Monday, February 1, 2010
يوميات كويتية مندقرة 2

وظيفة جديدة أخوض غمارها هذا اليوم هذه الشركة متطورة مقارنة بوكالة الأنباء فالتقديم كان من خلال الموقع الكتروني لها بالإضافة الإرسال مواعيد الاختبارات عبر البريد الالكتروني والرسائل القصيرة للهاتف النقال .

فبعد عودتي من وكالة الأنباء كان من المقرر علي امتحان في اليوم التالي وتحديدا الساعة السابعة ونصف صباح بالأحمدي لكن لم اذهب وذلك بسبب بعد المكان والوقت المبكر جدا بالإضافة إلى صدمتي من اختبار البارحة.

هذا لا يعني انتهاء المطاف بل يعني هناك أحداث مسترسلة على هذا الأمر ففي أثناء هذه الفترة كانت صديقتي مسافرة مما يعني عدم اجتيازها لامتحان وكالة الأنباء أو امتحان الشركة وعند عودتها اتصلت بهما لتخبرها الشركة بان الامتحانات مستمرة ويمكنها ان تحضر في الغد لاختبار فاتصلت لتخبرني بهذا الأمر .

لم اتصل بهم لأفاجئ بعد عدة أيام برسالة قصيرة أخرى من الشركة فيها موعد آخر لامتحان التخصص(للتوضيح الامتحان الذي لم احضره كان امتحان قدرات و امتحان اللغة الانجليزية)، وقد صادف إن نكون أنا وصديقتي بنفس الاختبار مما شجعني للذهاب كان امتحان سهل وفي مجال تخصصنا بعكس امتحان الوكالة.

بعد انتهائي من الاختبار حاولت الاتصال بهم لكي استفسر عن مدى أمكانية حصولي على موعد آخر لاختبار الذي (فاتني) وكانت نتيجة اتصالي هو عدم الرد ، لم أحاول مجدد وقمت بالتنزه مع صديقتي وفي هذه الأثناء وصلتني رسالة قصيرة لموعد الاختبار الأول الذي لم امتحنه J سعدت كثيرا بهذا الأمر فقلت تباشير العمل خخ..

يوم الموعد حدث أمر غريب إلا واهو تعطل سيارتنا فاستعنت بأخي لنقوم برحله عائلية أنا وأخي وأمي وزوجة أخي (سياحة حشى مو) امتحان والأغرب من هذا الأمر هو إرسال موعد أخر الامتحان التخصص الذي انتهيت منه مسبقا وهذا الأمر أربكني اتصلت بهم ليخبروني انه بالخطأJ

المهم امتحنت امتحان الانجليزي النظام السوال الخطأ يمسح أجابه صح تقريبا بهذه الطريقة و الامتحان عبارة عن مئة سوال مقسم ال4 أقسام مع جهاز كمبيوتر مختبئ تحت الطاولة مما يعني معانة في الامتحان و تكسر رقبتي وبعد الانتهاء انتظرا قليلا لنتقل لامتحان أخر هو امتحان القدرات وهذا الامتحان يعتمد ع الوقت عدد كبير من الأسئلة ووقت قصير وعبارة عن 6 أقسام متنوعة بين أشكال وحروف وكلمات و
أرقام وعمليات تحتاج إلى وقت بالتفكير بالإضافة لقسم مختص بأسئلة لمعرفة شخصية المتقدم.
انتهينا من الاختبارات لننتظر موعد للمقابلة الشخصية جميع هذه الأمور لا تعني القبول.
كانت المقابلة في أول يوم من شهر رمضان الكريم و من حبهم لي أرسلوا رسالتين كل واحد تحمل ساعة مختلف لمقابلة الغد!! احد عيوب الشركة من وجهة نظري هو المواعيد المفاجأة والتي تسبق الامتحان بيوم فقط ..

تأخرت قليلا عن الموعد الأول وذلك بسب ذهاب سائقنا لمنزل أختي بالغلط المهم أنني استطعت الذهاب لفاجأ بالازدحام الشديد وجود الكثير من زملائي بالجامعة
أما عن الوضع في المقابلة كان مريح و سلس فالأسئلة عامة عني وعن تخصصي وعن إمكانياتي وسبب رغبتي في العمل لديهم.

وبعدها انتظرنا شهرين تقريبا ليتم إعلان قبول 700 فقط لأكثر من شركة!! معظم من أبناء موظفي الشركة والآخرين ممن لديهم واسطة.

طبعا محسوبتكم برا الحسبة !!

لدي استفسار برئ لماذا لا يكتبون بالإعلان انه الوظيفة من شروطها وجود واسطة.

واكرر لمن لديه واسطة!!


تعليقي انا رورو حزت لما كتبت السالفة ماكنت رورو بعدي خخخ ..


عقب تقريبا جم شهر صادفت احد دكاتره الجامعه وع السوالف قال لنا انه البترول كانوا طالبين منه يرشحلهم المتفوقين بس اهو ماكان متوقع ان احنا معاهم :\ ولا جان رشحنا اهي اهي خيره ان شاءالله ..
ماراح اطولها عليكم بس باجي جزء 1..

23 comments:

elham bakhour said...

ارزاق ... الوظيفة ما كانت مكتوبه لك ، اما عن التوظيف فحدثي ولا حرج اذا ما عندك
فيتامين واو ( الاسم المعروف عندنا للواسطة ) :) ما رح يمشي حالك ابد ، الا بسئلك شو معنى مندقرة !؟
بانتظار الجزء الثاني كوني بخير.

شاي الضحى said...

شدعوه امتحان من الساعه 7:30

والي عندهم واسطه يمتحنون متى ما اقعدوا من النوم واييهم الامتحان لي باب بيتهم

والي واسطتهم اقوى لا امتحان ولا مقابله على طول مقبولين

لازم تكون عندج شهادة "عضو"

لان الشهاده الجامعه ماعادت تنفع

الي بيتخرجون بعد 10 سنوات مادري شنو بسوون اذا احنه الحين من سيء الى اسوء

المكان الوحيد الي تضمنين تقدمين فيه وتنقبلين اهوا "البنوك" .. رفيجاتي كلهم بنوك بس ولا وحده فيهم مرتاحه كلهم قاعدين يدورون واسطات

ماكو الا انطر لما اصير 30 سنه وارشح نفسي واذا فزت بصير واسطه حق نفسي واتوظف بالمكان الي ابيه لووول

:)

~ Bnat Blogger ~ said...
This comment has been removed by the author.
سمو الأميرهـ ..ツ said...

سبحاان الله ..يمكن اللي صار لج كله خيرره ..


وبعدين ما علييج من اللي عندهم واسطات

ترى عندج أكبر واسطة وهي الله ..

إذا الله كاتب لج تشتغلين فمكاان صدقيني ما شي بيوقف فطريجج
..

وربي يوفقج
..

فانتظااار القاادم :)


***

ع فكرره كل شوي اعلق بحساب البلوووق

الله يهديني ><

BookMark said...

وانرد ونقول
ونعيد ونزيد
الواسطة الواسطة يه مايبيلها كلام!

;(

sweetya said...

وعلى النيات ترزقون

وهم مرات الواسطه تييب فايده ترى

والله يوفقج :)

ba6alah said...

Allah eytamem ely feh el khair inshallah

ميمة السبيت said...

** وااي يالوظيفة لازم تلفين و تحوسين عشان تطيحين بمكان زين ..

و خيرة ماتدرين شالله كاتبلج بهالمكان

بس العنوان حده قوي لووول

Engineer A said...

يلا خيرة مثل ما قلتي

والواسطة مشكلة أزلية متأصلة جذورها في مجتمعنا للأسف :(


بانتظار الجزء 1 :)


موفقة

Sn3a said...

lol
من قريت ستعش امتحان والمسجات فجأه دريت ان البترول

بس ترا هذي سياسه البترول الاولويه حق ابناء العاملين
ولاتحاتين الواسطات

كاني انقبلت بمكان حلو بدون ما ابوي يرفع السماعه او يروح يطلب من العالم خدمه وواسطه

والبترول مرن بالنسبه للاختبارات عشان جذيه تقدرين تقدمين الاختبار مره ثانيه لو طافج
وهالشي لصالحكم مو ضدكم

بس سياسه المسجات والوقت يبيلها تعديل
لان امتحان بو الساعه 7 ونص ما امتحناه الا 9 ونص تخيلي

بس الحمدلله على كل حال وناطرين باجي السلسله

رورو الشخبوطه said...

هلا الهام ..

اي سبحانه مو من نصيبي ..

الله كريم واهو واسطتنا ..

مندقره امم كلمه وكيتيه اقرب لمعنى محبطة او احبطت بس مو نفس معناها بالضبط..

ان شاءالله اليوم انزله..

وحياج الله..

رورو الشخبوطه said...

هلا جايونه ..


لا وبالاحمدي بعد :\

اي والله صاجه بس الله حسيبهم :)

اتمنى يتعدل الوضع ومايتمادون اكثر ..

اي بس ربوين والاسلاميين يدققون حتى بلبسج نعم عسى ماشر وكلهم كراف..

خخ اتوسطيلي عيل واصوت لج وبعد اصير مفتاحج الانتخابي :)

وحياج الله..

رورو الشخبوطه said...

هلا سموو..

اي خيره ان شاءالله..

اي والله ونعم بالله ..

اي الله كريم وبيعوضنا ان شاءالله....

اجمعين يارب جزاج الله خير..

مرسي وحياج الله:)

خخ لا وي عادي..

رورو الشخبوطه said...

هلا بوك..

يبيلها دعوه من قلب حسبي الله ع كل من يجدم اللي عنده واسطة ع الكفاءات ..

وحياج الله..

رورو الشخبوطه said...

هلا سويتي..

الحمدالله نيتي صافيه واتمنى التوفيق للكل الا ملوت الوسطات خخخ..

للاسف صارت اهي فوق القانون ..

واجمعين يارب جزاج الله خير..

رورو الشخبوطه said...

هلا اخوي بطالي..

ومشكور..

رورو الشخبوطه said...

هلا ميمه..

وانتي الصاجه تحوسين وتندقرين وترضين باختيار الديوان ..

اي خيره ان شاءالله ..

خخ انتي اكثر شي عاجبج العنوان :)

وحياج الله..

رورو الشخبوطه said...

هلا انجو ..

اي الحمدالله..

اي الله يزولها يارب..

مرسي..

اجمعين يارب..

رورو الشخبوطه said...

هلا سنعه ..

خخخ اوكي بس اشدعوه اهما يبون 2000 يقبلون 700 ليش !!

اي ماشاءالله الله يهنيج يعتمد ع التخصص ووقت التخرج ..

اي ميزة بس ماننقبل عقب يعني تشحطط وتشنطط ع الفاضي..


اي حده يبلها تضبيط ..

الحمدالله ومرسي..

بو ذياب said...

الاختبارات والمقابلة الشخصية وهالوسالف لذر الرماد في العيون بس ..
المقبولين اساميهم موجوة قبل حتى لا يحطون الاعلانات صدقيني :)
وعموما البترول محتكرة من ثلاث جهات بس

Made n Q8 said...

امتحان 7 ونص@@!

اشكره ما يبونكم خخخ

الله كريم والله يعوضج بالاحسن

رورو الشخبوطه said...

هلا اخوي بو ذياب ..

اي قالولي هالشغله عن كونا ..

واحنا قدمنا ع ابو القبول للمعدلات العاليه :\

من 3و50 وفوق..

والعام كانوا كل الشركات منزله اعلان واحد الظاهر اوفر لهم خخخ ..
ميخالف تقول شنو اهما الجهات ؟؟

ومشكور..

رورو الشخبوطه said...

هلا مدمد ..

لا شكو خخ..

لانه اكثر من امتحان بنفس اليوم واهو يبلش تقريبا 8 ..

اجمعين يارب..

ومشكوره..

About Me

My Photo
رورو الشخبوطه
الكويت, قسم الاعلام:), Kuwait
بنوته كويتيه احب الحياه بالضحك والوناسه والجمعة الحلوه طموحه بس محبطه اكره النفاق والمجامله والتملغ :)
View my complete profile

ايميل المدونة :)

دايركت انستغرام 😁

Followers

Blog Archive

انستغرام المدونة (roroalk)

follow me

My Blog List

Ads