Friday, October 30, 2009
السلام عليكم..
شلونكم بنات..
امس مثل ماقلت لكم بوست معرض الكتاب اني مريت معرض الهدايا ..
واهو المفروض انه باجر اخر يوم بس اليوم اختي تقول انه اعلان بالجريده مددوه لي 5-11 ان شاءالله..
صورت لكم شويه من اغراضنا امس..
اول شي خذينا دشاديش للبزران سمسم وعلعل انا خبري اني صورت 2 حتى وحده ضاعت وعقب لقيتها وال2 فصخت سمسم عشان اصورها اخر شي بس طلعت وحده خخ وانا بعد سويت لي دراعه عليه اسبونج بوب..

وهم خذينالهم هدوم صينيه..






وهذيل مضاعدي وهم سويت قلب ع اسمي بس ماصورته .. مو انا ماسكتهم اللي ماسكتهم سابله ..


هذي اتوقع معروف بس امس نبهرت فيها لما سوت لي اظافري فيها تونس والحلو انه انتي تختارين الشرايح الحديد اللي عليهم البصمات و تختارين الوان صبغ الاظافر..






وخذيت كفر..






وجناط تشوق كبار تنفع للسفر اللي يسمع كل يوم مسافره خخ..





من زمان ماشريت شي عليه ..




وهذي جنطه كبيره عليه..
في مقاس 2..



وهم خذينا فطاير لبنانيه و ملفع وجواتي انتن بكرامه لاختي بس خخخ لانه جوتيها عورها 2 مره نروح مكان ونشتري لها جوتي او نعال لانه اللي لابسته يعورها ماكو الا اخذ لها سبير بدال هالعباله عاد اللي خذته حلو و ورخي خمطت كل الوان منه كان في بنفسجي واحمر واسود ..
وخذيت لي بيجاما و في سوالف لليهال اطقم حلوه اللي تصير جنطه وكنبل والخ ..
وفي اكل ومكياج وتقليد ماركات درجه مليون وفي دراعات وحده تفتر ع ابو موديل خخخخخ ..
هذا اللي اذكره بس عيبه قمته وزحمه ..
وبس مراسلتكن من ارز الحدس..
رووووووووووووروووووووو..


32 comments:

star said...

مساااااء الخييير

عليج بالعافية رورو

^_^

رورو الشخبوطه said...

هلا ستار..

مساء النور والسرور..

الله يعافيج يارب مشكوره..

وحياج الله خيتو..

اجتماعي said...

تهلكونهم بالعافية ..
ومبروك عليج ما شريتي ..

ومادري شنو يقولون للي يشتري شي يديد : )

بس يعطيج خيرهم ويكفيج شرهم ..

نمووول said...

مساء الخير
حلويييين عجبوني الملابس الجاينييز
مادري ليش احس الصورة الي على الجنطة تعبر عنج ههههه

بالعافية عليكم

شكراً

دمعة المقهور said...

عليكم بالعافية

الجنطة عجييبة مع الصورة اللي عليها

:)

صوت الكويت said...

من البداية شلونكم بنات
يعني من غير مطرود للرجال

نموول شكو راز ويه

Fishah said...

ياحلو الهدوم الجاينيز الصغار جلم قلبهم والله :)))

الله عاد تدرين احب كفراتهم .. ولو ان جم واحد الوانهم اختربت من اول غسله لووول بس هم احبهم :))

عليج بالعافيه رورو :>

سؤال " طماشه وينه؟" توني الاحظ ان مدونته مختفيه !

mazyona said...

شكلة المعرض حلو
بس للأسف أنا بكندا ما أقدر اروح
ترى احنا عندنا شغلات تجنن
اي شيء تبون طلبوا من عيوني

رورو الشخبوطه said...

هلا اجتماعي..

الله يعافيك ويبارك فيك يارب..

مشكور ..

صح انا عن نفسي اقول بالعافيه او ملبوس العافيه يعني مثل اللي قلته..

امين يارب..

حياك الله اخوي..

رورو الشخبوطه said...

هلا اخوي نمول..

مساء النور..

خل اقولك بشي تفهمه << تخصصك:) اتوقع صار فيهم عندك ارتباط شرطي بيني وبينه لانه اكثر من مره تشوف صورته بشغله لي ..

الله يعافيك يارب مشكور..

حياك الله اخوي..

رورو الشخبوطه said...

هلا دمعة ..

الله يعافيج يارب مشكوره..

اي عجيبه :)

حياج الله ..

رورو الشخبوطه said...

هلا اخوي صوت..

ريلاكس خخ..

اهو لو بتنزل للي بوست اللي تحته بتشوف ماحددت احد لانه اغلبه لكم ..

بس هالسوالف المعارض وغيرها معروفه للبنات..

وبعدين لو بوست بناتي بحت بكتب بالعنوان هالشي عساس اخذ راحتي بالشرح :)

وبكل الموضوع ماشدتك الا هالكلمة :\


وترا حتى اجتماعي صبي :)


وترا نمول لاحظته انه مو وايد يثبت اكثر من بوست ..

وبس ..

حياك الله اخوي..

رورو الشخبوطه said...

هلا فيشه..

اي يشوقون بس مو مثل ملوت البنات صج صج يشوقون..

صج عاد اول مره اخذ منهم وانا الكفر او الكنبل يتغسل وماشوفه بعد خخخ..

الله يعافيج يارب مشكوره..

اي مادري والله بيصيرله فوق 10 ايام عاد كنت استانس ببلوقه :(

حياج الله..

رورو الشخبوطه said...

هلا مزيونه..

تردين بالسلامه يارب..

ماتقصرين مشكوره..

وحياج الله اختي..

ميمة السبيت said...

** الله شحلاتهم هدوم اليهال ابي حق بنتي هدوم صينية شكلهم وايد حلوو

بس انا ارض المعارض ما احبهم لأن كله زحمه بشكل موطبيعي والواحد حتى مايقدر يشوف شي

اذا لج روحه ابي اشياء حق بنتي لو سمحتي :)

رورو الشخبوطه said...

هلا ميمه..

اي حلوين ورخاص ,,

معرض الكتاب مو زحمه عادي هذا كل الناس تحوس شويه اللي يشترون @@

ان شاءالله ودي اروح مره 2 بس ماقلتي جم مقاسه وشلون ايبه لج :p

حياج الله اخيتي..

My Books and Me said...

عاد عندي نفس الجنطه بس ما أستعملتها لحد الحين @@

شفتي شلون أحنا وايد بينا أشياء متشابهة

أحبج يا طبجتي المصون =****

Hope said...

مساء الورد

حلو والله ... شوقتيني
يبيله روحه قبل لا نبدي ميدتيرمات
اكثر شي عجبوني الجناط .. عمليين حق الكلية و النوتات
و ملابس اليهال .. كيوووووووت
ملبوس العافيه يا رب

Hanan said...

ملبوس العافية ان شاءالله :)
بس بغيت اعرف جم اخذتي صبغ الاظافر و النقشات؟

صوت الكويت said...

نموول تره أعزه وأحب كتاباته
بس ابي اطفره شوي :)

رورو الشخبوطه said...

هلا موم..

اي وحده ؟؟

اي ابرزها القراده :\

مي تو وحبتج العافيه يارب..

مشكوره..

وحياج الله..

رورو الشخبوطه said...

هلا هوب..

مساء النوير..

موفقه يارب ..

لا الجناط وايد كبار حيل من جذي قلت لسفر بس جنه في منهم احجام..

الله يعافيج يارب مشكوره..

وحياج الله..

رورو الشخبوطه said...

هلا حنان..

الله يعافيج يارب ومشكوره..

ب12 وفي اقل اهي الشريحه بدينارين ونص..

وحياج الله اخيتي..

رورو الشخبوطه said...

هلا اخوي صوت..

اخذ راحتك ..

مدام ماتطفرني انا عادي :)

وحياك الله اخوي..

BookMark said...

الله شكله حلو المعرض حسافة مارحت من الزحمة :/ مادري ألحق عليه ولا لأ ..
حلوة الشغلات الي خذيتوها .. تقطعونها بالعافية ;)

رورو الشخبوطه said...

هلا بوك مارك..

ان شاءالله تلحقين عليه اهما يقولون انه مجرد مسمى يتغير ولا نفس البضاعه ..

مشكوره عيونج الحلوه..

الله يعافيج يارب..

حياج الله..

Made n Q8 said...

عليج بالعافية المشترياات

انا شفت الجنطه الكبيره الي على سبوونج قلت وين رورو عنها خخ
انا ماعجبني وايد المعرض احس هذا اهوا ماكو شي يديد بس حلو للتطمش :)

Fantaseyah said...

خوش تقرير من ارض الحدث
:)

هالسوالف حدها تونس
والجاينيز بذهبي شارية منه حق ولدي لما سوو المعرض شهر 7 واايد حلوو باللبس بس مشكلته يبيله بيبي يمشي يكون احلى:)

عليييج بالعافيه حبي

رورو الشخبوطه said...

هلا مدمد ..

الله يعافيج يارب ومشكوره..

اها وانا اقول شاللي خلاني اروح له خخخ اثر قلبي دليلي خخ..

انا 2 مره اروح له نفس الافكار موجوده بس ماتطمشت ع راحتي اول مره هالمره شبرته الا شوي مع انه زحمه عكس المره اللي فاتت كان فاضي..

حياج الله اخيتي..

رورو الشخبوطه said...

هلا فز فز..

مرسي مرسي..

ماشاءالله ملبوس العافيه يارب احنا سمسم يخطي وعلاوي منسدح بعده بو 3 اشهر بس ..
والله يخليه لج يارب وتشتريله بدلة التخرج :)

الله يعافيج يارب مشكوره..

حياج الله خيتو..

lOsT said...

ماشاء الله خميتي المعرض p;
بالعافيه عليج اختي =)

رورو الشخبوطه said...

هلا لوست..

خخ واليوم رحت وكملت ع الباجي ..

والله يعافيج يارب ومشكوره..

وحياج الله خيتو..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads