Tuesday, October 13, 2009
السلام ..

اليوم من الملل افكر شنزل بوست جان اطالع بلوزتي واسوي سيرج عنها لاني احبها حب جما وناويه اذا حصلتها مره ثانيه باخذ كل الرسمات :)



الشعار يشووق ..


وصج يبيلينا نبتسم طاح حلجي وتشققت وتبططت براطمي من كثر ماابتسم والحين نادر اللي يعبروني بنات لي شفتوا وحده تبتسم لا تحقرونها هذي انا خخخ ..


اللي تبط جبدي اللي تبتسمين لها وتطالعج بنظره نعم !!


حزتها اذكر كلمة ابوي شدعوه طالبج دينار خخ..


المهم اهي موجوده بلاند مارك وبالتحديد من بوسيني ..




من هالصوره مبين انها لكل الفئات بنات وصبيان صغار وكبار ..



اهني الموديلات بشكل اوضح وفي الوان اكثر من المعروض بالصوره والمقاس لي xl بس بالاساس صغير ..


وعجبني انه في منه طوال :)



هالقلب ماشفته بلاند مارك بس لقيته بقوقل ويشوق ..


وبس سلامتكن :)

20 comments:

عبـدالله said...

شكلها ماركة حلوة .. ^_^ في رجالي ؟

رورو الشخبوطه said...

هلا اخوي..

انا مافتر صوب الرجالي بس من الصور مبين انه اي واللي بيع بالخالديه كان لابس عليها ..

انا شفت بالنسائي موجود واليهال ..

وحياك الله اخوي..

شاي الضحى said...

عجبوني ملوت البيبي يشوقوووون ... ودي احطهم بماي لما يكبرون والبسهم هههههههه (نفس اللعبه الي تكبر بماي)

وعليج بالعافيه حبيبتي :)


مشكوره :)

طماشة said...

هلا رورو

عاد أنا وايد أروح هناك احب أخذ ملابس حق البيت من عندهم. ممم الصراحة ملاحظتهم لاني أحب هالنوعية من البلايز ومالقيت جذي. مادري ان نزلوا هالشهر الله أعلم. لول لاحظت انج تقولين

" لاند مارك " مو سنتر بيونت.. الصراحة الاسم القديم وايد أحلى أما اليديد لحد الحين مو بالعه:D وانا بعد اقول لاند مارك..


أما عن الابتسام، انا وايد اسوي جذي مع الي اعرفهم وخاصة لما اتنقل من قاعة لي قاعة ابتسم لهم ك نوع من التحية واحس كأني معطيهم بكسات جنه يقولونلج لا تبتسمين..


تسلمين على البوست..

ميمة السبيت said...

** عليج بالعافية يا ام الفناتق و بسج حوسه بلاند مارك

صوت الكويت said...

والله حلوين ملابس اليهال
بروح أشتري حق ولي عهدي :)

*Being One said...

عاد صج ماركة بوسيني ملابسهم يشوقون
حتى بدايتهم حلوه كله اخذ منهم P:
عليييج بالعافيه ^^

رورو الشخبوطه said...

هلا جاي..

اي عجيبين نلبسهم احفادنا ان شاءالله خخخ..

اي وناسه خاطري البس جذي جمب سوت كول خخخ..

الله يعافيج يارب ..

والعفو ولو..

حياج الله..

رورو الشخبوطه said...

هلا اخوي طماشة..

انا خذيتهم من زمان من قبل رمضان وذاك اليوم تقريبا قبل اسبوعين حلتهم بوسنيني الخالديه بس ماثبت ع المقاسات ..

اي انا دايما جذي اعتمد الاسم القديم حتى للاشخاص ..

اي خخ طاف احنا نمشي ع مبدا ابتسامتك بوجه اخيك صدقة ..


الله يسلمك يارب ..

حياك الله..

رورو الشخبوطه said...

هلا ميمه ..

الله يعافيج يارب ومرسو..

خخ من زمان عنه اخر مره رحت له جنه الاسبوع اللي فات احبه مازا افعل :)

وحياج الله ..

رورو الشخبوطه said...

هلا اخوي صوت..

اي ماشاءالله..

والله يخليه لك يارب..

حياك الله..

رورو الشخبوطه said...

هلا بيغن ون..

يس حلوه حتى اخر مره لقيت جنطه حلوه عندهم فكرتها تو فيس وناسه احب جذي..

والله يعافيج يارب ..

مشكوره وحياج الله..

اجتماعي said...

تبين خطة مجربة حق اللي تخزج جنها تقول نعم ؟؟

خطة مجربة ومضمونة 100% ..

قوليلها "السلام عليكم" ..

=====

خووش بلايز ..
بس ماتصلح للجامعة : )

يعطيج العافية ..

رورو الشخبوطه said...

هلا اخوي اجتماعي..

انا ابتسمت وخزتي اخاف اسلم تطقني خخخ ..

ومشكور ع النصيحه..

انا عن نفسي البسها عادي خصوصا انها ساتره ..

والله يعافيك يارب..

وحياك الله..

My Books and Me said...

تهبل بلوزتج

عليج بالعافيه :*

انزين حبيبتي ابي القلب عندج عنوان سايت يبيعه؟ وايد عجبني!

رورو الشخبوطه said...

هلا والله..

الله يعافيج يارب مشكوره..

دورته ماحصلته انا مطلعته من قوقل ومدوره باكثر من كلمه ولما دورت اليوم لقيته واجهة سايت ماينباع:(

سوري خيتو..

lOsT said...

ويييه ذكريات هالسمايل ..
أذكر يوم كنت فالثانوية كانت موضه
ما خليت شي إلا وشريته مقلمه قلم دفتر الـخ ..

شكرا على البوست ^_||

رورو الشخبوطه said...

هلا لوست..

عيزت بحاول اتذكر شنو موضة الثانوي ماذكر :(

العفو ولو..

حياج الله..

نمووول said...

هههههههه شكل الشعار حلووو
اهم شي انج مطلعه البوست من تيشرتج ههههه
شكراً
دمتي بخير

رورو الشخبوطه said...

هلا اخوي نمول ..

اي شلون عيل هذا يسمونه ذكاء :)

وبالفراغ ومن الملل قمت اطلع اي شي وادور عنه ..

الله يخلي قوقل..

العفو ولو..

حياك الله ..

واجمعين يارب..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads