Wednesday, December 2, 2009
السلام ..
شلونكم..
توني راده من السوق وانا فيني هوس تخمط كريمات للويه والريول الجسم البراطم الايد كل شي صار عندي فائض ع غير سنع يعني الاغلب حتى مره وحده ماستخدمه ماجستهم الا مره اللي للي المحاسب !!
وبخاطري اخمط بعد بس خلاص احس مصختها اذا على سبيل المثال ريولي لها تقريبا 5 كريمات اذا مو اكثر غير السنفرات والجل !!
فقلت لازم احترم نفسي واستخدمهم ولا اشتري الا لما اخلص الشي ..
وببلش كورس عنايه من الحين و بيستمر ان شاءالله بس مؤقت بخليه لي يوم ميلادي عقب شهرين ونص تقريبا ..
الكورس بيكون فيه تقريبا 5 اقسام ضروريه :
1- الجسم..
1- استخدام صابون التونسي .
2- سنفرة للحين التوب مالت بودي شوب افريكان ..
3- صابونة المره والكركم..
4- الجل شور خو لزوم الدلع :)
5- صيانه بناتيه ..
6- بجرب خلطة فازلين والكركم اختي تقول يمدحونها ,,
7- ترطيب دائم ..
2- الويه ::

1- ماسك (بشكل مرتين بالاسبوع من لوكستيان والماسكات العاديه حسب المزاج).
2- عنايه يوميه صباحيه اللي اهي ميلك -تونر-سيروم- مرطب -حماية.
3- عنايه مسائية مثل الصبح بس بدال الحمايه كريم الليل ..
يتضمن عنايه بالشفايف..
1- سنفره.
2- ترطيب .
3- توريد .
*وعنايه بالاسنان :
تعرفون لهم خلطات ؟؟
انا باستخدم غير المعجون ..بودره ..
3- الشعر :

شعري الجميل بنقرض فبلحق عليه ماخذه خلطه من وحده تقول تكثف فبحطها مرتين بالاسبوع ودي اقول ع الاقل بس الصج ع الاكثر ..
واحتمال استخدم خلطه لرموشي مالت اختي ..

4- العنايه بالايد ..

1- سنفره .
2- ترطيب .
عندي سيت مخصص لها من سالي هانسن .. موذاكره شنو اللي فيه بالضبط بس اهما 3 شغلات ..
وبعتني باظافري لانه احب الاظافر الطوال ..


5- الريل ..

1- سنفره.
2- جل.
3- ترطيب..
وهم مثل الايد عند ست مخصص لها ..
طبعا مره باليوم واذا لي خلق اكثر :\

هذا اللي بالي الحين ..
كثر ماقدر بسطته عساس ابلش فيه ..
والله ولي التوفيق ..
طبعا مانستغني عن ارائكم واضافتكم ..
اي وماقلت اسامي المنتجات اللي عندي لاني مو حافظتهم الحين برح ايمعهم و بتاكد منهم ومن فعاليتهم اي شي اجربه باعطيكم خبر..
شجعوني اني ابلش واستمر :)

16 comments:

Engineer A said...

ماشاءالله خوش شي :)

بغيت أسأل من وين تشترون صابونة المره؟؟

وجربي خلطات الشعر وقوليلنا منها فايدة والا لا؟ ..

وحمام الهناااا :)

رورو الشخبوطه said...

هلا Engineer A ..

ان شاءالله اطبقه خخخ..

انا شريتها من بوعابد في معرض لمسات واهما يوصلون لي البيت حاطه عنه ببوست المعرض بس لي الحين ماجربتها ..

اي اي شي بفيدني بقولكم عنه..

ياريتني كنت انا مرسي :)

sweetya said...

السلام عليكم

خوش عنايه بصراحه وانا بشجمعج واعتني معاج ونشوف منو تسبق الثانيه ;)


وصابونه المره تلقونه ترى عند الحواي

رورو الشخبوطه said...

هلا والله سويتيه..

وعليكم السلام والرحمه..

اي جان زين وكل اسبوع نقول لبعض انجازاتنا مره وحده :)

صج مشكوره..

وحياج الله..

My Books & Me said...

والله أنا اللي يبيلي كورس مكثف كريمات!!

كلش ما أهتم بعمري

أصلن كل يوم أحط كريم نيفيا الثقييييييللللللل و لو تشوفيني كل مكان بجسمي لون غير

أيدي اليسار أغمج من اليمين
و بشكل واضح بعد اللي فشلة =/

و ويهي متحفر و منفر

:((((((

إنزين أبي قناع زين شغل اللي على عسل و يصير طبقة على الويه و بعدين أنا أشلعه بروحي مو اللي لازم جنه كريم وأشطفه بالماي ما أحب اللي جذي

Made n Q8 said...

رورو

الله وناسه احب هالسوالف

وان شاء الله تكملين الكورس وتعطينه النتايج السنعه :)

وبالنسبه حق اسنانج مو جنه مره قلتيلي عندج بودره اسمها ايفا .. ليش ماتستخدمينها؟

daloo3a said...

تعيبني هالسوالف بس مب متفيجه ابدا اني اسويها =(

رورو الشخبوطه said...

هلا موم..


يالله معانا نشجع بعض ..

انا ع المزاج ولما التزم التزم بالحذافير ..

وي جربي الصابون التونسي فشه عندها و سنفره سنعه وترطيب اتوقع بتخف المشكله..

اتوقع مع اهتمام من شوي بيتعدل كل شي ..

مي تو احب الماسكات اللي جذي بس ماحصلتها الا بايفون من قبل ..

فالحين اذا مو عادي استخدم اللي جنه ورق اسهل بالشيل ..

وحياج موم..

رورو الشخبوطه said...

هلا مدمد..

اي شجعيني بس لي تشجعت برقص خخخ..

اي ان شاءالله..

اي كتبت اني باستخدمه مع المعجون بس مادري اذا افكار 2 شكلي باستخدم مسواك بعد..

ومرسي مدمد..

رورو الشخبوطه said...

هلا دلوعه..

حتى انا احبها بس مايصير حب قول بدون فعل لازم اعمق اوصار المحبه :)

مو شرط كلهم تسوينهم جربي جم خطوه ..

ومرسي خيتو..

ميمة السبيت said...

** صيانة بناتية ؟ شنو يعني

- حق الشعر جربي فيتامين اسمه " هير فت " وايد زين

- لا تلطخين بشعرج و ويهج اي شي حتى الجسم إلا الشي المضمون لاتاخذين خلطات من احد ديري بالج من هالسوالف

رورو الشخبوطه said...

هلا ميمه ..

احم احم حف وهالسوالف ..

ان شاءالله بدوره انزين الفيتامين مايمتن ؟؟..

اي ان شاءالله بس هذيل البنات مجربينهم ويمدحونهم وخلطات طبيعيه..

مشكوره ميمه..

شاي الضحى said...

لوووول ذكرتيني بايام الجامعه والثانويه لما اخلص فاينلات لازم اسوي ""غسيل وتشحيم"" هههههه

انا كل صيف اسوي كورس تنظيفات الحين ما اقدر برررررررررررد خاصه للجسم بس الشعر لا 24 ساعه حتى رفيجاتي يسموني هنديه من كثر ما احط دهن لازم مع كل سبحه حمام زيت او دهن نادر ما اغسله ناشف

بالنسبه للشعر جربت كل شي للشعر حتى اشياء ما تتوقعينها حطيتها ... واكتشفت انه 90% نفسيه وتغذيه يعني اذا نفسيتج زينه واكلج صحي شعرج يتعدل

انا يتعدل شعري بس بالعطل ماكو شي احاتيه لووول لما ابدي دراسه ينعفس ويحت ويطيييييح وااايد

الحين الحمدلله متعدل وطال ماكو شي احاتيه ههههه

شوفي كل فتره اشتري دهن واستمر عليه وحاليا استخدم ""عجيبه"" من الحواي ووااااايد زين وفي بعد دهن ثاني اخلطه وياه بس ماله اسم اختي راحت الحواي وسوالها خلطه هم زين

وفي خلطه بعد زعفرانه جربتها تقول عجيبه تنعم بسألها اذا فضت واقولج

ومره سويت كورس علاج لمدة شهر خذيت الاشياء من الجوثن نسيت ماركتهم عباره عن انبولات وشامبو وحمام زيت وحمايه قبل الشسوار واااااايد زين عجييب كثر شعري وقام يلمع وزعفرانه استخدمه بنفس الوقت ما نفع معاها

واذا تبين شي يلمع من اول استعمال وعن تجربه ييبي جرجير وطحنيه بالخلاط الكهربائي وحطيه بشعرج بس لازم تلبسين هدوم قديمه لان ما يروح من الهدوم ولفي شعرج بـ 100 نايلون عدل لان حدددده يتتتتتتتتتتتلف بس نتايجه حلوه

واعرف بعد خلطات وايد جربتها مره وحده بس اهما لازم تستمرين عليهم بس الي قلت لج عنهم كلهم جربتهم فتره طويله ونفعوني

ولا تنسين السشوار يحرق الشعر فحطي حمايه قبل او لا تسشورينه اذا ما عندج شي خليه كشه نفسي لووووول

وبالنسبه للأظافر

انا قبل كنت كله اكل اظافري لوووول لما قاموا يعوروني بعدها تبت فشريت شي نفس صبغ الاظافر اسمه فلتيلايزر ""سماد"" عجيب يطول الأظافر ويقويهم انا ما احبهم طوال بس هذا زين ... نسيت من وين خذيته :(

وفي اشياء يبيعونهم بـ "لاش" حماية للأظافر ويمنع التشققات الي تصير دار مدارهم هم مادري شسمه

اما الرجل فغراااااامي شي اسمه تنظيف وسكراب للرجل مادري ليش ههههههه

اكو سنفره ببدي شوب على نعناع كله استخدمها اهما يصيرون سيت كامل كريم وسنفره وجل وشي ترشينه بعد ما تقطين الجوتي وانتي بكرامه عشان مايصير في ريولج ريحه تلقينهم عندهم جنه مافي غيرهم

الريل كافي مره بالاسبوع سنفره وهالسوالف بس الترطيب كل يوم

انشاءالله اكون فدتج ولو بشي بسيط :)

موفقه ببرنامج الانتخابي :q قصدي التنظيفي

رورو الشخبوطه said...

هلا جاي ..

اي خخ ..

انا توني متسبحه واحترمت نفسي ولبست شتوي ولا قبل لاتسبح لابسه قصير وصيفي..

انا شعري وايد يطيح بشكل مو طبيعي ونفسيتي عادي بس نتضايقه من الدوام شوي ..

زين ماشاءالله..

انا ابي شي يقلل التساقط ويكثف الشعر ..

اي ان شاءالله بحاول استمر عليهم ..

انا ماستشوره الا بالمناسبات يعني كل مليون سنه مره ..

انا اظافري ماعندي مشكله فيهم اللي ماشاءالله الناس حسبالهم تركيب بس قلت لازم مدام احبهم اهتم فيهم :)

اظافري غريبين اطلعهم ادور اليلد الميت لقيته بعيد عنهم الظاهر متحاربين خخخ..

خخ اي وناسه للريلاكس..

اي عرفته عليه طبعة ريل مره خذيته بس ما سنمريت فيه..

بجيك ع الست لانه جنه السنفره مالتهم عادي اكثر من يوم لانه خفيفه ..

اي وايد افدتيني..

خخ ..

اجمعين يارب..

مشكوره والله يعطيج العافيه يارب..

العناية بالبشرة said...

حلللللللوة

رورو الشخبوطه said...

حياج الله..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads