_^

رورو الشخبوطه said...

هلا اخوي ساخر..

بشنو؟؟

وحياك الله..

رورو الشخبوطه said...

هلا خاتون..

انا اذا ماشغلته لازم يكون معاي احد واقرق ع راسه ..

وقبل كله قران ايام الجامعه ..

ليما خربت الراديو :\

وموفقه بدراستج يارب..

ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads