شخبوطة كويتيه: افتتاح غراند افنيوو ..

Monday, November 5, 2012

افتتاح غراند افنيوو ..

10:21 PM

اليوم كانا مدعويين كاعلاميين (بلوقر ×مدونين× و صحفيين ) انا شامله 2 :) اعلامية حتى النخاع طبعا كدراسة :) الدعوه كانت لافتتاح الغراند الافنيو اللي يمثل المرحلة ال3 من مجمع الافنيوز ..

وكانت عباره عن جولة باهم اركانه واجددها ..

بالبداية تجمعنا بمطعم Brasserie de l’etoile (المطعم الفرنسي)..

تريقنا ..

سلطة فواكهة

معجنات متنوعة (صمون وفي صفيحة بجبن وسبانخ ونوع 3 نسيت اصورها)

كرواسان حبيته خفيف ..

واخترت مشروبي عصير برتقال ..

وعقب ماتريقنا شرح لنا الاستاذ حاتم قربي

مدير الاتصالات الخارجية في شركة محمد حمود الشايع عن الجولة واهم المحلات اللي بنشوفها و الاوقات ..

دخلنا :)

من المحلات اليديد بتبطل :

محل نفيش اللي الاغلب اذا راح دبي ياخذ منه :)

فكتوريا سيكرت ويديده انه نزل ملابس داخليه وملابس رياضية ومكياج ..

ووهذا بينك تبع فكتوريا سيكرت ..

كوس هم محل بريطاني راقي للملابس اذا ماخنتني ذاكرتي تشيكلتي متنوعه ولكل العائلة (ردالة ونسائية وللاطفال)..

هارفي نيكلز مكياج وجناط وهدوم محل ديبارمنت ستور مثل دبنهامز بس احلى واشرح ..

ومنزل ماركات حصريه بس عنده مثل ماركة illamasque للمكياج ...

· Jack Wills

ديكوره بس قصة ماشاءالله للي يحبون العلم البريطاني بعيدون فيه وهو محل بريطاني اغلب بضاعته مستوحاة من التاريخ العسكري البريطاني و تقاليد العاب الرياضيه في ازياء نسائية ورجالية ومنتجات بيوتي ..

Teavana

هالمحل بتحبه النوي لانه تخصصه جاي بانواع مختلف واليديده والغريبه مع العدة الخاصة باعداده من اواني واجهزة وحبيت الستاف ..

· West Elm

متخصص بالاثاث والمفروشات ..

· Sarar

متخصص بالملابس الرجالية ..

وفي محلات له افرع 2 فيه مثل :

h&m ..

ومطعم شيك شاك ..

امريكان ايجل..

بودي شوب..

ميلانو..

باث & بودي وركس..

كوست ..

وهالمحلات كلها تتميز بانها اشرح من الافرع القديمة ..

وفي ستاربكس بعد و بتبولي ساندويش شوب وماك وبوتس وكليرز وريفير ايلاند وفيجن اكسبرس ومذركير و كاستانيا المطحنة و نكست للاطفال وبيتزا اكسبرس وفوت لوكر للاطفال و بيليس للاطفال ..

وختام الجولة كان غدا ب The Cheesecake Factory

المطعم الشهير بامريكا و 2 فرع بالشرق الاوسط ..

هذا الموجز والتفاصييل بالبوستات القادمة ان شاءالله ..

وشكرا ع الدعوة شركة الشايع والشكر موصول للاخ حاتم قربي ..

وشكرا ع الهدية:

واستمتعت معاج نيو برايد :)

وسعدت بالتعرف ع كويتنا بلوق وسبريز اند مور ..

وليدي بي حلو اني شفتج مره 2 ..

Labels: beauty, fashion, اظافر, اكل, الكويت, محل, مناسبة, هدية

2 comments:

almubarkia said...: الله يعطيج العافية على التغطية المختصره
الصراحه اخذيتنا برحله ثانية الى جراند افنيو من خلال البوست
المول وايد حلو لكن فيه نقد بسيط; November 6, 2012 at 12:00 AM
رورو الشخبوطه said...: هلا اخوي المباركيه ..

الله يعافيك يارب شكرا :)

شنو اهو النقد ؟؟; November 6, 2012 at 8:13 AM

افتتاح غراند افنيوو ..

2 comments:

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads