Saturday, December 12, 2009
لسلام ..
امس رحت فيلم ولاد العم وكنت من زمان ابيه :\

بطولة

كريم عبدالعزيز , منى زكي


النوع

حركي, درامي

مدة الفيلم

125 min



القصة
دور احداث الفيلم حول المخابرات والجاسوسية من خلال أحد ضباط المخابرات المصريين الذين يحاولون استعادة فتاة مصرية، اختطفها جاسوس إسرائيلى بعد أن تزوجته دون أن تعلم هويته.
رايي :
اول شي من العنوان توقعت انهم عيال عم بس واحد مع اسرائيل وال2 مع مصر طلع لا@@
والفيلم عباره عن استخبارات وجواسيس يعني طقني واطقك واحد يكفخ 10 و يطولون يالله يموتون :\
وتوقعته احلى لاني احب تمثيل كريم عبد العزيز ..
وطلعت راسي يعورني :(
دعايته :
****************************************************
وبالطريج كنت اقرا هالكتاب ..

وهو عباره عن مجموعة قصصيه كان محورها الاساسي بندقيه ب9 طلقات عاصرت فترة التهدايدات العراقيه (عبد الكريم قاسم)وانتقلت لتستخدم في الغزو العراقي الغاشم (حسبي الله عليهم) .
كل طلقة تمثل بطولة تمت بها سواء من شاب او فتاة او حتى طفل ممن تعرضوا وعاصروا ابشع الجرائم و رفضوا الهروب .
رايي :
حبيتها فكرتها حلوه تمثل فتره صعبه مرت فيها الكويت مستحيل ننساها .
والله يحفظ الكويت يارب..
************************************************
وعقب ماخلص الفيلم رحت صليت عقب تغدينا بمطعم رايس واهو من اختيار اختي لاني انا اللي اخترت الفيلم فالمطعم دورها تختار:)
المقابلات خبز يابس وزبدة ..


هاللقطة الوحيده للديكور ..
كلشي عليه حبات عيش..



والطلب بصينيه انا كان برياني لحم ومعاه دقوس وسلطة الروب واجار ..
واكثر شي حبيته السلطه ..




واخترت مع طبقي لبن اهو يخيرونكم بينه وبين االمشروبات الغازيه ..



طلب اختي مربين والباجي مثلي بس غير فيه غندور صغير اتوقع صبار واهي سلطتها سلطة الملفوف جنه ..



وعقب يابولنا الحلو المهلبيه ماحبها ولا اختي اهي مو ع كيفنا نختاره ع كيف الشيف خخخ..




وكريم كراميل انا احبه بس طعمه كان عادي..

والحلو طولوا فيه عكس العيش بسرعه وصل..




عقب يابولنا قوري جاي انا مو وايد احبه واهو فيه مروره شوي..


رايي بالمطعم زين مو وااو بس فكرتهم حلو بس حلاته احنا نختار الحلو :)

20 comments:

شاي الضحى said...

سمعت ان الفلم حلو بس ما فكرت اروحله قلت بشتريه واشوفه بالبيت

احب الكتب الي تتكلم عن الكويت والأزمات الي مرت فيها

هالمطعم ما افكر اروح له لان محد امدحه الكل يقول مو حلو ... وديكوراته حلوه عاجبتني :)

والشيف مو بكيفه يختار لووووول بعد زين انكم طلبتوا على كيفكم مو على ذوقه ههههههه

ما احب المحلبيه ولا الكريم كاراميل .. بس هذا الحلو الي عندهم؟


الله يا حلو الجاي يشبهني هههههههه :q


عواااافي


مشكوره :>

المباركية said...

زادة قائمي حق المطااعم
وضفت رايس من ضمنهم
موفقه

made n q8 said...

هالمطعم اسمع فيه بس ما جربته ولا مره

اشتهيت جاي فيه زعفران وهيل :s

رورو الشخبوطه said...

هلا جايونه..

اي حتى انا مادحينه لي بس ماحبيته وايد حسيته عادي :\

اي حتى انا وخصوصا اللي تكون عن الغزو ..

احنا موقعنا ماكان حلو لانه زحمه :\

اي خخ مو حلو هالشي اشكره يجهز جم شغله ع مزاجه ..

لا اعتقد في انواع بعد بس ع كيف الشيف مو تنسين :)

اي خخ ذكرني فيج ..

الله يعافيج يارب ومرسوو..

العفو ولو حياج الله..

رورو الشخبوطه said...

هلا اخوي المباركيه..

وان شاءالله يعجبك ..

اجمعين يارب..

حياك الله..

رورو الشخبوطه said...

هلا مدمد..

خخ نادي مال المطبخ خل يضبطج :p

وحياج الله..

she is me said...

سال لعابي
شكل الصينية وفيها جدر البرياني مع الدقوس .. يميي
^^

بالعافية عليكم

عفره said...

قبل يومين كنت طالعه مننفس الفيلم ومرينا على نفس المطعم بس ناقص الكتااب :P حسييييتج ويانا

رورو الشخبوطه said...

هلا شي ..

لا وي عسى مادمرتي البلوق خخخ اتغشمر معاج ..

الله يعافيج يارب ومشكوره ..

وحياج الله..

رورو الشخبوطه said...

هلا عفره..

عاش من شافج ..

جنه نفس اليوم بعد :)

خخ وناسه :)

وحياج الله..

sn3a said...

حبيت الفلم
لاني ماعرف وايد افلام مصريه اكشن

ورايس وايد احبه
بس ان اشتهيت عيش من صج -لاني نادرا اكل عيش-
اروح جاردن الايراني
جربيه
وعليكم بالعاافيه

رورو الشخبوطه said...

هلا سنعه..

انا رحت له احب افلام كريم عبد العزيز وخصوصا واحد من الناس..

وتوقعت انهم عيال عم فبيصير اكشن اكثر..

ان شاءالله اجربه..

والله يعافيج يارب..

ومشكوره ..

وحياج الله..

R@ngoog@h said...

هلووو :)

انا يديده عليج بس عجبني يور blogg :)

الفلم رحت له بالعيد والله حلو مو شيين بس وايد

يحلمون يحليلهم يعني خيالي شوي ..!!

مصري يدش المخابرات الاسرائيليه عيني عينك ويطلع

سليم اتوقع قويه :)

بس بيني وبينج ؟؟ هم الحلم بشي ايجابي ممكن يوصلنا

للحقيقه " قانون الجذب " :)

وبالنسبه للمطعم رايس لازم اروح له لاني وايد اسمع
فيه بس ماذقته وعليكم بالعافيه وتقبلي مروري :)

رورو الشخبوطه said...

هلا والله رنوقه ..

مرسي وحياج الله..

اهو بالفيلم الظاهر ممنوع الموت خخخ يرميها وعقب فتره موجوده :\

والمصري درب ع قولتهم خضر..

خوش معلومه مشكوره ..

اي اهو يسوى التجربه بس يبيله اختيار صح..

الله يعافيج يارب ومشكوره ..

وحياج الله.

R@ngoog@h said...

هلا والله :)

اييي تصدقييين ؟؟ صاجه والله ممنوع الموت :)

زين قوليلي شنو الاختيار الصح ؟ ناويه اروح له هاليومين انشالله

رورو الشخبوطه said...

اهلين :)

ولكم باك..

اي خخخ ..

انا بس ذقت طبقين مال برياني لحم و مال اختي مربين حبيت مالي اكثر..

واحلى شي باي مطعم انه اللي رايحين كل واحد ياخذ طبق غير خصوصا اذا تجربه يديده عساس تذوقون كل الاصناف وتشوفون اللي يولمكم..

من جذي يبت لج جم تجربه لنفس المطعم..

http://www.q8yat.net/showthread.php?t=375417

http://pinkgirlq8.blogspot.com/2009/03/rice.html

http://www.google.com/search?sourceid=navclient&ie=UTF-8&rlz=1T4TSHB_enKW278KW278&q=%d9%85%d8%b7%d8%b9%d9%85+%d8%b1%d8%a7%d9%8a%d8%b3

وان شاءالله تروحين له ويعجبج..

وبالعافيه مقدما..

خاتون said...

كيــــفيك ؟إن شاء الله منيحة
أنا هالنوع من الأفلام ما أحبه
الكتاب عنوانه حلو و أظن مار علي من قبل
بس بطلت أقرا كتب عن الغزو أكتأب فترة طويلة بعد بس جم قصة فقررت أقاطع هالنوع من القصص وايدأتأثر
أما بالنسبة حق المطعم يبيله تجربه بس أتوقع الريايل أهم اللي يحبون هالنوع من المطاعم لانه فيه تهبيص و حق اللي محرومين من طباخالبيوت بس الفكرة حلوة
دايما ً مميزة و متألقة
ًWell Done
KeEp !t uP
^_*

hanan said...

عليكم بالعافية :)
مااحب الافلام العربية و اصلا ولا مرة شفت فلم عربي خخخ ..

رورو الشخبوطه said...

هلا خاتون ..

الحمدالله بخير دامج بخير..

الاكشن الزايد مي تو مااحبه احب اللي ع كوميدي ورومنسي يعنيي اي نوع من الافلام لازم في كوميديا عساس ويوالمني :)

انا توني بلشت اقرا عنها هذا 2 كتاب عن الغزو اقراه هالفتره وايداثرت فينا والحين ردوا العلاقات :\ هالشي مو حابته انا فابي اي اثبات له خبرج حتى المناهج تغيرت :\

حتى انا اتثر بس احبهم ..

خخ اي اهما يحبون العيش وبالمطعم حاطين طرقالاكل وحاطين صورة ايد يعني بالخمس خخ..

مرسي خيتو :)

وحياج الله..

رورو الشخبوطه said...

هلا حنونه ..

الله يعافيج يارب ومشكوره..

الحلو بالافلام العربيه انه تطول يالله تنزل بديفيدي من جذي اروح السينما وانا متطمنه :)

وفي بعضهم قصصهم قويه :)

وحياج الله خيتو..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads