Saturday, October 24, 2009
السلام..
من زمان مارحت السوق واخر مره رحت بنجرت سيارتنا وماكملت جولتي اهي اهي ..
من جذي ماكو جديد ع ساحتي الفاشنيه..
وعندي قرقه من زمان كنت بقولها بس لهيت ونسيتها واليوم مالي مزاج اقرا قلت اقرق ع راسكم :p
شرايكم بتصميمي خخخ زدت عليه كلمة مذيعه الله يهداه قوقل مافي شي جاهز خخخ..
مالكم بالطويله ..
نبلش موزوعنا (اللي بيكون عباره عن تقيمي للستايل من مكياج وازياء و تقديم )مع ..
**حصة اللوغاني**

- نبلش بالمكياج بما انا اخترت هالصوره لتوضيح مكياجها بالنسبه لي اغلب مكياجها اوفر والكريم ساعت يكون ابلق ورقبتها غير عن لون ويها (هالصورة توضيح لكريم الاساس ).
- الشعر ماتغير وايد اغلب قصير بس ساعات تحط بوستيج اوفر مادري شلون متحملته..
وع طاريه مره سالتها ايمان نجم برنامجها بالعيد قالت لها ليش ماتطولين شعرج شي جذي؟؟
ردت قالت لانه كاريزما !! شكو ..
- بالنسبة للازياء مادري شوفوا الصور .. وعقب بعلق..

الحزام الاسود شنو ؟؟ هالحلقه ماشفتها بس شكله جنه مال اللي نلبسه اذا بنطب من برشوت او ناقز بالنطاطيه او كلش كلش مسدس اهي ماتدرون ليش لابسته !!



هني بدلتها جلطتني واغلب ستايلها وخصوصا بها البرنامج مايناسب اللي تقدمه برنامج طبخ وبالمطبخ شكو كالخلاجين مانبيها تلبس دراعة بيت بس ع اقل شي عملي يناسب الحركة بالمطبخ هذا ماتخاف تحترق جمومها @@ والبوستيج هذا اللي اقولكم عنه..

اخر شي بعلق عليه تقديمها احس مو متمكن منه واحسن شي تقدم المسجل المباشر توها يبيلها وقت عساس تتاقلم وتقدر تقايشه..


**حليمة بولند**



- كستايل تعدل صار احلى بس نفس الوقت صارت شخلعكو الله يهداها يارب والضعف محليها بس لازالت احس انها تستخدم وسايل 2 البنات اخبر فيها تضعفها مو ؟ ويبيلها طول عساس يزهى اللبس عليها اكثر مادري ليش اغب مذيعاتنا قصار @@

- المكياج احس اغلبه لايق عليها وشعرها الاسود احلى من قبل مع انه مره صبغته اسود وماكان جذي ..



- كتقديم لو تخفف دلع وحركات ماصخه وساعات تشلخ بعد بيطلع تقديمها احلى لانها متمكنه وتعرف تتصرف ..

**اماني البلوشي **


- مكياجها الاغلب ناعم بس خربت شكلها بالتفخ ..






هالصورة مو مقياس لانه لقطه واهي تتحجى مو متجهزة لها بس مثال ..

-كشعر عادي جدا وساعات مايكون حلوو مع انه بسيط ..
- اللبس بسيط بس اوفر قصير وساعات عاري ..
- كتقديم توها ماحس خذت فرصتها بتقديم شي يبين امكانياتها ..
**امل العوضي**

واخيرا لقيت مذيعه طولها زين خخ جنه طولي حسافه ماقيست معها بالجامعه :p
سمعت انها اعتزلت بس قبل فتره قريت خبر انها بتر عقب ماتولد وبتمثل بعد ..
- اكثر وحده اقدر احكم ع ستايلها لانه شفتها بالصج يمكن مليون مره وستايلها بالصج مثل التلفزيون ويمكن بالصج احلى لانه استر ..
- مكياجها مثل ستايلها بس احس الناعم مثل الصوره حلو عليها..



- كشعر هم مثل شي بس تنوع مابين الكيرلي والستريت..
- كتقديم اهي عفويه بس فيها طفاقه الله يهداها يعني برنامجها جد ولعب ساعات احسها ع ابو تقدم بتلسب الصبي @@ وكتفكير احسها صغيره بعدها..
مره سالنا الدكتور شلون نحد من زيادة عدد السكان ؟؟
جان تجاوب الكبار مانعطيهم دواء!!
حزتها كنت يمي ميد ان كويت لفيت قلتلها تبين نذبح اهلنا خخ خل نطبق عليها اول !!


**نوره عبدالله**

-اول كنت استانس على تقديمها لما كانت برايكم شباب قبل 4 سنين , قبل فتره شفت برنامجها بروتانا امبيه شفيها قلبت صارت ماصخه الله يهداها يارب وتتدلع بشكل ملييغ ..<< هذا كتقديم..
- انيي للستايل الهدوم عمليه بزود في جم شغلها لبستها مخليتها اقرب للصبيان ..

- المكياج امم ماثبيت علي بس حسب اللي سمعته انه يحليها يمكن لانه ناعم..
- الشعر الصوره اللي فوق صدمتني وايد قصير وفاقع @@ نشوف جم ستايل 2 عليها..




مو حلو الطويل لانه اشكره بوستيج..





اول مره اشوفها بغامج وكاريه ماعتقد انه شعرها ,,



**نهى نبيل **




- كستايل عملي ما تغيره وايد خبري فيها ببلوزات بولو ..
- وهم المكياج نفس الشي والحلو انه ماحس مكياجها يغيرها وايد وعادي تطلع بدونه عكس وحده فوق خخخ ..


كتقديم مبي انها متمكنه لانه من صغرها واهي تقدم بس اللي بدعت فيه التقليد خخ ..
هم قصيره وايد الله يعينها شفتها بالصج وكانت لابسه كعب كبيير ومريت يمها جان تطالع راسي وجوتي زين ماطلعت المتر وشبرتني جان اقولها لابسه فلات خخ ..


جنه التقيمم صار ع الطول بعد :)
عموما هذا اللي بالي الحين ..
ودوركم الحين اخذوا راحتكم بس لاتطبون وايد ..

32 comments:

Hanan said...

أنا حليمة لا تجيبون طاريها .. كللش ما أحبها :( لا تقديم لا لبس و لا شي.
حصة اللوغاني وايد ناعمة و حلوة بس اللبس على قولتج مو حلو مرات ..
أمل العوضي أحس اهي أحلى وحدة فيهم :)
والباقيين عاديين

رورو الشخبوطه said...

هلا حنان..

اهي تعدلت كلبس اما التقديم يبيلها بعد..

امم حصة اللي تغثني هه..

اي كستايل امل التوب فيهم ..

اي هذيل اشهرهم تقريبا..

حياج الله خيتو..

*Being One said...

حلييمة كانت تهبل على ايام تلفزيون الكويت مع اللويس صج انها تتدلع و مادري شتسوي بس الصراحه كنه نستانس لما نشوف تقدييمها بس عقب خلاص ينت ماتدري شتسوي بروحها و الله و برنامجها اللي على امبيسي الصراحه بدعت بدعععت و الحركات اللي تسويها بويها امبي شفيهاا تكفه خففي التصنع بس !
انا صج استانس على امل العوضي صج انها مطفوقة على قولتج بس لما كنت اشوف برنامجها بجد و لعب حدي اتشقق و على قولتج توها مو متمكنة بس نصيحه حقها لا تمثل لوول
و حصه مشالله عليها تهبل بس لا تتكلم لوول وايد تخووره و جسمها في ملابس ما تمشي عليها و تلبس اشياء تطلع جسمها غلللط مادري ليش تلبسهم
و على قولة حنان امل احسن وحده من ناحية اللبس و الشكل و اللوك
و شكرررا :)

رورو الشخبوطه said...

هلا بينغ..

يمكن شافت انه في اعجاب واقبال ع تقليدها من البنات وتمادت !!

الله يهداها يارب..

خخخ امل اي مطفوقه بس تونس بهالبرنامج لما حطوا بدالها وحده 2 ماضبطت ..

و ع التمثيل ماحس خذت حقها ويبن انها تمثل ساعات..

اما حصه مو عارفه تبرز نفسها لا باللبس ولا بالتقديم وهم تخوره بالمكياج يبيلها تدرب نفسها ع التقديم وتغيير ستايلها لشي يناسبها ..

اي مي تو يعجبني ستايل امل غالب وليس دائما :)

العفو ولو..

حياج الله..

نمووول said...

ما احس انهم احسهم اقرب للممثلات
انا تعجبني المذيعة ايمان نجم اعتقد هذا اسمها
ثقافة وشخصية رزينة واسلوبها في الحوار جميل وسلس
وما عندها الدلع الماصخ (الماسخ) الي عند غيرها

شكراً

رورو الشخبوطه said...

هلا اخوي نمول..

يمكن لانه اغلبهم يتصنعون ..

اي يمان نجم كتقديم ماشاءالله توب بس كستايل هم تخوره الله يهداها كنت ناويه اختم البوست فيها بس نسيت..

العفو ولو..

حياك الله..

أبوغرايم said...

الحين بنشرت سيارتكم و بجيتي ! (:

هذا اللي فهمته من >> إهي إهي

عالعموم

تعجبني عفوية حصه اللوغاني و أمل العوضي أما عن المكياج و اللبس
فـ إنتوا أدرى بهالسوالف (:

بس مكياج حليمه بولند فيه شوية خبال بصراحه مع أنها حلوه ماشاء الله عليها و مو محتاجه لكل هالمكياج !

ميغسي باكووغ

(:

جنات said...

افضل مذيعه بين اللي ذكرتيهم واللي افضلها حصة اللوغاني
احسها جميله ونعومه وماتتصنع وتتدلع مثل حليمه
حليمه ابد ابد ماتقبلها ولو تعتزل يكون احسن
وامل العوضي تجنن احب ستايلها ومكياجها
وطولها .. يعني بصراحه انيقه
بس اللي مخربها حركاتها وشخصيتها ماتعجبني


مشكوره اختي بوست رائع


جنات

رورو الشخبوطه said...

هلا اخوي ابو غرايم..


اي يبجون لانه مو اول مره تصير ولانه تكنسلت مشاريعنا :(

العاده احنا نلبس وانتوا تطنزون علينا زين طلعت مو من هالنوعيه الله يتمم عليك يارب :)

حليمه ودي اشوفه بدون مكياج عساس احكم اذا حلوه صج او لا:)

اي ساعات تخوره بس بهالصور زين ..

دوغيا ..

حياك الله اخوي..

رورو الشخبوطه said...

هلا جنات..

حصة يبيلها شغل وايد ع نفسها لانه تفتقد اسس المذيعه ..

حليمه استهلك نفسها بالتصوير برامج -دعايات - فوازير - اعلانات -جرايد- مجلات حتى بحالات الوفاة تصور @@

والتصنع يبيله وقفه وتعديل اهي اكاديميه المفروض تعتمد ع ثقافتها وتاسيسها الاكاديمي مو الدلع وغيره..

وامل يبيلها تخفف طفاقه ولا اهي عفويه بالصج مثل التلفزيون وستايلها نايس..

العفو ولو..

حياج الله خيتو..

bhr.qadsaweya said...

بدعتــــــــــــي

بس انا احب حصة اللوغاني جنج طحتي فيها

يعطيج العافية

رورو الشخبوطه said...

هلا بح بح..

لا ما طبيت فيها هذا مجرد راي :)

والله يعافيج يارب مشكوره..

وحياج الله..

Chaotic pOsha said...

خوش موضوع بس وايد مذيعات ماذكرتيهم
سووي ابديت وكتبي عنهم

أوافقج ابمعظم اللي قلتيه

ياريت يخففون مكياج وايد احلا هذا اهم شي
نبي مذيعات نفس الاجانب
انا تعجبني غاده رزوقي

رورو الشخبوطه said...

هلا بوشه ..

من زمان عنج عاش من شافج..

مشكوره هذيل اللي طروا ع بالي ..

ماذكر بعد احد غير ايمان نجم وغادة بس ماقمت اشوف لها برامج الا كضيفه وفي بعد ناديه صقر ومنو مالت فوضى ولا موضة والله وايد ..

بس مو متابعتهم عدل هذيل اغلبهم شايفتهم بالصج ..

اي وايد مكياجهم حتى لعرس ماحبذه ..

الاجانب ارقى ويهتمون بالتقديم اكثر ..

وحياج الله خيتو..

حَافِـيَةُ الَقَدمَيّـنْ ولِبَاسِي المَطـرْ said...

الصراحه انا اخذ المذيعات
على مقياس انهم عارضات ازياء
يعني ايام رمضان ما كنت اشوف حليمه
عشان سواد عيونها
كنت انطر كل يوم اشوف شبتلبس وتهبب
وعموماً لو مهما يسوون
ما يعجبنا العجب p;
استمعت حيل بتقييمج كان ودي يكون اطول

رورو الشخبوطه said...

هلا حافيه ..

صح يبيتيها اقرب للعارضات من التقديم..

لانه حتى بالحلقه وخاصة حصة تيب طاري اللي لبسوها او مكيجوها يعني قاموا يستخدمونه وسيله للاعلان عن اتليه او صالون ..

مايعجبنا لانه مبالغ فيه وانه ركزوا ع شغلات سطحيه المفروض ماتكون بذات اهمية التقديم ..

اسعدني هالشي..

حياج الله..

ShaymoOona said...

يبتيهم ييب و الله
اكثر مذيعاتنا تصنع و تهول بالشكل
لو منو كانت لازم فيها عيب مثلا ايمان نجم ماشاء الله عليها اسلوب و عقل بس لا تشوفين لبسها و هكذا يعني مايترقعون

رورو الشخبوطه said...

هلا ShaymoOona..

مرسو بس ع الاقل ايمان تجيد عملها بس صج يبيلها تعديل ستايل مكياجها زين لبسها لي خففت بيطلع حلوو..

حياج الله..

Fishah said...

واي حصه ماحب ميك ابها وتسريحتها بس كااافي خلااااااااااااص
حتى طريقة كلامها ماحبها :>

حليمه لاتعليق

صورة نوره بالشعر الطويل مووووو صج لوووول وين طحتي عليها :))

اماني اول كانت احلى

امل العوضي كنت احب عفويتها ولقافتها :)


بعد حطي ناس ثانيه تحت المجهر :))

سوسو said...

هههههههه حصه فاهمه الكريزما غلط اهي قصدها ان يكون لها شكل خاص يحفظونها فيه مثل هيفا وهبي يعني بس اهيا صج مصختها وايد مجلبه بتسريحة شعرها وحتى الميك اب وقصات اللبس نفس الشي تقريبا واماني البلوشي قبل احلا مو حلو عليها الشعر الاسود كلش وقصتها مليقه شعرها يبط جبدي ما تعرف تظبطه وميرسي عالبوست احب التحليل تحت المجهر لوول

رورو الشخبوطه said...

هلا فشونه..

كنت بقول هلا حصه خخخ

اي حصه يبيلها قعده اول شي تقديم 2 شي تعديل لوك شرايج نستلمها خخ..

خخ حليمه اتوقع عادي باجر ادش بلوقي القاها مغير الكلام اللي كتبته عنها لمدح :p

ونوره خخ شايفتها من زمان واشوه حصلتها بقوقل :)

اي اماني كانت طبيعيه وانعم..

ومل لايقه عليها شخصيتها لانها صغيره ..

انا بصير مذيعه جود يقوم حظي خخخ..

اي ان شاءالله بس خل امخمخ واتابعهم عدل وانزل ..

حياج الله خيتو..

رورو الشخبوطه said...

هلا سوسو..

اي الله يهداها يارب حلو التغير خصوصا لي صار بلاش خخخ ..

اما اماني احس المشكله بصالون الراي يطلع شعورهم يع و شفت شكلها بالاسود مادري اذا صج او باروكه جنه شعر عشتار خخخ..

دوغيا..

وحياج الله خيتو..

fatto said...

بالنسبه لحصه اللوغاني : صح مكياجها واايد اوفر لوتقلل منه اتسير احلا لأن ملامحها حلوه

حليمه : محلوه وايد عن اول بس على قولتج لوتخف من الدلع الماصخ اشوي .. جسمها متعدل .. ولبسها صج ان مومحتشم بعض المرات بس حلو .. وهي بلبنان لازم اتواكب لبسهم :)



اماني البلوشي : وايد اتفضخ باطه جبدي


نهى نبيل : ودي ادخلها دوره عن ( الانوثه) مادري ليش اذا تحجت جنها صبي !!!!!!




ونشاءالله ماخرته لووول

رورو الشخبوطه said...

هلا فاتوو..

حصه اللوغاني : اوفقج راي انه يبيلها تخفف مكياجها..

حليمه : خخ حلوه بلبنان تواكبهم في شغلات ساتره وحلوه ..


اماني البلوشي : اي الله يهداها فري بزود ..


نهى نبيل : حرام شاعرتنا انا احسها طبيعيه مو متصنعه مثل الاغلب..

لا ماخرتيها كلش..

حياج الله خيتو..

Made n Q8 said...

حصه ملامحها حلوة بس ما تعرف حق عمرها كلش لا مكياج ولا شعر ولا لبس..وبالنسبه للتقديم يبيلها تدريب ولو تاخذ دورات يكون احسن

****
حليمه لها كاريزما وانا ملاحظه ان لبسها ومكياجها تعدل يمكن لانها بلبنان وهناك يعدلون الي ما يتعدل واهيا لو تخفف دلع بتصير واايد احسن ..ماقلنا شي تدلعي بس لا تزودينها ترى والله مو حلو

****
أماني انا احب لبسها ومكياجها طبعا قبل الحين قامت تخوره شوي وماله داعي التفخ كلش
****
أمل لبسها ومكيااجها يعجبني وعلى قولتهم ويهها فوتوجينيك مشالله يشيل المكياج بس كتقديم محتاجه تكانه على شوية رزانه وتصير اوكي.. وذكرتيني بسالفه ردها عالدكتور خخخ الحمدالله والشكر لو ساكته احسن
***
نهى نبيل واايد تعجبني وتصلح تكون مذيعه وعندها اسلوب وتتقن لغه الحوار وهم مشالله ملامحها حلوة

رورو الشخبوطه said...

هلا مدمد..

حصه صح مثل رايي فيها ..

****
حليمه لا ماتوقع قبل كانت برنامجها اوئل بالبنان بس اللبس والمكياج شي يبجي بس ار غيرت الصالون خخخ..

اي اهي مفروض تعتمد ع ثقافتها اكثر من دلعها مخرب عليها..

****
أماني اي بس لو تستر والتفخ مخربها وطلعها جنها عيوز حرام لعبت بلامحها كانت ناعمه..

****
أمل اي خخخ عاد هذي شايفينا لايف ..


***
نهى نبيل اي تربية التلفزيون من جذي اتوقع متكمنه هذا غير انه تمتلك مؤهلات ساعدت باستمرارها..

مشكوره خيتو..

وحياج الله..

Ļa ƒéммé said...

حليمه أكثر وحده بروفشنال ولايق عليها صج انا قصيره بس محد كامل والقصر والطول والبياض والشكل بالعموم من الله فما نقدر نتكلم عنه..

واوافقج بالراي تحليلج مو طبيعي ستايل حصه حده ظيم بالمطبخ واللبس زياده عن اللزووووم والتقديم كلش مو متمكنه وتفتقر للباقه

امل العوضي وايد دفشه وطريقتها كلشما فيها برستيج ورزانه

نوره اتفشل بصراحه يبيلها وايد تشتغل على عمرها واتجدد بستايلها الأهم ايكون شكلها مرتب عاد اهي كله بلبنان واهناك في خبرا ممتازين

نهى ماراح احسبها كلش شخصيا ما ابلعها كلش والناس اذواق وستايلها كلش مو راقي يبيلهم شغل

واللي امها روسيه المذيعه ما ادري شنو اسمها لو بس تحذف الحواجب الجاينيز الوضع ايصير احسن بوايد اهي دامجه بين لستايل الأجانب وبين اللبنانيات لازم اتحدد هويه وخط ايناسبها بالأول.

رورو الشخبوطه said...

هلا لافييم ..


اوضح شغله بخصوص القصر انا اعتبره من علامات الجمال وحليمه مو مره تقول انها ملكة جمال المذيعات واللي اعرفه بالنوع من المسابقات تتطلب طول ورشاقه و الاهم منافسات :)

ولا حشى ماعيب ع حلقة الله استغفرالله ماحبذ هالشي ..


وحصه هم انا بعد اوافقج بهالشي لاحظت اراءنا متقاربه ..

يبيلها تخفف امل مع انها ع طبيعتها ..

نوره حتى اسلوبها تغير صار مليغ ووايد متصنعه واي لبنان خبراء التجميل عندهم ع اف من يشيل ومتكنين من هالشي ..

نهى استايلها ستايل عملي وايد وماتغيره احس ينفع للطلعات السريعه..

واللي امها روسيهاسمها اماني اللبناني مو وايد يفرق عن الاجنبي الرك ع التفخ حرام خربت شكلها وهم معاه الجاينز صار اوفر اول لما كانت طبيعيه كان زينين حواجبها الحين لا,,

حياج الله اخيتي ..

كلكجيه said...

امل العوضي احس ان ما عندها اسلوب وخاصه ببرنامجها جد ولعب ،،



حليمه حلوه حتى بمكياج خفيف بس التصنع مخرب عليها ،،


حصه ابتسامتها مادري شموضوعها ،، غصب تبتسم جنها مغصوبه =/ بس هم اقول حلوه ،،


نوره مثل ما قلتلي ببرنامج رايكم شباب كانت تعجبني ،،


الباجي لا تعليق عليهم هييهييي

رورو الشخبوطه said...

هلا كلكجية ..

اي فيها طفاقه بهالبرنامج يبيلها تركد اكثر..


اناماحب تصنعها و احس اي بنت نهتم فيها ونلبسها بتطلع مثلها واحلى بعد :)

مو مهم شكلهم صج الستايل له دور بس اهما لا ستايل ولا تقديم ..

اي خرب نوره الدلع المفاجاوالمليغ ..

خخ حياج الله..

Anonymous said...

بصراحه لبسهم مبالغ فيه

مب حلو

والمكياج وعمليات التجميل اوفر

وتصنع الدلع مبالغ فيه

يعني بدون مضمون

رورو الشخبوطه said...

هلا غير معروف..

صاجه..

وحياج الله..

Search

Loading...

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

Followers

Blog Archive

انستغرام المدونة (roroalk)

follow me

My Blog List

Ads