شخبوطة كويتيه

Saturday, August 7, 2010

nivea haus :)

9:13 PM

السلام عليكم ..

من زمان مانزلت بوست عن البيوتي :)

رفيجتي كانت رايحه دبي قبلي بشهر تقريبا فقالتلي عن محلات ومجمعات راحت لهم منها نيفيا ..

واهو موجود بدبي مول ..

وصدفه واحنا نفتر شفته..

انا حسبالي يبع منتجات نيفيا بس طلع لا وسبا بعد (للحريم والرياايل ) عندهم مساج و للاظافر وسوالف حف للجنسين يع مو حلو ريال يحف :\ ومكياج بس للحريم طبعا والخ..

شفت منيوهم ولا اسعارهم رخيصه وانا اظافري تكسرت من سكي دبي قات خل اجرب العادي لانه ماعندي وقت..

اهو ب35 درهم و مدته 15 دقيقه ..

بس اللي صار انه طول ومادري شحسبولي زياده انا كنت مستعيله بطلع اهي تقولي اونا اوكي اوكي صلحي فطلع حسابي 52 درهم هم زين :)

اول شي اخترت صبغ وهو اول وردي شفته جدامي خمطته حسافه كنت بصوره لكم بس نسيت من اللويه ..

وهذي قنفة الانتظار..

كرسي غريب لو مو مستعيله جان جربته خخخ..

وهذا مكاني ..

وهذي علامه جنها دمل حبيتها :)

وهذا مشروبي خيرتني بين ماي وجاي وحزتها كان لساني لي الركبي من العطش فاخترت الماي طبعا لانه غير الماي مايروي ع قولة ماماتي خخخ..

وعطتني هالمجله اقراها..

وحطتلي مال الرقبه والجتوف للريلاكس ماعرف شسمه بس احبه :)

وهذي عدتي..

ولما خلصت ودوني هالصوب عساس استخدم مجفف الاظافر ..

عيب الصبغ اللي اخترته خفيف فعشان اللون يبين حطتلي اكثر من طبقه وهالشي يعني انه ماراح يجف بسرعه شغلته مرتين وماكو فايده لدرجه طلعت جان يخترب :\وماكو وقت اخليه تعدله فضبطته لما رديت الكويت..

هذا شكله عقب جم يوم لانه الصوره اللي بالصالون ماحبيته :\

اسم اللي سوت لي سنتيا ..

واللي حبيت يشغلهم دلع & اتقان و دقه يعني الشغله ترد عليها اكثر من مره ..

سايتهم هنا

وبس هذي تجربة البيوتي الوحيده بدبي..

Labels: beauty, spa, اظافر, دبي, سفر |

32 comments

Friday, August 6, 2010

chill out

10:00 PM

السلام عليكم ..

شقحت بوست بحطه عقب ان شاءالله ..

وببلش باليوم ال3 اهو اليوم اللي احس صج حللته ..

رحنا الكافيه الثلجي..

لانه ع قولة اختي فينا فقر برد خخخ..

حياكم >> كافيه ابوي خخخ

عقب مادفعنا فلوس الدخول واهي 60 درهم شامله الدشه مع مشروب حار اما هوت جوكلت او جاي ..

قعدنا هني وعطتنا العده جاكيت وبوت و وتسوس "قفازات" وكبوس فرو.

واللي تحت الكراسي اهما ادراج نحط فيهم جواتينا وانتوا بكرامه ..

البوت ..<< الازرق للبنات ..

عقب مالبسنا وصورنا دخلنا داخل ..

امم ع قولة اختي درجة البردوه جنه قاعدين بثلاجه ..

منظر عام للكافيه ..

طاولتنا..

خل نتمشى ونستكشفا ..

لقطات من بعض التحف الموجوده..

ابد الخالق الناطق بيتنا :)

حبيته ..

المنيو..

الهوت جوكلت طلبنا ..

لقطه عبيطه تنحت فيها ادور ريلي اكتشفت انه انا المسكينه اللي بالصوره اللي قلت الاماكن واختي حطت ريلها عليها :\(تعديل : ويه طلعت مو ريلي ريل اختي خخ انا اللي جبالها المفلطحه ويم اخوي)

وعقب ماطلعنا عطونا فوطه فيها ماي حار جان زين هالخدمه يوفرونها بسكي دبي..

ومكانه بمجمع :تايم سكوير

Labels: اكل, دبي, سفر |

32 comments

Thursday, August 5, 2010

كل عام وانت بخير ياااااارب :)

10:58 PM

السلام عليكم ..

اليوم يصادف عيد ميلاد اخوي ..

وقبل جم يوم كان عيد ميلاد ولده ..

و7-8 عيد ميلاد اختي..

و8-8 عيد ميلاد ابوي ..

هذا غير خالي وعمي وعيال خالي 2 وبنت خالي كلهم بهالشهر حتى خدامة اخوي خخخ الظاهر موسم تكاثر :)

فسويت له كيكه ع المنتخب اللي يحبه لانه اليوم ناوي يحتفل بس بيوم ميلاد ولده فقلت نفاجئ فيها ..

وهذي كيكة ولده ..

وهذيل فلذات كبادنا ولده اللي مطقم مع الكيكه وال2 سمسم ولد اختي مطقم مع الكيه ال2 :)

Labels: اكل, مناسبة |

44 comments

Wednesday, August 4, 2010

Despicable Me طلعه لا ع البال ولا الخاطر :)

8:25 PM

السلام عليكم ..

قبل لا يخلص دوامي بساعه وشي اتصلت علي مدمد ..

تبي تعطيني شي ونتلاقى بجمعيه عقب الدوام ..

جان اقولها اوكي مدام جذي خل نتغدا بالمره ..

قالت اوكي..

عقب اتصلت :

شرايج ندش فيلم..

طبعا انا اي ع طول خخخ..

كنت بي فيلم الساعه 3 واحسنهم كان هذا ..

الفيلم مبين من البوستر انه باباي ..

وقصته باختصار :

شخصين يتنافسون ع بوق "سرقة" القمر !!

رايي :

ممتع وخفيف وحاليا يعتبر احلى ماشفت بافلام الديجتال او ال3d ..

دعايته :

(هني )

ومساعه دشيت سايت السينما ولا شايلينه الظاهر كنا ختامها وطبعا مسك خخخ..

وعقب رحنا نتغدا بفرايديز مدمد ودها باكل امريكي وانا افضل فرايديز فرحنا له..

عصيرها جيكو لايق مع الصبغ..

انا خخخ شوربتي لذيذه احبها شوربة بطاط ..

تويستر ..

سيزر ..

ميني همبرغر..

مع انه طافحين ودايخين بس حلينا ببراوني كل وحده كلت نتفه وقمنا :\

خوش طلعه مو مخطط لها وشكرا مدمد ع الهديه واايد وايد حلوه :)

بحطها لكم بالبوستات اليايه ان شاءالله..

Labels: افلام, اكل |

44 comments

Tuesday, August 3, 2010

1004 مارت :)

7:49 PM

السلام عليكم ..

نكمل بوستات السفره ..

2 يوم ردينا من السوق مبجر قبل ال8 احنا بالفندق :\ فنزلنا نسال الرسبشن عن اقرب جمعيه قالنا عن هذي اهي بنفس مبنى الفندق بس ع جنب..

واهي جمعيه كوريه :)

وهذي مشترياتنا منه..

بس صورت لكم بعض السوالف الكوريه..

ماسكات للويه ماجربتهم للحين..

بان كيك هم ماسويتها :\

بسكوت هم ماكليته:\

صابونه هم ماستخدمتها لي الحين :\

والباجي سوالف الجمعيه العاديه ..

وسالته قالي لهم 3 افرع بدبي قال المناطق بس ماثبت :\

Labels: دبي, سفر, محل, مشتريات |

26 comments

Monday, August 2, 2010

الغزو العراقي الغاشم ذكريات و قراءات و تساؤلات و تهنئة :\

6:00 PM

السلام عليكم ..

2اغسطس 1990

2 اغسطس 2010

20 سنه مرت بس لا ولم ولن ننسى ..

ببلش بالذكريات ..

بالازمه كان عمري 3 سنين ونص يعني كنت افهم بس كنت اخورها شوي على سبيل المثال :

-كنت اطلع بالشارع وارقص ع وطني الكويت (النشيد الوطني)اهلي ابتلشو فيني خخخ ..

-ابوي كان اعتقد رايح مع الجيش اللي بالدمام شغله جذي بس ليش الدمام مادري الغزو بالكويت :\ المهم يا ابوي وكان حزتها ملتحي وانا مرتزه قاعده ع حظنه واسولف عادي عقب سالته انت منو ؟؟

-باول يوم خالي رايح ايب لنا اغراض من بيتا جان ياسرونه و يبقون السياره بعد طقاق السياره الحمدالله اهو رد لنا بالسلامه لا واللي يقهر مرته دور الاسبوع يابت ولد ماقدر يشوفه الا عقب التحرير :(

-صار فينا بالازمه عقنقز خالي صار فيه وعداني وانا عديت اليهال ..

-خخخ تذكرت سالفه خو العراقيين داشين طالعين من بيوتنا واحنا بالازمه كنا بيت يدي بالفيحا المهم وهم عمة امي الله يرحمها كانت موجوده معانا فدشوا العراقيين جان تغني لهم اشلون تمشي الحمسه جذي جذي مع الحركات :\ اشوه انها ماتت ولا جان تبريت منها خخخ..

-مره خالتي تقولي عن الازمه تقول كان في نقطة تفتيش عراقيه وزحمه واهي ماله خلق توقف جان تلف طريج 2 لحقهم العراقي وديده (يدتي ام امي الله يرحمها يارب)كانت معاه شفت العراقي قرب وقامت تدعي اللهم جعلنا من بين خلفهم سد ومن امامهم سد فغشيناهم فلا يبصرون اهي شفت المسدس ع راس خالتي جان تقول ابلا ابلا ابلا يعني تدعي خخخ من الخرعه تخربطت الحروف عندها..(ماتنلام عيالها 2 اسره وال3 خاشينه مادري منحشينه لانه مطلوب يبون العراقيين لانه رتبه بالجيش وبنتها الكبيره بيعدمونها جدامها ).

-من الاغاني اللي تاثر فيني بالغزو كسروا اللعبه الجديده اللي يغنونها مجموعة بنات صغار (امس شغلتها اختي تقول هالقبيحه اللي تغني تشابهج خخ اهي نفس استايلي الشعر و ع قولتها خدود بس انا اشوفها مملوحه خخ), وال2 اوبريت عبدالله الرويشد اللهم لا اعتراض..

^^^^^^

قراءات ..

العام بهالوقت نزلت لكم بوست عن كتاب عباره عن مذكرات ليلى العثمان بالغزو ..

هذا اهو ..

وتحصلون النبذه هني ..

وقبل فتره هم قريت كتاب عن الغزو اسمه طلقة في الصدر الشمال تاليف وليد الرجيب..

نبذه عنه : هني

..

^^^^^^^^^^^^^^^^^^

^^^^^

تساؤلات

بالعماله خليتها تساؤلات ولا اول كنت حاطته اسئلة ..

امم كلنا نعرف الاطماع العراقيه اللي تعبنا منها من عبدالكريم قاسم اذا مو قبله لي قبل جم اسبوع الحوش متكودين عند الحدود مادري السالفه سمردحه كل ماملوه يو غزونا :\

(اللهم من اردنا بسوء فرد كيده بنحره واجعل تدبيره تدميره وارزقه اضعاف مايتمنى )

من هالباب طرت علي هالتساؤلات

1- مع اوضد اعادة العلاقات مع العراق ؟

عن نفسي لا لانه مو مريح الوضع واكبر دليل اللي صار الشهر اللي فات مالهم امان فالمفروض نوقفهم عند حدهم واسهل شي انه مانرد العلاقات..

عشان مانحسسهم انه طقتنا بيزه اليوم يغزونا بعد جم سنه نرد عادي ولا جنه صار شي :\

2-مع او ضد تغير اسم الغزو العراقي الى الغزو الصدامي..؟؟

اكيد لا لانه صدام لما غزنا مايا بروحه اهما يو يقولون البعض مجبر بس هم الاغلبيه ماقصرت :\

3-مع او ضد حذف الدروس المتعلقه بالغزو من المناهج الدراسيه؟؟

لا ومليون لا لازم الجيل اليديد يعرف عن سواد ويه جارنا منكر حسنه قطع :\

4-الاهم وين كنتوا حزت الازمه صامدين ولا طلعتوا لما صارت ولا اساسا مسافرين ؟؟

انا كنت صامده ولله الحمد ..<< جنه ع كيفي خخ..

5-تهقون في اسرى حيين وموجوديين بالعراق لي الحين ؟؟

مادري احساسي يقولي أي يجوز ..

بس جني طولت :)

بس ولهت ع الكتابه من زمان مو كاتبه ..

^^^^^^^^^^^^^^^^^^^^^^^^^^^^^

أي ع الهامش ..

تهنئة حق حبيب قلبي حبيبي برطومي علاوي الله يحفظه اليوم يكمل سنه ..

يطري علي وامه واهي حامل فيه اقولها شنو شعورج اذا ولدتي ب2-8 تقولي عادي لما ولدت صكها اكتئاب خخخخ ..

واخوي يقول زين خلينا بهاليوم شي حلو :)

المهم عسوري حبيبي كل عام وانت بخير ويارب اشوفك قد الدنيا باالانجاز مو المقاس خخ..

Labels: الكويت, ذكريات, شخبوطة, فضفضة, قراءه, مناسبة |

43 comments

Sunday, August 1, 2010

فطاير فطامي :)

7:36 PM

السلام عليكم ..

واحنا نحوس بالسوق الصيني لفت انتباه اخيتي هالكشك واهو لصاج والكريب ..

طاعوه ماشاءالله شزينها فطامي :)

وهالمشروع حسب ماهو مكتوب ع اللفته انه مشروع شبابي مدعوم من مؤسسة محمد بن راشد ..

قائمة (المنيو باللي متوفر)

هذي لقطة من اعداد طلبنا ونسيت اصور الباجي :\

طلبي : كريب كرافت ...

طلب اخيتي صاج حلو ..

كريب بالشوكلاه لاخيتي الصغيره..

طلب بنت عمي ومرت اخوي :) << ماذقته ..

اللي ضحكني احنا طلبنا وعقب مرت اخوي طلبت عاد لما ذاقته عجبها تقول ليش مايسون عندنا مثله امبلى يسون << اهي ردت ع نفسها .>> بالقهوة الشعيبه ..

خخخخخخخخخ قلت لها هذاك خبز رقاق ..

اهي ماكانت موجوده لما سميت الكريب خبز رقاق فرنسي :p

*رايي فيه:

باختصار لذيذ ماشاءالله :) انا جربت ال3 انواع الاولى وجربت صاج وكريب كلهم حلوين اشتهيته الحين :(

Labels: اكل, دبي, سفر |

44 comments

nivea haus :)

chill out

كل عام وانت بخير ياااااارب :)

Despicable Me طلعه لا ع البال ولا الخاطر :)

1004 مارت :)

الغزو العراقي الغاشم ذكريات و قراءات و تساؤلات و تهنئة :\

فطاير فطامي :)

About Me

ايميل المدونة :)

Labels

Followers

Blog Archive

انستغرام المدونة (roroalk)

follow me

My Blog List

Ads